Премиерот Христијан Мицкоски оцени дека првичните разговори во рамки на коалицијата за реконструкција на Владата се конструктивни и најави дека неделава тие ќе продолжат, а очекува во текот на викендот и да завршат.

– Во првите разговори преовладува конструктивен амбиент. Во текот на оваа недела повторно ќе имаме средби, јас очекувам тоа да бидат завршни, а во текот на викендот да се формализира сето тоа и со имиња, и со останати специфики –  истакна Мицкоски во одговор на новинарско прашање по учеството на Годишниот состанок на Управниот одбор на Центарот за извонредност во финансиите – ЦЕФ (2026 Annual Meeting of the CEF Governing Board).

Премиерот додаде дека во рамки на разговорите станало забор и за опција за промена на ресори.

The post ДО ВИКЕНДОТ ТРЕБА ДА СЕ ЗНААТ НОВИТЕ ИМИЊА ВО ВЛАДАТА Разговорите за реконструкцијата течат конструктивно appeared first on plusinfo.mk.

Политичката сцена во Љубљана влегува во турбулентна фаза, откако владината коалиција на премиерот Роберт Голоб почна да покажува сериозни пукнатини. Според повеќе регионални медиуми, преговорите меѓу партнерите стануваат сè потешки, а прашањето за стабилноста на владата повторно станува клучна тема.

Во центарот на кризата се несогласувањата околу реформите и распределбата на моќта, при што дел од коалициските партнери јавно изразуваат незадоволство од начинот на кој се носат одлуките. Ова ја ослабува позицијата на Голоб, кој се обидува да ја зачува коалицијата, но и да избегне предвремени избори кои би можеле да ја променат политичката мапа.

Во финишот на преговорите со коалициските партнери, позицијата на Роберт Голоб дополнително се разнишува, откако клучниот партнер – партијата Демократи – одлучи да се повлече од разговорите. Нејзиниот лидер Анже Логар јасно порача дека „од денеска конечно се прекинуваат преговорите“, со што практично му ја одзеде на Голоб шансата за стабилно мнозинство. Станува збор за партија со 6 пратеници, чија поддршка беше пресудна за формирање влада, а нивното дистанцирање доаѓа по проценката дека премиерот прерано прогласил политичка победа по изборите.

Овој развој на настаните веднаш беше искористен од опозицискиот лидер Јанез Јанша, кој направи паралела со политичката криза од 2011 година, кога обидот на Зоран Јанковиќ да формира влада пропадна, а токму Јанша на крајот ја презеде власта. Со оваа споредба, Јанша испраќа јасна порака дека истото сценарио може да се повтори – дека Голоб би можел да остане без коалиција, а десницата повторно да се врати на власт.

Сè уште не е докрај јасно дали коалициските партнери ќе најдат заеднички јазик или ќе дојде до целосен распад на бракот од интерес. Дел од аналитичарите сметаат дека сценариото со реконструкција на владата е сè уште можно, но времето за компромис брзо истекува.

Дополнителен притисок врз владата создава и јавноста, која сè погласно бара конкретни резултати, особено во економијата и социјалните политики. Во услови на растечки тензии, секој нов конфликт меѓу партнерите дополнително ја поткопива довербата.

Суштината на кризата е дилемата стои и дали Словенија ќе продолжи по сегашниот курс или ќе се сврти кон поцврста десничарска политика. Токму тука Јанша гледа своја шанса за политички камбек.

Следните денови ќе бидат клучни за исходот од овие „игри за престолот“ во Словенија.

The post ИГРИ ЗА ПРЕСТОЛОТ ВО ЉУБЉАНА Голоб за малку ќе одлета, Јанша чека шанса – кој ќе ја води Словенија? appeared first on plusinfo.mk.

СДСМ повторно се обидува да ја замени политиката со навреди, аргументите со етикети, а вистината со конструкции. Кога немаат одговор на суштината, преминуваат на лични дискредитации, се вели во соопштение на Движењето ЗНАМ на претходно соопштение на СДСМ.

„Движењето ЗНАМ за Наша Македонија е дел од оваа власт со достоинство, со принципи, со сопствена идеолошка и програмска матрица и сопствен пат делувајќи исклучиво во насока што ја ветивме пред граѓаните – чесна, одговорна и државничка политика.

