Нејзиното признание дека Клеопатра е Македонка, а не Гркинка доби разни коментари во јавноста.

Филмот кој треба да биде снимен до 2025 година ќе го режира Пети Џенкис која го режираше и филмот „Жена чудо“(Wonder Woman), а сценариото ќе биде на Леата Калогридис.

На 1:45 Гадо вели дека Клеопатра е Македонка.

Неодамна Нетфликс сними свој документарец за оваа владетелка на Египет и директна внука на Птоломеј, генералот на Александар Македоски и владетел на македонската империја. По него ќе биде наречена цела лоза Птолемаиди. Нетфликс ја потретираше Клеопатра како Афроамериканка во серијата, што направи огромна поделба меѓу фановите во врска со бојата на кожата.

Тогаш луѓето се караа дали воопшто во Египет некогаш владееле Афроамериканци. Истовремено Коптите во Египет ја сметаат Клеопатра за свое наследство.

Денешениот ден, 22 јули, пак е роденденот на Александар Македонски, далечниот сонародник на Клеопатра. Она што го поврзува со Клеопатра и е мистеријата за неговиот гроб кој според британскиот историчар Ендру Чаг се наоѓа во мумифицираните остатоци под алтарот на црквата свети Марко во Венеција, каде неговото тело било заменето со она на светецот Марко во 4 век од нашата ера, пишува Индепендент.

Всушност, Чаг пред историчарите од Харвард ја изнесе дека телото на Александар Македонски заедно со она на светецот било мумифицирано и скриено, а потоа пренесено во Венеција од страв дека тоа ќе биде спалено и уништено од христијанските бунтовници кои тогаш се бореле во градот Александрија во Египет, но и низ целата римска империја нивната религија да биде легализирана, односно признаена.

Тоа значи дека ова се случило пред времето византискиот цар Константин да го направи токму тоа, да го легализира христијанството. Чаг вели дека дури и самиот патријарх во Венеција можеби ја донел оваа одлука, бидејќи ја знаел големината на Александар и важноста да се зачуваат неговите останки, бидејќи тој е историска личност.

Познато е и дека римските генерали и челници често пати го посетувале гробот на Александар додека тој бил во Александрија, односно во Александрија се смета дека била една од повеќето симболични гробници на војсководецот. Вистинскиот гроб уште не му е познат.

Тезата на Чаг не е потврдена, но им даде многу нов материјал на неговите колеги да размислуваат. Истовремено, потрагата по гробот на големиот Александар Македонски се пресели од Исток на Запад. Но, дури и да е во Венеција закопано телото, прашањето останува дали италијанските власти некогаш би дозволиле да се истражуваат овие останки, со оглед на фактот дека е строго забрането допирањето на артефактите во црквата свети Марко, не само за туристи, туку и за археолози и историчари.

The post (ВИДЕО) УБАВАТА ГАЛ ГАДО ПРИЗНА ДЕКА КЛЕОПАТРА Е МАКЕДОНКА Ќе се снима нов филм за легендарната владетелка и фам-фатал appeared first on plusinfo.mk.

Египетското Министерство за туризам и антиквитети објави дека тунелот е долг 1.300 метри и се наоѓа на длабочина од 13 метри под градот Тапосирис Магна, недалеку од Александрија, основан во 4. век п.н.е. Се смета дека подоцна тука, владетелката и нејзиниот љубовник, римскиот војсководец и принкепс Марк Антониј, биле погребани по нивната смрт. Исто така, се наведува дека тунелот бил откриен 20 метри под храмот на Озирис, египетскиот бог на подземјето.

Тунелот го пронашол водечкиот археолог на доминиканско-египетската експедиција, Катчеен Мартинез, која повеќе од 15 години ја бара гробницата на Клеопатра во Тапосирис Магна. Таа и нејзините колеги веќе пронајдоа тајни премини и разни богатства во храмот, вклучително и збирка монети со името и ликот на Клеопатра.

Новооткриениот тунел што археолозите го оценија како „геометриско чудо”, е многу сличен на тунелот Евпалинос на островот Самос во Егејското Море.

