Комисијата за спречување и заштита од дискриминација утврди дека градоначалникот на општина Струга, Рамиз Мерко, со своите постапки предизвикал продолжено вознемирување кај жителите на општината. Повод за ова е поставувањето спорна плоча на зградата на училиште изградено во 1934 година, објект кој е заштитен како културно наследство од исклучително значење.

Поставената плоча, испишана на албански јазик, ја глорифицира фашистичката окупација на Струга во 1941 година, од страна на фашистичка Италија и Кралството Албанија. Овој чин предизвика незадоволство и вознемирување кај голем број жители од различни етнички и национални заедници, кои го сметаат за навреда кон споменот на паднатите борци против фашизмот.

Во својот извештај, Комисијата нагласи дека објектот каде е поставена плочата има историско значење, бидејќи од него произлегле многу ученици, меѓу кои и борци на Народноослободителната војна од македонскиот народ и другите заедници од струшкиот регион.

• МУ ГО ОДЗЕДОА ПАСОШОТ НА РАМИЗ МЕРКО Градоначалникот на Струга се соочува со девет судски постапки

Поставувањето на плочата е оценето како сквернавење на антифашистичкиот дух, кој е универзално прифатен и преминува преку етничките и националните граници.

КСЗД препорача итно отстранување на спорната плоча од страна на градоначалникот, јавно извинување за предизвиканото вознемирување и воздржување од идни дискриминаторски дејствија кои можат да поттикнат поделби во заедницата.

Со ова, Комисијата повторно истакна дека антифашистичките вредности се темел на меѓуетничката почит и заедничката историја на сите заедници во земјата.

The post КОМИСИЈА ОДЛУЧИ ДЕКА МЕРКО ГИ ВОЗНЕМИРИЛ СТРУЖАНИ Се бара отстранување на плочата која ја глорифицира фашистичката окупација appeared first on plusinfo.mk.

Ова е мислењето коешто на 16 март го донела Комисијата за спречување и заштита од дискриминација, постапувајќи по претставка од Гордана Јанкуловска поднесена на 22.12.2022 година под број 8-674/1, преку адвокатот Влатко Илиевски, против Управата за извршување санкции.

Комисијата усвоиле и Препорака, во која препорачува Управата за извршување санкции, во соработка со други релевантни органи, во рок од 6 месеци да подготват Акциски план со извори на буџетирање, за адаптирање, реконструкција и конструкција на установи од полуотворен и отворен вид за жени осуденички.

„Препораката е во насока на обезбедување еднакво остварување на правото за прогресирање во установите на казнениот систем на сите осуденици без разлика на нивниот пол“, се вели во овој документ, што го потпишал претседателот на Комисијата за спречување и заштита од дискриминација, Исмаил Камбери.

Ова е тој документ:

Инаку, Гордана Јанкуловска, осудена за случајот „Тенк“, издржува затворска казна во времетраење од 4 години, од 28 септември 2020 година, таа ја издржува казната затвор во времетраење од 4 години, токму во „Идризово“. Таа има издржано речиси две третини од казната. Но, до ден денешен, Јанкуловска нема добиено ниту еден ден отсуство или каква било друга привилегија.

Гордана Јанкулоска и останатите осуденички се оневозможени да ги користат погодностите што му ги овозможува затворскиот систем во Македонија на секое лице кое издржало најмалку една третина од казната: посети надвор од установата до 4 часа, слободен излез од установата до 7 часа, отсуство до 15 дена во текот на годината, целосно или делумно користење на одморот надвор од установата и работно ангажирање надвор од установата.

Плусинфо во пишуваше за дискриминацијата врз Јанкуловска и врз останатите осуденички, во колумна во која авторот Бранко Героски го повика претседателот Стево Пендаровски да ја помилува нашата најпозната затвореничка, со неспорното досие на примерен затвореник и поради нејзината семејна ситуација.

Ова е таа колумна:

Организирам бегство на Гордана Јанкуловска од „Идризово“!

The post ГОРДАНА ЈАНКУЛОВСКА Е ДИСКРИМИНИРАНА ЗАТВОРЕНИЧКА Комисијата за спречување дискриминација утврди дека и таа и другите осуденички ги немаат истите права како и мажите appeared first on plusinfo.mk.