Продолжува изградбата на булеварот „Борис Трајковски“, еден од значајните инфраструктурни проекти за подобрување на сообраќајната поврзаност и квалитетот на живот на граѓаните кои гравитираат кон населбата Драчево и околните населени места, во Општина Кисела Вода. Градоначалникот на Град Скопје Орце Ѓорѓиевски најавува дека работите на булеварот, согласно динамиката на работа, би требало да завршат порано од предвиденото. Тој изјави дека конечно после три децении решавањето на булеварот „Борис Трајковски“ стана реалност.

– Се наоѓаме на трасата која се довршува во моментот, а тоа е довршување на дел од булеварот „Борис Трајковски“. Станува збор за околу километар траса каде што во минатото со неверување граѓаните гледаа. Како што кажав 30 години немаше барање на начин од страна на градските власти за да се озвозможи слободен пристап, функционална безбедна траса за граѓаните од Драчево, Зелениково, Студеничани, практично за 100.000 граѓани кои ги врзува овој булевар – рече скопскиот градоначалник.

Toj вели дека со силна динамика веќе втора недела се работи овде и имаме пробивање на трасата од 88 проценти.

– Останатите 12 проценти – станува збор за уште три или четири објекти во наредните десетина дена ќе бидат пробиени и ќе имаме целосно овозможување на пристап односно почеток на реализација на овој булевар, кој во овој километар опфаќа нова автмосферска канализација, пешачко-велосипедски патеки и, пред се, безбеден коловоз бидејќи ова место во минатото знаеше да важи за една од црните точки во овој регион на Градот Скопје. Откако ќе биде довршен цел овој потег веднаш ќе бидат вградени два слоја на асфлат, ќе следи завршен, трет слој на асфалт којшто ќе го опфати делот од кружниот тек пред влезот на Драчево до Пинтија, или поточно два километри бидејќи едната половина е оставена во минатото во состојба да нема завршен слој – рече градоначалникот Ѓорѓиевски.

Рокот за завршување на работите, како што додаде, е до Нова година, но следејќи ја динамиката, ако вака продолжи како што е започната компанијата изведувач да работи, мислам дека многу порано од крајот на оваа календарска година ќе стигнеме со реализација.

– Вкупниот износ е два милиони евра за изградба на цел овој потег – рече скопскиот градоначалник.

Паралелно со булеварот на овој потег се изведува и комплетната фаза од хидротехниката, односно 610 метри атмосферска канализација со цевки Ф800, Ф600, Ф500, Ф400 и Ф300. Булеварот ќе има четири коловозни ленти и безбедна пешачко-велосипедска патека.

Градоначалникот на Скопје информираше дека паралелно со ова се работи на клучката „Момин Поток“, а веќе се започнати градежните работи на мостот на Љубљанска.

– Значи дека сите проекти од минатото, кои беа започнати а далеку од фаза на реализација, сега се комплетирани. Завршени се имотно-правните односи и грабиме напред кон решавање на овие долгогодишни проблеми на граѓаните – изјави Ѓорѓиевски.

На новинарско прашање во врска со сметот во градот, рече дека се уште се работи со старата механизација која што е наследена.

– Кога станав градоначалник имавме 16 камиони на располагање, сега бројката се движи околу 60 камиони кои се функцинални, но важно е дека се заврши тендерската постапка и за брзо ќе стигнат околу 40 мкамиони за Градот Скопје. Од друга страна, пак, е недостатокот со контејнери на микро локациите. Знаете дека некаде каде што треба шест има еден контејнер. Во финална фаза сме и на постапката за набавка на контејнери. Околу 2600 контејнери за 15 до 20 дена треба да започнат да се испорачуваат за Градот Скопје – рече Ѓорѓиевски.

Во врска со директорот на Универзална сала, тој рече дека сега таму има в.д директор којшто е од редот на вработените Миро Кацаров. Таму имавме спроведено повик којшто пропадна и мораше да се назначи в.д директор од вработените во институцијата, а во наредниве седум дена ќе биде спроведена постапка за повторно да биде избран нов директор.

– Имаше една апликација но не беше комплетна – рече Ѓорѓиевски.

The post БУЛЕВАРОТ „БОРИС ТРАЈКОВСКИ“ ЌЕ БИДЕ ГОТОВ ПРЕДВРЕМЕ После 30 години решени имотно-правните односи appeared first on plusinfo.mk.

