Фирмата „Трени Балкани Кочи Дентали“ е избрана да изврши реорганизација  на Велешка Колска. За неа на првото рочиште во велешкиот Основен суд се изјасниле сите 90 доверителите кои имаат свои побарувања во фабриката.

Стечајната судијка Дара Арсова ја прифати програмата на фирмата и  најдоцна до крајот на месецов треба да ја донесе конечната одлука.

Со тоа фабриката за шински возила која работи од далечната 1916 година, а која е во државна сопственост нема да згасне, а 42 работника ќе продолжат да работат.

Идниот управител и косопственик на Фабриката за шински возила Колска, Георги Трајанов, кој е управител на фирмата Трени Балкани Кочи Дентали  ДООЕЛ од Василево  вети дека за 3 години ќе го исплати стариот и нов долг на Колска од околу 1,4 милиони евра, дека ќе ги остави на работа 40-тината работници и  ќе вработи и нови. Тој планира преку средното училиште за занаети во Велес да вработува нови работници, а за тоа планира и поддршка од некои од поранешните работници кои сега се во пензија да ги обучат младите.

Најголем доверител на Колска и УЈП Регионална дирекција Прилеп со 83 % од долгот на Колска или над 1 милион евра, па следи  фирмата „Техно гас“ од Скопје, како и Македонски Железници во помал процент на побарување и ЈКП „Дервен“, а има и повеќе мали доверители-поранешни вработени сега во пензија, а кои бараат отпремнини.

Инаку моментално во Фабриката за шински возила „Велес“ работат 42 работници од кои до крајот на годинава ќе останат и помалку од 40. Како што информира од Фабричкиот синдикат Тони Арсовски  од државата немаат добиено плата за февруари, а ќе чекаат и за март, додека К -15 за лани ќе чекаат од новиот газда, кој им ветил. Колска е и пред исклучување од електричната мрежа.

Фирмата „Трени Балкани Кочи Дентали“ е од Василево, струмичко. Партнери на фирмата се италијанската фирма СИТАВ со 40% која работи, исто како, велешка Колска и има над 1 100 вработени и фирмата „Трени Балкани Албанија“ која се подготвува да отвори фабрика за репарација на патничкиот сообраќај во Албанија.

The post ИЗБРАН Е ИНВЕСТИТОР ЗА ВЕЛЕШКА КОЛСКА Фирмата „Трени Балкани Кочи Дентали“ ќе треба да ја крене на нозе за 3 години appeared first on plusinfo.mk.

Владата бара решение за Фабриката за шински возила „Велес“ попозната како Колска и решение ќе се најде со сигурност, вети при денешната посета на Велес премиерот Христијан Мицкоски, одговарајќи на новинарско прашање.

Тој информира дека во заеднички договор со вицепремиерот и министер за сообраќај и врски Александар Николоски, во понеделник вработените на Колска ќе добијат плата.

Мицкоски појасни дека кога биле избрани за Влада, дел од вработените на Колска, кои го организирале вчерашниот  штрајк им велеле, не барајте решение, дајте да си одиме во стечај и потоа во пензија.

Вработените на Колска, околу педесетина, вчера протестираа во кругот на фабриката поддржани од фабричкиот синдикат на Колска и ССМ.

Тие бараат да им се исплати плата за декември и К-15 за лани, како и да добијат здравствено осигурување, а во спротивно се заканија дека во понеделник ќе го блокираат железничкиот сообраќај на станицата во Велес.

Како претпријатие во државна сопственост побараа да ги посети премиерот Христијан  Мицкоски и други претставници од Влада и вицепремиерот и министер за сообраќај и врски Александар Николоски.

Колска од декември лани е во стечајна постапка, а првото првото рочиште со доверителите, судот во Велес  го закажа  на 19 март годинава.

Воедно работниците побараа и понатаму  редовна исплата на плати и придонеси.

The post МИЦКОСКИ ВЕТИ ПЛАТА ЗА РАБОТНИЦИТЕ ВО ВЕЛЕШКА КОЛСКА Владата бара и решение за фабриката appeared first on plusinfo.mk.

Вработените од оваа фабрика денеска протестираа пред Владата барајќи исплата на заостанатите плати и решавање на проблемот со блокираната сметка на фабриката.

Премиерот Димитар Ковачевски попладнево на прес-конференција во Владата соопшти дека побарал директорот и менаџерскиот тим на фабриката да бидат разрешени.

