До крајот на јуни ќе се формализира реконструкцијата на Влада, а до 1 јули очекува списокот да се најде пред пратениците, изјави денеска премиерот Христијан Мицкоски.

Тој оцени дека вчерашната средба со претставници на Вреди поминала во добра атмосфера, но не изнесе детали.

– Во интерес на процесот не би зборувал премногу околу конкретни кадровски решенија, имиња и слично. Се разгледуваат секакви опции. Во добра, пријатна атмосфера беше вчера состанокот. Се разгледуваат опции за промена на ресори, така што мислам дека многу бргу ќе го затвориме овој прв дел од процесот во условно кажано првиот ешелон. Денеска ќе видиме со ЗНАМ, во два часот имаме состанок со нив. Ќе разговараме отворено за сите добри страни, но и слабости, се разбира. Така што до крајот на следната недела, како што кажавме и до крајот на јуни сето ова ќе го формализираме и најдоцна до први јули списокот да се најде во Парламент пред парламентарците – изјави Мицкоски одговарајќи на новинарски прашања по поставување камен-темелник на градинка во Козле.

Мицкоски најави дека по реконструкцијата ќе продолжат и во другите структури и на локално ниво.

– Ние имаме и на локално ниво прилично голема бројка директори на јавни претпријатија. Имаме свои мислења за работата на дел од тие луѓе. Имаме места каде што можеме подобро. Имаме места каде што сме исклучително задоволни. Такви се повеќето, но има и таму каде што е потребно да се поправиме и на ниво на општини, но и на локално ниво од аспект на подрачни единици. Така што процесот ќе продолжи во втората фаза во текот на летото и паралелно со тој процес, бидејќи горе-долу е оформена и структурата на партијата, ќе отпочнеме процес таму некаде во втората половина на јули, кој што евентуално би траел до крајот на септември на ажурирање на членството и ново зачленување во ВМРО ДПМНЕ – рече Мицкоски.

Според премиерот, овој процес на реконструкција длабински и суштински ќе промени многу нешта, заклучно со крајот на летото.

Министерот за социјална политика, демографија и млади, Фатмир Лимани, одговарајќи на новинарски прашања за реконструкцијата, рече дека не разговарал со премиерот за оваа тема, и нема да разговара, бидејќи, според него, секој мандатар си прави свој тим, и тие се на таа функција за да работат во полза на народот.

– Истакнав дека не сме овде за да бидеме товар, но да олесниме за да изградиме вакви проекти, градење на детски градинки кои чекаат и старски домови и слични објекти кои ќе бидат во полза на нашиот народ. Што се однесува до измените, иако денес завршува мојот мандат, јас мислам дека повеќе треба да се насочиме на тоа што направивме ние за доброто на оваа држава и народот, без разлика на тоа која е цената што треба ние да ја платиме. Не сме во овие позиции да бидеме товар ни на премиерот, ни на мандатарот, ни на никого. Сме овде да играме улога на играчи кои ќе ја сработат работата во полза на народот – рече Лимани.

The post СПИСОКОТ ЗА НОВАТА ВЛАДА ДО 1 ЈУЛИ ЌЕ БИДЕ ПРЕД ПРАТЕНИЦИТЕ Мицкоски најави и смени на директори appeared first on plusinfo.mk.

Како што беше најавено, денеска и утре се предвидени средби на владејачката партија ВМРО-ДПМНЕ со коалициските партнери, политичките партии ЗНАМ и Вреди во врска со најавената реконструкција на Владата.

„Со оглед на тоа што разговорите се во рана фаза и станува збор за чувствителен процес кој бара сериозен и одговорен пристап, во овој момент не би навлегувале во дополнителни детали. Штом бидат постигнати конкретни договори и дефинирани решенија, јавноста ќе биде навремено и целосно информирана“, соопштуваат од Владата.

Она што во моментов е познато и останува непроменета позиција и јасен принцип на претседателот на Владата, проф д-р Христијан Мицкоски, се пораките кои тој јавно ги упати на одбележувањето на 36-годишнината од ВМРО-ДПМНЕ во Струмица.

