Мајката на двегодишното дете, кое почина поради повреда во главата, ѝ кажала на полицијата дека пред полноќ излегла пред дворот од куќата со детето за да гледа огномет, по што слушнала звук и забележала крв од главата на детето.

Полицијата соопшти дека на 01.01.2026 во 00:58 во СВР Скопје, од Комплексот клиники „Мајка Тереза“ е пријавено дека кај нив во многу тешка состојба и со стран предмет во глава е донесено двегодишно дете од Скопје.

Полициски службеници излегле на местото и извршиле службен разговор со мајката Г.Д.(21), која појаснила дека на 31.12.2025 пред полноќ излегла пред дворот од куќата на подрачјето на Гази Баба со детето и гледајќи огномет слушнала звук, по што забележала крв од главата на детето.

Во полициска станица бил извршен службен разговор и со таткото на детето М.А.(26).

Во 01:58 часот на 02.01.2026 детето починало, а лекар констатирал смрт. По наредба на јавен обвинител, телото на детето е дадено на обдукција и се преземаат мерки за расчистување на случајот.

The post МАЈКАТА ИЗЛЕГЛА ВО ДВОР ДА ГЛЕДА ОГНОМЕТ СО ДВЕГОДИШНОТО ДЕТЕ Слушнала звук по што забележала крв од главата на детето appeared first on plusinfo.mk.

41-годишниот мигрант, Л.Ш., почина во Клиниката за нефрологија при Комплекс клиники „Мајка Тереза“ во Скопје, по што телото е предадено на обдукција за утврдување на причините за смртта, соопшти МВР.

Според информациите, Л.Ш. бил донесен во клиниката на 20 ноември околу полноќ за укажување на лекарска помош, а починал следното утро, на 21 ноември во 06:48 часот. По наредба на јавен обвинител, телото на починатиот е предадено за обдукција, а надлежните продолжуваат со истрагата.

– Се работи за трагичен случај и сите детали ќе бидат утврдени по завршување на обдукцијата – велат од МВР.

The post МИГРАНТ ПОЧИНА ВО КЛИНИКАТА „МАЈКА ТЕРЕЗА“ Обдукцијата ќе утврди што ја предизвикало трагедијата appeared first on plusinfo.mk.

Дванаесетгодишно момче од Скопје заврши во болница по напад што се случил вчера попладне во центарот на градот.

Според информациите пријавени во полиција, околу 15:50 часот, маж физички го нападнал малолетникот и со остар предмет му нанел расекотина, а потоа го оштетил и неговиот велосипед.

Повреденото дете било пренесено во Комплексот клиники „Мајка Тереза“, каде што му била укажана лекарска помош.

Од полицијата велат дека се преземаат мерки за целосно расчистување на случајот и идентификација на сите околности поврзани со нападот.

The post 12-ГОДИШНО ДЕТЕ РАСЕЧЕНО СО НОЖ ВО СКОПЈЕ Напаѓачот му нанел повреди и му го уништил велосипедот appeared first on plusinfo.mk.