Аналитичкиот извештај за болничкото лекување 2023–2025 година на Фондот за здравствено осигурување на РСМ (ФЗОРСМ) покажува стабилен раст на бројот на пациенти, зголемени буџети и постепено зајакнување на капацитетите на здравствениот систем, истакнаа на денешната прес-конференција директорот на ФЗОРСМ Сашо Клековски и заменик-директорот Седат Бислими.

Според податоците, во 2025 година биле лекувани 194.230 пациенти, што е зголемување од 5,1 отсто во однос на 2023 година. Во истиот период, вкупниот болнички буџет пораснал за 24 отсто, достигнувајќи 32,5 милијарди денари.

– Просечното болничко лекување траело малку под 5 дена, го чинело здравствениот систем околу 32 милијарди денари, а просечната сложеност на интервенциите изнесувала 1,55 –  рече Клековски.

Најголем раст на болнички случаи има во две категории – очни болести и болести на мускулно-скелетниот систем, со раст од околу 20 проценти. Тоа, рече, се должи на обидите да се намалат листите на чекање за операции на катаракта, како и за планирани операции на колкови и слично.

Од друга страна, посочи Клековски, има пад од 3 проценти кај хоспитализациите за циркулаторни, односно кардиоваскуларни болести. Треба дополнително да се анализира дали станува збор за тренд на намалување на овие заболувања, што, рече, би било позитивен сигнал.
Забележан е и пад од 7,5 проценти кај хоспитализациите поврзани со бременост и породување, што, потемцира, повторно е одраз на демографските промени.

– Во однос на сложеноста на болничките случаи, хируршките интервенции генерално се издвојуваат по својата комплексност и тие се споредливи со земјите со среден европски развој.
Она што можам да го истакнам е дека имаме напредок во 9 од 12 општи болници, што е за поздравување. Од клиничките болници, најголема сложеност покажува Клиничката болница Штип, а најголем напредок има Клиничката болница Битола. Морам да ја издвојам и ГОБ „8 Септември“, која иако формално е општа болница, со индекс на сложеност близу 2 има ниво споредливо со клиничките центри и нуди значително посложени интервенции – рече Клековски.

Според Извештајот, бројот на болнички случаи расте стабилно — од 184.829 во 2023 година на 194.230 во 2025 година (+5,1 проценти), со пораст кај речиси сите типови здравствени установи, освен кај клиничките болници. Болестите на очите бележат +21,9 проценти повеќе хоспитализации, а заболувањата на мускулоскелеталниот систем +28,9 проценти, што укажува на надоместување на одложените ортопедски интервенции по пандемијата. Хоспитализациите поради кардиоваскуларни заболувања бележат пад од 26.651 на 25.876 случаи (–2,9 проценти) — позитивен сигнал кој укажува на можни подобрувања, рече Клековски.

Договорните буџети со ЈЗУ бележат раст од 24 отсто за две години  милијарди денари, при што најголем апсолутен пораст има кај универзитетските клиники (+33 отсто).

Анализата по установа открива јасна структура во однос на комплексноста на третманите. Тоа е изразено преку Индексот на комплексност на случаи Case Mix Index — ЦМИ, односно  просечната релативна тежина на сите DRG Diagnosis Related Groups случаи во една здравствена установа за одреден период.

На врвот се кардиохируршките болници: ПЗУ „Систина“ — CMI 18,4 и ПЗУ „Филип Втори“ — CMI 15,4, по што следуваат: УК за Хематологија — CMI 9,8, УК за Државна кардиохирургија — CMI 9,1. Кај општите болници, ГОБ „8 Септември“ со CMI 1,95 се издвојува како единствена општа болница со вредност на ниво на клиника и практично функционира како референтен центар за Скопје.Меѓу регионалните болници, Клиничката болница Штип предничи со CMI 1,31, додека Клиничката болница Битола бележи најголем пораст во 2025 година (+0,09).

Според ФЗО, особено значајно е што 9 од 12 општи болници го подобриле својот CMI во 2025 година во споредба со 2024 година. ОБ Куманово има најголем раст (+0,091), а ОБ Струмица за првпат го надминува прагот од CMI 1,0.

