Врз основа на податоците од Анкетата за приходите и условите за живеење, која се спроведува во согласност со препораките на Европската Унија, Државниот завод за статистика (ДЗС) ги пресмета лаекенските индикатори за сиромаштија за 2023 година.

Основа за пресметките на сиромаштијата се приходите, а прагот на сиромаштијата е дефиниран на 60% од медијалниот еквивалентен приход.

Според оваа анкета, како што соопшти ДЗС, во 2023 година, стапката на сиромашни лица изнесува 22,2 %.

Анализирано по типови домаќинства, стапката на сиромаштија на домаќинствата составени од двајца возрасни со 2 издржувани деца во 2023 година е 17,8 %.

Според најфреквентниот статус на економската активност, стапката на сиромашни вработени лица е 8,4 %, додека стапката на сиромашни пензионери е 11,3%.

Коефициентот на Џини (мерка за нееднаквоста во распределбата на приходите) изнесува 30,3%.

The post СТАПКАТА НА СИРОМАШТИЈА ВО 2023 ГОДИНА ИЗНЕСУВАЛА 22,2% Коефициентот на Џини изнесувал 30,3%. appeared first on plusinfo.mk.