Фејсбук по повеќе од 15 години ќе стави крај на една од своите најпрепознатливи функции – копчето „лајк“, но само во неговата надворешна форма.

Компанијата Мета соопшти дека од 10 февруари 2026 година ќе ги укине сите т.н. социјални плагони — копчињата „лајк“ и „коментар“ што веб-страниците низ светот ги имаа вградено за директна интеракција со Фејсбук.

Со тоа, ерата во која милиони портали им дозволуваа на читателите со еден клик да „лајкнат“ некоја статија ќе стане историја.

Од Мета објаснуваат дека одлуката доаѓа како дел од процесот на модернизација и расчистување на старите технологии кои речиси веќе не се користат.

Во официјалниот блог на компанијата се наведува дека овие социјални приклучоци биле популарни пред десетина години, но дека денес корисниците споделуваат содржини на други начини – преку мобилни апликации и интегрирани алатки. Технички, старите копчиња ќе исчезнат постепено, без да предизвикаат грешки на страниците што сè уште ги имаат вградено.

Иако веста звучи драматично, важно е да се нагласи дека класичното копче „лајк“ во самата апликација на Фејсбук нема да се укине. Корисниците и натаму ќе можат да лајкнуваат објави, фотографии и видеа во рамките на платформата. Промената се однесува исклучиво на надворешните веб-страници што користат приклучоци за лајкови и коментари.

„Сакаме да ја насочиме енергијата кон развој на нови начини за поврзување, а не кон одржување на застарени алатки“, соопштија од Мета, објаснувајќи дека иднината на комуникацијата е во спојувањето на Фејсбук, Инстаграм и Тредс, а не во старите копчиња кои некогаш беа симбол на дигиталната ера.

Копчето „лајк“ беше воведено во 2009 година и брзо стана културен феномен. Само неколку години подоцна, беше вградено во милиони интернет-страници, а многумина го сметаа за еден од симболите на интернетот од втората деценија на 21 век. Но, со појавата на мобилните апликации и новите начини на комуникација, популарноста на овие приклучоци постепено опадна.

Со укинувањето на копчињата „лајк“ и „коментар“ од веб-страниците, Фејсбук симболично затвора едно поглавје од својата историја. Иако новите генерации корисници веројатно и не се сеќаваат дека некогаш можеше да се „лајкне“ и надвор од самата платформа, за старите интернет-ентузијасти тоа е уште еден знак дека дигиталниот свет брзо ги менува своите симболи.

The post ФЕЈСБУК ГО „ГАСИ“ ЛАЈК-КОПЧЕТО, НО НЕ ЦЕЛОСНО Што ќе значи тоа за корисниците? appeared first on plusinfo.mk.

Рускиот тенисер Даниил Медведев испрати саркастична порака во врска со суспензијата на Јаник Синер поради допинг.

Синер е суспендиран на три месеци поради два позитивни допинг теста.

– Се надевам дека отсега сите ќе можат да разговараат со ВАДА и ако кажат: „Го најдовме ова за тебе, ќе биде двегодишна (суспензија)“, ќе речеш: „Не, суспендирај ме на еден месец“. Се надевам дека тоа ќе биде преседан. Во спротивно, ќе биде чудно – изјави Медведев.

Daniil Medvedev sur l’accord trouvé entre Jannik Sinner et l’Agence mondiale antidopage pour une suspension de trois mois :

« J’espère que tout le monde pourra discuter avec l’AMA et se défendre comme Jannik Sinner à partir de maintenant. » pic.twitter.com/GMZqWK9uBb

— Univers Tennis (@UniversTennis) February 15, 2025

Лани во август беше објавено дека Синер бил позитивен на допинг. Kaj Синер беше пронајдено многу мало количество клостебол, а контаминацијата наводно била предизвикана од крем за масажа.

Меѓутоа, Меѓународната агенција за интегритет во тенисот (ИТИА) го ослободи од обвиненијата.

Светската антидопинг агенција (ВАДА) ја обжали таа одлука пред Судот за спортска арбитража.

The post МЕДВЕДЕВ ЈА ИСМЕА СВЕТСКАТА АНТИДОПИНГ АГЕНЦИЈА Го коментираше суспендирањето на Синер appeared first on plusinfo.mk.

