– Мајко, не сум убил никого, пред Господ сум чист. Имам чиста совест. Ова е само за да се задоволи јавноста, добро знаеме под какви околности нѐ судат. Не се секирај мамо, те молам – ѝ рече Костовски на својата мајка која беше видно шокирана и лелекаше од болка во душата.

Кога ја слушна 18-годишната затворска казна, голема нервоза го обзеде и првообвинетиот Анџело Ѓорѓиевски, кој очигледно не можеше да се воздржи и започна кратка расправија со судијката Елена Илиевска-Јосифовиќ.

Таа се обидуваше со тропање на масата да го смири Анџело, кој постојано ѝ дофрлаше на обвинителката Тања Трајчевска и ја убедуваше дека не се обидел да побегне од полицијата.

– Ах, Тања, Тања кај ќе ви оди душата? Ќе ме избркате сега од судница? Што ќе ми направите? Барам ублажување на казната, ама знам дека нема да го добијам тоа што го барам – рече Анџело.

Реагираше и второобвинетата Клементина Левковска, која исто така доби 18-годишна затворска казна.

– Ова не е убиство. И вие многу добро знаете дека не е убиство – извика Клементина.

Тројцата обвинети остануваат во притвор сѐ до започнување на издржување казна, односно до правосилност на пресудата.

The post „НЕ ПЛАЧИ МАМО, НЕ СУМ УБИЛ НИКОГО“ Обвинетиот Андреј Костовски ја смируваше мајка си откако ја слушна пресудата appeared first on plusinfo.mk.

Адвокатот посочи дека лицето кај кое постои умисла некој да биде повреден или уште помалку лишен од живот, не би се однесувал како обвинетиот Костовски.

– Андреј во моментот кога констатира дека Денис Тот не е закана кон него и неговото здравје, се повлекува и се оддалечува. Факт кој што јасно укажува дека не постои апсолутно никаква умисла ниту за нанесување на повреда, а уште помалку за ова – рече Миланов.

Според адвокатот, факт е дека ниту едно од овие дејствијата на обвинетиот Андреј ниту довело, ниту можело да доведе до клучните повреди за настанувањето на смртната последица кај сега починатиот Тот.

– Доктор Станков и другите вешти лица од судска медицина, се децидни само во еден дел дека повредата на рбетниот мозок можела да настане од удари во главата. Удари какви со интензитет за нанесување на евентуално таква повреда не постои кај обвинетиот Андреј – рече тој.

Адвокатот побара ослободителна пресуда, каква што претходно побараа и бранителите на обвинетите Анџело Ѓоргиевски и Клементина Левковкса.

Претходно, обвинителката Тања Трајчевска побара осудителна пресуда за обвинетите, бидејќи, според неа, од доказната постапка произлезе дека обвинетите го сториле кривичното дело на начин, време и место како што е опишано во обвинителниот акт и побара од судот да пресуди по нив, имајќи ги предвид сите олеснителни и отежителни околности.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство” од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post „НЕ ПОСТОИ УМИСЛА ЗА УБИСТВО“ И за третиот осомничен во случајот со Тот одбраната побара слобода appeared first on plusinfo.mk.

Доказите на Обвинителството се во прилог на одбраната, изјави адвокатот Иле Танев, бранител на обвинетиот Анџело Ѓоргиевски, во денешните завршни зборови за случајот со убиството на хрватскиот ракометар Денис Тот. Според него, во овој случај не постои кривично дело „убиство”.

– Дилемата која се наметнува во Судот и во јавноста, а е поврзана со кривичното дело кое се става на товар, е само правна, а не и фактичка состојба, бидејќи од доказите произлегува сосема друга фактичка состојба, која не дава можност на обвинетиот Анџело да му се суди за делото што му се става на товар – рече Танев.

Тој посочи дека сите дејствија на Ѓоргиевски биле во насока на помагање, односно, како што рече „да му се помогне на оштетениот, а не да се повреди или убие”.

– Како што произлегува од доказите, обвинетиот Анџело дејствувал противправно само десетина секунди, само откако излегол од таксито – рече Танев.

Претходно, обвинителката Тања Трајчевска побара осудителна пресуда за обвинетите, бидејќи, според неа, од доказната постапка произлегло дека обвинетите го сториле кривичното дело на начин, време и место како што е опишано во обвинителниот акт и побара од Судот да пресуди по однос на нив, имајќи ги предвид сите олеснителни и отежителни околности.

Обвинителството ги гони Анџело Ѓоргиевски, Клементина Левковска и Андреј Костовски за кривично дело „убиство” од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска. Судењето продолжи со завршни зборови на одбраната на обвинетата Клементина Левковска.