– Ова укажува дека регионалните болници постепено преземаат посложени случаи, што претставува позитивен сигнал за децентрализација на здравствената грижа и подобар пристап за граѓаните надвор од Скопје – велат од Фознот за здравствено осигурување.

The post БОЛНИЦИТЕ ЛЕКУВААТ ПОВЕЌЕ ПАЦИЕНТИ, СРЕДСТВАТА ПОРАСНАЛЕ ЗА 24% Анализата на ФЗО за последните 2 години покажува општ раст во здравството appeared first on plusinfo.mk.

Клиничката болница, медицинскиот факултет и студентскиот дом во Штип ќе се градат, изјави денеска премиерот Христијан Мицкоски.

Тој рече дека веќе се собрани понуди за трите проекти од светски реномирани финансиски институции.

-Така што следната недела има состанок со министерката за финансии, а потоа заеднички состанок и со министерот за здравство и очекувам како дел од онаа стратешка соработка со Велика Британија и овој процес конечно да почне да се движи, бидејќи има некои законски норми коишто мораше да бидат завршени и очекувам дека сето тоа ќе биде ставено на шини и ќе можеме многу скоро денеска да сведочиме на рестартирање на изградбата на овие објекти, од почеток, но и она коешто треба да биде продолжено- рече Мицкоски.

The post ВЛАДАТА ДОБИ ПОНУДИ ЗА ИЗГРАДБА НА КЛИНИЧКАТА БОЛНИЦА ВО ШТИП Следната недела средби пред донесување конечна одлука appeared first on plusinfo.mk.

Мртво новороденче било донесено рано утринава во Клиничката болница во Штип, соопшти полицијата. Според информациите од СВР Штип, бебето го родила 35-годишна жена од селото Конче, радовишко.

Лекар во болницата констатирал смрт на новороденчето, додека мајката била задржана на Одделението за гинекологија.

Полициски службеници излегле на местото и разговарале со сопругот на жената, К.У.(33). Според неговата изјава, околу 02:00 часот таа добила породилни болки.

Потоа се породила во дворот од домот.

За случајот бил известен јавен обвинител. Полицијата соопшти дека се преземаат мерки за целосно расчистување на настанот.

The post ПОРОДУВАЊЕ ВО ДВОР ЗАВРШИЛО ФАТАЛНО Во штипската болница донесено мртво бебе appeared first on plusinfo.mk.

Дваесетгодишна државјанка на Турција денеска била пронајдена почината во стан во Штип. Случајот го потврди СВР-Штип.

Од полицијата информираат дека пријавата била добиена во 14:48 часот. Според првичните информации, пожарникари интервенирале за да влезат во станот преку балкон, бидејќи вратата била блиндирана.

На местото излегла екипа на полицијата и Итната медицинска помош, која констатирала смрт.

Засега не може да се утврди дали станува збор за насилна смрт.

Телото на девојката е предадено на обдукција во Клиничката болница во Штип.

The post СТУДЕНТКА ОД ТУРЦИЈА ПРОНАЈДЕНА МРТВА ВО СТАН ВО ШТИП Вратата била блиндирана, пожарникарите влегле преку балкон appeared first on plusinfo.mk.

Вработен во рудник во Македонска Каменица вчера вечерта тешко се повредил на работното место, информира МВР во билтенот.

Во полицијата било пријавено дека околу 20:30 часот Б.А.(26) од село Моштица, општина Македонска Каменица, при извршување работни задачи во рудник во Македонска Каменица се здобил со тешки телесни повреди констатирани во Клиничка болница Штип, информира МВР.

За настанот е известен јавен обвинител, а увид извршиле увидна екипа од ОВР Делчево и рударски инспектор.

The post ТЕШКО ПОВРЕДЕН РУДАР ВО МАКЕДОНСКА КАМЕНИЦА Бил префрлен во Клиничка болница Штип appeared first on plusinfo.mk.

Свлечиште од земја утринава урна дел од потпорниот ѕид на Клиничка болница-Штип, при што оградата и дел од земјата се свлекле врз две возила со скопска и велешка регистарска табличка.

