Тројца припадници на навивачката група Комити се приведени при влегување на ракометното дерби помеѓу Еурофарм Пелистер и Вардар, што се одигра вчера во Битола. Уште при влегување во салата тие нападнале полицајци, а претходно дошло до тепачка со ривалската група Чкембари. Подоцна полицијата уапси и еден од навивачите на Еурофарм Пелистер, кој провоцирал тепачка со Комитите.

„На 10.12.2025 во 18:45 часот на влезот во спортската сала „Боро Чурлевски” во Битола, полициски службеници од СВР Битола ги лишија од слобода П.Н.(20), Н.А.(24) и Д.М.(24), сите од Скопје. При влегување на навивачка група од Скопје во спортската сала на ракометен натпревар, бил нарушен јавниот ред и мир, при што тие физички нападнале неколку полициски службеници кои преземале службени дејствија.

Подоцна, во 19:20 часот на влезот во спортската сала, полициски службеници од СВР Битола го лишија од слобода и Н.Ѓ.(34) од Битола затоа што го нарушил јавниот ред и мир со агресивно однесување и повикувал на насилство. По целосно документирање на настаните, против лицата ќе бидат поднесени соодветни поднесоци“ – информира СВР Битола.

На една од снимките на натпреварот може да се види дека девојче од публиката излегува од трибините со раскрвавено лице, наводно, била погодена од монета фрлена од страната каде што седеле Комитите.

На натпреварот во Битола Еурофарм Пелистер го победи Вардар со 28-23 во 16. коло од Суперлигата.

The post 🎥 РАСКРВАВЕНО ДЕВОЈЧЕ, НАПАДНАТИ ПОЛИЦАЈЦИ, УАПСЕНИ 4 ХУЛИГАНИ Комити и Чкембари се истепаа на дербито Пелистер-Вардар appeared first on plusinfo.mk.

Вака министерката за образование Весна Јаневска одговори на реакцијата на ДУИ дека „не треба да се прави проблем од случајот со децата облечени во униформи на УЧК во училиштето во Челопек, исто како што не се правело проблем со децата во скопски Аеродром кои биле облечени во униформи на Комитите“.

• „НИКОЈ НЕ РЕАГИРАШЕ КОГА ДЕЦА ОД АЕРОДРОМ БЕА ОБЛЕЧЕНИ КАКО КОМИТИ“ Партијата на Ахмети не гледа проблем со униформите на УЧК во Челопек

Министерката рече дека восјката на УЧК и амблемите на УЧК за оваа држава не значат ништо.

– Во оваа држава, војната, конфликтот, кој како сака да го нарече, предизвика жртви на сите инволвирани страни. Сите мајки исто плачат, сите мајки исто жалат. Наместо да се потрудиме да го заборавиме тој конфликт, и да ги образуваме децата на она што јас го кажувам, ние малите деца ги учиме на воинственост, на држење оружје, на некакви позиции за стрелање, на нешто што не е поврзано со нашата историја. Ова е наша заедничка земја на сите граѓани кои живеат на оваа територија која се вика Македонија. Во оваа наша заедничка земја ние треба заеднички да ја градиме. Сите треба заеднички да чуваме одговорност кон неа, и љубов, и да имаме идеи за нејзин просперитет за да го подобриме животот на граѓаните. Младите се иднината на секоја земја. Кога ги образуваме децата, ние треба да ги образуваме на базичните човекови вредности, на недискриминација, на соживот, на разбирање, на емпатија. Најмалку што треба да има во училиштата е политика. Децата деца треба да растат во духот на патритоизмот, на традицијата, во почитувањето на вредностите – рече министерката.

УЧЕНИЦИ ОД ЧЕЛОПЕК ОБЛЕЧЕНИ ВО УНИФОРМИ НА УЧК Министерката Јаневска е разочарана и од наставниците и од родителите

The post КОМИТИТЕ ГИ ИМА ВО УЧЕБНИЦИТЕ, А ВОЈСКАТА НА УЧК НЕ ЗНАЧИ НИШТО ЗА МАКЕДОНИЈА Министерката Јаневска одговори на критиките од ДУИ appeared first on plusinfo.mk.

„Но, кога во едно македонско училиште во Аеродром децата носеа униформи на Комитите и изведуваа воени поздрави, немаше никаква реакција. Тогаш, Демократската унија за интеграција не дозволи, како што нема да дозволи, ваквите активности да се злоупотребат за создавање меѓуетнички тензии или поделби во општеството. Во тоа време, сметавме дека е важно децата да не бидат вовлечени во политички и етнички конфликти. Но денес, оваа влада избра да ги напаѓа децата Албанци и нивниот идентитет, отворено демонстрирајќи дискриминација. Ако во минатото покажавме толеранција кон слични активности во духот на соживотот, тоа не ѝ дава право на оваа влада денес да ги казнува Албанците за исти или слични постапки. Бараме министерот за образование веднаш да се повлече од заканите против училиштето во Челопек и да престане со политизација на културните активности на децата. Секој обид за создавање поделби и дискриминација нема да биде толериран. Албанците не се граѓани од втор ред и нема да дозволат нивниот идентитет и национална гордост да бидат омаловажувани.
Демократската унија за интеграција секогаш ќе застане во одбрана на достоинството и правата на Албанците, докажувајќи дека нашиот идентитет не е провокација, туку заедничко богатство за целото наше општество“, објави ДУИ преку соопштение.

