Роденденскиот ручек на Гечев, организиран во скопска кафеана, беше израз на пријателство и обединување на индивидуалните и професионалните постигнувања на членовите на Клубот 100, престижна организација во рамките на Стопанската комора, составена од видни бизнисмени, претприемачи од различни индустрии и сектори на македонската економија.

Гечев, како генерален директор на ИГМ Трејд АД Кавадарци, е долгогодишен член на Клубот 100 и активно придонесува за подобрување на бизнис средината и економските услови во земјата.

Во друштво на Гечев беа претседателот на Стопанската комора на Северна Македонија Бранко Азески, Кочо Анѓушев, претседател на УО на „Брако Групацијата“, Андреа Јосифовски, претседател на УО на „Макпетрол“, Хари Костов генерален извршен директор на Комерцијална банка и Илија Илоски, главен-оперативен директор на Комерцијална банка.

Извор: Фактор

The post ИЛИЈА ГЕЧЕВ ГО ПРОСЛАВИ РОДЕНДЕНОТ ВО ДРУШТВО НА КОЛЕГИТЕ ОД „КЛУБОТ 100“ Азески, Костов, Јосифовски, Анѓушев и Илоски со првиот човек на ИГМ Кавадарци appeared first on plusinfo.mk.

Комората, во која членки се и компании од групацијата Феро Инвест и БРАКО, донесе заклучок со забелешки и предлог до Владата, кој го достави и до јавноста:

„Во врска со Предлогот на Законот за данок на солидарност, Стопанската комора на Северна Македонија изминатиот период во континуитет укажува дека носењето на вакво законско решение за измината фискална година (конкретно за 2022 година), создава несигурност кај постојните и потенцијалните инвеститори, особено ако се има предвид дека правната сигурност е еден од врвните приоритети за кои се залагаме како застапувачи на интересите на бизнис заедницата во земјата.

Стопанската комора на Северна Македонија, која ги застапува компаниите кои создаваат половина од вкупниот приход во приватниот сектор, компании кои генерираат речиси половина од нето добивката во приватниот сектор и компании кои вработуваат повеќе од една третина од вработените во приватниот сектор уште еднаш ги афирмира своите забелешки во однос на Предлог-законот за данок на солидарност и укажава на следното:

– Селективен пристап, затоа што се опфатени само поголемите компании кои остваруваат приход поголем од 615.000.000 денари;
– Се врши оданочување на добивката што ја оствариле компаниите, независно дали истата е резултат на пазарните услови (остварена екстра добивка поради движења на пазарите на енергенси или други причини кои довеле до конјуктурни поместувања на пазарот) или е резултат на нивното работење, односно резултат на зголемени инвестиции, подобрена продуктивност, освојување на нови пазари и сл.;
– Дестимулирање на успешните компании, кои се инвестициски ориентирани, односно во неповолна положба се доведуваат компании кои инвестирале во претходните години.
– Ефектот кој се очекува од примената на истиот, во смисла на обезбедување на дополнителни средства во државниот буџетот, може да изостане за делот на добивката на компаниите кои се корисници на државна помош, од причина што ќе се намали нивниот индивидуален износ на доделена државна помош, и по тој основ нема да се зголемат приходите во буџетот.
– Ваков данок, кој се носи ад хок, во втората половина на деловната година создава несигурност кај постојните и потенцијалните инвеститори.

Во таа насока Клуб 100, како најрепрезентативно тело на раководење во Стопанската комора, ја повикува Владата на РС Македонија да го повлече Предлог на Законот за данок на солидарност и со тоа да покаже сериозен однос кон укажувањето на најголемата и најбројна бизнис асоцијација во државата. Исто така, сакаме да напоменеме дека е јасна намерата на Владата на РС Македонија дека овој закон сака да го протне со европско знаме, кој ќе нанесе поголема штета него добро“, велат од Стопанската комора на Македонија и од Клуб 100“ – се вели во соопштението на Комората.

Комората испрати и фотографии од потпишаната иницијатива упатена до Владата.

The post ДА СЕ ПОВЛЕЧЕ ПРЕДЛОГ-ЗАКОНОТ ЗА ДАНОК НА СОЛИДАРНОСТ Бизнис-заедницата наведе неколку причини зошто ваквата мерка е штетна за економијата appeared first on plusinfo.mk.

По шестгодишното успешно управување со НЛБ Банка АД Скопје, м-р Антоно Аргир, нашиот потпретседател преминува со работа во Љубљана, како извршен помошник на Управниот одбор  на НЛБ Д.Д., одговорен за управубање со НЛБ Групацијата. Неговата улога на новата позиција е да се подобри соработката меѓу членките во Групацијата и да го поддржи понатамошниот раст и развој во регионот. Ова е за прв пат еден кредитен референт да се искачи на едно од највисоките менаџерски позиции што е големо признание и за него и за НЛБ Банката во Скопје.

 Ова е прв пат во историјата на НЛБ Групацијата колега од една од банките членки да го трасира својот пат од кредитен референт до една од највисоките менаџерски позиции во групацијата, што не е само признание за високо професионалната работа на Антонио Аргир, туку и за успехот на НЛБ Банка Скопје. Но, за нас позначајно е што неговата нова позиција се поклопува со нашите регионални активности, преку Коморскиот инвестициски форум (КИФ), коишто територијално се истоветни со земјите на Западен Балкан, што гарантира заедничка соработка во наредниот период. Нека му е со среќа новата позиција којашто овој скромен човек во својата четириесет и шеста година од животот го носи на врвот од банкарскиот сектор во регионот. Така, СКСМ ќе има уште еден свој човек на врвна позиција во регионот.