Ката Крстевска од Велес, која дошла на преглед во болницата, раскажува дека оставиле возило и тргнале кон болницата кога одеднаш слушнале гласна врева и виделе дека ѕидот паднал врз автомобилот.

– Паркиравме и само што појдовме нагоре, слушнавме и кога дојдовме, беше страшно. Среќа се поправа, само да се живи и здрави децата – изјави Крстевска.

На местото на настанот веднаш излегоа екипи од СВР Штип за регулирање на сообраќајот на улицата Љубен Иванов, која води кон главниот влез на болницата. Просторот е исчистен од екипи на ЈП „Стипион“, а сообраќајот е во нормала.

Според очевидците, свлечиштето се случило по интензивни врнежи и влага во земјиштето, но засега нема информации за повредени лица. Надлежните најавуваат дополнителна проверка на стабилноста на потпорниот ѕид и околните површини за да се спречат слични инциденти во иднина.

The post СЕ УРНА ПОТПОРЕН ЅИД КАЈ ШТИПСКАТА БОЛНИЦА Земја и ограда паднаа врз возила со скопска и велешка табличка appeared first on plusinfo.mk.

29-годишниот Ј.А. од селото Таринци, општина Карбинци, е приведен во Клиничката болница во Штип откако ноќта кон четврток се однесувал агресивно и оштетил дел од болничкиот инвентар.

Неговиот татко, В.А. (54), бил донесен во болницата малку по полноќ за лекарска интервенција, но и покрај укажаната помош починал. Кога Ј.А. пристигнал и му било соопштено дека татко му не можел да се спаси, тој почнал да вика, да крши стакла и да оштетува предмети во просториите на болницата.

Полициските службеници интервенирале веднаш и го привеле младиот маж. Телото на починатиот е предадено на обдукција по наредба на јавен обвинител, а случајот се документира. По завршување на постапката, против Ј.А. ќе следува пријава.

The post СИН ВО БЕС КРШЕЛ СЀ ПРЕД СЕБЕ Хаос во штипската болница по трагичната вест за татко му appeared first on plusinfo.mk.

Клиничката болница во Штип е во завршна фаза со огласот за вработување на 18 лица, но неговата реализација ќе почека до завршување на локалните избори. Директорот на болницата, Владко Захариев, денеска изјави дека е донесена одлуката за новите вработувања, но Државната комисија за спречување на корупцијата (ДКСК) не дозволува потпишување на решенијата во текот на изборниот период.

– Процедурата за огласот со 18 вработувања е завршена, интервјуата се направени, одлуката е донесена, периодот за жалби помина, но останува да почекаме завршување на изборите за да може да се потпишат решенијата – изјави Захариев.

Тој најави дека е во тек уште еден оглас кој ќе овозможи нови 25 вработувања, главно во техничкиот и помошниот персонал, каде што болницата има најголем недостаток.

– Во Министерството за финансии веќе е испратена процедура за 25 вработувања. Акцентот е ставен на болничари, чистачки, технички персонал и медицински сестри – додаде Захариев.

Директорот најави дека до крајот на оваа година треба да биде распишан и трет оглас, со што се очекува почетокот на 2026 година Клиничката болница во Штип да ја дочека со подобра кадровска состојба.

– Недостаток на персонал има на сите одделенија. Но, со овие огласи очекувам дека 2026 ќе ја почнеме со подобра кондиција – оптимистички истакна Захариев.

Проблемот со недостиг на кадар во болницата трае со години, бидејќи дел од лекарите заминуваат во приватното здравство, а постапките за нови вработувања се долги. Со последните активности се прават напори да се стабилизира бројот на лекари и технички персонал и да се обезбедат подобри услови за пациентите.

The post ЗАХАРИЕВ ВЕТУВА НОВИ ВРАБОТУВАЊА До крајот на 2025 уште два огласи за Клиничката болница Штип appeared first on plusinfo.mk.

Рехабилитацијата на младите повредени во кочанската дискотека „Пулс“ заврши пред неколку дена во одмаралиштето на Министерството за внатрешни работи на Пониква. Процесот траеше речиси три месеци и опфати околу 150 пациенти, кои добија медицинска, психолошка и физикална поддршка. Ова денеска го потврди началникот на Одделението за физикална терапија во Клиничка болница – Штип, д-р Никола Костадинов.

