Деблокиран е процесот за клучката кај Момин Поток, изградбата продолжува со забрзано темпо, објави на својата Фејсбук страница градоначалникот на град Скопје Орце Ѓорѓиевски.

„По неколкумесечен застој, повторно се работи на една од најстратегиските сообраќајни точки во Скопје, место каде што се спојуваат неколку клучни градски правци. Во тек е изградбата на атмосферска канализација Ф1200 на булеварот Никола Карев во должина од 550 метри, од мостот на Серава до булевар ‘Словенија“, пишува градоначалникот.

Ѓорѓиевски информира и дека, паралелно, се гради и новиот мост на Серава на истиот булевар, кој ќе премостува три ленти во еден правец и четири во друг, со вкупна ширина од 44 метри.

„Се подготвува и натпатникот на булевар 8 Септември, долг 43,5 метри, кој ќе го премости булеварот Никола Карев и ќе ја поврзе кружната крстосница со турбо кружен тек, многу важна алка во целото решение. Имено, досега изградбата се одвиваше во сложени услови поради густиот сообраќај и поради нерешени имотно-правни односи. Но, процесите се деблокираат и динамиката конечно се забрзува.

Наскоро, овој сообраќаен јазол ќе донесе сериозно олеснување за илјадници граѓани – побрз проток, помал метеж и модерен приод кон Скопје.

Градот чекори напред. Заедно, Скопје ќе го направиме повторно горд град!“, истакнува градоначалникот.

The post 📷 ДЕБЛОКИРАН ПРОЦЕСОТ, СЕ ГРАДИ КЛУЧКАТА КАЈ МОМИН ПОТОК Се подготвува и натпатникот на 8 Септември долг 43,5 метри appeared first on plusinfo.mk.

Кандидатот за градоначалник на Град Скопје од ВМРО-ДПМНЕ, Орце Ѓорѓиевски од Карпош порача дека со поддршка од Владата ќе се зафатат со решавање на најгорливите сообраќајни проблеми во главниот град. Како приоритети ги истакна доизградбата на клучката Момин Поток и мостот на Љубљанска, кои, според него, ќе го растеретат метежот во сообраќајот и ќе придонесат за подобра поврзаност на градот.

– Мене добро ме познавате како четиригодишен градоначалник на општина Кисела Вода и знаете колку силно се борев за моите сограѓани, дали станува збор за хигиената, парковите, борбата против бетонизацијата или реализацијата на проекти. Општината ја начекав руинирана, како што е денес Градот Скопје, но со поддршка од премиерот успеавме да ја изградиме во една од најуспешните општини во државата. Истото ќе го направиме и со градот – изјави Ѓорѓиевски.

Тој најави дека доколку ја добие довербата на граѓаните, мостот на Љубљанска улица ќе биде пуштен во употреба најдоцна шест месеци по неговото назначување, а ќе се забрза и реализацијата на проектот за клучката кај Момин Поток.

– Сакам да ветам пред сите вас дека мостот на Љубљанска конечно ќе биде ставен во функција за шест месеци откако ќе станам градоначалник. Ќе го решиме тоа сообраќајно тесно грло, а веднаш потоа ќе се зафатиме и со клучката кај Момин Поток, која мора да се доврши. Тоа ќе го деблокира целиот северозападен дел на градот – потенцира Ѓорѓиевски.

Меѓу најавените проекти, Ѓорѓиевски посочи и изградба на мега парк кај реката Лепенец, простор каде што, како што рече, сите карпошани ќе можат да се рекреираат со своите семејства.

– Во првите шест месеци ќе започнеме со изградба на мега паркот кај Лепенец. Покрај тоа, постоечките паркинзи ќе бидат целосно реорганизирани, ќе се воведе зонско паркирање и ќе поставиме нови монтажни гаражи за да се стави ред во паркирањето – изјави кандидатот за градоначалник на Скопје.

The post ЃОРЃИЕВСКИ ВЕТИ РЕШАВАЊЕ НА СООБРАЌАЈНИОТ ХАОС За шест месеци ќе биде пуштен мостот на Љубљанска appeared first on plusinfo.mk.