Кога од СДСМ се осмелуваат да зборуваат за тендери, првично нека се погледнат во огледало.

Години наназад токму тие ја претворија државата во партиска каса, институциите во сервис за свои луѓе, а правдата во селективен инструмент.

Денес, кога институциите почнуваат да функционираат без партиска директива, СДСМ панично бара алиби во измислени конструкции.

Навредите за „кукавичко јајце“, „платеник“, „тендер коалиција“ се јазик на политичка немоќ.

Тоа е истиот тој наратив што ги оддалечи од граѓаните, од работниците и од реалноста. Токму ваквото однесување и делување на СДСМ ја доведе економијата во состојба во која денес мора да се стабилизираат штетите од нивното владеење.

И наместо да понудат визија, тие сеат омраза. Наместо да бараат виновници во сите, освен во себе, нека соберат храброст и нека се соочат со сопствените постапки и грешки.

Нека одговорат зошто по години власт зад себе оставија разочарани граѓани, нарушени институции и чувство дека државата служела на малкумина. Колку и да манипулираат, колку и да навредуваат, вистината не можат да ја сокријат. Граѓаните одамна ја препознаа разликата“ – се вели во соопштението на ЗНАМ.

Претходно СДСМ во сооштение го обвини Димитриевски дека бил платеник на ВМРО-ДПМНЕ кој за свои лични и бизнис интереси сакал да го уништи СДСМ одвнатре.

„Очигледно сега, кога граѓаните знаат дека бил кукавичко јајце и дека ЗНАМ како партија повеќе нема никаква поддршка од граѓаните, бара да си ги наплати своите „заслуги“ за ВМРО-ДПМНЕ. Или не му дале некој нов тендер па мора малку да плаче по телевизија за да го добие?“ – напиша СДСМ.

The post КОГА ЗБОРУВАТЕ ЗА ТЕНДЕРИ ПОГЛЕДНЕТЕ СЕ ВО ОГЛЕДАЛО! Наврeдите нема да ви ја сменат реалноста, му порача ЗНАМ на СДСМ appeared first on plusinfo.mk.

Во Коалицијата Вреди се усогласени новите министерски позиции, по изборот на Изет Меџити за градоначалник во Чаир, посочуваат извори од коалицијата за МИА. Од Владата пак за МИА велат дека до нив Вреди сè уште нема доставено предлог и очекуваат, како што денеска кажа премиерот Христијан Мицкоски, тоа да се случи најдоцна до понеделник.

Според извори во коалицијата Вреди, Беким Сали ќе биде кандидат за функцијата прв вицепремиер и министер за евроинтеграции, Мухамед Хоџа за ресорот животна средина, додека Башким Бакиу ќе биде предложен за нов министер за здравство на местото на Азир Алиу. Алиу, пак, треба да ја преземе директорската позиција во Агенцијата за електронски комуникации.

Актуелниот министер за евроинтеграции Орхан Муртезани е номиниран за амбасадор во Брисел.

Премиерот Христијан Мицкоски денеска во изјава за медиумите кажа дека очекува имињата на новите функционери, Вреди до него да ги достави в понеделник, откако ќе бидат искристализирани, но, дополни дека тоа се оние имиња, кои горе долу циркулираат во јавноста.

– Нема да има нови ресори, ВРЕДИ нема да добие плус човек, еден ист човек ќе биде вицепремиер и министер – изјави Мицкоски.

The post САЛИ ЗА ВИЦЕПРЕМИЕР, БАКИУ ВО ЗДРАВСТВО, АЛИУ СЕ СЕЛИ ВО АЕК? Вреди ги усогласи предлозите, ќе ги достави до понеделник appeared first on plusinfo.mk.

Албанската опозиција денес наликува на стар шатор што се кине штом ќе задува ветер. Она за што Вреди предупредуваше долго време, денес стана реалност. Селотејп коалицијата наречена НАИ е најголемата политичка измама во последните години. Последователните заминувања и внатрешниот хаос јасно покажуваат дека овој проект не е изграден за Албанците, туку за лични амбиции спакувани со ПР трикот на „референдумот” за фрлање пепел во очите на Албанците, коментира Движењето Вреди во соопштение.