Билтенот на МВР за сабота, 16 мај изобилува со пријави за семејно насилство, како и за физички пресметки меѓу соседи со наѓушени семејни односи, како и кавги меѓу станодавци и кираџии. МВР известува дека работи на расчистување на случаите и дека по нивно целосно документирање ќе поднесе соодветни пријави.

Татко пријавил напад и закани од сопствениот син во Гази Баба

Педесет и седумгодишен скопјанец вчера (петок) попладне пријавил во полиција дека бил нападнат и му биле упатувани закани од неговиот син.
Според пријавата, инцидентот се случил завчера (четврток) околу 18:30 часот во семејниот дом во населбата Гази Баба. Случајот е пријавен во СВР Скопје и се работи на негово расчистување.

Приведен скопјанец по напад врз партнерката во Центар

Триесет и осумгодишен жител на Скопје ноќеска бил приведен откако бил пријавен за физички напад врз својата партнерка.

Според информациите од полицијата, случајот се случил вчера (петок) околу 22:30 часот на подрачјето на Центар, а приведувањето било извршено по полноќ.

Нападнатата е 46-годишна жена, а по случајот постапува СВР Скопје.

Жена од Аеродром пријавила долгогодишно малтретирање од сопругот

Четириесет и едногодишна скопјанка пријавила дека со години трпела психичко и физичко насилство од сопругот, но досега не го пријавувала случајот.

Во полицијата вчера (петок) бил повикан на разговор 43-годишен маж од Скопје, по пријава дека завчера (четврток) околу 22:30 часот физички ја нападнал сопругата во нивниот дом во населбата Аеродром.

Од МВР велат дека се преземаат мерки за расчистување на случајот.

Уапсен беровец кој прекршил судска забрана и ја истерувал сопругата од домот

Полицијата во Берово привела 47-годишен маж откако, според пријавата, ја прекршил мерката издадена од суд и барал сопругата и ќерката да го напуштат семејниот дом.

Инцидентот се случил завчера (четврток) вечерта, а по случајот бил известен и јавен обвинител од Основното јавно обвинителство во Берово.

Според информациите, станува збор за прекршување на решение издадено од Основниот суд во Берово.

Млад скопјанец полил ходник со запалива течност и му се заканувал на татко си

Дваесет и четиригодишен скопјанец бил приведен ноќеска по инцидент во домот „Ранка Милановиќ“ во Скопје.

Според пријавата, вчера (петок) околу 22:30 часот, по расправија со татко му, тој со запалива течност го полил ходникот од објектот и упатувал закани.

Полицијата интервенирала кратко по полноќ на подрачјето на Гази Баба, а случајот се расчистува.

Приведена скопјанка по расправија околу изнајмување стан во Кисела Вода

Шеесет и петгодишна жена од Скопје била приведена по нарушување на јавниот ред и мир во станбена зграда во Кисела Вода.

Според полицијата, таа недолично се однесувала кон 52-годишен сопственик на стан со кого требало да склучи договор за закуп, но одбивала да го направи тоа.

Инцидентот се случил вчера (петок) вечерта, а од МВР најавуваат соодветен поднесок по целосното документирање на случајот.

Браќа од Тетово завршија со кривични пријави по семејна тепачка

СВР Тетово поднесе кривична пријава против П.С.(26) и В.С.(21), двајцата од Тетово, поради постоење основи на сомнение за сторено кривично дело „телесна повреда“.

На 22.03.2026 во семејниот дом, по претходно нарушени семејни односи, пријавените започнале меѓусебна физичка пресметка.

The post СЕМЕЈНОТО НАСИЛСТВО „ПУШТЕНО НА НАЈЈАКО“ Насилни синови, татковци, партнери, па дури и кираџии appeared first on plusinfo.mk.

Во првиот квартал годинава најголема постигната цена на стан по метар квадратен изнесува 177.667 денари (130.000 евра) за вкупна површина од 45 метри квадратни кој се наоѓа на територијата на општина Кисела Вода. За метар квадратен се платени 2.888 евра. Тоа го покажуваат податоците од денеска објавениот Извештај од Регистарот на цени и закупнини на Агенцијата за катастар на недвижности за периодот јануари-март годинава,  според кој бројот на реализирани трансакции на пазарот на недвижности е значително намален.