– Барам од судот да ме казни за она што реално сум го направил, а тоа, според мене, мислам дека и според многу други, секако не е убиство со умисла – изјави обвинетиот Анџело Ѓоргиевски, во своите завршни зборови за случајот со убиството на хрватскиот ракометар, Денис Тот.

Обвинетиот Ѓoргиевски рече дека во ниеден момент не сакал да го повреди, или како било да му наштети на сега починатиот Денис Тот.

– Воедно, сакам да кажам дека изразувам искрено жалење и жалам за овој немил настан и за сето тоа што се случи, жалам и за загубениот човечки живот. Сакам уште еднаш да потенцирам дека мојата реакција беше во состојба на афект и од страв. Ниту сакав, ниту би го повредил сега починатиот Денис Тот – рече тој.

Обвинетата Клементина изјави дека останува во целост со завршните зборови на нејзините адвокати и рече дека ѝ е жал за случајот, за кој, како што рече, „во никој случај не сакав да се случи тоа”.

– Многу ми е жал и многу ми е криво за немилиот настан што се случи – рече обвинетиот Андреј Костовски кој како олеснителна околност го посочи фактот што самиот се пријавил во полициската станица за расветлување на случајот.

Ослободителна пресуда денеска побараа и бранителите на обвинетите, додека, јавната обвинителка Тања Трајчевска побара осудителна пресуда.

Процесот го води судијката Елена Илиевска Јосифовиќ. Пресудата ќе биде објавена на 30 ноември.

„НЕ ПОСТОИ УМИСЛА ЗА УБИСТВО“ И за третиот осомничен во случајот со Тот одбраната побара слобода

„НЕ БИЛА ВО МОЖНОСТ ДА ГО УБИЕ, ДУРИ И ДА ПОСАКУВАЛА“ Одбраната побара ослободителна пресуда и за Левковска во случајот со Тот

The post „ТУКА НЕМА УБИСТВО, АНЏЕЛО САКАЛ ДА ПОМОГНЕ“ Одбраната побара ослободителна пресуда во случајот со ракометарот Тот appeared first on plusinfo.mk.

На прашањето зошто и по два месеца по убиството јавноста не е информирана за причините за смртта на ракометарот, која, според снимката од безбедносните камери пред скопската дискотека „Привилиџ“, настанала откако Хрватот влегол во директен конфликт со две момчиња и една девојка, Станков вели дека истрагата за случајот сѐ уште не е завршена и дека одговорите треба да ги побараме во Јавното обвинителство.

– Како не разбирате дека истрагата сѐ уште е во тек и дека податоците од обдукцискиот извештај не смеат да излезат во јавноста? На крајот на краиштата, одговор на вашите прашања побарајте директно од јавниот обвинител, ама бидете сигурни дека во моментов нема ништо да ви кажат. Инаку, извештајот од обдукцијата ние го завршивме и го испративме по само две недели од убиството, но сега работиме на барањето за вештачење. Односно, сега се обидуваме да го дознаеме начинот на повредување, како бил повреден ракометарот, како настанала смртта – изјави Станков.

Тоа што Плусинфо неофицијално го дознава од луѓе коишто го виделе лабораторискиот извештај е дека не се пронајдени траги на наркотици кај ракометарот за време на настанувањето на смртта, а наводно, во неговата крвна анализа било констатирано големо количество на алкохол.

Убиството се случи ноќта помеѓу 6 и 7 април пред главниот влез на дискотеката „Привилиџ“ во Градскиот парк, а на снимката се гледа како тројцата осомничени – Анџело Ѓоргиевски, Андреј Костовски и Клементина Левковска – влегуваат во такси, а веднаш по нив влегува и ракометарот Денис Тот.

По кратка расправија во автомобилот, сите излегуваат надвор, а првоосомничениот Ѓоргиевски му удира две тупаници на Хрватот, кој веднаш како покосен паѓа на земјата и удира со задниот дел на главата во бетонот.

На снимката јасно се гледа и дека додека ракометарот во бесознание лежи на земјата, осомничената Левковска му задава уште неколку удари во главата, а еднаш го удира и осомничениот Костовски.

Левковска и Костовски уште следниот ден ѝ се предадоа на полицијата, а по првоосомничениот Анџело Ѓогиевски беше распишана меѓународна потерница, па по неколку дена и тој самиот се пријави во полициска станица. На тројцата им е изречена мерка притвор.

The post ИЗВЕШТАЈОТ ОД ОБДУКЦИЈАТА Е НАПИШАН, АМА НЕ И ОБЈАВЕН Убиениот ракометар Денис Тот имал големо количество алкохол во крвта? appeared first on plusinfo.mk.