КОЈ ГИ НАТЕРА УЧЕНИЦИТЕ ОД ЧЕЛОПЕК ДА ОБЛЕЧАТ УНИФОРМИ НА УЧК? Министерката Јаневска најави постапка за одговорните

УЧЕНИЦИ ОД ЧЕЛОПЕК ОБЛЕЧЕНИ ВО УНИФОРМИ НА УЧК Министерката Јаневска е разочарана и од наставниците и од родителите

The post „НИКОЈ НЕ РЕАГИРАШЕ КОГА ДЕЦА ОД АЕРОДРОМ БЕА ОБЛЕЧЕНИ КАКО КОМИТИ“ Партијата на Ахмети не гледа проблем со униформите на УЧК во Челопек appeared first on plusinfo.mk.

Навивачите на фудбалскиот клуб Вардар, разочарани од сегашната состојба на клубот, организациските проблеми и слабите резултати, решија да преземат акција преку формирање на „Народен фронт за Вардар“. Целта на ова движење е да ја вратат стабилноста и достоинството на еден од најпознатите македонски спортски клубови.

Во изминатите две сезони, поради финансиската криза, клубот беше управуван од навивачите и здружението „35 години Вардарци“. Со нивна поддршка и со помош на неколку општини и компании, Вардар успеа да преживее и се врати во Првата лига по две сезони минати во Втората лига.

По завршувањето на минатата сезона, навивачите беа оптимисти дека новата сопственичка структура предводена од Атилла Бижен Жалили ќе донесе финансиска стабилност и светла иднина за клубот. Сепак, според нив, ситуацијата во Вардар сега е полоша од кога било, а вината ја лоцираат во раководството, кое го предводи Миленко Неделковски. Тие го обвинуваат за лоша кадровска политика и неспособност да води клуб од калибарот на Вардар.

Навивачите истакнуваат дека на почетокот дале поддршка на новата структура, но сега бараат итна промена. Тие апелираат за професионално управување со клубот и бараат инвеститорот да го разреши сегашното раководство.

Како дел од својот протест, навивачите најавуваат масовна мобилизација на натпреварот помеѓу Вардар и ГФК Тиквеш, кој ќе се одигра во среда, 23 октомври, на арената „Тодор Проески“ во Скопје во рамките на осминафиналето од Купот на Македонија. Тие повикуваат сите навивачи, симпатизери и јавноста да се приклучат кон „Народниот фронт“ и да ја поддржат нивната борба за спас на Вардар.

„Без разлика дали сте Комити, Вардарци или симпатизери, сите заедно рамо до рамо на западната трибина! Тука се брани Вардар, тука се брани клубот на народот и нашето црвено-црно!“, се вели во повикот.

The post КОМИТИТЕ ГО КРЕВААТ ГЛАСОТ ПРОТИВ УПРАВАТА Навивачите повикуваат на Народен фронт за Вардар appeared first on plusinfo.mk.

„На сите кои во овој момент раководат со клубот, на стручниот штаб, како и на фудбалерите, јасно им се даде до знаење кои се целите и црвените линии кои не смеат да бидат поминати! Приказната за клубот на народот, крваво ја градеа илјадници луѓе и затоа нема да дозволиме никој да си поигрува со идентитетот на нашата борба. Воедно, упативме целосна поддршка до новиот шеф на стручниот штаб, Срѓан Захариевски и до целиот негов тим. Бараме само едно: БОРБА И САМО БОРБА! За крај, упатуваме апел до сите навивачи на клубот, паузата да ја искористиме за најголема комитска МОБИЛИЗАЦИЈА! Нека пркоси црвено-црното, нека доминира“, се вели во соопштението на „Комити“.

The post 📷 „КОМИТИТЕ“ ГИ ГУШНАА ФУДБАЛЕРИТЕ Вардарци им ветија на навивачите дека лавовски ќе се борат на секој натпревар appeared first on plusinfo.mk.

Не стивнуваат реакциите од македонското дерби Вардар-Пелистер.

Навивачите на битолчани објавија видео кое прикажува какво шоу направиле.

The post 🎥 „ЧКЕМБАРИТЕ“ ПРИРЕДИЈА СПЕКТАКЛ ВО СКОПЈЕ Навивачите од Битола не штедеа на пиротехника appeared first on plusinfo.mk.

Навивачката група на Пелистер, Чкембари, се подготвува за гостувањето кај големите ривали од Скопје.