Табела 7 е со просечни цени само на станови (продажба на стари станови и станови продадени од инвеститор) по административни општини. Во оваа анализа за определување на просечните цени на станови земени се само договори за купопродажба на стан со пп – помошни површини (тераси, балкони, лоѓии).

Во Регистарот на цени и закупнини во првите три месеци од годинава регистрирани се 712 новоизградени станови, односно станови од инвеститор, што е за 292 станови  или -29  проценти помалку во споредба со  четвртиот квартал  од минатата година.   Во Агенцијата за катастар на недвижности досега се запишани 28.013 листови за предбележување на градба што укажува дека  тие објекти се во фаза на градба и наскоро ќе се најдат на пазарот на недвижности.

Компаративно со четвртиот квартал од 2025 година бројот на продадени станови во првиот кавртал од 2026 година е намален за 27 проценти, а нивната вкупна финансиска вредност е намалена за 23  проценти.  За 23 проценти е намален и бројот на продадени куќи, a пад на квартално ниво има и кај продажбата на земјоделско земјиште и шуми, за 8 проценти,  како и кај продадените деловни простори за 11.

Најголем број продадени станови евидентирани во Регистарот на цени и закупнини има во Општина Аеродром,  каде во овој квартал се продадени 193 станови, а најмногу куќи, 54, се продадени во Битола. Во Центар се продадени најмногу деловни простори, 22,  во Кочани најмногу недвижности од типот на земјоделско земјиште и шуми, 83, во Куманово  градежно земјиште, 37 продажби. Во  првиот квартал регистрирани се и продажби на 151 гаражи, и тоа во поголем број општини.

Пазарот на недвижности во првиот квартал 276,3 милиони евра, пад од 12,4 проценти на квартално ниво 

Од 1 јануари до 31 март годинава  регистрирани се вкупно 7.757 трансакции (збир од  купопродажби и закупи) и споредбено со четвртиот квартал од 2025 година, бележи пад од -16,4 проценти што укажува на намалена пазарна активност. Во овој квартал,  регистрирани се 4.311 продажби, 741 продажби од инвеститор и 110 откупи од Република Северна Македонија, како и 12 продажби на недвижности по пат на лицитација, односно вкупно 5.174 купопродажби на недвижности – пад за 16,9 проценти во однос на четвртиот квартал лани.

Регистрирани се и 2.583 закупи на целата територија на државата, каде има пад во однос на закупите од претходниот квартал за 15,4  проценти.

Во првиот квартал преку купопродажби се истргувани недвижности со површина од  7.492.099 метри квадратни, со вкупна достигната цена од 16.924.858.555 денари.  Под закуп пак, се дадени недвижности со површина од 2.728.415 метри квадратни, со вкупна месечна закупнина од 70.064.654 денари.  Вкупната остварена финансиска вредност на пазарот на недвижности за првиот квартал од 2026 изнесува 276,3 милиони евра, што е намалување од 12,4  проценти во споредба со четвртиот квартал од 2025 година.

Најголем број продажби имало во февруари, 1.527, а најмногу закупи, 930, се регистрирани во март. Најголем број продажби од инвеститор – продажба на новоградби (стан, деловен простор, гаража и др.) се регистрирани во март, 297.

Во четвртиот квартал од 2025 година реализирани се 5.084 продажби, додека во првиот квартал од 2026 година бројот е намален на 4.311 продажби. Ова претставува пад од 15,2 проценти. Продажбите од инвеститор бележат значително намалување од 1.094 во четвртиот квартал од 2025 година на 741 во првиот квартал од 2026 година или тоа е пад од 32,3 проценти.Кај продажбите преку лицитација нема промена, во двата квартали се евидентирани по 12 трансакции. Откупот од државата бележи значителен раст од 40 трансакции во четвртиот квартал од 2025 годинана 110 трансакции во првиот квартал од 2026 година.  Тоа претставува зголемување од 175 проценти, што е најголемата позитивна промена во анализираниот период.

Во делот на закупите е забележан пад од 3.053 во четвртиот квартал од 2025 година на 2.583 во првиот квартал од 2026 година, односно намалување од околу 15,4 проценти, што укажува на намалена побарувачка или активност во сегментот на закуп.

