Нил Амстронг и Баз Олдрин имаа чест да бидат првите луѓе што одеа по Земјиниот сателит, а третиот член на екипажот, Мајкл Колинс, остана во бродот „Колумбија“ и го чекаше нивното враќање.

Првите четири дена од мисијата поминаа според планот, но дваесет минути пред да слетаат на Месечината, екипажот наиде на низа проблеми.

Радио контактот со контролниот центар во Хјустон за кратко беше изгубен – во модулот „Орел“, со кој Армстронг и Олдрин слетаа на Месечината, се огласи аларм.

Од Хјустон им било наложено да ја продолжат мисијата и дека станува збор за компјутерски проблем кој е преоптоварен.

Астронаутите се префрлиле на рачна контрола и слетале на површината. Слегувајќи од „Орелот“, Армстон ја кажа познатата реченица: Ова е мал чекор за човекот, но голем за човештвото.

Баз Олдрин подоцна рече дека Армстронг на почетокот на подготовките за мисијата му рекол дека „ќе го користи повисокиот ранг и дека тој ќе биде првиот што ќе зачекори на површината на Месечината“.

– Одлучив да молчам, се обидов да не му се лутам на Нил – напиша Олдрин подоцна во своите мемоари.

Многумина се сомневаа во успехот при слетувањето на Месечината во првиот обид, но не и Нил Армстронг, како искусен воен пилот.

– Чувствував дека имаме 90 проценти шанса да се вратиме безбедно и околу 50% шанси за успешно слетување на Месечината – објасни тој.

Баз Олдрин опиша како изгледала прошетката по Месечината:

– Почнав да трчам малку и се чувствував како да сум во бавно движење, честопати со двете нозе во воздухот.

За време на два и пол часа пешачење по површината на Месечината, Армстронг фотографирал купишта карпи додека Олдрин инсталирал сеизмометар и два други научни инструменти.

Тие го подигнаа американското знаме и оставија зад себе неколку предмети, вклучувајќи медал во чест на првиот човек во вселената – Русинот Јуриј Гагарин.

Од 857 црно-бели фотографии и 550 во боја, само четири го покажуваат Армстронг. Олдрин е на повеќето од нив.

– Тој е многу пофотогеничен од мене – се пошегува Амстронг.

За тоа време, Колинс чекал во орбитата 22 часа. Тој цело време стравуваше дека ако работите тргнат наопаку, можеби ќе мора да ги остави колегите на Месечината и да се врати сам на Земјата.

– Ако не успеат да се издигнат од површината на Месечината или да се срушат, не планирам да се убијам, но знам дека ќе живеам со целта на грбот до крајот на мојот живот – објасни Колинс подоцна што се минувало низ неговата глава во тоа време.

Тие се вратија на Земјата на 24 јули, кога капсулата за кратко време се претвори во огнена топка на небото, пред трите падобрани да се отворат и безбедно да слетаат во Тихиот океан.

Ниту еден од овие тројца астронаути никогаш не се вратил во вселената. По уште шест мисии, програмата „Аполо“ беше укината во 1972 година.

Податоците покажуваат дека 400.000 луѓе работеле на вселенската програма „Аполо“ во различни мисии.

Слетувањето на луѓето на Месечината до денес е придружено со разни полемики и тврдења на скептиците дека целата мисија е „лажна“ и дека во тоа време било невозможно да се слета на Месечината поради послабите технички услови, истакнувајќи дека со децении по овој подвиг, следните мисии во вселената не пристапија на Земјиниот сателит, дури не му се ни доближија.

Во различни теории на заговор се наведуваат за наводни сомнителни фотографии од Месечината, некои технолошки нелогичности, знаме кое се вее иако е простор што не го дозволува тоа …

Но, никој со сериозни научни препораки на овој ден не го оспори летот на човекот кон Месечината, што останува еден од најголемите потези во историјата на човештвото.

The post ДАЛИ АМЕРИКАНЦИТЕ НАВИСТИНА БЕА НА МЕСЕЧИНАТА На денешен ден пред 52 години, мисијата „Аполо 11“ полета, но дали слета? (ВИДЕО) appeared first on plusinfo.mk.

– Ние ја елиминиравме Даниела Колинс, откако таа ги прекрши нашите протоколи за ковид-19 и ги напушти „Greenbrier Resort“ и државата Западна Вирџинија – рече извршниот директор на „WTT“, Карлос Силва.

– Протоколите беа составувани и комуницирани неколку пати за да се заштити здравјето и безбедноста на нашите играчи, тренери и персонал кои се од најголема важност за  „WTT“, додава Силва.

Организаторите не објавија детали за елиминирањето на полуфиналистката од „Австралија опен“ во 2019 година.

Колинс го критикуваше Новак Ѓоковиќ минатиот месец, откако светскиот рекет број еден рече дека е „невозможно“ да се игра на годинашниот „УС Опен“ под протоколите за ковид-19 што ги предложија организаторите.

„WTT“ ќе биде еден од првите професионални спортски настани во САД со гледачи. Секој ден ќе бидат дозволени 500 гледачи на централниот терен на „Криксајд“ стадионот, во кој може да прими 2.500 гледачи.

Турнирот, кој се одржува од 1974 година, ќе трае 22 дена во текот на кои ќе се играат 66 натпревари и девет екипи ќе се борат за „King Trophy“. Меѓу учесниците на турнирот се Венус Вилијамс (Вашингтон Кастлс), Софија Кенин (Филаделфија Фридомс), Слоун Стивенс (Чикаго Смаш), браќата Брајан (Вегас Ролерс).

Колинс претходно го критикуваше Новак Ѓоковиќ.

– Новак, ова е многу контрадикторно во споредба со твојот претходен коментар дека тенисерите во првите 100 треба да донираат пари на ниско рангираните. Никој не заработил пари од февруари. Сега имаме голема шанса на „УС Опен“, чии организатори сакаат турнир да го одржат со некои строги правила за безбедност за сите да се чувствуваат безбедни – напиша 26-годишната тенисерка, додавајќи:

– Ова е голема шанса играчите да започнат да заработуваат пари, а сега имаме врвни тенисери кои велат дека носењето на еден професионален член на персоналот со нив е тешко бидејќи нема да можат да ја водат целата придружба. Ако е толку безбедна и ако „USTA“, „WTA“ и „ATP“ сторат сé за да го заштитат здравјето на тенисерите, тогаш мислам дека треба да бидат поддржани. Лесно е за некој што заработил 150 милиони американски долари во кариерата, да им каже на другите што да прават со своите пари и потоа да одбијат да играат на „УС Опен“.

The post Го критикуваше Ѓоковиќ, а сега е исфрлена од турнир поради кршење на протоколот за ковид-19 appeared first on plusinfo.mk.