Научниците сѐ уште расправаат дали Клеопатра навистина била сместена тука, па не е сигурно ни дали овој тунел навистина ќе помогне во наоѓањето на гробницата на последната кралица на Древен Египет. Во меѓувреме, бројни земјотреси ја потресоа областа и тоа ги отежнува ископувањата. Делови од неодамна откриениот тунел сѐ уште се под вода.

The post „ГЕОМЕТРИСКО ЧУДО“ Откриен е тунел кој можеби води до гробот на Клеопатра appeared first on plusinfo.mk.

Какви и колку мистериозни гробови имаат историските личности налик нашиот Александар Македонски или можеби Моцарт? Како умреле? Порталот Нет пишува за десеттте најпознати неразрешени гробни места во историјата.

Џингис Кан

Кинеските и персиските извори велат дека Кан умрел во 1227 година. Неговиот син веројатно го вратил телото на татка си во Монголија. Војниците ја испочитувале желбата на Кан местото на гробницата да го држат во тајност. Се чини дека за да го исполнат ветувањето морале гробот да го изгазат со 10.000 коњи сѐ дур земјата не била порамнета, а дури и пренасочиле цела река да тече преку гробот за никој да не го ограби местото. Тие исто така го убиле секој кој ја видел оваа церемонија. Научниците веруваат дека Џингис Кан е закопан во планините Кентии во Монголија.

Марко Антонија и Клеопатра

Славното двојно самоубиство на љубовниот пар се случиле негде околу 30 година пред Христа откако Октавијан(подоцна познат и како царот Август) ги прогонил до градот Александрија. Дрвениот хроничар Плутарх напишал дека тие се погребани на „сјаен и царски начин во гробница во близина на Александрија. Во 2009 година археолозите го истражуваа храмот Тапосирис Магна во Абсур во Египет. Таму тие пронашле биста со лкот на Клеопатра, маска за која се верува дека му припаѓала на Марко Антоние и монети со нивните ликови. Сето тоа сугерирало дека љубовниот пар не бил далеку од ова место. Постојат и некои докази дека Клеопатра самата себе си изградила гробнива пред да умре, додека некои веруваат дека нивните гробници се на дното на океанот.

Александар Македонски

Откако десет години ја водел својата освојувачка мисија во Грција и Индија, Александар Велики умрел во Вавилон во 323 година пред Христа. Отпрвин бил закопна во златен саркофаг во Мемфис, а потоа е преселен во градот Александрија негде меѓу 293 и 283 година пред Христа. Гробницата била повеќепати пљачкосувана, а некои сметаат и дека подоцна таа била уништена од војните и временските непогоди. По повеќе од 140 обиди и истражувања, сѐ уште не се знае каде точно е гробницата иако многумина веруваат дека и натаму се наоѓа во Александрија.

Атила

Атила се етаблирал како еден од најголемите непријатели на Римјаните. Според записисте, умрел во 435 година, во текот на својата прва брачна ноќ со крв која му течела од носот и устата. Погребан е во три сандаци кои биле изградени од железо, сребро и злато, а слично како и Џингис Кан, цела река била пренасочена за да му го сокрие гробот. Сите луѓе кои го копале гробот биле убиени за локацијата да остане тајна. Пред седум години во Будимпешта градежни работници откриле одаја со човечки скелети, накит и војничка опрема. На почетокот се мислело дека станува збор за гробницата на Атила, но тоа набрзо било демантирано. Сепак и  натаму се смета дека Атила е погребан во Унгарија.

Леонадро Да Винчи

По смртта во 157 година, на 67-годишниот Да Винчи наводно бил погребан пред една црква која била уништена во Француската револуција. Кога археолозите во 1863 вршеле ископувања, пронашле остатоци од надгробен споменик и коски од човек за кои се верувало дека се на Да Винчи. Но, тоа никогаш не било потврдено со ДНК-анализа, бидејќи нема смисла да се прави анализа на крвта на човек кој немал деца.

Харолд Втори

Умрел во 1066 во битката за Хастингс. Наводно неговото тело било толку оштетено што можела да го познае само неговата вонбрачна сопруга. Ни ден-денес не е јасно што се случило со телото и каде е закопан. Имало еден обид за ексхумација, но тој бил одбиен бидејќи наводно биле мали шансите посмртните останки, кои би биле пронајдени, да припаѓаат на Харолд Втори.