„НАИ не функционираше ниту еден ден како сериозна опозиција. Денес се распаѓа во очите на јавноста, камен по камен, бројка по бројка. Заминувањето на Мендух Тачи, заминувањето на Арјанит Хоџа, Кренар Љога и напуштањето на Зијадин Села се само симптоми на структура изградена врз интересите на поединците, а не врз интересите на граѓаните.

Вреди не се радува кога другите се уништуваат, но е јасно дека опозицијата што се распаѓа на парчиња му штети на политичкиот систем и ги остава граѓаните без алтернатива. Албанците заслужуваат сериозност, а не неуспешни експерименти со селотејп“- се вели во соопштението.

The post КОАЛИЦИЈАТА НА ДУИ СЕ ТОПИ КАКО ПЛАСТЕЛИН Вреди вели дека НАИ е најголема политичка измама досега appeared first on plusinfo.mk.

Министерот за здравство Азир Алиу изјави дека по десет години Македонија конечно има нов политички амбиент и дека резултатите од локалните избори потврдиле дека граѓаните сакале промена.

– После десет години имаме нов амбиент во државата. Нашата коалиција не беше задкулисна, како што беа досега. Едно збореа, друго работеа. Ние докажавме дека сме различни – изјави Алиу, одговарајќи на новинарско прашање по посетата на Клиниката за кардиологија.

Тој додаде дека коалицијата Вреди е стабилна и посилна од кога било, бидејќи, како што рече, покажала дека договорените политики навистина се спроведуваат на терен.

– Докажавме дека и на централно и на локално ниво знаеме да ги имплементираме политиките така како што се договараме. Резултатите тоа го потврдуваат. После овие избори, нашата коалиција е сигурна и посилна – порача министерот.

Според Алиу, граѓаните уште пред десет години посакувале промени, но тоа било оневозможено поради, како што рече, политичките притисоци и влијанието на администрацијата под контрола на ДУИ.

– ДУИ десет години опстојуваше без вистинска желба на граѓаните за такво владеење. Сега, кога за првпат настапија на избори како опозиција, се покажа дека сите општини во државата се менаџираат од стручњаци од Вреди – изјави Алиу.

На новинарско прашање дали ќе остане министер за здравство, тој нагласи дека секогаш ќе работи посветено, без разлика на позицијата.

– Мојот профил е да работам секој ден, каде и да сум. Верувам во мојата експертиза и резултатите кои ги постигнуваме. И понатаму ќе бидам министер за здравство – додаде тој.

The post КОАЛИЦИЈАТА Е СТАБИЛНА И ПОСИЛНА ОД КОГА БИЛО После десет години Македонија има нов политички амбиент, вели Алиу appeared first on plusinfo.mk.

Македонија е обоена во црвено. Од Кичево до Кочани, од Брвеница до Валандово, граѓаните го направија својот избор. Со освоени 54 општини и Град Скопје, ВМРО-ДПМНЕ е апсолутен победник на овие локални избори. Владината коалиција, според партијата, на овие избори покажала дека е стабилна и легитимна, со вкупно освоени 66 општини од вкупно 81.

– Оваа голема победа е и голема одговорност и обврска за работа и испорачување на резултати – изјави на денешната прес-конференција потпретседателот на ВМРО-ДПМНЕ, Владо Мисајловски.

Тој изрази благодарност до граѓаните кои ја поддржале партијата и коалицијата.

– Ветуваме дека нема да ве разочараме и обезличиме. Нашиот образ мора да биде чист, а тоа ќе го направиме со работа и со проекти – рече потпретседателот.

Мисајловски ја истакна историската победа во Кичево, каде, како што рече, паднал Фатмир Дехари и ДУИ, што го оцени како доказ за обединување на граѓаните без оглед на етничката припадност.

– Обединувањето во Кичево е пример како ќе се гради Македонија. Огромна победа во Брвеница на Јовица, и покрај сите дејствија на неговиот противкандидат. Албанците, Ромите, Турците, Србите, Бошњаците – сите покажаа дека националните и етничките приказни паѓаат во вода – нагласи Мисајловски.

Во продолжение, тој истакна дека Сотир Лукровски е новиот градоначалник на Карпош, а Орце Ѓорѓиевски ја презема функцијата градоначалник на Град Скопје.

