Провизиите кои ги плаќале владите на СДСМ и на ДУИ за задолжувањата преку еврообврзници се од 12 до 20 пати повисоки од адвокатската провизија која ќе ја платиме за половина милијарда кредит, изјави денеска премиерот Христијан Мицкоски, запрашан дали е висока провизијата за правните услуги за унгарскиот кредит.

– Вчера реков дека провизијата за половина милијарда евра изнесува 0,4 % од износот, но вистинскиот процент на адвокатската провизија е некаде отприлика 0,014%. Направив анализа колку плаќале претходните влади за задолжувањето преку  еврообврзниците. Таа провизија тие што ја плаќале е од 12 до 20 пати повисока од оваа – рече Мицкоски.

Тој рече дека ваквите провизии се стандардни за земање заеми.

Мицкоски информира дека добил информација дека претседателката на собраниската Комисија за финансирање и буџет Сања Лукаревска нема да го стави на дневен ред на денешната седница предлог законот за задолжувањето од 500 милиони евра, бидејќи така се договориле во СДСМ.

– Деловникот е јасен. Има период до кога треба да се стави на дневен ред и сѐ што треба да се прави ќе се прави. Опозицијата (СДСМ, ДУИ и Левица) ќе се обиде, дури мислам, и на недемократски начин да ја опструира работата на Комисијата. Но, наша задача е да го зачуваме достоинството на институцијата и да обезбедиме средства за развој за општините и на компаниите. Вистинската намера на опозицијата е стравот, бидејќи ако овие средства се вложат на начин на кој планираме да ги реализираме, ние ќе имаме политички бенефит од сето ова и на тој начин преку реализација на проектите во општините и на компаниите државата ќе тргне напред. Тоа е вистинската причина, а не провизијата, која како што реков, е од 12 до 20 пати пониска од онаа со која тие се задолжувале – рече Мицкоски.

The post ОПОЗИЦИЈАТА ЌЕ ГО КОЧИ ЗАДОЛЖУВАЊЕТО ОД УНГАРИЈА Лукаревска не го ставила на дневен ред appeared first on plusinfo.mk.

-Вкупните расходи се планирани на 272,4 милијарди денари или 35,2 отсто од БДП, додека вкупните приходи се планираат на 238,9 милијарди денари или 30,9 отсто од БДП, при што дефицитот се планира на ниво од 33,5 милијарди денари или 4,3 проценти од БДП, кои единствено ќе се користат за поддршка на позначителниот дел од капиталните инвестиции кои изнесуваат 37,8 милијарди денари, а остатокот ќе се финансира од сопствени приходи – рече Бесими.

Вкупните приходи на Предлог-Буџетот за 2022 година, соопшти Бесими, се планирани на 238,9 милијарди денари и се за 7,4 отсто повисоки од проценетите приходи годинава.

– Само кај даночните приходи за 2022 година кои се планирани во износ од околу 136,5 милијарди денари има зголемување за 10,2 отсто во однос на 2021 година, а при тоа сакам да истакнам дека имаме воведено втора повластена стапка од 10 проценти и повластена стапка на ДДВ за електричната енергија за домаќинствата. Главната цел на даночната политика е обезбедување одржлив економски раст и развој притоа обезбедувајќи правна сигурност за даночните обврзници и редовна наплата на јавните приходи – рече Бесими.

Бесими рече дека буџетот е развоен, а тоа се гледа и од планираните капитални инвестиции.

-Развојната компонента на Буџетот се гледа преку зголемените средства за капитални расходи за околу 27 отсто во однос на 2021 година или 8 милијарди денари повеќе се предвидени во 2022 година за капитални проекти. Капиталните расходи следната година се планираат на ниво од околу 37,8 милијарди денари. Ќе бидат наменети за интензивирање на реализацијата на инфраструктурните проекти, односно за инвестициски вложувања во патната и железничката инфраструктура, енергетската и комуналната инфраструктура, како и капитални инвестиции за подобрување на условите во здравствениот, образовниот и социјалниот систем, земјоделството, културата, спортот, заштитата на животната средина и правосудството – рече Бесими.

The post КАКВА ОЦЕНКА ЌЕ МУ ДАДАТ ПРАТЕНИЦИТЕ НА БУЏЕТОТ? Бесими го претстави предлог буџетот на Кимисијата за буџет appeared first on plusinfo.mk.