Во недела на „Градски“ се игра дербито меѓу Вардар и Пелистер, по тој повод битолчани направија и креативно видео и ги пецнаа скопјани.

The post 🎥 ЧКЕМБАРИ СО КОЊИ ТРГНАА НА ДЕРБИТО ВО СКОПЈЕ Навивачите од Битола на уникатен начин им се најавија на Комити appeared first on plusinfo.mk.

Тие заедно ја пееја легендарната песна „Заветна“ на браќата Ѓорѓи и Миле Барбаровски која за прв пат ја пееше Пепи Бафтировски.

Во продолжение погледнете го видеото:

The post 🎥 „САМО ТИ СИ БЕСМРТНА, ЖИВА ВОДА ПОДЗЕМНА“ Бојана Скендеровски и Комитите приредија спектакл во Маџари appeared first on plusinfo.mk.

Комитите сите средства кои ќе ги соберат од гостувањето во Кратово каде Вардар во недела игра против Силекс, ќе ги донираат за помош на членот на навивачката група Чкембари кој во пожар го загуби својот дом.

Претходно навивачката група Чкембари замоли за донации кои ќе му помогнат на нивниот член што побрзо да го обнови својот дом, пред температурите да паднат под нула.

Следате го убавиот гест и дојдете во голем број на натпреварот и Вие, а со тоа ќе помогнете онаму каде е потребно.

The post ЛУТИ РИВАЛИ НА ТРИБИНИТЕ, НО КОГА Е ПОТРЕБНО СИ ПОДАВААТ РАКА Комити донираат за член на Чкембари кој во пожар го загуби својот дом appeared first on plusinfo.mk.

Тие велат дека тоа што го прават двете страни е недозволливо и дека им даваат време од 48 часа пред да ја радикализираат борбата.

„Упатуваме апел до претседателот на советот на Град Скопје, Трајко Славевски и градоначалничката Данела Арсовска, финансиските средства наменети за ФК Вардар, изгласани едногласно уште на 20.07.2023 да бидат доделени веднаш. Немате повеќе време за чекање! Вашата пасивност во однос на ФК Вардар и меѓусебното префрлање на одговорноста, се недозволиви. Никогаш нема да прифатиме, било кој да има таков однос кон клубот на народот. Затоа, упатуваме јасно барање – постапете веднаш! Доколку за 48 часа не постапите и не ја спроведете одлуката, најавуваме радикализација на борбата. Не дозволувајте да бидете запомнети како луѓе кои свесно или несвесно го саботирале клубот на народот. Не дозволувајте повторно да треба да се огласиме по однос на ова прашање“, се вели реакцијата на „Комити“.

Претседателот на Советот на Град Скопје, Трајко Славевски за Плусинфо кусо одговори дека навивачката група „Комити“ непотребно го поврзува неговото име со овој проблем.

– Задолжен за реализација на Буџет на Град Скопје е градоначалникот и администрацијата на Град Скопје. Кај нив барајте го одговорот – ни рече Славески.

Инаку навивачката група се повикува на иницијативата за помош на ФК Вардар која ја поднесе докторот Никола Пановски, но ја подржаа безмалку сите советници и со 34 гласа ја изгласаа иницијативата, со усвоен заклучок со кој се овластува градоначалничката за издвојување на сума на пари за помош и изнаоѓање на најповолниот начин како да се реализира оваа помош.

Пред да дојде точката за помош на Вардар, советниците изгласаа амандман за ребаланс на буџетот за 2023 година, со кој дополнителни 12 милиони денари (200.000 евра) се префрлаат во секторот спорт за поддршка на спортските клубови на територијата на Град Скопје.

Тоа беше втора иницијатива на град Скопје за помош за ФК Вардар, зашто во ноември минатата година имаше иста ваква помош со ребаланс на буџетот, кога беа изгласани 250.000 евра, но тогаш сето тоа не помина во Mинистарството за финансии, па парите практично и не завршија во клупската каса.

Против оваа одлука беше градоначалничката Данела Арсовска, таа оцени дека со оваа помош „ќе се наполнат туѓи џебови или ќе се исплатат извршителите“ и ја повика Финансиската полиција да изврши контрола во клубот.

– Освен што ќе ги наполниме џебовите на приватна фирма и што ќе ги наполниме џебовите на извршители коишто ја имаат блокирано сметката на фудбалскиот клуб, јас не гледам дека нешто друго ќе реализираме. Што ќе исполниме со ова? Сметам дека прво треба да повикаме една акција на Финансиската полиција, сите надлежни институции, да влезат внатре, да видат на кој начин работи и функционира ФК Вардар во изминатата година – истакна Арсовска.

The post КАДЕ СЕ ВЕТЕНИТЕ ПАРИ ЗА ВАРДАР? „Комити“ им дадоа 48 часа на Арсовска и Славески да ги исплатат средствата за клубот appeared first on plusinfo.mk.