Пратеникот на СДСМ и екс вицепремиер Фатмир Битиќи денеска изјави дека македонската економија е во слободен пад и наместо очекуваниот економски раст од 2,5 %, годинава, според Светска банка, ќе ја завршиме со само 1,8%.Тоа според него е јасен сигнал дека економските политики на ВМРО-ДПМНЕ се целосно неуспешни.

Мицкоски рече дека е задоволен што во оваа Влада сите економски индикатори се позитивни.

-Единственото нешто што е катастрофално во Македонија е состојбата која што СДСМ ја остави после седум години разбојничко управување. Она што го прави оваа Влада предводена од ВМРО-ДПМНЕ, е сето тоа да го консолидира, јас сум повеќе задоволен што слободното паѓање го сопревме и добро е што како оваа Влада сите индикатори се позитивни – рече Мицкоски.

Според Мицкоски, „се што кажаа од СДСМ, промашија“.

-Она што можам да го кажам е дека се што кажала СДСМ промашија. Овие прес-конференции треба да бидат само знак дека е спротивно од тоа што тие го кажуваат е во реалноста. Им благодарам на СДСМ што преку своите прес-конференции и пораки кои ги испраќаат во јавноста само потврдуваат и ги потсетуваат граѓаните за своето седумгодишно разбојничко владеење, управување со ресурсите во Македонија, и ги потсетуваат граѓаните на сите понижувања и национални отстапки што ги правеа на сметка на зголемување на своето лично богатство и богатење на грбот на граѓаните – додаде Мицкоски.

The post ГО ЗАПРЕВМЕ СЛОБОДНИОТ ПАД НА ЕКОНОМИЈАТА Економските показатели се позитивни, СДСМ и овој пат промашува appeared first on plusinfo.mk.

Во однос на реакциите од албанскиот блок по одлуката на Уставниот суд, вклучително и партнерите во владината коалиција, Мицкоски вели дека ја видел и дека е во согласност со тоа што „ние сме го зборувале во минатото“.

– Да, ја видов. Таа реакција е во согласност со тоа што ние сме го зборувале во минатото, практично унапредувањата и вработувањата треба да се темелат на квалитет и тоа е она кое што ние практично цело време го заговараме – изјави Мицкоски, кој денеска присустуваше на почеток на поплочување на улицата „Ванчо Прќе“ во Општина Штип.

Одлуката, посочи Мицкоски, не е конечна, туку практично тие тој дел од законот го ставаат во мирување, до носење на конечна одлука.

– Јас ќе останам на мојата позиција дека одлуките на Уставниот суд не треба да се коментираат – изјави Мицкоски.

The post „ЦЕЛО ВРЕМЕ ЗАГОВАРАМЕ ВРАБОТУВАЊАТА ДА СЕ ТЕМЕЛАТ НА КВАЛИТЕТ“ Мицкоски не ја коментира одлуката на Уставниот суд за балансерот appeared first on plusinfo.mk.

Путин на интервју во четвртокот рече дека ја претпочита Харис наместо Доналд Трамп, наведувајќи го нејзиното „заразно“ смеење како причина зошто таа можеби е помалку склона кон тоа да ја казни Русија со санкции.

Тој беше насмеан додека ја изнесуваше забелешката, нешто што е еден од неколкуте навидум задевачки коментари кои ги даде во текот на кампањата во САД.

– Кога го прашуваат за меѓународните прашања, тој ги коментира. Што се однесува до неговиот тон, луѓето во странство, кои се заинтересирани, мора да се обидат да го протолкуваат тоа – одговори Песков на прашањето дали Путин бил сериозен.

Белата куќа во четвртокот соопшти дека Путин треба да престане да ги коментира изборите во ноември.

Песков рече дека приоритет на Путин е благосостојбата на Русија и дека „американските нешта не можат да бидат и не се грижа што е на врвот на агендата на претседателот“.

The post СЕ ШЕГУВАШЕ ЛИ ПУТИН КОГА РЕЧЕ ДЕКА ЈА ПОДДРЖУВА КАМАЛА? Песков одговара на прашањето appeared first on plusinfo.mk.

