Градоначалникот на општина Битола Тони Коњановски сподели видео на Фејсбук од велосипедската патека на улицата СРУ5.

„По асфалтирањето на улицата СРУ 5, се пристапи кон нејзино бележење. Јавното претпријатие Паркинзи работи на поставување и бележење на хоризонталната и вертикалната сигнализација врз основа на одобрен сообраќаен проект за траен режим за оваа улица. Како што веќе информиравме „СРУ 5“ има и велосипедска патека“, напиша Коњановски.

Видеото можете да го видите на следниот ЛИНК.

The post 📽️ БИТОЛА ДОБИ НОВА УЛИЦА СО ВЕЛОСИПЕДСКА ПАТЕКА Коњановски сподели видео appeared first on plusinfo.mk.

Тони Коњановски, кандидат за градоначалник за општина Битола од редовите на ВМРО- ДПМНЕ, синоќа гостуваше во дебатната емисија „Локални избори 2025 – изборни соочувања” на МРТ1, посочувајќи дека минатогодишниот мандат го извршувал посветено, одговорно, отчетно, а новиот мандат ќе значи континуитет на активностите кои секојдневно се реализираат на терен. Коњановски истакна дека Битола во изминатите четири години беше едно градилиште и посочи дека градот ќе продолжи да се гради и развива не само инфраструктурно, туку и во делот на културата и спортот.

Коњановски го елаборираше и проектот за топлификација на Битола, при што истакна дека станува збор за капитален проект од 40 милиони евра, дел е реализиран, а во делот на станицата за дотоплување ќе се реализира и дека на повидок се активностите за прочистителна станица.

– Во делот на топлификацијата, неколку проекти се во фаза на реализација, топлификацијата е веќе дел од проектот кој е завршен. Тоа е еден од капиталните проекти над 40 милиони евра кој ќе се реализираат и се реализираат останува уште станицата за дотоплување. Пред отпочнување сме на работи и активности за прочистителната станица – рече Коњановски.

Тој очекува преку новиот повик од Владата, Битола да добие уште најмалку 6-7 електрични автобуси со кои ќе се подобри јавниот превоз во општината.

– Конечно рестартирање на меѓурегионалното јавно претпријатие за превоз Пелалинк. Го рестартиравме, ги ставивме сите капацитети кои ги имаме во делот на транспортни средства, минибус, неколку електрични автобуси од помала категорија, комби возила заедно со општините Новаци и Могила. Од Владата на Република Македонија од новиот повик информирани сме дека од пакетот на 120 електрични автобуси за локалните самоуправи освен градот Скопје кадешто ќе припаднат 80,40 остануваат за нас од кои Општина Битола треба да добие најмалку 6-7 – рече тој.

Коњановски кажа што се планира во делот на заштита на животната средина во Битола.

– Проектот на топлификација решава дел од проблемите, но не комплетно. Современ систем за ослободување на возилата и од централното градско подрачје и воопшто од нашето користење е воспоставување на квалитетен градски сообраќај. Со набавка на дел од еколошки автобуси ќе се обидеме да ја санираме положбата колку што може и на граѓаните да им овозможиме алтернатива. Сме со идеа и да го затвориме централното градско подрачје и тоа веќе постои одлука се чека сообраќајниот режим кој треба да стапи. Во делот на субвенциите имаме премногу субвенции и во делот на инвертери, колектори за сончева енергија, 10 училишта се покриени со сончеви колектори, а до крајот на мандатот ќе бидат сите, имаме и енергетски фасади – вели Коњановски.

The post НОВИ СУБВЕНЦИИ ЗА ИНВЕРТЕРИ И СОНЧЕВИ КОЛЕКТОРИ Коњановски вети финансиска помош за Битолчани appeared first on plusinfo.mk.

Коњановски укажа дека потребна им е дополнителна инјекција од страна на централната власт.

– Потребна е дополнителна инјекција, макар да општина Битола со средствата кои сама ги собираше работеше и дотогаш функционално, ова значи многу посебно во инфраструктурата да се направи нешто позначајно имајќи го во предвид дека најголемиот дел од овие средства ќе се искористат во делот на инфраструктурата. Добивме пари за 16 проекти со кои аплициравме, тие поминуваат низ министерствата и владина проверка. Најголем дел од нив 13 се за инфраструктура, патишта и улици. 2 проекти се во делот на спортот, реконструкција и обнова на боксерска сала во Битола и јужната трибина на стадионот Петар Милошевски што би се дооформила таа целина. Имаме и реконструкција, изведба на фасада на училиштето Стив Наумов во Битола – вели Коњановски.