– Како Влада во изминатиот период имаме доделено 35 милиони денари на тоа јавно претпријатие. Финансиските средства се истрошени, работниците немаат плата. Кога ги видовме извештаите дали е намален долгот во изминатиот период, дали е зголемено производството и услугата што тие ја даваат, дали се намалени трошоците, видовме дека не се. И затоа предложив на Влада, веднаш да бидат разрешени директорот и целиот менаџерски тим, надзорниот и управниот одбор. Со оглед на тоа дека излегов од седница на Влада за да ја одржиме оваа прес-конференција, доколку е завршена, претпоставувам дека тие се разрешени и дека таму ќе има нов менаџерски тим – рече Ковачевски.

Вработените од „Колска” денеска протестираа пред Владата барајќи решавање на нивните проблеми. Вчера тие два часа го блокираа и патниот железнички сообраќај на железничката станица во Велес. Сметката на „Колска” е блокирана поради заостанат долг од околу 650 илјади евра направен во периодот од 2013 до 2017 година.

The post РАЗРЕШЕНО РАКОВОДСТВОТО НА „КОЛСКА“ Вработените протестираат поради неисплатени плати appeared first on plusinfo.mk.

– Чекаме некој од надлежите да се одважи и да нѐ прими. Проблемите во „Колска“ се веќе подолго време, а решение нема. Затоа сме дојдени пред Владата да ни кажат дали „Колска“ ќе работи и како ќе работи. Бараме да ни кажат што понатаму – велат вработените.

Доколку се затвори фабриката, како што посочуваат, вработените ќе останат без работа, а сервисирањето на вагоните на „Македонски железници“ ќе се прави во други држави затоа што „Колска“ е единствената фабрика кај нас која ги сервисира вагоните.

– Ако дојде до затворање на фирмата, 74 вработени ќе останат без работа, а вагоните на „Македонски железници“ ќе мора да се сервисираат во други држави, ќе има одлив на девизи по други држави – посочија вработените во „Колска“.

Тие вчера претпладне го блокираа патниот железнички сообраќај на железничката станица во Велес.

Директорот на „Колска“ Мите Јанков вчера во изјава за МИА истакна дека е потребно да се одблокира сметката за да можат да набават репроматеријали и да платат струја и други комунални трошоци.

– Во периодот од 2013 до 2017 година поранешното раководство на „Колска“ воопшто не плаќало ДДВ поради што направиле долг од околу 650.000 евра. УЈП бара од „Колска“ тој долг законски да се плати во рок од три години по 20.000 евра месечно. Ние тој долг не можеме да го платиме со овој број на 70 вработени што останаа на работа. Можеме да си го платиме само за тековниот месец, односно онаа работа што сега ја работиме, само за неа можеме да платиме ДДВ – изјави вчера Јанков.

Во моментот во работилницата на „Колска“ имаат 25 товарни вагони за репарација и еден патнички вагон, кои треба да бидат направени до Нова година. „Колска“ е единствена фабрика со ваква намена во земјава која порано беше во состав на Железници. Преостанатите 70 од некогашните 350 вработени со години бараат повторно да бидат во состав на Железници.

The post БАРААТ ДА ИМ СЕ ОДБЛОКИРА СМЕТКАТА Вработените во „Колска“ протестираат пред Влада appeared first on plusinfo.mk.

Вработените, предводени од Синдикатот на „Колска“, се револтирани поради тоа што веќе пет-шест месеци Управата за јавни приходи им ја блокирала сметката поради заостанат долг од околу 650 илјади евра за периодот од 2013 до 2017 година. Директорот на „Колска” Мите Јанков бара итно да биде одблокирана сметката за да може претпријатието да набави репроматеријали да плати струја и други комунални трошоци.

– Во периодот од 2013 до 2017 година поранешното раководство на „Колска” воопшто не плаќало ДДВ поради што направило долг од околу 650 илјади евра. УЈП бара од „Колска” тој долг законски да се плати во рок од три години по 20 илјади евра месечно. Ние тој долг не можеме да го платиме со овој број на 70 вработени што останаа на работа. Можеме да си го платиме само за тековниот месец, односно онаа работа што сега ја работиме, само за неа можеме да платиме ДДВ – вели Јанков.

Тој бара од Владата итно да им помогне, а за утре вработените најавуваат дека ќе дојдат на протест во Скопје. Ако се затвори „Колска”, велат тие, тогаш ќе нема кој да ги репарира вагоните на Железници и ќе мора да се носат во Србија, Грција или Бугарија.

Тони Арсов, претседател на Синдикатот на „Колска“, закажан е протест пред Владата за утре во 9 часот. Засега најголем проблем им е да обезбедат превоз за 70 работници од Велес за Скопје и обратно.

