Халеевата комета почесто се појавува од Венко Филипче во Собранието – рече пратеникот од ВМРО-ДПМНЕ Љупчо Пренџов, во обраќање кон опозицијата од собраниската говорница.

– Филипче се однесува како Халеевата комета – на 77 дена доаѓа еднаш на работа, овдека во Собранието. Само него и Али Ахмети ги нема во Собраниево. И не можеме ние да молчиме, а тој, наместо да дојде на Комисијата за финансирање и буџет, на оваа говорница, пред народ од којшто зема плата, да ви држи прес-конференции трета година по ред од Бихаќка. И не може да реагирате процедурално зошто ние не смееме овде да го споменеме името на неговото величество Венко Филипче – рече Пренџов.

The post 🎥 ХАЛЕЕВАТА КОМЕТА ПОЧЕСТО СЕ ПОЈАВУВА ОД ВЕНКО ФИЛИПЧЕ ВО СОБРАНИЕТО! Претеникот Пренџов го повика лидерот на опозицијата да си доаѓа на работа appeared first on plusinfo.mk.

Постапувањето на претседателот на Собранието, Африм Гаши, е целосно во согласност со Деловникот на Собранието на Република Северна Македонија и во рамки на неговите уставни и деловнички надлежности, соопшти Кабинетот на претседателот на Собранието во врска со обвинувањата од претседателот на СДСМ, Венко Филипче дека Гаши го прекршил Деловникот.

Од Кабинетот на Гаши соопштија дека на 18 мај 2026 година, врз основа на член 126 став 2 од Деловникот, претседателката на Комисијата за финансирање и буџет ја свикала 64 седница на Комисијата за 19 мај 2026 година, со почеток во 11:30 часот. Седницата започнала на 19 мај 2026 година и по утврдувањето на дневниот ред била прекината.

„Имајќи ги предвид роковите утврдени во член 176 став 2 и член 181 став 1 од Деловникот, повеќе од една третина од членовите на Комисијата, согласно 126 став 2, на 20 мај 2026 година доставија барање до претседателката на Комисијата за продолжување на седницата во деловнички утврдените рокови, но продолжението на седницата не беше свикано. Поради тоа, на 20 мај 2026 година, група пратеници до претседателот на Собранието доставија барање за свикување продолжение на 64 седница на Комисијата за финансирање и буџет, поради непостапувањето на претседателката на Комисијата по доставеното барање за продолжување на седницата. Со цел одржување на седницата во роковите утврдени во Деловникот, а согласно член 126 став 3 од Деловникот, претседателот на Собранието на 21 мај 2026 година го свика Првото продолжение на 64 седница на Комисијата за финансирање и буџет. Оттука, станува збор за постапување кое не претставува политичка волја или произволна интервенција, туку исклучиво примена на јасно утврдени деловнички одредби, со цел обезбедување на функционалноста на Собранието и почитување на роковите предвидени во парламентарната процедура“, се наведува во образложението од Кабинетот на Гаши.

Оттаму сметаат дека Собранието не смее да биде предмет на дневно-политички конструкции и неосновани обвинувања чија единствена цел е создавање политичка тензија и медиумска конфронтација.

Претседателот на Собранието, се наведува во соопштението, останува посветен на принципите на институционалност, правна сигурност и доследно почитување на Деловникот, без селективност и без политички калкулации.

The post ГАШИ НЕ ГО ПРЕКРШИЛ ДЕЛОВНИКОТ Ја свикал Комисијата за финансирање за да се испочитуваат роковите appeared first on plusinfo.mk.

СДСМ нема да учествува во работата на Комисијата за финансирање и буџет бидејќи се свесни дека немаат аргументи со кои би ги поткрепиле сопствените тврдења, реагира пратеникот на ВМРО-ДПМНЕ Бојан Стојаноски откако опозициската партија соопшти дека се повлекува од работата во Комисијата во време кога треба да се направи ребаланс на Буџетот.

