Комисијата за финансирање и буџет денеска во Собранието на Република Македонија ја почна амандманската расправа за ребалансот на Буџетот откако во саботата заврши општата расправа која траеше три дена.

Од поднесените 58 амандмани денеска претпладне Комисијата не го прифати амандманот поднесен од повеќе пратеници од Социјалдемократскиот сојуз со кој се бараше зголемување на средствата за плати и надоместоци на плати.

Амандманот не беше прифатен со образложение дека во ребалансот на Буџетот се обезбедени средства согласно колективните договори и законските обврски.

– Предвидени се средства за зголемување на платата на вработените во јавен сектор и регресот. Сите права на вработените утврдени согласно закон ќе бидат испочитувани – рече заменик министерот за финансии Николче Јанкуловски.

Пратениците од ВМРО-ДПМНЕ на расправата обвинуваа дека народните пари се менаџирале лошо, и согласно тоа, според нив, опоцизијата денеска не треба да предлага, како што посочија „популистички амандмани со кои се покажуваат како спасители на работничките права“ и „амандмани со кои сакаат да ги корегираат работите што самите си ги направиле“.

Амандманската расправа ќе продолжи во 16:30 часот.

The post НЕМА ЗГОЛЕМУВАЊЕ НА ПЛАТИТЕ Комисијата за финансирање и буџет не го прифати амандманот appeared first on plusinfo.mk.

Но, со оглед на тоа што вчерашното прегласување во неколку општини ѝ откина еден пратеник на ДУИ и сега партијата на Али Ахмети има ист број пратеници (18) со партијата на Димитар Ковачевски, очигледно влегуваме во ситуација која би можела да значи почеток на нова „тепачка“ помеѓу ДУИ и СДСМ за тоа чиј кадар ќе претседателствува со комисиите.

Секако, голема улога играат и прогнозите на ВМРО-ДПМНЕ дека најмалку двајца пратеници од коалицијата Европски фронт би преминале од опозиција на власт, но како што објаснуваат оттаму, тоа не значи дека ДУИ ќе падне на 15 пратеници, туку дека договорените пратеници ќе си останат во својата пратеничка група и ќе делуваат во корист на власта само по потреба.

– Преговорите се во тек и со сигурност ќе има пратеници од опозицијата кои во иднина ќе соработуваат со власта. Засега се двајца од Европски фронт и двајца од коалицијата на СДСМ. Но, тоа не значи дека тие целосно ќе го променат дресот, туку ќе си останат во својата пратеничка група, ама ќе ја даваат поддршката за власта кога ќе има таква потреба. Тоа значи дека Европски фронт ќе влезе во Собрание со 18 пратеници, исто како и СДСМ – брифираат извори од ВМРО-ДПМНЕ.

Според упатените, проблемот лежи во тоа што и во самиот собраниски Деловник нема прецизно толкување, односно не е предвидено како треба да се делува во ситуации кога повеќе опозициски партии имаат изедначен број мандати, туку е наведено само „претседател на комисија се избира од редот на пратениците од опозицијата“.

Многу полесно ќе беше, додаваат тие, доколку имаше одредба: „претседател на комисија се избира од редот на опозицијата со најмногу пратеници или со најмногу освоени гласови на изборите“.

Како што дознаваме од партиски извори, битката за освојување на претседателското столче во Државната изборна комисија веќе е започната, а најзаинтересирани за оваа позиција се Бојан Маричиќ од СДСМ и Кренар Лога од Европски фронт.

The post ОПОЗИЦИЈАТА ЌЕ СЕ „ТЕПА“ ЗА ДИК И ЗА 2 КОМИСИИ ВО СОБРАНИЕ Чии 18 пратеници вредат повеќе – на СДСМ или на ДУИ? appeared first on plusinfo.mk.