Коњановски потенцираше дека заедно со локалната самоуправа се насочени кон завршување на проектите во Битола.

– Јас и локалната самоуправа насочени сме кон завршување на тие проекти. Битола е едно големо градилиште во моментов и јас се заблагодарувам и на граѓаните зошто им направивме мали непријатности затоа што улиците се во фаза на реконструкција, некој работи гледаме да ги завршиме пред нова година. Топлификацијата е во завршна фаза, прв пат Битола после 7 години застој се надевам дека тој проект ќе заживее – заклучи Коњановски.

The post „БИТОЛА Е ЕДНО ГОЛЕМО ГРАДИЛИШТЕ“ Општината следната година ќе има рекорден буџет, вели градоначалникот Коњановски appeared first on plusinfo.mk.

– Изминува трет месец од почетокот на учебната година, а учениците кои доаѓаат на настава во Битола од околните населени места уште немаат обезбеден превоз од општината. До каде е градоначалниче Тони Коњановски постапката? Има ли надеж до крајот на полугодието да го обезбедите превозот кој е законска обврска на општината? Кој ќе ги покрие тршоците на семејствата што имаат учениците кои секој ден патуваат до Битола? Зошто од седумте нови возила, набавени од претходната локална самоуправа во функција не се ставени ниту комбијата за превоз на ученици, ниту комбијата за превоз на лица со посебни потреби, туку само белиот џип Пежо 2008 од кого Коњановски не се симнува? Новите возила за учениците скапуваат во гаражите на општината, а првиот човек на Битола се развозува со нов џип на електричен погон! Ете тоа е реалноста во Битола со локалната власт предводена од ДПМНЕ и Тони Коњановски – рече Баковска.

The post СДСМ-ЗБУНЕТА ГО ИСКАРА ГРАДОНАЧАЛНИКОТ КОЊАНОВСКИ Како не ти е срам, децата немаат превоз, а ти се возиш со кола што ние ја купивме! appeared first on plusinfo.mk.

Во продолжение ја пренесуваме изјавата на МТСП во целост:

„МТСП целосно и докрај го спроведува Законот за заштита на децата, со цел детските градинки да ја извршуваат својата основна функција, згрижување на децата од предучилишна возраст.

Во согласност со извршениот редовен инспекциски надзор, во ноември 2021 година, инспекциската служба утврди дека иако има законска обврска, Советот на општината ги нема донесено Годишната програма на општината за 2022/2023 г. и Годишниот извештај за работа на предучилишната установа за 2021 г. за ЈОУДГ „Естреја Овадија Мара“, со што го попречил згрижувачко-воспитниот процес на околу 700 деца во девет објекти.

Поради повреда на одредбите од Законот за заштита на децата, МТСП до градоначалникот Тони Коњановски и Советот на Општина Битола достави укажување за постапување за избор на член на Управен одбор од редот на вработените во установата.

Поради непостапување во даден рок, МТСП донесе Решение за одземање на надлежноста на градоначалникот и на Советот Општина Битола, во делот на избор и разрешување на член на Управен одбор во ЈОУДГ „Естреја Овадија Мара“.

Речиси идентична состојба има и во ЈОУДГ „Мајски Цвет“- Битола, нема донесено Годишна програма, Извештај за работа во предучилишна установа, ниту е именуван член на  УО од редот на вработените.

МТСП ќе продолжи да се грижи за сите деца згрижени во предучилишните установи и ќе ги спроведува одредбите од Законот за детска заштита, при што секогаш ќе  се спротивстави на обидите за политизација на законското работење на институцијата“, се вели во реакцијата на Министерството.

The post МИНИСТЕРСТВОТО СО СВОЈА РЕАКЦИЈА ЗА БИТОЛСКАТА ГРАДИНКА Градоначалникот и општинскиот Совет го попречуваат функционирањето appeared first on plusinfo.mk.