Верувам во кадровските решенија и секој заслужува шанса. Оној што ќе ја упропасти таа шанса, веднаш ќе биде сменет, вели премиерот Христијан Мицкоски за предлог-решенијата за заменици министри.

– Ние имаме коалициски договор и јас верувам на коалиционите партнери со кои имаме принципиелен, цврст коалициски договор, верувам во кадровските решенија и секое кадровски решение заслужува шанса. Она кадровско решение што ќе ја упропасти таа шанса, ќе биде веднаш променето, нема да чекаме години – изјави Мицкоски по денешната посета на Трубарево.

Одговарајќи на новинарско прашање дека образованието на некои предложени заменици-министри не соодветствува со функцијата, Мицкоски упати на минатото и на образованието на многу кадри од ДУИ.

– Ако алудирате на образованието, вратете се 20 години наназад и видете го образованието на многу од кадрите кои доаѓале од ДУИ. Јас не сакам да деинтегрирам никого, не сакам да девалвирам никого се додека не ги видиме преформансите, додека не почнат да работат – рече Мицкоски.

Владата во средата ги утврди имињата на замениците министри. ВЛЕН доби девет заменици-министри, меѓу кои за одбрана, за внатрешни работи, односи меѓу заедниците, земјоделство, образование, локална самоуправа, спорт, транспорт и култура. Останатите десет заменици министри се од ВМРО-ДПМНЕ и од ЗНАМ.

Замениците-министри треба да бидат избрани на пленарна седница во Собранието.

The post „СЕКОЈ ЗАСЛУЖУВА ШАНСА ДА СЕ ПОКАЖЕ“ Вака Мицкоски го коментираше предлогот на заменици-министри appeared first on plusinfo.mk.

Поранешната ѕвезда на Фокс њуз се соочи со бурни реакции за неговата средба со лидерот на Кремљ, откако Путин прв пат се согласи на интервју со западен новинар од почетокот на војната во Украина. Во интервјуто беа отворени повеќе теми, од лекции по руска историја до размислувањата на Путин за следните претседателски избори во САД.

Карлсон рече дека неговиот прв впечаток е дека Путин „изгледал нервозен“ и дека „влегол во интервјуто како преподготвен студент“ кога Фридман го прашал што мисли за оправдувањето на Путин за продолжување на војна во Украина, пишува Њусвик.

Во интервјуто со Карлсон, рускиот лидер во континуитет тврди дека целта е „денацификација“ на Украина. Украинскиот претседател Володимир Зеленски, кој е Евреин, постојано ги отфрла тврдењата на Кремљ дека владата во Киев е отворено „пронацистичка“.

– Мислев дека тоа е една од најглупавите работи што некогаш сум ги слушнал. Не разбрав што значи. Го мразам целиот тој разговор бидејќи не е реален. Тоа беше само ad hominem. Тоа беше начин да се поврзе некој со злобниот режим кој повеќе не постои – објасни Карлсон.

Според Карлсон, нацизмот повеќе не постои бидејќи е „неразделен од германската нација“.

– Јас сум многу антинацист. Само велам дека во 2024 година нема нацистичко движење. Тоа е начин луѓето да изгледаат злобни – рече Карлсон.

Разговорот со Карлсон пред извесно време го коментираше и Путин велејќи му на рускиот новинар Павел Александрович Зарубин дека се подготвил за „поагресивно однесување и поставувањето таканаречени остри прашања од страна на Карлсон“.

– Не само што бев подготвен за ова, туку и го сакав, бидејќи тоа ќе ми дадеше можност да одговорам на ист начин – рече рускиот лидер.

Инаку, Путин за време на интервјуто го исмејуваше Карлсон, шегувајќи се со фактот дека неговите обиди да се вработи во ЦИА постојано биле неуспешни.

Портпаролот на Кремљ, Дмитриј Песков, претходно им изјави на новинарите дека Путин го дал интервјуто со Карлсон затоа што тој „има став кој се разликува“ од другите западни медиуми.

