Најтрофејниот македонски клуб се соочува со финансиски колапс. Играчите и стручниот штаб јавно објавија дека не примиле плата осум месеци. Кошаркарите тврдат дека состојбата е алармантна. Велат дека ветувањата не се исполнети, а спортскиот директор не одговарал на повиците.

„Ова не е само финансиски проблем, ова е системско непочитување. На патувања сме оставени сами на себе, често навивачите ни ги покриваат трошоците за превоз. Срамно е клуб со ваква историја да функционира без основна логистика и опрема“, стои во соопштението.

Општината ја отвори реновираната сала „Градски парк“, која ќе го носи името на легендата Лазар Лечиќ. Но, ниту еден играч или член на стручниот штаб не бил поканет на настанот. Кошаркарите тоа го доживеале како понижување.

Тимот постави јасен рок. Доколку не се исплатат заостанатите средства, најавија дека нема да настапат на следните натпревари.

„Ние не бараме привилегии, бараме основни услови за работа и почит. Секое понатамошно игнорирање ќе значи директно уништување на спортскиот интегритет на клубот“, порачаа играчите и тренерите.

Во петок салата треба да биде домаќин на репрезентацијата на Македонија против Луксембург. Но, прашањето останува што ќе се случи со Работнички викендов.

The post НАЈТРОФЕЈНИОТ МАКЕДОНСКИ КЛУБ ПРЕД КОЛАПС? Осум месеци без плата, играчите најавија бојкот на натпреварите appeared first on plusinfo.mk.

Самарџиев се враќа во Работнички по тренерскиот ангажман во словачкиот прволигаш Комарно, со кој пред две недели ја прекина соработката.

-Не кријам дека ова е мојот омилен тим, клуб во кој долги години со гордост бев играч, а сега се враќам и како тренер. Токму затоа и воопшто не размислував, знаев дека оваа понуда не се одбива. Разговорите севкупно траеја околу една седмица се додека управата не ја донесе конечната одлука, можам да кажам дека ова ми беше една од најдолгите недели во животот, но сега сум пресреќен бидејќи добивам шанса да водам тим како Работнички. Јасно е, амбицијата е да се бориме за сите трофеи на домашната сцена, конкуренцијата е силна, но верувам во себе и во екипата што ја имам на располагање – изјави Самарџиев за спортскиот портал Екипа.

Самарџиев (42) во минатото го предводеше Еуро Никел со кој дојде до финалето во плејофот во сезоната 2020/2021.

Работнички сезонава имаше неуспешен настап во квалификациите во ФИБА Еврокупот, а во домашното првенство има ефект од три победи и два порази по воведните пет кола. 

The post РАБОТНИЧКИ НАЗНАЧИ НОВ ТРЕНЕР Самарџиев ќе го замени Мираковски appeared first on plusinfo.mk.

Со „чисти“ 3:0 во финалната серија тимот од Аеродром дојде до јубилејната титула, десетта во последните 11 години.

Со 33 постигнати поени, Војдан Стојановски го предводеше својот тим до заслужен триумф.

Битолчани втора сезона по ред не успеаја да се искачат на тронот во македонската кошарка, губејќи во финалето од „штрковите“.

Трофејот МВП на финалната серија отиде кај Војдан Стојановски.

МЗТ Скопје Аеродром е втората екипа со двоцифрен број шампионски трофеи. Повеќе има само Работнички – 15.

The post ДЕСЕТТИ ТРОФЕЈ ЗА КОШАРКАРИТЕ НА МЗТ СКОПЈЕ Војдан Стојановски беше клучен за поразот на Пелистер appeared first on plusinfo.mk.