Командирот на Територијалната Противпожарна едница (ТППЕ)-Штип, Благој Ренџов за МИА вели дека пожарот настанал откако се запалил комбајн кој жнеел јачмен, по што огнените јазици зафатиле и дел од неожнеаното жито. Повикот до нив е пристигнат околу 14 часот, а во моментов е изгаснат и пожарникарите се вратени од терен.

-Комбајнот е опожарен, за среќа имале противпожарен апарат и не дозволиле да биде зафатен целосно, но пожарот се проширил и по ожнеаниот дел, но и по житото кое требало да се жнеее, околу 20 хектари се зафатени, вели Ренџов.

Пожарот го гаснеле осум пожарникари со три противпожарни возила. Ренџов вели дека денеска имале и уште една помала интервенција во градот Штип.

The post ИЗГОРЕ КОМБАЈН СОСЕ ЖИТОТО Пожар меѓу карбинските села Долни Балван и Трогерци appeared first on plusinfo.mk.

Право на учество на повикот имаа сите земјоделци кои располагаат со минимум еден хектар ориз.

Вкупната вредност на набавката е 32 милиона денари од кои 17,8 милиони се кофинансирана сума, обезбедена од Програмата за рурален развој преку мерката „Инвестиции во модернизација на земјоделски стопанства“.

– Со овие инвестиции го поддржуваме оризопроизводството и ги мотивираме земјоделците кои го произведуваат нашето „бело злато“ да продолжат да го зголемуваат производството, а ние продолжуваме со поддршката за набавка на уште нови комбајни. Наскоро ќе биде објавен нов повик за набавка на специјални комбајни за ориз во кој првпат ќе биде вклучена и поддршка за набавка на мобилни сушари за ориз со што дополнително придонесуваме оризопроизводителите да ја зголемат ефикасноста при собирање и чување на зрното веднаш по жетвата – изјави министерот Николовски.

Според него, оризопроизводителите со новите комбајни веќе нема да треба да ги палат остатоците од оризова слама, туку со помош на комбајнот ќе ги собираат и сецкаат.

– На овој начин влијаеме врз заштитата и на животната средина – потенцира Николовски и додаде дека Министерството продолжува да имплементира мерки кои го осовременуваат домашното земјоделство.

The post ЧЕТИРИ КОМБАЈНИ ГИ ВКЛУЧИЈА МОТОРИТЕ Министерот Николовски ги додели клучевите appeared first on plusinfo.mk.

На почетокот на минатата недела, момче од кинеската провинција Анхуи заедно со својот татко работеле да го исушат житото.

Во еден момент детето се затрча по патот за да ја види својата мајка откако помина комбајн и мислеше дека е безбедно. Меѓутоа, голем камион паркиран на работ на тротоарот го блокираше неговиот поглед, така што не виде дека доаѓа уште еден комбајн.

Детето падна пред огромното возило, но за среќа големите шила на предната страна на земјоделската машина ја промаши неговата глава. Тој бил соборен на патот помеѓу тешките тркала на возилото, избегнувајќи да биде згмечен.

Откако помина комбајнот, детето стана како ништо да не се случило додека неговите родители притрчале до него.

The post ЧУДА СЕ МОЖНИ Комбајн прегази момче, за среќа тоа мина само со модринки (ВИДЕО) appeared first on plusinfo.mk.

Се работи за нова финансиска поддршка од мерката „Инвестиции за модернизација на земјоделски стопанства“ што денеска, на средба со оризопроизводителите од кочанскиот регион, ја најави директорот на Агенцијата, Никица Бачовски.

Пријавувањето на заинтересираните земјоделци ќе трае до 15 мај, а средствата ќе се доделуваат во периодот на реализација на деловниот план и ќе се исплаќаат на годишно ниво.

За поддршката можат да аплицираат земјоделски стопанства кои се впишани во Единствениот регистар, а се индивидуални земјоделци, како и трговци поединци и трговски друштва, земјоделски задруги кои се впишани во регистарот на задруги.

Вкупната прифатлива сума по корисник е 3.500.000 денари, а поддршката се исплаќа по принцип на кофинансирање на инвестициите на корисникот, во висина до 50 отсто од вредноста на одобрените прифатливи трошоци.

– Ставката за кофинансирање се зголемува на 55 отсто за носители на земјоделско стопанство на возраст од 18 до 40 години и до 60 отсто за стопанство во подрачје со ограничени можности. Исто така, има зголемување до 65 отсто за носител на стопанство на возраст до 40 години во подрачје со ограничени можности и до 75 отсто за инвестиции во недостапни рурални заедници – информира Бачовски.

Барањата за финансиска поддршка се поднесуваат електронски до Агенцијата за финансиска поддршка во земјоделството и руралниот развој.

Целта е да се влијае врз намалување на производните трошоци и загубите во оризопроизводството, а ќе се помогне и во решавање на проблемот со остатоците од жетвата и спречување на палењето на оризовата слама.

The post Државата ќе плаќа и до 75 отсто од цената на комбајн набавен од оризопроизводителите appeared first on plusinfo.mk.