– Што е важно за македонската јавност во однос на овој финансиски пакет? Прво, станува збор за најповолни можни услови кои во моментов се достапни на пазарот, и убедливо најповолни услови што некоја земја од регионот ги има обезбедено. Второ, со овие средства ќе продолжи интензивната реализација на капиталните инвестиции. Според податоците на Државниот завод за статистика, секторот градежништво бележи двоцифрен раст во повеќе квартали. Понатаму, ќе продолжи растот на бруто-домашниот производ, веќе шест квартали по ред имаме раст од околу 3,5%, што е значаен економски континуитет. Со овие средства ќе се финансираат: повисоки плати, повисоки пензии, изградба на три автопати, брза железница и реконструкција на постојните пруги, нови болници и училишта, како и продолжување на реализацијата на над 1200 капитални проекти низ државата. Но, она што е можеби најважно, и што претставува крунски доказ зошто СДСМ денес не учествува во расправата, е фактот дека дел од овие средства се наменети за отплата на еврообврзница земена во 2020 година, која доспева за плаќање во јуни – рече Стојаноски.

Тој нагласува дека однесувањето на кое сведочеле во изминатите денови, а особено денес, е бегање од дебата и јасен показател дека на СДСМ не може да му се верува.

– Она што можам да го заклучам е дека аргументите кои неколку дена ги слушаме во јавноста, паѓаат еден по еден. Прво, се тврдеше дека во сала 4 нема просторни услови, односно нема каде да се седне, обезбедивме место. Потоа, се тврдеше дека заемот е ставен како втора точка на дневен ред, ја ставивме како прва точка. И кога дојде моментот тие аргументи да се соочат таму каде што им е местото, во Собранието, СДСМ одлучи да го направи она што го прави со месеци и години наназад: да избега од дебата – потсети тој.

The post ПРВО ИМ ФАЛЕШЕ СТОЛЧЕ, ПОСЛЕ ИМ ЗАФАЛИЈА АРГУМЕНТИ После неколку банални изговори СДСМ избега од дебата за буџетот appeared first on plusinfo.mk.

СДСМ се повлекува од Комисијата за финансирање и буџет, соопшти денеска лидерот на партијата Венко Филипче.

Тој најави кривична пријава и интерпелација за претседателот на Собранието Африм Гаши бидејќи задолжил друг пратеник да ја води Комисијата со која претседателствува Сања Лукаревска од СДСМ.

– Нашата пратеничка група нема да учествува во ова брутално, секојдневно задолжување на земјата за огромни суми, стотици милиони евра, милијарди евра пари, кои не одат никаде, освен строго контролирано во партиските фирми преку тендерските постапки. Ние нема да учествуваме во комисиската расправа на оваа тема и целосно се повлекуваме од неа. Дополнително, сакам да укажам на уште еден скандал. Скандал кој не е нов и кој претседателот на Собранието веќе континуирано го спроведува, а тоа е дека, кршејќи го Деловникот, закажува состанок на Комисијата за финансирање и буџет, комисија што ја води нашата пратеничка Сања Лукаревска, и покрај тоа што таа е тука и не е отсутна, а Деловникот тоа не го дозволува. Кога пратеникот е тука, тој задолжува друг пратеник да ја води оваа комисија – рече Филипче на прес конференција.

Филипче рече дека вкупниот долг на земјава од 8,5 милијарди евра во 2024 година, сега е близу 11 милијарди евра.

The post СДСМ СЕ ПОВЛЕЧЕ ОД КОМИСИЈАТА ЗА ФИНАНСИРАЊЕ И БУЏЕТ Филипче најави кривична за Гаши бидејќи закажал седница без Лукаревска appeared first on plusinfo.mk.

ВМРО-ДПМНЕ заедно со пратениците од коалицијата, до претседателот Африм Гаши и до Сања Лукаревска испратиле две писма, потпишани од 12 пратеници, значајно поголема бројка од потребната една третина за одржување седница на Комисијата за финансирање и буџет.

