Комитетот на постојани претставници на владите на земјите членки на ЕУ (Корепер) го усвои Заедничкиот став на Унијата за отворање на првиот кластер во преговорите за членство на Албанија, со што се овозможува одржување на Меѓувладина конференција ЕУ-Албанија во вторник (15 октомври) во Луксембург, соопшти унгарското претседателство со Европската Унија.

„Албанија ќе биде првата меѓу земјите кандидати за членство што ќе ги отвори пристапните преговори според ревидираната методологија за проширување, што ќе биде клучен момент за оваа земја од Западниот Балкан“, се наведува во соопштението.

Првиот сет на поглавја, кластерот „Темелни вредности“, ги опфаќа фундаменталните реформи, што ќе го трасираат патот за почеток на преговори по другите кластери.

„Напредокот по овие реформи ќе го одреди и целокупното темпо на преговорите“ потенцира унгарското претседателство.

Во соопштението се додава и дека во пресрет на одлуката на Корепер, вчера во Будимпешта се одржала средба на премиерите на Унгарија и Албанија, Виктор Орбан и Еди Рама, на која тие разговарале за пристапните преговори и се согласиле да продолжат со зајакнување на билатералната соработка.

Корепер минатиот месец реши Албанија да ги почне преговорите за членство со ЕУ по кластери, со што практично земјата е одвоена на својот европски пат од Македонија. Досега двете држави се движеа заедно во пакет кон полноправно членство во Унијата.

The post АЛБАНИЈА ВО ВТОРНИК ГИ ПОЧНУВА ПРЕГОВОРИТЕ СО ЕУ Прва држава што ќе преговара по новата методологија appeared first on plusinfo.mk.

Маричиќ во денешното интервју за телевизија Телма појасни дека целта е да се поедностави преговарачката структура во однос на тоа што било усвоено во 2018 година.

– Структурата да биде поедноставна, пофункционална, затоа што треба за брз рок да даде резултати. Скринингот ќе биде многу интензивен, недела за недела, месец за месец, и некаде до март идната година ќе треба да комплетираме една фаза на Кластерот „Темелни права“, така што на тоа ќе се фокусираме прво – рече вицепремиерот Маричиќ.

Тој вели дека имаме добра основа и стартна позиција бидејќи во 2018 и 2019 преку 2.000 наши државни службеници и експерти од институциите ги посетиле тие скрининзи и имаат некоја подготовка.

– Сега сѐ е во наши раце и тоа е добро, не зависиме од која било друга држава и мислам дека ако мудро, умно и одговорно се постави секој пратеник и секоја политичка партија процесот на уставни измени ќе може да се направи до крајот на скринингот – смета вицепремиерот.

Тој очекува скринингот да трае 16 месеци, што ќе даде доволно простор да се отвори дијалог со политичките партии и со пратениците.

– Мислам дека треба да се отвори една суштинска дискусија којашто ќе нè одведе и во содржината на уставните измени, којашто мислам дека не е спорна, бидејќи треба да дополниме во Преамбулата и во уште еден амандман, неколку заедници коишто не се спомнати во Уставот, за поддржување на нашите европски интеграции – посочи Маричиќ.

Тој вели дека сме на исто рамниште или во некои делови и подобри од оние земји кои десет години веќе преговараат.

– По нашите анализи степенот на усогласеност е некаде околу 45 проценти, што не е малку и е навистина на добро ниво. Постојат области каде што сме на исто рамниште дури и подобри од државите кои преговараат, на пример кластерот „Темелни вредности“, таму сме први во регионот, подобри и од државите кои веќе десет години преговараат. Секако има области, како што е внатрешен пазар, каде што имаме многу работа и каде што допрва треба да се усогласуваме – рече Маричиќ.

The post СЕ ПРАВИ РЕВИЗИЈА НА ПРЕГОВАРАЧКАТА СТРУКТУРА Во кластерот „Темелни вредности“ сме први во регионот appeared first on plusinfo.mk.

Ова денеска на прес-конференција го истакна директорката на Државен санитарен и здравствен инспекторат (ДСЗИ), Иринка Сотирова Бухова, која рече дека големите кластери се „Мекици Охрид“, „Слава Ресен“, „Свадба Скопје“, „Ифтарски вечери“ и „Погреби“ и на нив присуствувале од 50 до 150, а некаде и 200 луѓе, за што, како што посочи, како Инспекторат не можат да поверуваат дека не биле забележани и не интервенирало МВР.

Во однос на семејните кластери, потенцира таа, според епидемиолошките анкети, имало од четворица до 20 инфицирани со исто презиме односно во една фамилија.

– Досега ДСЗИ има издадено над 8.000 решенија по основ на контакти, над 3.200 решенија на позитивни за домашно лекување и самоизолација и над 3.500 решенија на повратници со негативен PCR тест – додаде д-р Сотирова Бухова, одговарајќи на новинарско прашања на прес-конференција.

The post Сотирова Бухова: Регистрирани се 40 големи кластери во земјава appeared first on plusinfo.mk.

