Мицкоски го посети Кочани и се потпиша во Книгата на жалост, во солзи и тишина даваме почит за жртвите

Денеска премиерот Христијан Мицкоски го посети Кочани и се потпиша во Книгата на жалост во чест на жртвите од трагичниот пожар.

Во овие тешки моменти, Кочани, Македонија и целиот наш народ тагуваат за младите животи што згаснаа прерано, за соништата што останаа неостварени.

„Денеска, во тишина, со солзи и со почит, се поклонуваме пред жртвите и нивните семејства. Вечна им слава. Нека почиваат во мир“, напиша премиерот Мицкоски во Книгата на жалост.

Посетата беше чин на длабока почит и солидарност со семејствата кои поминуваат низ најтешките моменти.

Владата останува посветена на целосно расчистување на трагедијата и поддршка на погодените.

The post 📷 „СО СОЛЗИ И ТИШИНА ДАВАМЕ ПОЧИТ ЗА ЖРТВИТЕ“ Мицкоски го посети Кочани и се потпиша во Книгата на жалост appeared first on plusinfo.mk.

„На Градскиот стадион Велика Горица беше отворена Книга на жалост за нашиот драг Андреј Лазаров, нашиот поранешен играч, кој прерано го напушти овој свет… Секој што сака да се потпише во Книгата на жалост тоа може да го направи од денеска до четврток, 20 март, на источниот влез на стадионот“, се вели во објавата на клубот.

Младиот кочанчанец, кој го изгуби својот живот во трагедијата во клубот Пулс, оваа сезона беше дел од Шкупи, а низ кариерата играше уште за Рудеж од Хрватска, како и за Тиквеш, Работнички и за Металург.

The post 📷 ФК ГОРИЦА НЕ ГО ЗАБОРАВА СВОЈОТ ПОРАНЕШЕН ФУДБАЛЕР Книга на жалост за починатиот Андреј Лазаров appeared first on plusinfo.mk.

Во Книгата на жалост прв се потпиша претседателот на Собранието, Африм Гаши.

„Со скршено срце, вознемирен дух, длабоко емотивно трогнат, ги пишувам овие редови во оваа Книга на жалост, со надеж ова да биде последната Книга на жалост отворена во ова Собрание. Трагичниот настан во Кочани и загинувањето на околу 60 млади момчиња и девојки е последниот аларм за сите политички и општествени фактори – време е да се вратиме кон себе, кон нашата хуманост и конечно да се издигнеме како феникс. Да ја обновиме оваа држава од почеток, но врз основа на правда, чесност, чиста совест и искреност. Семоќен Боже, смилувај се на нивните души, а твојот мир и милост нека ги обземат нивните најблиски и сите граѓани на државата“, напиша Гаши.

Книгата на жалост ќе биде отворена за сите граѓани во следните 6 дена, во периодот од 10 до 19 часот.

Граѓаните кои сакаат да се потпишат во Книгата на жалост може да влезат во Собранието преку страничниот влез – од страната на АРМ.

The post ВО СОБРАНИЕТО ОТВОРЕНА КНИГА НА ЖАЛОСТ Граѓаните можат да се потпишуваат секој ден до 19 часот appeared first on plusinfo.mk.

Амбасадата на Република Србија во Скопје соопшти дека во нејзините простории, на улицата Питу Гули број 8, за јавноста е отворена Книга на жалост за трагедијата што вчера се случи во Нови Сад.

Македонските граѓани може да го изразат своето сочувство во Книгата на жалост од денеска до 4 ноември, од 12 до 18 часот.

Поради несреќата во која од падот на настрешница на Железничката станица во Нови Сад вчера загинаа 14 луѓе, Владата на Република Србија денешниот ден,  2 ноември 2024, го прогласи за Ден на жалост во Србија.

The post ОТВОРЕНА Е КНИГА НА ЖАЛОСТ ВО СРПСКАТА АМБАСАДА Сочувство за трагедијата во Нови Сад appeared first on plusinfo.mk.

„Со огромно жалење, скршени од болка за прерано згаснатиот живот на Вања, ве информираме дека во понеделник, од 09 часот, на службениот влез на училиштето ,,Јохан Хајнрих – Песталоци“ ќе биде отворена книга на жалост. Ги повикуваме блиските и сите граѓани кои сакаат да оддадат почит да дојдат да се потпишат. Во моментот менаџментот на училиштето во соработка со повеќе психолози се подготвува за утрешниот ден со цел обезбедување поддршка за учениците и комуникација со нив на начин со кој сите полесно ќе го пребродат овој трагичен настан“, соопшти Општина Центар.

Оттаму се бара целосно расветлување на случајот во најкус можен рок и одговорност од извршителите. Се повикуваат граѓаните да останат обединети и да не подлегуваат на шпекулации.

„Градоначалникот Герасимовски и сите вработени во Општина Центар изразуваат најдлабоко сочувство до семејството и блиските на Вања. Извршителите на овој грозоморен чин мора да одговараат во најкус рок, ги повикуваме институциите да го расветлат целосно случајот. Апелираме и до граѓаните да останат обединети во овие тешки моменти и да не подгреваат шпекулации. Нека ѝ е светол патот на Вања, ваква трагедија никогаш повеќе да не се повтори“, се наведува во соопштението од Општина Центар.

The post КНИГА НА ЖАЛОСТ ВО „ПЕСТАЛОЦИ“ Училиштето со психолози ќе им помага на соучениците на Вања да ја пребродат трагедијата appeared first on plusinfo.mk.