Премиерот нагласи дека внимателно ги следи состојбите во институциите и дека не е задоволен од појавите кај дел од функционерите кои се оддалечуваат од принципите врз кои е формирана Владата.

Тој посочи дека до него пристигнуваат забелешки за недоволна достапност на дел од министрите и директорите, како и за оддалечување од секојдневните проблеми и потреби на граѓаните.

Мицкоски јасно порача дека Владата е избрана да му служи на народот, а не да ужива во привилегиите на власта, додавајќи дека секој функционер мора да биде достапен, посветен и постојано присутен меѓу граѓаните.

Во своето обраќање тој нагласи дека нема да толерира несовесност, неодговорност и отстапување од принципите врз кои се темели работата на Владата, без разлика на функцијата што некој ја извршува.

Премиерот порача дека не прифаќа оправдувања за неисполнување на обврските и дека секој што не може да одговори на предизвиците треба чесно да го преиспита своето место во тимот.

– Сите отстапувања прецизно ги нотирам и ќе има промени. Тие промени треба да ги подобрат капацитетите и да го дадат максимумот од секој поединец. Сакам секој од вас да остане посветен на народот, достапен и чесен – порача Мицкоски.

Основниот критериум во процесот на реконструкција останува ефикасноста, достапноста кон граѓаните, исполнувањето на програмските цели и целосната посветеност на работата во интерес на народот.

The post МИЦКОСКИ САКА ПОСВЕТЕНИ, ДОСТАПНИ И ЧЕСНИ МИНИСТРИ И ДИРЕКТОРИ Во рана фаза се разговорите за реконструкција во Владата appeared first on plusinfo.mk.

ВМРО-ДПМНЕ на 17 јуни на стадионот во Струмица ќе го одбележи роденденот на партијата, а потоа ќе започнат разговорите за реконструкцијата на Владата, посочи денеска премиерот Христијан Мицкоски по пуштањето во употреба на Домот за стари лица „ПУСЗ Оаза by Adora“ во Општина Илинден. За најавите за парламентарни избори, рече дека ВМРО-ДПМНЕ сака редовни избори, но ако биде предизвикана ќе оди на избори пред рокот и ќе победи.

– Следната недела после роденденот којшто ќе биде на 17 јуни во Струмица со почеток од 20 часот на стадионот, после тоа почнуваме разговори со владините коалициони партнери околу реконструкцијата на Владата – изјави Мицкоски во одговор на новинарско прашање.

Коментирајќи ги тврдењата на опозициската СДСМ дека Владата оди на избори бидејќи ги потрошила државните парите и дека нема да бидат алиби за предвремени избори, премиерот Мицкоски рече дека тоа едното со другото немаат логика. Мицкоски истакна дека нивниот став е да нема предвремени избори, дека добиле мандат од граѓаните четири години и сакаат да одат на редовни парламентарни избори коишто ќе се случат пролетта 2028 година, но доколку се предизвикани мора да се подготвени, како и секоја сериозна политичка опција.

– Нема да се мешам во нивната стратегија. Само знам дека, зборувам политички, кога влегувате во втората половина од мандатот, логично е да сте подготвени за избори без разлика дали се тоа редовни или вонредни, на барање на опозицијата. Еве нашата опозиција не бара, нашата опозиција е сокриена, има три-четворица кои држат прес-конференции полни со невистини и навреди, најчесто кон мене. И сега кога имаат можност да се покажат на терен, да видат еве колку ефект имаат тие нивни невистини и навреди кон мене, тие едноставно бегаат. Тоа нема да биде првпат што го прави СДСМ. Тоа веќе во историјата многу пати го направила СДСМ – рече Мицкоски.

Премиерот додаде дека тие немаат намера да предизвикаат предвремни избори и дека нивната цел се редовни избори, но ако бидат, како што кажа, предизвикани тогаш ќе одат на избори и ќе победат.