Кралицата Будика

Оваа келтска кралица водела востание против Римјаните. Умрела во 60 година од нашата ера, а се верува дека намерно извршила самоубиство за да изгледа дека била заробена. Некои шпекулираат дека нејзините останки веројатно никогаш нема да бидат пронајдени. Но, постојат и гласини дека таа е закопана под пероните 8,9 и 10 на Лондонското метро, на станиата Кингс Крос. Досегашните ископувања ова не го потврдиле.

Моцарт

Сѐ околу неговата смрт е мистерија. Умрел во 1791 година на 35 години од неразјаснета болест. Закопан е на гробиштето „св.Марко“ во Виена. Телото било положено во дрвен сандак, заедно со други тела. Заради тогашниот локален закон, таквите гробови можеле да бидат повторно ископувани за да се користат после 10 години. Се претпоставува дека токму тоа се случило со гробот на Моцарт.

Алфред Велики

Овој англиски крал првпат бил закопан во 899 година во Винчестер. Не за долго, неговото тело било преселено во една нова црква која ја изградил неговиот син Едвард во 903 или 904 година. Во 1110 година телото на кралот било уште еднаш преселено и тоа во Хајд, заедно со телото на жена му и на синот. Но, откако кралот Хенри Осми ги прекинал врските со Рим и Папата, гробницата била уништена и пљачкосана. Некои тврдат дека останките му се преместени во црквата св.Бартоломео, а други велат дека градежните работници во 18 век ги расфрлале неговите коски.

Кралицата Нефертити

Малку се знае за оваа египетска кралица, но археолозите сметаа дека ако се пронајде нејзиниот гроб, тоа ќе може да открие многу за неа. Досегашните истражувања не сугерираат каде би можеле да бидат нејзините посмртни останки.

The post ДЕСЕТ СВЕТСКИ ЛИЧНОСТИ НА КОИ НЕ ИМ СЕ ЗНАЕ ГРОБОТ Моцарт, Да Винчи, Александар Македонски… appeared first on plusinfo.mk.

Сепак, некои големи потраги по гробници сè уште траат бидејќи местата каде што се закопани некои од најпознатите историски личности сè уште се мистерија.

КЛЕОПАТРА

Кусо време откако Август со своите легии го нападна Египет во 30 година п.н.е., мистериозната кралица на Нил си го одзеде животот со труење. На нејзината смрт и претходеше смртта на нејзиниот љубовник, римскиот државник и војсководец Марк Антониј.

Старогрчкиот историчар, биограф и есеист Плутарх пишува дека овие двајца љубовници биле погребани во прекрасна кралска гробница во близина на Александрија и приказната завршува тука, оставајќи голема мистерија за археолозите. Некои веруваат дека мавзолејот завршил на дното на морето по земјотресите што ја погодиле оваа област во четвртиот и осмиот век и ја смениле топографијата на Александрија. Други тврдат дека двојката сигурно била погребана во близина на локалитетот Тапосирис Магна, антички храм исполнет со десетици гробници и мумии.

АЛЕКСАНДАР ВЕЛИКИ

Александар Велики починал во Вавилон во 323 година п.н.е. Во согласност со неговата слава, починатиот крал воин бил ставен во златен саркофаг и сандак и на крајот бил однесен во Александрија. Неговото тело неколку години подоцна било преместено во мавзолеј каде што станал античка туристичка атракција. Јулиј Цезар и Август му оддадоа почит, а Калигула наводно му го украл оклопот за време на посетата на гробот во 1 век од нашата ера. Околу 199 година, римскиот император Септимиј Север ја скрил гробницата и тогаш и се губи секоја трага, а досега околу 150 експедиции се обиделе да ја пронајдат.

Повеќето истражувачи веруваат дека гробот на Александар сè уште е некаде во Александрија, додека некои веруваат дека можеби е преместен во Грција, Венеција или на некоја друга локација во Египет, пишува „Кафенисање.рс“.

