Утринава, на денот на летната долгодневица, министерот за култура и туризам, Зоран Љутков, присуствуваше на археолошкиот локалитет Кокино, каде што го следеше изгрејсонцето – астрономски настан што со векови го привлекува вниманието на научниците, истражувачите и посетителите, соопшти Министерствот за култура и туризам.

На настанот, организиран од Музејот во Куманово присуствуваа и директорката на Музејот во Куманово, Марија Живачки, градоначалникот на Општина Старо Нагоричане, Мирослав Славковски, археологот Дејан Георгиевски, пратеникот Бране Петрушевски, директорот на Национален конзерваторски центар, Александар Јорданоски и бројни гости и посетители.

Локалитетот Кокино, стар околу четири милениуми, е едно од најзначајните археолошки и археоастрономски наоѓалишта во Македонија. Токму овде древните жители внимателно ги следеле движењата на Сонцето и небесните тела, оставајќи сведоштва за нивното извонредно познавање на природните циклуси и нивната улога во секојдневниот живот и духовната култура.

Особено впечатлив е феноменот на летната долгодневица, кога од точно определена точка на локалитетот може да се набљудува изгрејсонцето низ специфичен карпест процеп, што претставува една од најпрепознатливите особености на Кокино. Токму оваа уникатна поврзаност на природата, науката и културното наследство му дава исклучителна вредност на локалитетот.

Посетата е дел од активностите на Министерството за култура и туризам насочени кон афирмација и промоција на културното наследство, како и кон подготовките за одбележување на значајниот јубилеј – 25 години од откривањето на Кокино, кој ќе биде одбележан во 2026 година со повеќе научни, културни и промотивни настани.

Министерството за култура и туризам останува посветено на зачувувањето, валоризацијата и промоцијата на културното наследство како темелна вредност на националниот идентитет и значаен потенцијал за развој на културниот туризам.

The post СПЕКТАКУЛАРНО ИЗГРЕЈСОНЦЕ НА КОКИНО Министерот Љутков и бројни гости ја посетија древната опсерваторија appeared first on plusinfo.mk.

Јаневски смета дека институциите под кои е Кокино треба да преземат мерки.

– Во Кокино се наплаќа влез буквално под круша, на парагон блок. Фискална белешка нема. Со влезот не добивате ништо, одите по каллив и прашлив пат, без туристички водич. Не добивате ниту некакви дополнителни инфорамции – истакнува Јаневски за МИА.

Според него, на ваков начин не треба да се третираат нашите атракции.

– Зборуваме за опсерваторија признаена од НАСА и една од ретките чуда во светот. Мислам дека институциите под кои е Кокино треба да преземат повеќе мерки, да ги следат позитивните практики од други вакви или слични локалитети во регионот. Треба да овозможиме достојно претставување на нашите атракции – потенцира Јаневски.

The post ПОД КРУША ФИСКАЛНА НЕ ПАЃА Кокино влезе во НАСА, ама за даноци не знае appeared first on plusinfo.mk.

Во рамки на перформативната програма на „Кокино – Тврдина на Сонцето“ ќе се одржат повеќе од 20 настапи на реномирани уметници од македонската сцена, вклучувајќи ги и концертите на: „Љубојна“, Дина Јашари, Тони Китановски, „Фулиш грин“, Драган и Ратко Даутовски, „Перија“, Сашо Гигов Гиш, „Сетстат“, „Летечки Пекинезери“, Џенгиз Ибрахим, „Чалгија Саунд Систем“, „21 Век“, „Тока Шитет“, Јон Ајди, диџејските сетови на Горан Кан, Флудер, Чарли и уште многу други музички изведувачи.

Покрај концертите, програмата на овој специфичен настан вклучува и театарски перформанси, кино-проекции, но и едукативни работилници, видеоинсталации, предавања, туристички прошетки, стрип изложба, ракотворби – сè од КОКИНО: Тврдина на Сонцето. Во сите сегменти на настанот, секое ќоше ќе говори за сопствената историја, за уметноста инспирирана од вековите пред и по настанувањето на Кокино, до денес.

Мноштвото активности и перформанси кои сред волшебниот природен амбиент во подножјето на Кокино, долж обележаната патека/рута и во просторот на самата опсерваторија, како што е најавено, ќе ги претстават стотина различни автори од полето на литературата, уметноста и културата, во величествен тридневен спој на различните уметнички правци од македонското творештво.

The post КОКИНО – ТВРДИНА НА СОНЦЕТО Почнува уникатниот фестивал appeared first on plusinfo.mk.

– Во моментов наши екипи и и припадници на Армијата се упатуваат кон овие три жаришта. Цела ноќ, екипите се на терен, делумно е локализиран пожарот – изјави командирот на противпожарната единица, Далибор Трајковски.

Екипите на противпожарната единица на Старо Нагоричане, со поддршка на пожарникарите од Куманово, Скопје, Ранковце, припадници на шумското стопанство, припадници на Армијата на МВР, на ДЗСИ мештани цела ноќ го гасеа пожарот кај Кокино во кој беше зафатена поголема површина на борова, дабова и нискостеблеста шума. Пожарот почна да се шири на 1. август во попладневните часови. Вчера во текот на денот во гасењето беше вклучен и хеликоптер на Армијата. Претходно беа и евакуирани и жители.

Во Кумановско, целосно е изгаснат пожарот во Мургаш и Пезово, екипите села ноќ го гаселе пожарот кој е видлив од источната страна на Куманово.

Во моментов има пожар од другата страна на ридот кој е префрлен во атар на село Бељаковце каде што гори нискостеблеста дабова шума, пративме екипа и на тој реон, изјави командирот на ТППЕ Куманово, Дејан Илиевски.

The post Пожарот кај Кокино ставен под контрола, жариштето е во Кокински дол appeared first on plusinfo.mk.

За таа цел, како што информираше археологот Дејан Ѓорѓиевски, биле подготвени  пет нови табли (патоказни и информациски) кои значително ја олеснуваат посетата на Кокино, особено за странските туристи, кои постојано апелираа да се подобри патната сигнализација. Преку оваа донација, активен е сајтот за Кокино: www.visitkokino.com, на кој се наоѓаат основните информации за вредностите на овој локалитет и можностите за негова посета. Активирани се мобилните апликации за аудио-водење на локалитетот, додека за сите оние кои се заинтересирани за посета со водич, може да се обратат во НУ Музеј Куманово или да резервираат водич на сајтот www.kokino.mk.

-Апелираме посетителите да се придржуваат до препораките за посета на локалитетот, како и до протоколите за посета утврдени со одлука на Министерството за култура. Воедно, апелираме и до месното население да не ги оштетува или уништува патоказните табли, затоа што руралниот развој преку културниот туризам е од интерес на сите нас, вели Ѓорѓиевски.

The post Нови патоказни и информациски табли за локалитетот Кокино appeared first on plusinfo.mk.