Регионалната анализа покажува дека во првиот квартал од 2026 година најголем број трансакции се случиле на територијата на Општина Центар, односно 529 трансакции или за -35  проценти помалку во споредба со четвртиот кавартал од 2025. Во Општина Аеродром 463 трансакции или за -28  помалку, во Карпош 365 трансакции, или за -23  проценти помалку, во Кисела Вода 331 трансакции, или за -9,6  проценти. Во Општина Битола и во Општина Штип се регистрирани по 330 трансакции.

Од општините со најмалку трансакции, Вевчани има една трансакција, Арачиново четири, Центар Жупа пет, Новаци и Пласница по шест, Зрновци осум.

The post ЗА СТАН ОД 45 КВАДРАТИ ВО КИСЕЛА ВОДА ПЛАТЕНИ 130.000 ЕВРА! Пад на пазарот на недвижности во првиот квартал appeared first on plusinfo.mk.

Центар за лица со церебрална парализа и Центар за поддршка на лицата со дијабетес се отворени денеска во Кисела Вода. Ќе обезбедат сервиси за поддршка, советување, организирање едукативни работилници, креативен развој, социјална вклученост и за унапредување на квалитетот на животот на овие групи граѓани.

На отворањето на центрите присуствуваа градоначалникот на Град Скопје, Орце Ѓорѓиевски, градоначалничката на Кисела Вода, Бети Стаменковска Трајкоска, заменик-министерот за труд и социјална политика Ѓоко Велковски, сопругата на премиерот Рози Мицкоска и членови на здруженија.

Градоначалникот Ѓорѓиевски изјави дека просториите, кои се во сопственост на Градот, во минатото не биле функционални. Од друга страна, појасни тој, има здруженија и лица кои не можеа да обезбедат свој простор за да одржуваат активности, за тоа да биде нивен дневен центар.

– Во комуникација со најголем дел од здруженијата дојдовме до заклучок дека заеднички треба да си помогнеме во овие процеси. Во минатото како градоначалник на Кисела Вода заедно со мојот кабинет, дел од кој премина во Градот Скопје, функциониравме на начин на кој со наши средства спонзориравме еден дневен центар во многу помал обем од овој кој го имаме денес во Расадник. Сегашната градоначалничка на Кисела Вода, Бети Стаменковска Трајкоска продолжи да го финансира тоа, но тоа беа решенија кои не се на долг рок и нудат неизвесност кај лицата со церебрална парализа кои имаат потреба од дневен центар и затоа пристапивме кон вакво решение. Отвораме и дневен центар за лицата со дијабетес, нешто што беше барање на здруженијата, но за жал институциите немаа слух – истакна Ѓорѓиевски.

Тој ѝ се заблагодари на градоначалничката Стаменковска Трајкоска, која, како што кажа, логистички влегла во процесот да им помогне да го овозможат сето тоа. Се заблагодари на министерот и заменик-министерот Велковски, кој целиот период бил во координација со Градот Скопје и секогаш барал начин да помогне во овие процеси, како и на претседателите на здруженијата.

– Многу е важно да подадеме рака во услови во кои во минатото многу малку се подавало рака од страна на институциите кон здруженијата на лицата, дали е тоа со церебрална парализа, дали е со дијабетес. Овие дневни центри сега се добро опремени. Помогнавме и во нивното опремување заедно со општината Кисела Вода и со Министерството за труд и социјална политика. Секогаш како Град Скопје ќе бидеме поддршка овозможувајќи на здруженијата да се финансираат и дополнително преку проекти од страна на Градот Скопје на начин што ќе овозможиме едно инклузивно општество, општество во кое сите ќе бидеме еднакви, но ќе имаме и еднакви можности – рече Ѓорѓиевски.

Тој додаде дека ова е пример како со подавање рака од страна на институциите може да се постигне ефект и да се создадат катчиња во кои благодет ќе имаат корисниците, особено децата со церебрална парализа кои му се долгогодишни пријатели, но и нивните родители, за малку да земат здив и да најдат за себеси слободен простор и време.

Претседателката на Баланс МК – Асоцијација за детски дијабетес на Македонија, Наташа Деспотовска Димитриевска рече дека станува збор за проект на Градот Скопје и дека конечно пациентските здруженија добиваат свој локален простор.