Во моментот во работилницата на „Колска” има 25 товарни вагони за репарација и еден патнички вагон, кои треба да бидат завршени до Нова Година. „Колска” е единствена фабрика со ваква намена во земјава, која порано беше во состав на Железници. Сегашните 70 од некогашните 350 вработени со години бараат повторно да бидат вратени во состав на Железници.

The post БЛОКИРАН ЖЕЛЕЗНИЧКИОТ СООБРАЌАЈ ВО ВЕЛЕС Протестираат вработените на „Колска“ appeared first on plusinfo.mk.

– Во периодот од 2013 до 2017 година поранешното раководство на „Колска” воопшто не плаќале ДДВ поради што направиле долг од околу 650 илјади евра. УЈП бара од „Колска” тој долг законски да се плати во рок од три години по 20 илјади евра месечно. Ние тој долг не можеме да го платиме со овој број на 70 вработени што останаа на работа. Можеме да си го платиме само за тековниот месец, односно онаа работа што сега  ја работиме, само за неа можеме да платиме ДДВ – вели Јанков.

Според Јанков, заостанатиот долг ќе можат да го платат во зависност од тоа кога ќе имаат прилив на средства.

– Ни ја блокираа сметката и не можеме да работиме редовно, а ни бараат да враќаме редовно – изјави Јанков.

Бараат од Владата итно да им помогне и за утре планираат да дојдат на протест во Скопје.

Јанков, кој го подржува Синдикатот на „Колска”, утре најави дека ќе обезбеди автобуси за работниците до Скопје и назад.

Велат, ако се затвори „Колска”, тогаш ќе нема кој да ги репарира вагоните на Железници и ќе мора да се носат во Србија, Грција или во Бугарија.

Во моментот во работилницата на „Колска”  имаат 25 товарни вагони за репарација и еден патнички вагон, кои треба да бидат направени до Нова година. „Колска” е единствена фабрика со ваква намена во земјава која порано беше во состав на Железници. Преостанатите 70 од некогашните 350 вработени со години бараат повторно да бидат во состав на Железници.

The post ВОЗ НИЗ ВЕЛЕС НЕ МИНУВА Вработените на „Колска“ излегоа на протест appeared first on plusinfo.mk.

Како што информира денеска на протестот Тони Арсовски претседател на фабричкиот синдикат при ССМ, поради блокадата од страна на УЈП тие веќе три месеци не можат да го исплаќаат долгот на рати кој што е од висина од 37 милиони денари, односно не може да набават репроматеријали за работа односно за репарација на 20 товарни и 1 патнички вагон. Воедно очекуваат да им пристигнат уште 10 цистерни од фирмата „Оилко”.

Арсовски од името на вработените побара итна помош од надлежните бидејќи вчера добиле допис од УЈП за присилна наплата на долгот во деловни простории и погони на фабриката „Колска” во вредност од долгот, 37 милиони денари.

– Освен итно деблокирање на сметката од страна на УЈП, ние од надлежните, Владата и министерството бараме конечно решавање на статусот на фирмата со што ќе запре нашата агонија. Ние веќе 20 години и сега како најприфатливо решение за вработените од „Колска“, бараме таа да биде во состав на ЈП Македонски железници затоа што основната дејност на нашата фабрика е репарација на железнички вагони,како што бевме порано – потенцира Арсовски.

Тој информира дека овие барања тие веќе пред еден месец ги испратиле до премиерот Димитар Ковачевски. Пред еден месец во разговор со вицепремиерот Фатмир Бетиќи им било ветувано дека некој ќе ја купи фабриката, но сето тоа пропаднало.

-Пред еден месец ни прати порака и дека ќе ги посети работниците но засега ништо од тоа ветување – појасни Арсовски.

Тој информира дека со блокада на железничкиот сообраќај на станицата во Велес ќе излезат и утре и понатаму се додека некој од надлежните во владата и министерствата не дојдат и не разговараат со вработените во фабриката за решавање на нивните проблеми, а пред сѐ под итно да им се одблокира сметката од страна на УЈП. Во спротивно ќе продолжат и со протести пред Владата.

Од некогашните 300 вработени пред 20 години, поради пензионирање и непримање на нови работници сега се останати 76, а поради старосната граница над 55 години, за две години сегашниот број на работници ќе се преполови.

Арсовски информира и дека веќе 4 месеци вработените се под минимална плата.

The post НЕ БАРААТ ПЛАТА, ТУКУ ДА РАБОТИ „КОЛСКА“ Работниците го блокираа железничкиот сообраќај за да се одблокира сметката на фирмата appeared first on plusinfo.mk.