– Пратеничката група на ВМРО-ДПМНЕ нема да дозволи СДСМ и Венко Филипче да го држат Собранието во заложништво, а со тоа да ги стават во прашање инвестициите и развојот. Ако продолжат со неодговорното однесување, наша должноста кон граѓаните и државата ќе биде да ги употребиме деловничките алатки за да ја деблокираме работата на комисијата – рече пратеникот на ВМРО-ДПМНЕ Бојан Стојаноски, кој денеск аповторо се осврна на баналните изговори за блокирањето на собраниската Комисија за финансирање и буџет.

– Доколку навистина им е важен интересот на граѓаните и реализација на проектите што значат развој на државата, СДСМ треба без одлагање да ја закажат Комисијата за финансирање и буџет. Наместо блокади и политички акробации, потребна е одговорност и поддршка за процесите што обезбедуваат инвестиции, економски раст и подобар животен стандард за секого. Граѓаните очекуваат решенија, а не бегање од соочување со аргументи. Средства за повисоките примања во образованието, здравството и јавниот сектор, за капитални инвестиции, за сервисирање на обврските и задолжувањата што токму СДСМ ги натрупа. Ништо од ова не смее да чека! – рече Стојаноски.

Тој додаде дека промените на Собранискиот деловник кои заеднички ги направиле, не дозволуваат вакви неодговорни блокади, мотивирани исклучиво од дневно-политички игри.

– На СДСМ им е јасно правилото, дека ако најмалку една третина од членовите бараат заседание на комисијата, тоа мора да се случи. Оваа постапка не им остава простор на СДСМ за самоволие – рече Стојаноски.

The post НЕМА ПРОСТОР ЗА САМОВОЛИЕ НА СДСМ ВО КОМИСИЈАТА ЗА БУЏЕТ Пратениците од ВМРО-ДПМНЕ испратиле 2 писма за да ја одблокираат работата appeared first on plusinfo.mk.

Пратеникот од ВМРО-ДПМНЕ Бојан Стојаноски ги повика СДСМ и Венко Филипче да покажат одговорност и да овозможат институциите да работат откако ја обвини опозицијата дека со банални оправдувања денеска не дозволила да почне со работа Комисијата за финансирање и буџет.

– Денес повторно сведочиме на неодговорен и неодржлив пристап од страна на СДСМ, Венко Филипче и целокупната опозиција со банални оправдувања дека немало место каде да седнат и слични изговори, само за да не започнеме со работа на Комисијата за финансирање и буџет. Со денови Венко, СДСМ и целата опозиција го проблематизираат заемот, па кога побаравме да биде прва точка на дневен ред и веднаш да ги соочиме аргументите – тие избегаа од соочувањето – рече Стоајноски.

Тој потстува дека на Комисијата за финансирање и буџет се наоѓаат точки кои се директно поврзани со функционирањето на државата, обезбедување средства за реализација на обврските преземени со колективните договори, како и продолжување на капиталните инвестиции. Станува збор за средства со кои треба да се обезбеди навремена исплата и реализација на политики важни за граѓаните — повисоки примања во образованието, здравството и јавниот сектор, изградба и реконструкција на инфраструктура, училишта, болници и други проекти.

– Наместо аргументирана дебата, сведочиме на обид за блокада на работата на Комисијата и кочење на процеси кои се во интерес на граѓаните и државата. За потсетување на јавноста, Владата на ВМРО-ДПМНЕ само по основ на еврообврзници кои ги има земено СДСМ треба да врати вкупно 2,4 милијарди евра. За 2026 година вкупниот долг што треба да го сервисира државата е во износ од 2,4 милијарди евра – рече Стојаноски и нагласи дека пратеничката група на ВМРО-ДПМНЕ и коалицијата нема да дозволи политички калкулации и дневнополитички интереси да го загрозат функционирањето на државата и реализацијата на проектите кои се важни за граѓаните и ќе ги преземе сѐ што е во рамките на Деловникот и законите во интерес на државата.