The post „ЕДНА ОД НАЈГЛУПАВИТЕ РАБОТИ ШТО СУМ ГИ СЛУШНАЛ“ Новинарот Такер Карлсон го коментираше контроверзното интервју со Путин appeared first on plusinfo.mk.

– Настаните ги видовме како бескорисни и ве упатуваме на коментар во Амбасадата на САД во Приштина – велат од амбасадата за порталот indeks.mk.

Американскиот амбасадор во Косово, Џефри Ховениер, зборувајќи за неодамнешната посета на косовскиот премиер Албин Курти на Северна Македонија, рече дека САД не поддржуваат ниту „Голема Албанија“ ниту „Голема Србија“.

– Соединетите Американски Држави не поддржуваат „голема Албанија“ или „голема Србија“, ниту пак прекројување на државните граници во балканскиот регион. Секој обид да се направи тоа би бил контрапродуктивен и дестабилизирачки. САД силно го поддржуваат територијалниот интегритет на сите земји од Западен Балкан, вклучително и на Косово – рече Ховениер, пренесува „Газета експрес“.

Посетата на албанскиот премиер Курти предизвика многу реакции во домашната и регионалната јавност, а коментар за неа одбегна да даде и американскиот амбасадор во Белград, Кристофер Хил, кој на новинарско прашање во Белград, рече дека тоа прашање ќе го остави за некој друг или пак на „фантазијата“.

– Ќе ви препуштам на вашата фантазија што луѓето можат да мислат за настанот во Тетово или прашајте некој друг – изјави Хил, прашан за коментар на посетата на Курти во Тетово.

Хил, исто така, порача дека Белград и Приштина треба да ги решат сите прашања преку бриселскиот дијалог.

Албин Курти минатата недела престојуваше во неофицијална посета на земјава без средби со државниот врв, но со заеднички активности со градоначалниците на Чаир и Тетово – преименување на улица во Општина Чаир и посета на планинското село Вејце во Општина Тетово. Посетата предизвика лавина реакции во јавноста, градоначалниците Биљал Касами и Висар Ганиу добија прекршочни пријави за тоа што не ги испочитувале државните симболи при посетата на Курти.

The post ПОСЕТАТА НА КУРТИ БИЛА „БЕСКОРИСНА“ Агелер не го коментира доаѓањето на косовскиот премиер, Хил остави на „фантазијата“ appeared first on plusinfo.mk.

Ова е одговорот на ЕУ на барањето на порталот МКД за нивен коментар за сите информации во врска со договорот на македонската влада со американско-турскиот конзорциум „Бехтел и Енка“ за изградба на коридорите 8 и 10д.

Од Канцеларијата на ЕУ не одговорија на дополнителното наше прашање за тоа на што точно мислат од Спогодбата за асоцијација и стабилизација меѓу Македонија и ЕУ.

Од повторното прегледување на оваа Спогодба од 2001 година може да се заклучи дека во овој случај се мисли на европските правила против ограничување и нарушување на конкуренцијата и на обврската за транспарентноста и нефаворизирањето на одредени претпријатија.

Во случајот со „Бехтел и Енка“ се работи за директна спогодба без јавен повик, а договорот, според властите и натаму е деловна тајна, не е објавен и покрај барањето на јавноста да се објави целиот договор затоа што се работи за буџетски пари од 1,3 милијарди евра.

The post ДА СЕ ПОЧИТУВА ДОГОВОРОТ ЗА АСОЦИЈАЦИЈА Европската унија очекува да не се наруши конкурентноста со договорот со „Бехтел и Енка“ appeared first on plusinfo.mk.

– Тоа што го поседуваме јас и членовите на моето семејство е многу јасно и транспарентно наведено во анкетниот лист што го имам поднесено во ДКСК и таму може точно да се види каде јас имам удел, каде член на моето семејство има удел, пред да стапам на функција. Второ, јас имам испратено и известување до вицепремиерот за добро владеење и до генералниот секретар на Владата во којшто нотирам и информирам дека доколку на седница на Влада се дискутира или се одлучува за точки поврзани со правните субјекти наведени во мојот ажуриран анкетен лист, објавен на сајтот на ДКСК, моето учество треба да се изземе од одлучување и присуство на Владата, за што генералниот секретар ме информирал заради спречување на каков било конфликт на интереси – вели Ковачевски, одговарајќи на новинарско прашање по промоцијата на првиот дигитален асистент во јавниот сектор.