Според него, пациентите биле распоредени во три групи со двонеделни програми за рехабилитација, под постојан надзор на лекари специјалисти од Клиниката за пластична хирургија во Скопје, како и физиотерапевти од Кочани и Штип.

– Добивме максимум од секој пациент, имаме добри резултати. Кај полесно повредените функциите се враќаат во нормала, а кај потешко повредените заздравувањето е побавно. Најважно е што кај сите процесот оди во нагорна линија – изјави д-р Костадинов.

Тој посочи дека медицинските тимови ќе продолжат со лекувањето и интензивните физикални вежби во Општата болница во Кочани и во Клиничката болница во Штип.

– Моментално во Штип имаме шест пациенти, но со затворањето на Пониква се очекува бројот да се зголеми. Во Кочани, пак, ќе има многу повеќе пациенти на третман – додаде тој.

Проектот за користење на одмаралиштето на МВР како Центар за рехабилитација беше поддржан од Владата, која обезбеди бесплатен третман за сите повредени. Медицинскиот тим што работеше на Пониква, во состав од лекари, физиотерапевти, психолози и медицински персонал, ја оцени програмата како успешна и охрабрувачка за понатамошното закрепнување на младите.

The post ЗАВРШИ РЕХАБИЛИТАЦИЈАТА НА ПОВРЕДЕНИТЕ ОД „ПУЛС“ ВО ПОНИКВА Пациентите продолжуваат со третман во болниците appeared first on plusinfo.mk.

– По тој експресен пат Градско-Дреново возилата ќе се движат со брзина до 130 километри на час. Има мало слечиште кое очекувам да биде санирано, и пуштањето на тој дел од патот да биде на 14 овој месец, поточно, за шест дена од денес. Со тоа драстично ќе се намали времетраењето на патувањето до Прилеп, до Битола и до тој дел на Македонија – рече Мицкоски денеска одговарајќи на новинарски прашања при посетата на Штип.

Целиот експресен пат Градско-Дреново, кој е во должина од 25 километри, се очекува да биде пуштен во март.

На 17 јануари се очекува да биде пуштена во употреба и првата делница, Куманово-Бељаковце, од пругата кон Бугарија.

– Се гради автопатот Битола-Прилеп и се очекува да биде готов за 3 години. Течат инфраструктурните активности на Коридорот 8 и на Коридорот 10 Д. Очекувам, пред да почне туристичката сезона, во втората половина на мај и првата половина на јуни, да ја пуштиме делницата од автопатот од Врбјани до Охрид, со исклучок на делот кај местото Ботун. Таму има мало слечиште, кое што треба да се санира. До крајот на 2026 година очекувам да го пуштиме целиот потег на автопатот Кичево-Охрид. Очекувам да биде распишан тендерот за делницата Букојчани-Кичево, со што и тука би се поврзале овие два коридора. Очекувам после адаптацијата, конечно да имаме успешно наддавање за изградбата на магистралата Блаце-Скопје и проектирање на тунелот Тетово-Призрен. Исто така, очекувам да биде завршено и проектирањето за Куманово-Страцин, како и за обиколницата Битола-граничен премин Меџитлија. Ова се проекти кои се во процес на проектирање или во процес на изградба и завршување – рече Мицкоски.

Одговарајќи на новинарско прашање за изградбата на Клиничката болница во Штип, тој замоли граѓаните да бидат трпеливи, затоа што, како што рече, ќе имаат многу пријатно изненадување.

– Во завршни преговори сме со две многу моќни држави. Сакаме да потпишеме меѓувладини договори за проекти од транспортот, дигитализацијата и здравството. Од прв ден работиме на Клиничката болница во Штип, таа ни е приоритет и тоа ќе го испорачаме. Ќе имаме наскоро уште една странска инвестиција во Штип – рече премиерот Христијан Мицкоски.

The post ПРВАТА ДЕЛНИЦА ОД ПРУГАТА КОН БУГАРИЈА ЌЕ БИДЕ ПУШТЕНА НА 17 ЈАНУАРИ Три дена претходно во употреба и патот Градско-Дреново appeared first on plusinfo.mk.