The post СО ИЗГОВОР ДЕКА НЕМАЛО КАДЕ ДА СЕДНАТ ЈА БЛОКИРАЛЕ КОМИСИЈАТА ЗА БУЏЕТОТ Стојаноски го повика СДСМ да не бега од дебата appeared first on plusinfo.mk.

За реконструкција на студентските домови Владата има обезбедено 30 милиони евра и таа ќе се одвива во три фази, така што до крајот на мандатот сите домови ќе целосно реконструирани, рече пратеникот на ВМРО-ДПМНЕ Бојан Стојаноски на денешната собраниска седница на Комисијата за финансирање и буџет.

Тој се осврна на амандман на Левица за студентските домови, како и на коментари на претставници на Левица на социјалните мрежи за состојбата со студентското сместување.

– Двата дома, коишто сте ги напишале на ваков амандман и тоа што го барате апсолутно се реконструираат. До сега Владата има обезбедено 30 милиони евра за реконструкција на студентски домови. Заради добрата работа во реконструкцијата доби грант од 5 милиони евра од германската банка за развој, а во три фази ќе се реконструираат сите студентски домови. Секоја фаза чини по 17 милиони евра и до крајот на мандатот сите студентски домови ќе бидат реконструирани. Понатаму, во Штип, затоа што тука е напишан и градот Штип, ќе се гради нов медицински факултет и паралелно со тоа ќе се изгради и комплетно нов студентски дом – рече Стојаноски.

Тој рече така реагираат и така реализираат сериозни политичари кои ги решаваат проблемите на граѓаните, а не како пратениците на Левица, кои како единствена работна активност го сфаќаат коментирањето по социјалните медиуми како Фејсбук и Инстаграм.

The post ЗА СТУДЕНТСКИТЕ ДОМОВИ СЕ ОБЕЗБЕДЕНИ 30 МИЛИОНИ ЕВРА ОД БУЏЕТОТ До крајот на мандатот на оваа влада сите ќе бидат реконструирани appeared first on plusinfo.mk.

Во текот на наредните десетина денови Комисијата за финансирање и буџет ќе го разгледува првиот Буџет на новата Влада предводена од ВМРО-ДПМНЕ. Во текот на овие неколку месеци направивме огромни напори да ја консолидираме државата со оглед на состојбата која ја затекнавме во делот на инфраструктурата, здравството, енергетиката, безбедноста, јавната администрација и буквално секој еден сегмент од централната власт, изјави пратеникот на ВМРО-ДПМНЕ Бојан Стојановски на прес-конференција во Собранието..

Со Буџетот се предвидени значителни средства за покачување на плати во вкупен износ од 10 милијарди денари повeќе отколку во 2024 година, а особено кај помошниот здравствен персонал, кај образованието во сите степени, од основно до високо образование, но пред се почитувајќи ги преземените обврски согласно потпишаните колективни договори. Покрај зголемувањето на платите, со буџетот е предвидено и второто зголемување на пензиите за над 330.000 пензионери во износ од 2.500 денари, почнувајќи од март.  Со ова се исполнува предизборното ветување за раст на пензиите за 5.000 денари линеарно за секој пензионер во првата година од мандатот.

– Со Буџетот за 2025 година издвоени се рекорден износ за капитални инвестиции, а Македонија ќе биде претворена во градилиште. Ќе реализираме огромни инфраструктурни проекти во патна и енергетска инфраструктура, но и ќе дадеме нови 250 милиони евра за општините, за граѓаните одблиску да ги видат придобивките. Секако, предвидовме и поддршка за домашниот приватен сектор, со вбризгување на 250 милиони евра по најповолни услови. Со овие средства се очекува трансформација на приватниот сектор и драстично зголемување на конкурентноста и продуктивноста што ќе доведе до подобар пласман на македонските производи на странските пазари – изјави Стојановски.

