Оваа комбинација го инхибира вирусот САРС-КоВ-2 кај човечките респираторни клетки и глувците, покажува новата студија спроведена од истражувачи од Медицинскиот факултет Перелман на Универзитетот во Пенсилванија и Медицинскиот факултет на Универзитетот во Мериленд.

Наодите, објавени во списанието Nature,покажуваат дека овие лекови се помоќни кога се користат во комбинација отколку сами.

– Иако сè уште не се тестирани во клинички испитувања, комбинациите на лекови идентификувани во нивната студија имаат потенцијал да станат многу ветувачки третмани за ковид 19 –  рече лидерката на истражувањето  д-р Сара Чери, професор по патологија и лабораториска медицина.

Според неа, идентификувањето на комбинации на антивирусни лекови е навистина важно, не само затоа што може да ја зголеми јачината на лековите за коронавирус, туку комбинирањето лекови, исто така, го намалува ризикот од отпорност.

Идентификувани се  122 лекови кои покажаа антивирусна активност и селективност против коронавирусот, вклучително и 16 нуклеозидни аналози – најголемата категорија на антивирусни лекови што се користат клинички.

The post КОМБИНАЦИЈА НА ЛЕКОВИ КОЈА ЌЕ ЛЕЧИ ОД КОВИД-19 Се испитува на глувци и на човечки белодробни клетки appeared first on plusinfo.mk.

Професорот Раул е човекот кој администрирал коктел со хидроксиклороквин, помалку токсичен дериват на хлороквин, лек што се користи за лекување на маларија, лупус и ревматиден артритис, и азитромицин (кај нас познат како „сумамед“), антибиотик што се користи против бактериска пневмонија, на 24 пациенти заразени со Ковид-19.

Резултатите од ова тестирање професорот Дидиер Раул ги објави на 16 март. По примањето на доза од 600 милиграми „плакенвил“ (едно од комерцијалните имиња на хидроксиклороквинот) и 250 милиграми азитромицин во текот на шест дена, три четвртини од пациентите биле тестирани негативни на вирусот, додека 90 отсто од оние во контролната група останале позитивни.

Со најавата на американскиот претседател Доналд Трамп и на гунернерот на државата Њујорк Ендрју Куомо, дека овој коктел од денеска (вторник, 24 март) ќе се користи за лекување на пациенти во САД, стасуваат и предупредувања никој ништо да не презема во паника и на своја рака.

Така, регистриран е и еден смртен случај во САД, поради самоволно користење на хлороквин фосфат, адитив кој вообичаено се користи за чистење на аквариумите за риби. Во Феникс, еден маж починал, а неговата сопруга е во критична состојба, откако на своја рака го употребиле „чудотворниот лек“ без лакарска контрола.

Сепак, гувернерот Куомо најави дека коктелот на професорот Раул ќе се тестира во државата Њујорк, а претседателот Трамп на 21 март на Твитер изрази голем оптимизам во врска со оваа комбинација на лекови.

Комбинацијата хидроксиклороквин – азитромицин е одобрен за лекување на одредени случаи на болни од Ковид-19 и во Македонија, соопшти денеска министерот за здравство Венко Филипче. За кусо време ќе бидат познати и првите резултати од примената во Њујорк, кои ќе бидат важни, бидејќи научниците предупредуваат и на опасните нуспојави од овие лекови.

Затоа, за пациентите останува предупредувањето да не ја користат оваа терапија, или било која друга, на своја рака. Сите лекови имаат контраиндикации и нуспојави, кои можат да бидат потенцирани во случајот на заболени од Ковид-19. Затоа, заразените мора да користат само лекови што ќе им бидат пропишани и под строга лекарска контрола.

Како и да е, битката против коронавирусот е, всушност, глобална војна на светот против еден непознат и опасен непријател, а во војните обично брзо напредува и медицината. Процедурите и лековите кои вообичаено чекаат на долгогодишни клинички студии, во вакви ситуации се применуваат во праксата.

Њујорк е епицентар на заразата во САД и професорот Дидие Раул нема долго да чека да дознае дали ќе биде овенчан со светска слава или ќе биде отфрлен од научната заедница како чудак.

The post Коктел против корона за светска слава или за крај на кариерата на еден „арогантен“ вирусолог? appeared first on plusinfo.mk.