– Граѓаните одбраа промени и во Валандово, Дојран, Дебарца, Демир Капија, Крушево, Пробиштип, Росоман, Чучер Сандево, каде локалната власт ќе биде раководена од нови кадри на ВМРО-ДПМНЕ. Победивме и во Аеродром, Виница, Конче, Неготино, Лозово, Македонски Брод, Могила, Ранковце и Чешиново-Облешево – наведе Мисајловски.

Тој порача дека опозицијата доживеала длабок пораз и дека СДСМ и ДУИ мора да се реформираат.

– Нивните политики граѓаните ги имаат прочитано и повеќе не поминуваат. На Македонија ѝ е потребна конструктивна опозиција која ќе дава аргументирана критика и поддршка на реформите. Проблемот во СДСМ е Филипче, затоа што е продолжена рака на Заев, и сè додека е така – СДСМ ќе тоне – додаде тој.

Мисајловски истакна дека партијата ќе ги слуша и граѓаните кои не излегле на избори или чиј глас бил неважечки.

– Ќе работиме да го промениме нивното мислење со работа и со проекти. Време е Македонија да стане поактивна, време е за промени. Нашите граѓани заслужуваат повеќе – порача Мисајловски.

Тој додаде дека претседателот на ВМРО-ДПМНЕ и премиер, Христијан Мицкоски, веќе активно се бори во Брисел за членство на Македонија во Европската Унија.

– Мора да бидеме горди, достоинствени и со интегритет – заврши потпретседателот на ВМРО-ДПМНЕ.

The post 📷 МАКЕДОНИЈА ОБОЕНА ВО ЦРВЕНО, ДОМИНАЦИЈА НА ВМРО-ДПМНЕ Ќе работиме и ќе го обединиме народот, порача Мисајловски appeared first on plusinfo.mk.

Еден од клучните моменти во вториот круг на изборите за градоначаници во Македонија е целосниот колапс на кандидатите на ДУИ. Освен во Студеничани, НАИ, коалицијата околу ДУИ, веројатно нема да освои ниту едно друго градоначалничко место.

ДУИ загуби во Кичево, загуби во Струга, во Дебар и во Тетово.

Ова може да се смета за најголемо делигитимирање на ДУИ и Али Ахмети од 2022 година до денес. Кандидатите на коалицијата Вреди извојуваа дефинитивен успех во опшптините со доминантно албанско население. На ДУИ не му помогна многу ниту преминувањето на Арбен Таравари и неговото крило на Алијансата за Албанците од таборот на Вреди во Коалицијата НАИ.

Во Студеничани кандидатот на Коалицијата НАИ Ејуп Абази слави тесна победа со 4.353 гласа пред независниот кандидат Азем Садики со 4.159.

Кандиатот на НАИ во Струга Арсим Далипи, загуби со освоени 11.695 гласа од независниот кандидат Менди Ќура кој освои 12.371 глас.

Во Тетово кандидатот на ДУИ Бајрам Реџепи изгуби од Билал Касами од Вреди со околу 5.000 гласа разлика.

По првиот круг на изборите ДУИ прогласи победа во Гостивар, Липково, Пласница и Чашка. Заедно со Студеничани, најверојатно во следните 4 години градоначаници на ДУИ ќе водат вкупно 5 општини во Македонија.

The post ФИЈАСКО НА КОАЛИЦИЈАТА ПРЕДВОДЕНА ОД ДУИ ВО ВТОРИОТ КРУГ Победи само нивниот кандидат во Студеничани appeared first on plusinfo.mk.

Партијата Вреди тврди дека Националната алијанса за интеграција, предводена од ДУИ, има тајна политичка соработка со Левица, за што, како што смета, доказ била неодамнешна средба на претставникот на НАИ во Тетово Адри Исмаили со кандидатката на Левица Катка Божиновска.

„Тежок политички скандал на овие избори се случува во Тетово. Фотографија што кружи во медиумите, на која се гледа претставникот на НАИ во Тетово, Арди Исмаили, е на средба со кандидатката на Левица, Катка Божиновска, е најјасен доказ дека оваа коалиција е подготвена да продаде каква било национална вредност само за да добие власт. Да не заборавиме која е Левица, партија која јавно ги навреди Албанците, се изјасни против независно Косово, се спротивставува на членството во НАТО, побара затворање на џамиите и ограничување на правата на Албанците“ – пишува Вреди во објавата.