Објаснувајќи ги макроекономските проекции кои се очекува да се остварат во текот на идната година, ВМРО-ДПМНЕ става акцент на трите точки што ги образложи пратеникот Стојановски:

1. Нема веќе двоцифрена стапка на инфлација. Ова прашање беше актуелно во изминатите три години и многумина домаќинства драстично беа осиромашени од секојдневното покачување на цените. Во 2025 година се враќаме на нормални стапки. Според проекциите, инфлацијата ќе биде на ниво од 2,2%, пред се како резултат на стабилизирањето на цените на основните прехранбени производи. Ќе воведеме новогодишен пакет на прехранбени производи, а според најавите од Владата, ќе има такви мерки и во други различни периоди од годината.

2. Забрзување на економскиот раст на економијата е од суштинско значење. Владеењето на СДСМ беше одбележано со низок раст од 1,6%, период во кој нашите соседи остварија двојно повисоки стапки на раст. Ќе работиме напорно за да ја раздвижиме македонската економија. Во 2025 година економскиот раст се очекува да биде 3,7% во услови на значителен раст на инвестиции во јавниот и приватниот сектор, солидно зголемување на потрошувачката и закрепнување на надворешната побарувачка.

3. Стапката на невработеност паѓа и прашање на време е кога во текот на овој мандат ќе биде под 10%. Предвидувањата се дека во 2025 година ќе има раст на бројот на вработени како резултат на зголемување на капацитетот на постојните и прилив на нови странски инвестиции, активни мерки и програми за вработување, како и поддршката за домашните фирми за отворање на нови работни места.

– Во текот на следните денови ќе ги вкрстиме аргументите со опозицијата за тоа што се предвидува со Буџетот за 2025 година и зошто кога тие беа до вчера на власт не ги спроведоа работите што сега амандмански ги бараат. Во опозициските редови има десетина министри кои можеа во изминатите години да направат нешто за доброто на сите нас, но тие избраа криминал, корупција и лично богатење и затоа се таму каде што ги пратија граѓаните, во опозиција – заклучи пратеникот Стојановски на почетокот на расправата во матичната собраниска комисија.

The post МАКЕДОНИЈА ЌЕ СТАНЕ ГРАДИЛИШТЕ, А ПЛАТИТЕ И ПЕНЗИИТЕ ЌЕ РАСТАТ Власта и опозицијата ги вкрстија копјата во битката за Буџетот appeared first on plusinfo.mk.

Седницата на комисијата за финансирање и буџет беше свикана од претседателот на Собранието, Африм Гаши, откако претседателката на комисија Сања Лукаревска вчера одби да ја свика седницата, во обид да издејствува законот да се повлече од скратена постапка и да се носи во редовна, со јавна расправа.

-СДСМ во текот на изминатите денови покажа недржавничко однесување обидувајки се да спречи изградба на нови градинки, училишта, игралишта, катни гаражи, улици и други бројни инфраструктурни проекти. Проектот за 250 милиони евра за општините годишно е одобрен од граѓаните на избори, а опозициската СДСМ во паника и уплав продолжува да работи против интересот на граѓаните, како до сега – рече Стојаноски.

Тој рече и дека СДСМ нема никаков кредибилитет да зборува за задолжување затоа што тоа е партијата која јавниот долг го зголеми до рекордни 9 милијарди евра и над 60% од БДП.

-Ваквата алармантна состојба со јавниот долг допринесе за каматната стапка на последната еврообврзница што ја зема двоецот СДСМ ДУИ во 2023та година да достигне високи 6,25 т.е. речиси 100% повеќе отколку заемот кој денес сакаа да го спречат – рече Стојаноски.

Тој на седницата на комисијата со која преседаваше рече дека опозициските пратеници можеа да ги кажат на седницата своите аргументи.

