„Поразува и фактот што АА од една страна тврди дека за разлика од ДУИ сака да понуди нова вредност, а се согласува, дури и инсистира, нејзините кадри да бидат третирани и да ги уживаат истите привилегии како и кадрите од СДС и ДУИ. Потсетуваме дека работењето на МЕПСО постојано го следат скандали. Последен во низата е одлуката да ‘репрограмираат’ долг од 14 милиони евра на приватни бизниси, меѓу кои е и фирмата ‘У ПОВЕР’ ДОО експорт-импорт Скопје, во сопственост на синот на фракционерот во ДУИ Муса Џафери. Во досегашната работа на МЕПСО, ова е прв случај да се одобри репрограмирање на долг на должник, иако имало вакви барања на должници и во минатото. Исто така, додека со МЕПСО раководеше кадарот на ДУИ, Куштрим Рамадани, бевме дисциплинирани од страна на Европската мрежа на систем оператори, како држава која го нарушува европскиот систем за пренос на електрична енергија. Поради овој скандал, МЕПСО за еден месец плати 15 милиони евра поради недозволеното преземање од европската мрежа. За расипничкото трошење на парите на граѓаните во време кога струјата поскапува, повторно одговорност немаше“, наведено е во партиското соопштение.

Левица прашува: До кога есенцијалните општествени и државни компании ќе бидат жртва на несериозност, партиски пазарења, импровизации, непрофесионалност и криминал? До кога, наместо народни и граѓански, ќе бидат третирани како ничија сопственост или сопственост на партиите кои се на власт?

Политичката партија Левица повикува на итни и вонредни парламентарни избори, поради изгубениот легитимитет на оваа владина коалиција, која е главен генератор на криминалот и корупција во секоја општествена сфера на живеење и која нема никаков капацитет и стратегија да ги реши клучните проблеми кои секојдневно го уназадуваат македонското општество.

The post БРАТОТ НА ПИШТОЛЏИЈАТА КОКА ЌЕ ГО СПАСУВА МЕПСО ОД СКАНДАЛИТЕ Левица прашува до кога државните компании ќе бидат жртва на партиски пазарења? appeared first on plusinfo.mk.

Најголемиот светски производител на кокаин ја зголеми површината за одгледување на кока за 43 отсто. Во 2020 година се засеани 143.000 хектари, а во 2021, 204.000, објави Одделот на ОН за борба против дрога и криминал.

Станува збор за најголем број досега забележан од ОН, откако почна со следење на производството на кокаин во 2001 година.

За споредба со зголемувањето на плантажите, производството на кокаин што се праќа од Колумбија во САД и Европа, има пораст од 1.010 на 1.400 тони.

Производството расте од 2014 година и покрај полициските акции против криумчарење наркотици.

Според ОН, порастот на одгледување лисја на кока и производство на кокаин, првенствено е последица на „територијалната ранливост“, потоа „зголемената глобална побарувачка“, па на дејствувањето на вооружени групи, профитери од оваа трговија.

Колумбискиот претседател Густаво Петро им предложи на САД нов пристап во досегашната безуспешна борба против трговијата со дрога.

The post ЗАСЕАНИ РЕКОРДНИ 204.000 ХЕКТАРИ СО КОКА Имало зголемена глобална побарувачка за кокаин appeared first on plusinfo.mk.