За најавеното повлекување на Али Ахмети од лидерското место во ДУИ, Мицкоски рече дека не би сакал да коментира бидејќи тоа се внатрешни работи на партиите, исто како што не би сакал некој да ги коментира внатрешните работи во ВМРО-ДПМНЕ.

The post РЕКОНСТРУКЦИЈА НА ВЛАДАТА ПО 17 ЈУНИ, РОДЕНДЕНОТ НА ВМРО-ДПМНЕ Нема потреба од предвремени избори, освен ако СДСМ не побара appeared first on plusinfo.mk.

Премиерот Христијан Мицкоски изјави дека привршува внатрепартиската реорганизација и очекува во јуни да се работи на усогласувањето на ставовите за тоа како ќе изгледа Владата во иднина. Вели дека ВМРО-ДПМНЕ ќе излезе со свој став, но дека сака да ги слушне и позициите на останатите коалициски партнери. Не ја исклучува можноста за приклучување и на други партии во владината коалиција.

Прашан дали веќе има констатирано кој не ги исполнува очекувањата во Владата, Мицкоски рече дека сè уште немаат длабински разговарано, но дека прават анализи.

– Правиме анализа, се разбира. И јас лично, но и луѓето од мојот кабинет, имаме некакви индикации, така што, јуни доаѓа, па во јуни ќе имаме повеќе детали – изјави премиерот Мицкоски одговарајќи на новинарски прашања по Германско-македонскиот бизнис самит 2026, во организација на АХК Северна Македонија.

Во однос на тоа дали ќе има прераспределба на политичката моќ низ ресорите во Владата, со оглед дека ЗНАМ имаат еден пратеник помалку, Мицкоски рече дека ВМРО-ДПМНЕ прават анализи и ќе излезат со свој став, но би сакале да ги слушнат и ставовите на останатите коалициски партнери.

– Ние како коалиција предводена од ВМРО-ДПМНЕ, според мене, на тие преговори ќе излеземе со наш став, и тој став пред сè се должи на нашите анализи. Би сакале да ги слушнеме и ставовите на останатите коалициски партнери и се надевам дека како стратешка коалиција и понатаму ќе продолжиме успешно да ја водиме македонската Влада – изјави Мицкоски.

Тој не ја исклучува ниту можноста на владината коалиција да се приклучат и други партии. Прашан дали е можно и други партии да се приклучат на коалицијата, Мицкоски одговори „Сè е можно, да“.

Прашан дали министерот Фатмир Лимани и понатаму ќе остане во Владата, Мицкоски рече дека тоа ќе треба да го одговори раководството на Колицијата „Вреди“, за кое посочи дека е стратешки партнер во рамките на Владата.

– Тоа ќе треба да го прашате раководството на коалицијата „Вреди“, коешто претпоставувам и понатаму ќе биде дел од Владата, бидејќи за нас тоа е стратешки партнер во рамките на Владата, така што ова прашање можеби би требало да го упатите таму – изјави Мицкоски.

The post ДО ЈУНИ ЌЕ СЕ КРЧКА НОВИОТ СОСТАВ НА ВЛАДАТА Можно е и други партии да се приклучат на коалицијата appeared first on plusinfo.mk.

Прво ќе ја потврдиме внатрешната коалиција на ВМРО-ДПМНЕ со политичките партии, а потоа ќе продолжат разговорите и со коалициските владини партнерти, рече денеска премиерот Христијан Мицкоски, одговарајќи на новинарско прашање до каде се преговорите со владините партнери Вреди и ЗНАМ и кога може да се очекуваат кандидати за градоначалници на општините Центар и Куманово.

– Преговорите со политичките партии се во тек. Сите политички партии кои се дел од нашата внатрешна коалиција се наш приоритет, тие преговори се во тек, се разговара. Очекувам коалицијата да биде потврдена. Потоа ќе продолжат и преговорите со нашите коалициски владини партнери. Во овој момент се движат во одлична позитивна насока. Кога ќе имаме повеќе детали ќе излеземе во јавноста со информации – одговори Мицкоски.

