Клиничкиот центар до крајот на годинава треба да добие нова Клиника за интензивно лекување и реанимација во рамки на Клиниката за ТОАРИЛУЦ, а веќе за следната година се планира воведување операции со роботика.

– Се надевам дека до крајот на годината ќе биде пуштена и ќе можеме да дадеме интензивна нега според европски и светски стандарди – рече Мерџаноски во емисијата „За македонските работи“ на ТВ Алфа.

Следниот чекор е воведување роботика во операционите сали. Планот е најпрво роботиката да се користи при операции на ‘рбетниот столб, а потоа системот да се надгради и за операции на колк и колено.

Клиниката веќе имала презентации од неколку компании, а со Фондот за здравствено осигурување се разговарало и за обезбедување средства за опремата.

Според д-р Мерџаноски, со овој тип роботика и навигација Клиниката би можела да стане регионален лидер во лекувањето на овие заболувања.

The post КЛИНИЧКИОТ ЦЕНТАР ЌЕ СЕ ПОДНОВИ СО КЛИНИКА ЗА ИНТЕНЗИВНА НЕГА Догодина се планираат операции со роботика на ‘рбет, колк и колено appeared first on plusinfo.mk.