Тој додаде дека сите граѓани на оваа држава без исклучок се рамноправни и како физички и како правни лица во правниот промет во државата и оти тој никогаш во минатото не коментирал приватни животи или приватни инвестиции на кого било, како што за него прави опозицијата.

– Јас никогаш не сум коментирал, на пример, дека брачен другар на сопственик на медиум има добиено 1,4 милиони денари за спроведување на проект со државно финансирање. Затоа што верувам дека тоа било спроведено согласно законските постапки. Никогаш не сум коментирал кога сопственик на медиум ќе добие 50 милиони евра државни набавки, затоа што верувам дека тоа било направено согласно законски процедури. Јас исто така, никогаш не сум коментирал кога дете, на пример на амбасадор, на поранешен амбасадор, на министер, поранешен министер, ќе добие финансирање за да студира на еден од најдобрите светски универзитети од државата, затоа што верувам дека постапката била запазена. Исто така, не сум коментирал кога брачен другар на министер ќе добие финансирање од национален медиумски сервис во износ од над 100.000 евра за да произведува одредена програма, бидејќи сум верувал дека тоа било направено согласно законски постапки. Но, не сакам да верувам во нешто што имам слушнато дека поранешен министер во поранешна Влада покрај платата што ја примал добивал и пари во кеш за да ја извршува својата функција – кажа Ковачевски.

Тој додаде дека тоа се однесува за секој функционер кој има удели а е дел од Влада или од друга институција. Ковачевски вели дека има удел и во друга голема компанија.

– Меѓутоа, таа како и секоја друга компанија има право врз основа на закони да учествува во правниот промет во државата заедно со сите други правни лица. Што се однесува до овој конкретен случај, прво уредбата за определување на цените на земјиште е објавена на 17 октомври 2013 година, донесена од страна на влада предводена од ВМРО-ДПМНЕ. Значи оваа Влада не носела никаква уредба за определување цени – рече тој.

Ковачевски вели дека Општина Радовиш има преземено надлежности за располагање со градежно земјиште во државна сопственост на 6.12.2012 година, во време на влада на ВМРО-ДПМНЕ и дека сега е раководена од градоначалник предложен од ВМРО-ДПМНЕ.

– Јас бев обвинуван од опозицијата дека во време на најголема енергетска криза моето семејство односно член на мое семејство поседува удели во компанија која што продава струја. Со ова се потврдува дека член на моето семејство поседувал удел пред да станам премиер во компанија која нема изградено централа и не продавало струја по 500 евра мегават час. Таа лага ја демантираме. Второ, она што никој не сака да го каже на утринските соопштенија на ВМРО-ДПМНЕ, е дека таа компанија ако некогаш изгради централа, централата ја прави на приватно земјиште. Ова што е пред мене е пристапен пат за да се стигне до таму. Сите законски одредби се запазени на многу транспарентен начин исто како и за сѐ друго – вели премиерот.

Во однос на тоа зошто е потпишан вицепремиер на документот, Ковачевски вели дека кога бил информиран дека ќе има таква точка, тој не присуствувал на седницата на Влада и со неа раководел вицепремиер.

– На седница на Влада оној кој раководи со точката, тој ја потпишува одлуката која што се носи во време кога раководи со точката. И затоа можете да видите дека има одлуки на Влада, кои се потпишани од претседател на Влада, меѓутоа има одлуки што се потпишани од другите вицеппремиери, доколку претседателот на Влада не бил присутен на седницата кога одредена точка се расправала или доколку не бил присутен на целата седница на Влада – рече Ковачевски.

The post НИКОГАШ НЕ СУМ КОМЕНТИРАЛ КОГА БРАЧЕН ДРУГАР НА … ЗЕЛ ДРЖАВНИ ПАРИ ЗА ПРОЕКТ Ковачевски наброја што сѐ не искоментирал зашто верува дека било по закон appeared first on plusinfo.mk.