На друго новинарско прашање, во врска со обвинувањата на СДСМ за квалитетот на новоизградената делница од автопатот Кичево-Охрид, Мицкоски рече дека не бе го коментирал СДСМ.

– СДСМ има многу поважна работа од тоа да излегува со вакви пораки, прво треба самиот себе внатре да се консолидира, бидејќи се соочува со уште еден дебакл на уште едни избори кои ќе се случат набргу – рече премиерот Христијан Мицкоски.

The post НАСКОРО КАНДИДАТИ ЗА ГРАДОНАЧАЛНИЦИ НА КУМАНОВО И НА ЦЕНТАР На Мицкоски приоритет му е коалицијата на ВМРО-ДПМНЕ, во тек се и преговорите со ЗНАМ и со Вреди appeared first on plusinfo.mk.

Стоилковски додаде дека во тој контекст ВМРО-ДПМНЕ внимава и на персоналните решенија кои што се нудат во коалициските преговори. При што истите не треба да бидат ниту компромитирани на било кој начин и да се посветени кон работата и реформите кои што ќе следат.

– Засега она што може да се каже е дека преговорите се во напредна фаза, но сè уште нема конечен договор и сè до моментот кога ќе може официјално да се соопшти, нема да соопштуваме никакви детали. Се разговара и за ресори кои што се од економска и политичка природа, но најважно е тие да ги прифатат принципите на Владата и генералните програмски определби – појасни портпаролот на ВМРО-ДПМНЕ.

Стоилковски посочи дека во преговорите се внимава на квалитетот на самата поделба и на бројката која што ВМРО-ДПМНЕ ја има во освоени пратеници за овој парламентарен состав.

-Преговорите можам да кажам дека ќе продожат и во следните денови – заклучи Стоилковски.

The post ПРЕГОВОРИТЕ ЗА НОВАТА ВЛАДА ВО НАПРЕДНА ФАЗА За компромитираните нема место во коалициските преговори, велат од ВМРО-ДПМНЕ appeared first on plusinfo.mk.

– И тоа што имам да го соопштам сега како би рекол одредена новост за Вашиот медиум е дека коалицијата на ВМРО-ДПМНЕ ќе биде проширена со во моментов 7 политички партии, коишто до вчера биле во коалиција со СДСМ, а сега преминуваат во коалицијата на ВМРО-ДПМНЕ – истакна Милошоски

За два-три дена, додаде тој, очекуваме одлука од уште една политичка партија. Значи би биле вкупно осум политички партии.

Милошоски додаде дека тоа е сигнал дека коалицијата на СДСМ веќе не е привлечна.

– Тоа е сигнал дека коалицијата на СДСМ веќе не е привлечна. И сите овие помали политички партии коишто доаѓаат, доаѓаат со една заедничка би рекол реченица – разочараност од Владата затоа што сметаа дека државата ја водат во погрешна насока – појасни Милошоски.

Тој посочи дека тие партии се Социјалдемократската унија, Обединетата партија за целосна еманципација на Ромите, Македонски концепт, Демократскиот сојуз, Обединети за Македонија, ТМРО, Достоинство. И се очекува одлуката на уште еден довчерашен коалиционен партнер на СДСМ.

– Во овој концепт кој што гледаме е дека прво постои интерес и нас ни годи тоа што постои интерес за коалицирање со ВМРО-ДПМНЕ, сепак тоа дава сигнал дека овие партии препознаваат на каде се движи политичката тенденција во државата. А, второ заедничкиот именител со овие партии е дека да имало грешки од наша или од нивна страна во минатото, но дека сега е дојдено време за обединување. Обединување за интересот на Македонија – порача Милошоски.

Милошоски рече дека е време Македонија да биде една подобра држава во која што и демократијата и економијата, и владеењето на правото, и образованието, здравството ќе бидат на еден подобар и повисок стандард.

– Затоа сметам дека ова е еден добар сигнал, тоа што политички партии од јатото на коалицијата на СДС го напуштаат бродот кој што тоне и преминуваат кај ВМРО-ДПМНЕ. Препознаваат тука коалиција што ќе победи на овие избори – укажа тој.

