Секое слепо лице да има пристап до бел стап, пристапна инфраструктура и квалификувани обучувачи за слепи лица, ова се дел од барањата на Коалицијата „Менуваме“ до надлежните по повод 15 Октомври – Меѓународниот ден на белиот стап што ја симболизира независноста и мобилноста на слепите лица низ целиот свет.

„Сепак, за коалицијата Менуваме, овој ден често се чувствува како момент кога политичките личности се појавуваат накратко, ги споменуваат слепите лица во минување, фотографираат, а потоа удобно ги кријат итните прашања околу нашите секојдневни борби под тепих. Со години, коалицијата Менуваме неуморно се залага за вистинска промена. Се залагавме и лобиравме на секое ниво, но слепите лица продолжуваат да се соочуваат со системско занемарување. Иако ги признаваме повремените јавни демонстрации на солидарност, она што ни треба е акција, а не симболични гестови. Тука сме да ги потсетиме државата и општеството дека потребите на слепите лица не треба да бидат занемарени“, се наведува во соопштението.

Од Коалицијата „Менуваме“ бараат финансирање на белиот стап за секое слепо лице. Според нив, Фондот за 2026 година мора веднаш да издвои ресурси за да се обезбеди секое слепо лице да има пристап до бел стап, едноставна, но витална алатка за движење  со достоинство и независност.

„Итно повикуваме на имплементација на безбедни и достапни пешачки патеки, добро обележани премини и семафори дизајнирани имајќи ги предвид слепите лица. Правото на мобилност е фундаментално човеково право и слепите лица не треба да се движат низ свет што ги игнорира нивните потреби. Потребни ни се лиценцирани обучувачи кои се специјално опремени да ги научат слепите лица како да ги користат помагала дизајнирани за нивната мобилност. Обуката и градењето вештини се неопходни за да се обезбеди слепите лица да можат да живеат со автономија, самодоверба и безбедност“, се наведува во соопштението.

Според Коалицијата „Менуваме“, реалноста со која се соочуваат слепите лица е непроменета веќе 33 години.

„Сепак, се држиме до едно ветување: ветувањето дека некој ќе се сети на нас, не само на 15 октомври, туку секој ден. Нашите права не се предмет на преговори, а нашата борба за еднаквост, почит и достоинство ќе продолжи сè додека не бидеме слушнати. Ова не е само повик за внимание на еден ден од годината; ова е повик за системска промена. Време е да престанеме да чекаме ветувања и да почнеме да гледаме акција што води кон вистинско инклузивно општество. Ве охрабруваме да застанете со нас – не на фотографија, туку во тековната борба за достоинствен живот за секое слепо лице“, се нагласува во соопштението.

Во Македонија има околу 2.500 слепи лица. Според податоци објавени на интернет, цените на белиот стап се движат од 1.200 до 10.000 денари.

The post ЗОШТО НЕМА БЕЛ СТАП ЗА СЕКОЕ СЛЕПО ЛИЦЕ? Се бара од Фондот итно да набави вакви алатки за независно движење  appeared first on plusinfo.mk.

Коалицијата смета дека посебниот детски додаток треба да се зголеми од 5.100 на 10.000 денари, а додатокот за попреченост од 7.100 на 12.000 денари.

-Како коалиција јавно бараме одговор од Владата и Министерството за труд и социјална политика, бидејќи логиката на нештата кажува дека 30 дена е сосема доволен временски период да се детектираат, истражат и научат проблемите на теренот и да се донесе соодветна одлука. Коалицијата тоа го направи и изгради сосема јасен став кој што е пласиран во јавноста – велат од Коалицијата.

Оттаму нудат и соработка со институциите во интерес на сите а пред се на децата и лицата со попреченост и нивните родители и асистенти конкретно за достоинствен живот.

Со цел лицата со попреченост да останат во фокусот на јавноста, и да наметнеме  приоритети на влада и Собранието Коалицијата „Менуваме” на  7 септември во 18 часот, ќе одржи Ппротестен марш под слоганот „30 години заборавени, не разбрани и не прифатени. Протестот ќе почне пред Влада, а ќе заврши пред Собрание.

The post „МЕНУВАМЕ“ БАРА ПОВИСОКИ ДОДАТОЦИ ЗА ЛИЦАТА СО ПОПРЕЧЕНОСТ Посебниот детски додаток да изнесува 10.000, а за попреченост 12.000 денари appeared first on plusinfo.mk.

– Бараме активно вклучување во целокупниот економски ,културен и општествен живот на лицата со попреченост, ова право ни е гарантирано согласно меѓународни конвенции и Уставот. Обединетите нации имаат забележано дека за да се овозможи ефективна заштита и унапредување на правата на лицата со попреченост е неопходно дополнително уредување на обврските на Македонија со цел да се гарантира дека се исполнети сите услови лицата со попреченост да уживаат по сите права како и другите граѓани – велат од Коалицијата.

Тие бараат и гарантирање на соодветен стандард на живот за лицата со попреченост, државата да ги укине одредбите за лицата со попреченост кои според возраста ги квалификува да пристапат до социјални бенефиции, да алоцира одредени парични додатоци и надоместоци за децата со попреченост.

– Да обезбеди материјална помош за биолошките и згрижувачките семејства, како и да усвои мерки преку кои ќе се осигури дека лицата со попреченост имаат законско право на доволен личен буџет за независно живеење, да ги зема предвид дополнителните трошоци кои се однесуваат на попреченоста – се веливо соопштението.

Од овие причини, од Коалицијата „Менуваме“ бараат зголемување на износот на сите додатоци по основ на попреченост, како и посебниот детски додаток.

Воедно претставниците од „Менуваме“ бараат да им се овозможи истовремено можност да ги покријат трошоците кои се поврзани со попреченоста – вклучувајќи, но не ограничувајки се на лекови, суплементи, физикална терапија, сензорни соби, помошни помагала и слично, соодветно на состојбата и возраста на лицето, а и да можат активно да бидат вклучени во целокупниот општествен живот, што вклучува транспорт, влезници/котизации, финансиска можност за негување на интереси и хобија.

– Поради сето ова, бараме надоместот за попреченост да се одреди од 7.100 на 12.000 денари месечно, посебниот детски додаток од 5.100 на 10.000. Намалување на границата за додаток за попреченост од 26 на 18 години за лицата кои со 18 години се стекнуваат со правна деловна способност – велат од Коалицијата.

Како вид на помош за осамостојување на лица кои се со одреден хендикеп но немаат интелектуална попреченост, од Коалицијата предлагаат овие лица да се третираат како возрасни со моментот на навршување 18-годишна возраст, наместо како до сега, до навршување на 26 години.

– Во моментов, во државата нема ниту еден центар за рехабилитација и регистар, а регистарот и овие центри се повеќе од потребни за одржување и подобрување на социо здравствената состојба на лицата со физички хендикеп. Бараме и вработување на персоналните и образовни асистенти. Со цел да ги задржиме асистентите, предлагаме персоналните асистенти да бидат вработени преку Министерството за труд и социјална политика, а образовните преку Министерството за образование – посочија во соопштението.

Од Коалицијата „Менуваме“ велат дека протестот е во мирување, поради рокот од 7 дена во кој треба да се произнесе Владата. Доколку не им се исполнат барањата, посочија дека ќе продолжат со протестот.

The post Коалиција „Менуваме“: Бараме надоместот за попреченост да се одреди од 7.100 на 12.000 денари месечно appeared first on plusinfo.mk.