Пет лица биле приведени на вчерашниот концерт на Дејвид Гета на Арената „Тодор Проески“ во Скопје.

Според информации од МВР, регистрирани биле само две нарушувања на јавниот ред и мир при што полициските службеници привеле вкупно 5 лица.

Оценката на полицијата е дека настанот од безбедносен аспект поминал исклучително мирно, без поголеми проблеми за обезбедување на самиот објект, но и за одвивањето на сообраќајот.

Протокот на посетители пред и по завршувањето на концертот се одвивал без поголеми застои.

„На 09.09.2026 во 00:30 часот во Скопје, од арена „Тодор Проески “, полициски службеници од СВР Скопје ги приведоа В.Г.(23), Р.Т.(23) и Д.К.(22), сите од Скопје, постапувајќи по претходна пријава дека физички го нападнале Д.Н.(18) од Скопје“.

Во друг случај, се пресметале две лица.

„На 09.09.2026 во 01:00 часот во Скопје, од арена ‘Тодор Проески”, полициски службеници од СВР Скопје ги приведоа Р.К.(57) и В.Т.(25) од Скопје, постапувајќи по претходна пријава дека го нарушиле јавниот ред и мир со меѓусебна физичка пресметка“.

The post 5 ЛИЦА ПРИВЕДЕНИ НА КОНЦЕРTOТ НА ДЕЈВИД ГЕТА Полицијата оцени дека вечерта поминала без поголеми нарушувања appeared first on plusinfo.mk.