The post ДОСТОИНСТВО НА СТОЈАНЧЕ И УШТЕ 6 КОАЛИЦИСКИ ПАРТНЕРИ НА СДСМ ПРЕМИНУВААТ ВО КОАЛИЦИЈА СО ВМРО-ДПМНЕ Ќе има и осма партија што ќе го напушти бродот, тврди Милошоски appeared first on plusinfo.mk.

Во седиштето на владејачката СДСМ во тек е средба со  коалициските партнери на која се разговара за евентуално проширување на владината коалиција, а во контекст на постигнување парламентарно мнозинство за уставни измени.

Разговорите ги води генералниот секретар на СДСМ Миле Зечевиќ, а меѓу присутните се и лидерите на НСДП, ДОМ и на Демократски сојуз, Горан Мисовски, Маја Морачанин и Павле Трајанов.

На средбата не присуствува премиерот Димитар Ковачевски, кој беше на седница на Советот за безбедност во Кабинетот на претседателот Стево Пендаровски.

Лидерот на ДС, Павле Трајанов рече дека Влада, реконструкција на Влада ќе поддржат доколку се почитува амандман 6 од Уставот.

– Ставот на ДС, и мојот став како претседател на партија е јасен. Влада, реконструкција на Влада ќе поддржиме доколку се почитува амандман 6 од Уставот. Тоа е соодветна и правична застапеност на сите етнички заедници во власта и во другите институции. Доколку се отстапува тоа начело, тогаш нема да поддржиме реконструкција на Владата – изјави Трајанов.

Пред состанокот претседателката на ДОМ, Маја Морачанин изјави дека досега немале никаков разговор, ниту некои конкретни информации, освен ова што беше споделувано во медиумите.

– Сакам прво да ги слушнам информациите, што се планира, која е целта на евентуално зголемување на мнозинството, што тоа ќе значи и во однос на програмата и во однос на кадровските решенија, и се разбира она што е важно за ДОМ, ние сакаме да ги наметнеме прашањата и темите коишто се важни за нас да бидат реализирани – изјави Морачанин.

Претходно денеска дел од коалициските партии од власта за МИА потврдија дека премиерот и лидер на СДСМ, Димитар Ковачевски вечерва во 20 часот во Клубот на пратеници ќе одржи средба со лидерите на коалициските партнери на СДСМ.

Ковачевски денеска порано во изјава за новинарите рече дека разговарал и оти и денеска ќе разговара со добар дел од коалициските партнери во однос на, како што вели, темите што се значајни за работењето на Владата, а се од интерес за граѓаните, како што е продолжувањето на европскиот пат на земјата.

Претходно денеска, премиерот присуствуваше на седницата на Советот за безбедност кој го свика претседателот Стево Пендаровски и го сподели неговиот став дека „европската агенда е наша стратешка цел, нема да дозволиме ништо да ја загрози“. Главна тема на состанокот биле случувањата со Бугарија, но и ситуацијата на Косово и во Украина.

The post „ВЛАДА САМО СО ПРАВИЧНА ЗАСТАПЕНОСТ НА ЕТНИКУМИТЕ“ Дел од коалиционите партнери се сретнаа во седиштето на СДСМ appeared first on plusinfo.mk.

Премиерот Димитар Ковачевски вечерва во 20 часот во Клубот на пратеници ќе одржи средба со лидерите на коалициските партнери на СДСМ, потврдија за МИА дел од партиите членки на коалицијата. 

Ковачевски денеска во изјава за новинарите рече дека разговарал и оти и денеска ќе разговара со добар дел од коалициските партнери, во однос, како што вели, за функционирањето на темите што се значајни за работењето на Владата, а од интерес за граѓаните. 