– Прво во огромен процент се знаат кластерите и преносот на вирусот , а овој систем на пронаоѓање на контактите стави многумина во изолација и го спречивме натамошното ширење на вирусот, но интензивни беа контактите, на пример, во Тетово, Ресен. Битно е да се знае ланецот на трансмисија, а спо податоците за Ресен уште денеска се интервенираше со прекин на работа на погоните и 600 луѓе  нема да одат на работа. Ширењето на вирусот беше најмногу на семејни настани. Со почитување на мерките за заштита, трендот на заразени оекуваме да почне да се намалува. Предвидувањата на епидемиолозите за податоците и за исцрпувањето на контактите од анкетите во изминатиот период, пред се, на жариштата, се дека бројот на заболени ќе се намалува. Сведоци сме дека луѓето кажуваат нови и нови контакти и има повторно заразени во места со помал број на дијагностицирани, како во Ресен – рече Филипче и додаде дека мора да знаеме и да научиме дека мора да живееме со носење маски и одржување дистанца.

Во ГОБ „8 Септември“ се хоспитализирани 113 пациенти, на респираторна машина се 10, а со потешка клиничка слика се 21 пациент. Во ГОБ „8 Септември“ тимот се зајакнал со шест доктори, двајца од клиниките за ревматологија и нефрологија, двајца доктори од Кичево и по еден доктор од Отешево и болницата во Гостивар.

Министерот изјави дека се засилени со кадар и двете главни болници каде се лекуваат пациентите со ковид-19 – на Инфективната клиника дојдоа пет доктори, тројца од клиниките за кардиологија, за ендокринологија и од Институтот за туберкулоза, еден доктор тетовската Клиничка болница и еден од Општата болница во Охрид и  медицински сестри од Специјалната болница Јасеново, болницата Кавадарци, Кочани и од Кичево.

– Следува период во кој добар дел од пациентите ќе се отпуштаат од болница. Но, не е суштината ние континуирано да имаме ист број заболени или зголемување, туку суштината е да го заштитиме здравствениот систем и луѓето да научат да се придржуваат до мерките. Нема друг начин, ниту кај нас, ниту ќе има некаде во светот – појасни министерот.

The post Ќе опаѓа бројот на заразени, битно е да се знае ланецот на трансмисија, вели Филипче appeared first on plusinfo.mk.

Ви ја пренесуваме целата приказна во целост:

Татко ми качи температура во понеделникот (01.06), следевме протокол, матичен, закажување тест, стасаа да го тестираат во среда и до вечерта добивме резултат (03.06). И покрај тоа што ги следевме сите мерки, седевме дома, носевме маски, држевме растојание, не се собиравме во групи, тестот повторно излезе позитивен. Од тука па натаму станува интересно.

Ни рекоа да чекаме да не побараат од ЦЈЗ за да пратат екипа да ни земат брис од дома. Екипа не се појави, но се јавија следниот ден попладне (04.06), ни земаа податоци како примарни контакти (на мајка ми, мене, сестра ми и зет ми) и ни рекоа да останеме дома и дека ќе дојде екипа во текот на следната недела. Грешка. Зошто? Татко ми е човек во години со историја на проблеми со срце, а планираа да го остават да чека позитивен без преглед и терапија. Среќа имаме познати луѓе медицинари, па по нивни совет отидоа вечерта на инфективно каде ѝ земале брис и на мајка ми (инаку и мајка ми е медицинско лице). После преглед и препишана терапија им кажале дека состојбата може нагло да се влоши после седмиот ден (нему му беше четврти) и им предложиле да го задржат во болница.

Чекај малку, од „Седете дома и чекајте екипа на ЦЈЗ“, стигнавме до „Да го задржиме во болница“?!? Ако не отидеа дента, ќе си чекаше уште и не сакам ни да помислам кои би можеле да се последиците.

На мајка ми резултатот од тестот дојде завчера (06.06). И таа е позитивна. Завчера и на сестра ми и зет ми им земаа брис и тоа после не знам колку јавувања и ургенции, а сестра ми е осми месец трудна. Вчера и нивните резултати излегоа позитивни. На мене конечно вчера ми се јавија од ЦЈЗ откако по втор пат бев пријавена како примарен контакт и после кратка анкета ми рекоа ако пројавам симптоми да се јавам, во спротивно да седам дома 14 дена од последниот контакт и после сум слободна. Не знам чии се тие секундарни и терцијарни контакти кои се тестираат и спектакуларно се најавуваат, кога јас како примарен контакт од две страни сè уште не можам да дојдам на ред да се тестирам?

И за крај уште едно прашање што ме мачи: што е со оние луѓе кои што немаат познат да прашаат или па уште помалку да ургираат некаде?

НАРАВОУЧЕНИЕ: Следете ги мерките, бидете внимателни, пазете на себе и на своите блиски, бидејќи како тргнало ако испаднете позитивни оставени сте сами на себе.

The post СВЕДОШТВО Моравме да ургираме за да се тестираме за ковид-19 appeared first on plusinfo.mk.