Според Вреди, гласачите треба да знаат дека „секој глас за НАИ е глас за Левица“.

„И денес, НАИ седи на маса со нив, за валкан изборен договор. Ова не е политика, ова е срамна зделка. Ова не е стратегија, ова е морален колапс. Сега на секој граѓанин му е јасно: за да ја задржат својата фотелја, тие се подготвени да се продадат на секоја сила што ги мрази Албанците. Гласачите Албанци треба да знаат, на 2 ноември, гласот за НАИ е глас за Левица, за антиалбанство и за политички срам. Додека Вреди, со својот кандидат Билал Касами во Тетово, Фисник Мела во Дебар и целиот свој тим, претставува достоинство, развој и иднина“ – се вели во објавата.

The post ДУИ И ЛЕВИЦА СО МЕЃУСЕБНА ПОДДРШКА ВО ВТОРИОТ КРУГ? Движењето Вреди тврди дека имало средба на таа тема во Тетово appeared first on plusinfo.mk.

Дел од лидерите и раководни структури на партиите кои ја сочинуваат коалицијата „Вреди“ денеска на градскиот плоштад во Тетово имаа средба со активистите и граѓани со цел симболично да означат продолжување на кампањата во пресрет на вториот круг од локалните избори. По настанот пред новинарите зборуваше само претседателот на Движење Беса и кандидат за градоначалник на Тетово, Биљал Касами.

– Ние докажавме дека имавме најдобар избор за нашите граѓани затоа што нашите кандидати ја добија поддршката на гласачите, исто така и програмата која ние ја подготвивме за секоја општина одделно. Испадна дека е најприфатлива најреална за решавање на проблемите на нашите сограѓани. Исто така во вториот круг ќе продолжиме уште посилно за да пристапиме до секој гласач и да докажеме дека победата и во вториот круг ќе биде уште поубедлива и да докажеме дека народот ќе оцени, кој од кандидатите ќе биде најдобар за решавање на нивните проблеми и која програма е најдобра за нив, а не за теми кои не се реални во конкретниот случај за изборите кои се на локално ниво – рече Касами.

На новинарско прашање да го коментира ставот на претседателот на ВМРО-ДПМНЕ и премиер Христијан Мицкоски кој рече дека не треба да има поделба по етнички прашање за локални избори, Касами одговори:

– Во Тетово ме знаат дека јас како градоначалник и во минатиот мандат бев градоначалник на сите граѓани, без разлика на политичката, етничката и верската припадност. Граѓаните знаат дека јас сум реализирал проекти, големи проекти, тоа и во села каде што имаат добиено моите политички конкуренти. Исто така сум реализирал проекти и во средини во општина Тетово кои се мнозинско од Mакедонци, Роми, од турска заедница… За мене важни се граѓаните и во следниот период ќе работам за сите граѓани во општина Тетово, ќе бидам градоначалник на сите, без разлика на политичката, етничката и верската припадност – рече Касами.

За тоа дали коалицијата „Вреди“ ќе го поддржи кандидатот на ДУИ во Кичево, Касами вели дека се фокусирал на Тетово.

– Во овој период јас сум фокусиран на поддршката која треба да ја добијам од моите граѓани во Тетово, затоа што сега целиот ангажман ќе биде во тој правец. За другите теми има став дадено од коалицијата – рече Касами.

Во соопштенито на ВРЕДИ во врска со Кичево, меѓудругото се вели:

„По објавувањето на компромитирачките материјали, коалицијата Вреди побара повлекување на кандидатот на НАИ од трката за да се заштити достоинството на процесот. Но, тој одлучи да продолжи, ставајќи го Кичево во нефер позиција и докажувајќи дека за оваа политичка каста, власта е последниот политички кислород.

Ова е последица на политиката која со години сè градеше врз ароганција, лаги и лично пазарење, мислејќи дека секој скандал „поминува за три дена“. За коалицијата Вреди, како што рековме, јавниот морал не е предмет на преговори. Затоа, сега луѓето од Кичево мора сами да ја донесат пресудата“.

The post КАСАМИ РЕТЕРИРА ВО ПОДДРШКАТА НА ДУИ ЗА КИЧЕВО „Имаме став од коалицијата“, одговори на новинарско прашање appeared first on plusinfo.mk.