АТИЛА ХУНСКИ

Водачот на Хуните, славниот Атила божји камшик, неславно го загуби животот во 453 година, кога наводно се онесвестил пијан на неговата прва брачна ноќ и се задушил со крв од носот. Воините на Атила му оддадоа почит на својот водач со ден на жалост и погребни игри пред да го закопаат во три ковчези – еден златен, еден сребрен и еден железен. Како што е случај со Џингис Кан, Атила бил погребан тајно, а несреќните затвореници кои го ископале гробот биле убиени за да се спречи грабеж на гробот. Иако се верува дека гробот е некаде на тлото на денешна Унгарија, сè уште не се пронајдени никакви траги, па постои сомнеж дека ковчезите биле украдени во годините откако бил погребан.

ЏИНГИС КАН

Овој монголски водач освоил повеќе територија од кој било во историјата, но многу малку се знае за тоа како изгледал, како умрел и каде бил погребан.

Легендата вели дека по неговата смрт во 1227 година, војниците ја исполниле желбата на Големиот Кан неговото место да се чува во тајност, касапејќи ги сите што ја виделе погребната поворка, а потоа извршиле самоубиство со што се заколнале дека засекогаш ќе молчат. Една група научници тврди дека луѓето го покриле гробот на монголскиот водач преминувајќи врз него со 10.000 коњи, додека некои тврдат дека преку гробот била пренасочена река за да се заштити од грабежи и сквернавење. Истражувачите се сомневаат дека гробницата на Џингис Кан се наоѓа во монголската покраина Хентиј, но и покрај деталното пребарување, ништо не е пронајдено, а оваа гробница стана најбараната награда во археологијата.

ВОЛФГАНГ АМАДЕУС МОЦАРТ

Кога познатиот композитор починал од мистериозна болест во 1791 година, неговото тело било ставено во дрвен ковчег и закопано во необележана масовна гробница на гробиштата Свети Марко во Виена. Таму лежел неколку години, сè до почетокот на 19 век, кога, во согласност со тогашната практика, најверојатно бил уништен за да се направи простор за нови починати, а локацијата каде завршиле остатоците останала непозната.

Потенцијално парче од телото на Моцарт повторно се појави благодарение на еден гробар вработен на гробиштата Свети Марко, кој тврдеше дека черепот на композиторот го извадил во 1801 година откако го обележал со метална жица кога првпат бил погребан. Черепот е предаден на Меѓународната фондација Моцартеум во Салцбург во 1902 година, но ДНК анализите не можат да докажат до денес дали тој навистина му припаѓа на Моцарт.

извор: Национална географија

The post Клеопатра, Александар Велики, Моцарт: Мистерија е каде им се гробовите appeared first on plusinfo.mk.

Веста дека израелската актерка Гал Гадот наскоро ќе ја глуми Клеопатра беше објавена во октомври, но незадоволството на дел од јавноста не запира. Израелската филмска ѕвезда Гал Гадот го бранеше својот план да ја игра Клеопатра, по обвинувањата дека толкува улога наменета на обоена жена.

Многумина негодуваат и се убедени дека тоа е продолжение на озлогласената холивудска традиција белите актери да играат ликови со различна боја на кожа, и тие тврдат дека токму тоа е направено кога на Елизабет Тејлор ѝ била доделена истата улога.

Гал Гадот одлучила да одговори на овие обвинувања со укажување дека египетската кралица најверојатно не била црна.

Во интервју за Би-би-си вели дека таа по потекло била Македонка. Со ова Гал им се спротивстави на обвинувањата на Египјаните, кои велат дека оваа улога треба да ја глуми арапска или африканска актерка.

– Најрпвин, ако ги сакате вистинските факти, тогаш Клеопатра била Македонка – рекла Гадот за Би-би-си Арабија и додала:

„Баравме македонска актерка која ќе се вклопи да ја игра Клеопатра, но не најдовме.“

Гадот додава дека има пријатели низ целиот свет, христијани, муслимани, атеисти, будисти, едноставно луѓето се луѓе, додала таа.

– Клеопатра е приказна што сакав да ја раскажам одамна. Не можев да бидам повеќе благодарна – рече таа

Клеопатра се смета за последен активен владетел на Птоломејски Египет, пред Рим да ја освои земјата. Потекнува од еден од генералите на Александар Велики, Птоломеј Први Сотер, кој владеел со Египет по смртта на Александар.

The post Баравме македонска актерка за улогата на Клеопатра, но не најдовме, вели Гал Гадот appeared first on plusinfo.mk.