Тој упати допис до премиерот Димитар Ковачевски и до министерот за надворешни работи Бујар Османи, со цел уште во текот на утрешниот ден да се одржи седница на Комисијата за надворешна политика, бидејќи задутре, кога се одржува седницата на Советот на ЕУ, може да биде и предоцна.

„Седницата на Комисијата, заради големиот интерес, предлагам да биде отворена за јавноста, но согласно Деловникот за работа на Собранието на Република Македонија, Вие имате право да побарате истата да има и затворен карактер. Право е на Бугарија да си одлучи да дискутира за темата Македонија во нивното Собрание, но за Владата и за Собранието во Македонија ваквата расправа во претставничкиот дом на граѓаните е уставна и морална обврска, бидејќи се работи за нашата држава“, се вели во дописот од Милошоски.

The post ФРАНЦУСКИОТ ПРЕДЛОГ ИТНО ВО СОБРАНИЕТО Милошоски бара утре да се одржи седница на Комисијата за надворешна политика appeared first on plusinfo.mk.

„Дипломатијата, за жал, често именува дипломати врз основ на личен клиентелизам, наместо врз основ на стручност. Последните примери со генералните конзули во Чикаго и Њујорк се доказ дека одредени кадровски решенија се носеле позади завесата ‘затворена владина седница’, иако не ги исполнувале предвидените законски услови. Затоа министерот Османи треба да даде отчет пред пратениците како претставници на граѓаните“, напиша Милошоски на својот профил на Фејсбук.

„Согласно контролната и надзорна улога на Собранието врз извршната власт, а во врска со некои спорни одлуки за упатување на генерални конзули во дипломатско-конзуларните претставништва на Македонија во Америка го поканувам министерот за надворешни работи Бујар Османи на седница на Комисијата за надворешна политика на која ќе се разговара за почитувањето на законските норми при именувањето на генералните конзули“, пишува во официјалното писмо на Милошоски до Османи.

The post МИЛОШОСКИ ПАК ГО КАНИ ОСМАНИ Се бара министерот да даде отчет за конзулите appeared first on plusinfo.mk.

Претседателот на Комисијата, пратеникот од ВМРО-ДПМНЕ, Антонио Милошоски, упати критика дека не може да се изградат заеднички позиции ако Владата не сака да ги сподели информациите. Но, Османи одговори дека во пакетот на политички прашања, дел се во фаза на размена на идеи, нон-пејпери. Во првиот момент кога тие работни верзии ќе станат прифатливи за двете страни, пред да се одобрат или да се стават во функција, писмено ќе бидат доставени и до оваа Комисија и до пратениците

Османи самоуверено ги покани пратениците кога сакаат да дојдат во МНР, тој таму да им ги презентира одговорите кои ги доставила македонската страна, што предизвика бурна реакција од пратениците од ВМРО-ДПМНЕ.

– Уставниот систем во Македонија е министри да доаѓаат во Собранието, не пратеници да одат кај министрите. Не го потценувам, но никој од нас не се чувствува во таква состојба како Кастриот Реџепи да доаѓа кај вас – му возврати Милошоски.

Јазикот и другите идентитетски атрибути се прашања кои произлегуваат од правото на самоопределување на секој човек, на секој народ, на секоја етничка заедница, на секоја држава и тоа е неприкосновено право посилно од кое било друго право. За овие прашање ниту сме преговарале, ниту имаме право да преговараме, нагласи Османи.

Тој истакна дека преку еден аргументиран пристап, успеале да покажат дека тезите за негирање на идентитетот на Македонците, како „еден народ во две држави“, не одговараат на современите цивилизациски вредности. Според него, во последно време почнала да се шири „една блага хистерија дека за вакви чувствителни прашања можни се ад-хок решенија“.

– Сакам да порачам дека државниот тим целосно се води од позициите дека секое прашања поминува низ неколку филтри – прво тука се експертите и дипломатите во МНР, професионалци кои со овие прашања се занимаваат во дипломатијата, независно од која било политичка власт во државата. Тоа се истите луѓе со кои работеле и моите претходници, меѓу кои и сегашниот претседател на комисијава, Антонио Милошоски, кога тој беше министер. Потоа тука е и владата, каде што одлуките ги носиме заеднички, а секако на крајот и е оваа Комисија, Собранието воопшто, на крајот и граѓаните – рече Османи.

Пратеничката Ана Лашкоска го обвини Османи за „надмениот и арогантен пристап“ и го потсети дека ако сметате дека јавноста не треба да ги знае овие документи, пратениците имаат безбедносни сертификати и министерот документите може да ги сподели на затворена седница.

Погледнете го целото обраќање на министерот Бујар Османи:

The post ЗА ИДЕНТИТЕТОТ НЕ ПРЕГОВАРАМЕ, ДОКУМЕНТИ НЕ ДАВАМ Османи реферираше во парламентот, опозицијата незадоволна appeared first on plusinfo.mk.

– Ќе ги вложам сите напори да ја прекинам тековната дипломатска офанзива за во среда на неколку часа да бидам во Скопје за да се обратам пред пратениците и членовите на Комисијата за надворешна политика во Собранието. Очекувам најмалку со иста ревносност претседателот на Комисијата, Антонио Милошоски, да ја закаже и седницата на која ќе ги претстават тезите и избраните амбасадори, со што ќе се отвори патот за нивно упатување во земјите на покривање – напиша Османи во постот.

Пратеникот на ВМРО-ДПМНЕ и претседател на Комисијата за надворешна политика Антонио Милошоски денеска исто така на фејсбук соопшти дека за среда во 15.00 часот ќе закаже седница на Комисијата и ќе го повика министерот Османи да ги претстави предлог Акцискиот план и предлог-патоказот за кои премиерот Зоран Заев и специјалниот пратеник Владо Бучковски преговараат со Софија.

The post Османи до Милошоски: Ќе ја прекинам дипломатската офанзива во среда да бидам во Скопје appeared first on plusinfo.mk.

The post Милошоски закажа седница, ги уверува министрите да не се плашат да дојдат appeared first on plusinfo.mk.