Шпицнагел оцени дека сегашната ситуација на пазарот е „мега буре барут и темпирана бомба“.

– Мислам дека се движиме кон нешто навистина, навистина лошо – рече Шпицнагел во неодамнешното интервју за Волстрит журнал WSJ (The Wall Street Journal).

Тој сегашната состојба со берзите ја спореди со познатиот балон „dot-com“, кога инвеститорите вложуваа пари во технолошките акции пред да згасне лудоста и да се сруши Nasdaq во 2000 година.

Сепак, Шпицнагел рече дека балонот и ефектите од неговото пукање ќе бидат уште поекстремни сега бидејќи долгот на владата од 34 трилиони долари ќе ѝ отежне на Американската централна банка (ФЕД) да ја сврти економијата навреме и да избегне рецесија.

Според него сегашниот раст на вредноста на акциите веројатно ќе трае со месеци бидејќи инфлацијата продолжува да се намалува, а ФЕД ја ублажува монетарната политика, додавајќи дека акциите наскоро би можеле да изгубат повеќе од половина од нивната вредност.

Фондот на Шпицнагел „Universa Investments“ се обложува на настани што колоквијално се нарекуваат „црн лебед“ кои ги движат пазарите.

Тој заработи милијарди за време на падот на берзата во 2008 година, за време на криза во 2015 година и почетокот на пандемијата со ковид-19 на почетокот на 2020 година.

Шпицнагел предупредува на колапс на пазарот од јануари 2023 година, па иако не беше прв пат да алармира, тој рече дека временската рамка на претстојната криза сега е појасна и дека рецесија може да биде на повидок пред крајот на годината.

The post ПОЗНАТ ИНВЕСТИТОР ПРЕДВИДУВА КОЛАПС НА БЕРЗИТЕ Шпицнагел тврди дека наскоро вредноста на акциите ќе се преполови appeared first on plusinfo.mk.

Извештајот што фрла повеќе светлина врз она што довело до колапс на 167-годишната институција посочува дека најголемиот дел од одливот на капитал е направен од одделот за управување со богатството.

На крајот на март овој оддел на банката управуваше со 502,5 милијарди франци, додека во истиот период лани управуваше со 707 милијарди франци што е пад од речиси 29%.

Клиентите на најстарата швајцарска банка почнаа да вадат пари од неа, откако банката беше зафатена од пазарните превирања што уследија по колапсот на банката Силиконската долина и банката Сигнјур во САД.

Швајцарија и Швајцарската народна банка практично наметнаа преземање на банката, од страна на банката УБС за 3 милијарди франци, притоа ветувајќи дека ќе издвои 5 милијарди евра за загубите што произлегуваат од преземањето.

The post ПАНИКАТА Ѝ ПРЕСУДИ НА КРЕДИТ СВИС Клиентите повлекоа 62 милијарди евра пред колапсот appeared first on plusinfo.mk.

Асоцијација на Ивент индустрија (ИВАП) велат дека се затворени 11 месеци и не оствариле никави приходи.

– Нашите бизниси се пред колапс. Мерките кои ги понуди Владата во претходните пакети за помош
се недоволни и несоодветни за нашиот сектор бидејќи намалувањето на прометот кај нас е и до 100%“. Уште на почетокот на кризата предупредувавме дека сме првите што сме затворени и дека ќе бидеме последни што ќе можат да работат. За жал, нашето предвидување се оствари а во земјава навистина нема можност за организирање на било каков настан на отворен или затворен простор. Ова секако не нѐ погодува само нас организаторите, тука сѐ уште многу други дејности кои трпат значителни штети заради ситуацијата – велат од Ивент индустријата.

Оттаму информираа дека  оствариле средба со вицепремиерот за еконосмки прашања Фатмир Битиќи на која му ја презентирале  комплексноста на секторот и состојбата во која се најдоа.

– Задоволни сме од приемот но сега тоа треба да се претвори и во реална реакција. Доколку Владата итно не насочи помош кон нашата индустрија и доколку јасно не ја вброи нашата индустрија во една од најзагрозените, навистина ќе сметаме дека сме заборавени од сопствената држава – велат од индустријата за организирање настани.

The post Ивент индустријата е во колапс бара да биде вклучена во новиот пакет економски мерки appeared first on plusinfo.mk.