– Исто така, имам разговарано и со партијата Алтернатива, односно со нејзиниот претседател, бидејќи имаме редовни состаноци, меѓутоа немаме разговарано за детали за влегување на нов партнер во Владата, бидејќи такви детали не се разговарани со потенцијален нов партнер. Тоа исто така ви го потврди и претседателот на Алијанса, дека ние сме политички партии, вклучително и Алијанса за Албанците, што сме за продолжување на европскиот пат на државата, меѓутоа дека во однос на конкретни разговори за програмски и кадровски детали немаме разговарано – рече Ковачевски. 

Тој истакна дека доколку се влезе во такви разговори, тогаш, нормално дека ќе бидат консултирани и ќе биде разговарано и со постојните коалициски партнер во Владата, исто како што беше разговарано со коалициските партии во Владата кога влегуваше партијата Алтернатива.  

Централното претседателство на Алијанса за Албанците неделава ќе формира комисија која треба да преговара за евентуален влез на партијата во Владата или за останување во опозиција, откако Централното собрание викендов го овласти раководството да ја донесе конечната одлука.

Во саботата вечер, по завршувањето на Централното собрание на Алијанса за Албанците, претседателот на партијата Арбен Таравари, рече дека имале плодна дискусија на оваа тема, оти дел од членовите биле за, некои против, како и дека централното претседателство на партијата ќе треба да ја донесе конечната одлука.

Претходно, пред одржувањето на Централното собрание, Таравари во изјава за една национална телевизија рече дека поканата за влез во Владата ќе ја прифатат само за сериозна борба против корупцијата и ако постојат шанси да се обезбедат 80 пратеници за уставни измени. 

The post КОВАЧЕВСКИ ГИ ПОКАНИЛ КОАЛИЦИСКИТЕ ПАРТНЕРИ НА ВЕЧЕРА Ќе има ли место и за Таравари на трпезата? appeared first on plusinfo.mk.

На таа средба, вели Ковачевски, секој ќе го каже своето мислење, а целта е да се направи рекапитуалција на сето тоа што е направено во однос на справување со кризата во изминатите месеци од формирањето на новата Влада.

– Меѓу другото, ќе информираме за мерките кои ќе бидат преземени, а се вцртани во ребалансот, ќе направиме и осврт и на кризата како од аспект на енергетската криза, кризата со растечките цени на светските берзи во однос на храната, на енергенсите суровините предизвикани од нападот на Русија врз Украина – појасни Ковачевски, одговарајќи на новинарски прашања при учеството на Преспа форумот за дијалог.

Тој додаде дека ќе се осврнат и на важноста на водењето севкупни политики во државата во насока на задржување на стандардот на населението и унапредување на системот на Република Северна Македонија и усогласување со системот на ЕУ.

Според Ковачевски, тоа ќе биде позитивна средба на која граѓаните ќе се уверат дека има владејачко мнозинство и Влада која се грижи за животниот стандард на граѓаните и обезбедување на сѐ она што треба една влада да го обезбеди во услови на најголема криза. Тоа, вели, е различно од тоа што го прави опозицијата, бидејќи, како што рече, „таму единствено гледаме деструкција и блокирање“.

– И уште пострашно, во опозицијата има политички партии кои се отворено против нашето членство во ЕУ и НАТО и кои отворено одат по состаноци во Москва во време кога цела Европа заедно со САД се бори за зачувување на демократијата во сите држави кои се дел од ЕУ, кандидати за ЕУ и оние кои сакаат да станат членки на ЕУ – рече Ковачевски.

Што се однесува на понатамошните разговори со Бугарија, вели Ковачевски, оваа коалиција е европска и во неа сите политички партии кои членуваат имаат јасна цел и визија за Република Северна Македонија која живее европски вредности, која е интегрирана во НАТО, која треба да се интегрира во ЕУ, која ги има решено сите внатрешни прашања, која ги има решено прашањата во однос на сите свои соседи. Во моментов, заклучи тој, имаме најдоби односи со сите соседи и едно отворено прашање со Бугарија.

The post В НЕДЕЛА ЌЕ СЕ СОСТАНАТ ПАРТНЕРИТЕ ВО ВЛАСТА Ќе го реафирмираат ставот за избори во 2024 година appeared first on plusinfo.mk.