Денес, исто така, сакам да им посакам добредојде на тројца личности во врвот на Управниот одбор на СКСМ. Станува збор за д-р Анита Блажевска, м-р Борче Илиевски и м-р Зоран Мартиновски. Тие од минатата недела преземаат значајни позиции, но и одговорности во три сегменти од нашето работење, кои досега не беа покриени.

Анита ќе го предводи 74-члениот експертски тим на Комората што и ќе има задача да учествува во концепирањето и креирањето на законските решенија и да направи пресврт на досегашната практика, наместо да чекаме да се изјаснуваме преку ЕНЕР, да се вклучиме во разговорите при концепирањето на законските решенија, бидејќи мислиме дека така ќе бидеме поефикасни во нашата работа. Таа зад себе има силна референца во проектот на менаџирање на усогласувањето на царинските стапки со оние на Европската Унија. Вработена е во Филип Морис, а работела и во Министерството за финансии. Во образовната надградба од особено значење е нејзината магистерска диплома од Judge Business School во рамки на Универзитетот во Кембриџ, Велика Британија во областа на стратегии и иновации со посебен фокус на странските директни инвестиции, двомесечниот студиски престој за применета економија на Заедничкиот Институт на ММФ, Светска Банка, ОЕЦД и СТО во Виена, Австрија каде се стекнува со сертификат за извонредност како највисоко признание на Институтот за активно учество и исклучителен придонес во дискусиите за применета економија со меѓународните институции и учество и учеството на семинар во Виена организиран од ММФ за политики и мерки за зголемување на приливот на странски директни инвестиции во земјите од Западен Балкан.

Борче ќе биде задолжен за поддршка на фирмите за корпоративни финансии и инвестиции и со своето искуство ќе помага на компаниите во оваа значајна област. Од „Некском” преку „Т-мобиле“, „Еуромакс ресорсес“ до „М6“, а сега и главен извршен директор на „Шато де Гордон“, села во рајнскиот регион, Болен, Франција, го има градено своето искуство само на овие прашања работејќи на длабински финансиски и инвестициски анализи. Своето образование и академско искуство Илиоски го стекнува на престижни светски училишта и универзитети меѓу кои и во училиштето за менаџмент „Келог“ при универзитетот „Нортвестерн“, Чикаго, САД, Програма за извршно образование; Универзитетот на Шефилд, Обединето кралство Извршен МБА по финансии, со специјализација во проектни финансии и Универзитетот „Јорк“ – центар за извршно образование „Шулих“, Торонто, Канада.

Зоран ќе биде задолжен за поддршка на компаниите во релациите со меѓународните финансиски институции и регионалните проекти. Со искуство од 25 години, меѓу кои и позицијата шеф на канцеларија на ИФЦ за Северна Македонија и Црна Гора, изгради реноме на човек кој помогна на многу компании, учествувајќи во проекти вредни преку 300 милиони долари, и со тоа сметам дека може да одговори на оваа позиција. Стипендист на Рон Браун и алумнист на училиштето Кенеди при Харвард, и дополнителни обуки за извршно раководење во САД, Канада, Јапонија и Италија, како и технички и лидерски обуки во рамки на ИФЦ,  можат да бидат само од корист за нашето работење. Сакам да им посакам успех во извршувањето на нивните должности и стекнатите искуства на меѓународните универзитети и корпорации на едноставен начин да ги пренесат и во нашето работење кое е усмерено во еден правец – да им се помогне на нашите членки во секојдневното работење.

Клубот 100 – најрепрезентативниот претставник на приватниот сектор во нашата држава, ја има водечката улога во менаџирањето на Комората. Тие ја имаат улогата на преговарачки тим, како во домашните, така и во меѓународните релации и со своето портфолио претставуваат тим за почит. Компаниите на членовите на Клубот 100 заедно остваруваат годишен обрт од над  една милијарда евра, имаат над 5300 вработени и прават годишен профит од преку 100 милиони евра и со години наназад се во листата на најуспешните компании кај нас. Клубот 100 е формиран на 8.6.2021 година и го носи обележјето на стоте години од СКСМ. М-р Живко Мукаетов, Андреја Јосифовски, Хари Костов, Илија Гечев и проф. д-р Кочо Анѓушев се негови први членови и можам да кажам дека со неговото конституирање ја презедоа лидерската позиција во Комората во еден исклучително значаен момент, исполнет со тешки предизвици, предизвикани од енергетската, здравствената и економската криза во која се наоѓаме. Нивната лојалност кон Комората е пример и за сегашните и за идните генерации, како треба да се однесуваат како општествено одговорни и носечки субјекти на економскиот развој. Со ова сакам да им оддадам јавно признание за нивниот придонес во спроведување на концептот Комора на иднината.

The post БИЗНИС ЛИКОВИТЕ НА КОМОРАТА ВО 2021 ГОДИНА Аргир во Љубљана, врвно едуцирана тројка ќе го предводи Управниот одбор, а Топ петорка комората appeared first on plusinfo.mk.