– Секој можеше во свои аргументи да дојде и да каже што има на седница. Тука можевме да дебатираме и по 24 часа. Но место тоа, овде во салава ги има само пратениците од ВМРО, ВЛЕМ и од ЗНАМ, а има нула пратеници од СДСМ, Левица, ДУИ. Зошто нема ниту еден амандман ако законов не чини?, праша Стојаноски.

На седницата заменик- министерот за финансии Николче Јанкуловски  уште еднаш повтори дека  заемот е  од 500 милиони евра и ќе се повлече одеднаш. Рокот за отплата е 15 години со вклучен грејс-период од 3 години. Каматата е фиксна 3,25 проценти, а провизијата за правни услуги е 70.000 евра.

– Оваа провизија е и 10 пати пониска од претходно што се плаќало. На пример, за еврообврзницата во 2023 година провизијата беше 900.000 евра, а во 2021 година беше 1,2 милиони евра – рече Јанкуловски.

На собраниската седница зборуваше и координаторот на пратеничката група Никола Мицевски кој образложи дека во соодетниот рок претседателката на Комисијата за финансирање Сања Лукаревска од СДСМ не сакала да закаже седница за заемот и претседателот на Собранието врз основа на член 126 став 3 од Деловникот го закажал ова заседание.

Мицевски ја обвини опозицијата дека сака да ја блокира работата на Собранието.

СДСМ свој став за неприсуството на седницата најави дека ќе го објави преку соопштение.

Собраниската комисија за финансирање и буџет е првиот филтер каде што поминува законот што се носи во скратена постапка.

Собраниската седница на која треба да се гласа за заемот се очекува да се одржи во вторник следната недела.

The post ПРОПАДНА ОБИДОТ НА СДСМ ДА ГО БЛОКИРА ЗАЕМОТ ОД 500 МИЛИОНИ ЕВРА ОД УНГАРИЈА Комисијата за финансирање и буџет даде зелено светло за законот appeared first on plusinfo.mk.

За денеска во 10 часот е закажана седницата на собраниската Комисија за финансирање и буџет на која треба да се разгледа Предлог-законот за заем од половина милијарда евра од унгарската влада, кој се носи по скратена постапка.

Седницата ја закажа претседателот на Собранието Африм Гаши откако беше објавено дека претседателката на Комисијата Сања Лукаревска нема да закаже седница бидејќи законот се носи по скратена постапка.

Со денешната седница треба да претседава пратеникот од ВМРО-ДПМНЕ Бојан Стојановски.

СДСМ вчера побараа да се повлече законот и тој да се носи во редовна постапка, како и да се организира дебата со вклучување на експертската јавност. Предлог законот, како што изјави вчера лидерот на СДСМ Венко Филипче, е коруптивен и земјата се става во должничко и политичко заложништво кон Унгарија.

Според премиерот Христијан Мицкоски, се работи за законско решение со кое ќе се обезбедат средства што ќе се наменат за стопанството и за општините. На прес-конференција во средата, Мицкоски рече дека во законското решение е содржано сето она што претходно било кажано за заемот, односно дека заемот ќе биде со каматна стапка од 3,25 проценти, три години грејс период и 12 години рок на отплата.

Предлог законот за заемот од Унгарија на 3 септември помина на владина седница.

Откако законот ќе помине во Собрание, министерката за финансии Гордана Димитриеска – Кочоска ќе отпатува во Унгарија, каде треба да го потпише договорот.

Заемот од Унгарија беше договорен за време на посетата на премиерот Мицкоски на Вашингтон, каде се сретна со унгарскиот премиер Виктор Орбан.

The post ШТОМ НЕ САКА ЛУКАРЕВСКА, МОЖЕ И ГАШИ Спикерот ја закажа седницата на Комисијата за финансирање и буџет за унгарскиот кредит appeared first on plusinfo.mk.