Словенечки лекар, вработен во Клиничкиот центар во Марибор, повторно се заразил со коронавирус откако претходно беше вакциниран со две дози од вакцината, потврди втората по големина словенечка болница.

Лекарот неодамна се вратил од Африка, па се претпоставува дека можеби бил заразен со јужноафриканската мутација на вирусот, што сè уште не е докажано, пренесува Хина.

Како што јави телевизиската станица ПОП-ТВ, повторна инфекција е можна бидејќи ниту една вакцина не е стопроцентно ефикасна, а откако ја потврдиле инфекцијата со ПЦР-тест, тие постапиле според пропишаниот протокол и ги информирале епидемиолозите.

Како што изјави денеска на редовната владина конференција микробиологот Тјаша Жохар Чретник од Националната лабораторија за здравје, животна средина и храна, на микробиолозите им треба најмалку една недела за секвенционирање на геномот на вирусот и за потврда на варијантата, а досега не е забележан ниту еден случај на јужноафриканската мутација во Словенија.

The post Словенечки лекар се заразил откако примил две дози од вакцината против коронавирус appeared first on plusinfo.mk.

Тој за белградски медиуми изјави дека во првиот бран имало максимум 445 заразени на дневно ниво, дека во вториот бран најголем број имало на 26 јули –  467 новозаболени и дека сега таа цифра е околу 5.000 новоинфицирани лица на дневна основа. Меѓу пет и 20 отсто случаи бараат интензивна нега или се за на респиратори.

Најнеповолна е состојбата во Белград, а Ашанин потсетува дека во амбулантите во Ковид пред две-три недели имало околу 3.500 прегледи на дневно ниво, и дека вчера бил урнат неславниот рекорд од 5.600 прегледи на луѓе кои имале проблеми со дишењето или треска.

– Нашите прогнози се дека ова ќе трае…Имавме околу 1.000 пациенти на Клиниката за инфективни болести за време на викендот од петок до недела и во текот на денот зад нас имаше 350 пациенти – рече Ашанин.

Тој посочува дека се полни капацитетите на Клиниката за инфективни болести.

Што се однесува до пациентите кои се на болничко лекување, Ашанин изјави дека на почетокот на третиот бран, повеќето пациенти биле на возраст од 20 до 40 години, нешто подоцна од 30 до 50 години, а сега доминираат пациенти над 60 години.

Секој трет пациент кој доаѓа во приемната-тријажна амбуланта денес е за на болничко лекување, потенцира тој.

The post Србија: Секој трет е за болничко лекување, околу 20 отсто имаат тешка клиничка слика appeared first on plusinfo.mk.

Дополнително на оваа финансиска поддршка, ЕВН даде свој придонес и во подигнувањето на мобилната (полска) болница во рамки на Клиничкиот центар во Скопје, донирајќи го приклучокот за електрична енергија во вредност од 10.000 евра.

„Во услови на глобална здравствена криза решивме да ја зајакнеме редовната поддршка, со дополнителна донација за македонскиот здравствен систем. Во овие вонредни услови потребна е заедничка координирана акција за што полесно справување со здравствените, но и со економските последици кои ги предизвикува ширењето на вирусот Ковид-19. Како конструктивен партнер на општеството и понатаму ќе се трудиме активно да помагаме“, истакна Штефан Петер, претседател на Управниот одбор на ЕВН Македонија.

Пред шест месеци, ЕВН веќе донираше на Министерството за здравство прочистувачи на воздух со капацитет од 2500 кубика на час, хепа филтри и респираторни машини за високофреквентна механичка вентилација за новороденчиња, во вкупна вредност од 60.000 евра. 

„ЕВН како компанија која врши јавна дејност веќе презеде низа активности за да обезбеди сигурно и стабилно снабдување со електрична енергија за сите граѓани. Сите корисници се насочени да ги користат онлајн услугите на компанијата, а активностите на компанијата се одвиваат согласно сите препораки за физичка дистанцираност“, се додава во соопштението на „ЕВН Македонија“

The post ЕВН донира 200. 000 евра за медицинска опрема и материјали appeared first on plusinfo.mk.