Рускиот министер за надворешни работи Сергеј Лавров ги обвини Соединетите Американски Држави дека ги напушаат меѓународните дипломатски норми и се обидуваат да воспостават доминација, особено врз глобалните енергетски пазари.

Во интервју за руската државна телевизија, Лавров изјави дека политиките на Вашингтон, особено во односите со Латинска Америка и Блискиот Исток, „нè враќаат во време кога меѓународното право практично не постоело“.

Тој оцени дека САД се водат исклучиво од сопствените интереси и се подготвени да ги бранат „со сите средства“, вклучително и државни удари, киднапирања или ликвидации на лидери на земји богати со природни ресурси.

Лавров директно посочи дека зад американската политика стои енергетски интерес, наведувајќи ги Венецуела и Иран како примери каде, според него, клучна е контролата врз нафтата.

Дополнително, тој обвини дека САД ја оттурнуваат Европската Унија од рускиот енергетски пазар, преку притисоци за напуштање на гасоводот „Северен тек“ и намалување на зависноста од руски гас.

– Ова не е пристап кон меѓународните односи. Ова е обид за враќање во колонијалната ера, изјави Лавров, оценувајќи дека ваквата политика е водена од „ароганција и презир кон другите“.

Тој додаде дека дури и во контекст на војната во Украина, САД ја користат ситуацијата за економски придобивки, додека Русија, како што рече, се оттурнува од глобалните енергетски пазари.

Москва, според Лавров, е подготвена за соработка, но само ако нејзините интереси се почитуваат.

The post ОВА Е КОЛОНИЈАЛИЗАМ, АРОГАНЦИЈА И ПРЕЗИР КОН ДРУГИТЕ! Москва со жеток напад врз политиката на САД appeared first on plusinfo.mk.

Воздушниот простор над Венецуела стана центар на нова дипломатска бура. Владата во Каракас остро реагирала по изјавата на американскиот претседател Доналд Трамп, кој побара регионот над оваа земја да се смета за „целосно затворен“, јави Ројтерс.

Американски службеници изјавиле дека не знаат за било какви воени операции во врска со Венецуела. Пентагон не одговорил на барањата за коментар, а Белата куќа молчи.

• ДРАМАТИЧНО ПРЕДУПРЕДУВАЊЕ ОД ТРАМП ДО СИТЕ ПИЛОТИ, ДИЛЕРИ И ТРГОВЦИ СО ЛУЃЕ Воздушниот простор над и околу Венецуела е целосно затворен

Реакцијата од Каракас е остра. Министерот за надворешни работи Иван Гил Пинто преку Телеграм објави:

„Оваа екстравагантна, нелегална и неоправдана агресија е закана против нашиот суверенитет“.

Притоа, венецуелската Влада ги обвини САД за „обид да наметнат екстратериторијална јурисдикција“, што, според Венецуела, претставува директно кршење на меѓународното право.

The post „ЗАТВОРАЊЕ НА НЕБОТО, ТОА Е КОЛОНИЈАЛИЗАМ!“ Венецуела му одговори на Трамп appeared first on plusinfo.mk.

„Денес Нигер, вчера Мали, Централно африканската република и Бурикна Фасо ги отфрлија Франција, француската војска и француските компании. На наше место, по неуспехот на операцијата Бархан, дојде Вагнер, кој ни најмалку не е загрижен за човековите права и демократијата, но е совршено достапен на сите диктатори и лидери кои сакаат да се одржат на власт со обединување на своето население против старата ‘колонијална сила,“ пишуваат сенаторите.

Тие предупредуваат дека ваквото расположение се шири и во држави како Сенегал и Брегот на слоновата коска, кои претходно биле наклонети кон Франција.

Сенаторите потсетуваат дека и северноафриканските држави се оддалечуваат од Франција. Алжирскиот претседател зборува за Франција како „големата Сатана“ виновна за проблемите на неговиот народ, Мароко почнува да бара воени и економски партнери подалеку од Париз, а Тунис сѐ повеќе се врти кон САД, ЕУ и Арапскиот свет.

„Денес некогашната Франсафрика е замената со воена Русафрика, економска Кинафрика и дипломатска Америафрика. И што се случува во однос на потиснувањето на франкофонијата во однос на англискиот јазик“, пишуваат француските сенатори.

The post ФРАНЦИЈА ЈА ГУБИ АФРИКА За превласт над „црниот континент“ се борат Русија, Кина и САД appeared first on plusinfo.mk.

Бабрадос, островот познат по преубавите плажи и огромната љубов кон крикетот, следната недела ќе го замени шефот на државата, кралицата Елизабета Втора, со нејзиниот актуелен претставник, генералната гувернерка на островот Сандра Мејсон.

Церемониите, утре и во вторник, вклучуваат воени паради и прослави по повод претседателската инаугурација на Сандра Мејсон.

Почетокот на новата ера предизвика дебата меѓу населението од 285.000 луѓе за вековното британско влијание, вклучително и повеќе од 200 години ропство до 1834 година.

Барбадос својата конечна независност ја стекна во 1966 година.

– Како млада девојка, кога ќе слушнав за кралицата, бев многу возбудена – изјави Шерон Белами-Томпсон (50), продавачка на риби во главниот град Бриџтаун, која се сеќава дека имала околу осум години кога ја видела кралицата во посета.

– Како што растев, почнав да се прашувам што всушност значи оваа кралица за мене и за мојата земја. Немаше никаква смисла – рече таа. – Ќе биде прекрасно да се има претседател на Барбадос.

За младите активисти како што е Фирхаана Булбулија, основач на Муслиманското здружение на Барбадос, британскиот колонијализам и ропството се причина за современата нееднаквост на островот.

– Јазот во богатството, способноста да се поседува земјиште, па дури и пристапот до банкарски заеми, сите имаат многу врска со структурите изградени под британско владеење – вели 26-годишната Булбулија. – Вистинските синџири (на ропството) се скршени и ние повеќе не ги носиме, но менталните синџири сè уште постојат во нашето размислување.

Во октомври Барбадос ја избра Мејсон за своја прва претседателка, една година откако премиерката Миа Мотли изјави дека земјата целосно ќе го напушти своето колонијално минато.

Фото: unsplash.com

The post БАРБАДОС ОД УТРЕ СТАНУВА НАЈНОВАТА РЕПУБЛИКА ВО СВЕТОТ Kралицата Елизабета ќе биде заменета со гувернерката Сандра Мејсон appeared first on plusinfo.mk.