– Просторот, кој е наменет за поддршка на лицата со дијабетес ќе служи за оформување континуиран достапен сервис за сите граѓани кои имаат дијабетес во кој ќе се организираат едукации, психо-социјалната поддршка на овие лица многу им значи. Просторот ќе го користиме и за индивидуални едукации за сите оние кои имаат потреба – додаде Деспотовска Димитриевска.

Претседателката на Здружението на родители на деца со церебрална парализа – Скопје, Марина Билбиловска истакна дека ова е ден кога борбата вродува со плод.

– Ние посебните родители носиме сила и кога сите мислат дека сме слаби. Даваме љубов и кога срцето ни е уморно и продолжуваме напред дури и кога патот е тежок барајќи го и најмалиот зрак на светлина во животот. Никогаш не се откажуваме, туку се издигнуваме. Не се плашиме од дождот, затоа што сме преживеале многу невремиња. А, нашите насмевки го кажуваат она што вешто го криеме – тагата во нас, постојаната борба и нашиот постојан стремеж. И кога плачеме, главите ги подигаме повисоко, за солзите да не паднат пониско од тој што нè повредил – рече Билбиловска.

Таа притоа нагласи дека во ова „клупче“, како што популарно го нарекуваат корисниците, веќе се одржуваат прослави, разни собири, седенки, дружење, работилници, социјализација, а има и опрема за специјални физикални масажи.

– И затоа денес од овде, му се заблагодаруваме на нашиот другар, патрон, градоначалникот Орце Ѓорѓиевски, затоа што отсекогаш, и постојано е со нас и со децата и лицата со попречености. Тој е човек кој никогаш не ги дели луѓето на „типични“ и „атипични“. За него поддршката, инклузивноста и социјализацијата на немоќните и попречените – секогаш е на прво место. Ти благодариме! – подвлече Билбиловска.

Професор доктор Зоран Гучев рече дека отворањето на овие центри од страна на Градот Скопје е многу значајно за популацијата. Тој рече дека треба да се обезбедат стручни лица кои во две смени постојатно ќе работат во центрите и телефон на кој пациенти ќе можат да побараат совет.

The post 📷ОТВОРЕНИ ЦЕНТРИ ЗА ЛИЦАТА СО ЦЕРЕБРАЛНА ПАРАЛИЗА И СО ДИЈАБЕТЕС Катчиња за дружење, поддршка и за едукација appeared first on plusinfo.mk.

По трагичниот настан на територија на Општина Кисела Вода, во кој едно лице го загуби животот, а три лица се повредени, градоначалничката Бети Стаменкоска – Трајкоска соопшти дека Општината иницирала вонреден инспекциски надзор со вклучување на сите раководители од надлежните сектори.

– Надзорот ќе опфати сеопфатна контрола на безбедносните услови, вклучително и проверка на противпожарната опрема, и сите стандарди за користење на заштитна опрема. Општината целосно соработува со институциите и ќе постапи согласно сите наоди и препораки. Доколку се утврдат неправилности или пропусти, ќе следува соодветна одговорност. Апелираме до јавноста и до сите општествени чинители на воздржаност и одговорност, како и да се избегне ширење на непроверени информации и политизација, додека институциите ја завршуваат својата работа – вели градоначалничката Бети Стаменкоска Трајкоска.

Таа најавува дека Општина Кисела Вода ќе продолжи да ја информира јавноста веднаш по добивање на официјално потврдени информации.

Еден градежен работник загина, а тројца беа повредени, во петоокот, 24 април, при одрон на земја на градежна локација во Кисела Вода.

ЕДЕН ОД ЗАТРУПАНИТЕ РАБОТНИЦИ ЗАГИНА, ТРОЈЦА СЕ ПОВРЕДЕНИ Медицински извори ја потврдија смртта

The post ФИРМИТЕ ЌЕ СЕ „ЧЕШЛААТ“ ЗА ХТЗ, ХИДРАНТИ, ЗАШТИТНА ОПРЕМА… По трагедијата во Кисела Вода, се врши вонреден надзор appeared first on plusinfo.mk.

Градоначалничката на Кисела Вода Бети Стаменкоска-Трајкоска изрази длабоко жалење за трагичниот настан што се случи на територија на оваа општина, при што едно лице го загуби животот, а три лица се повредени.

Градоначалничката упати сочувство до семејството на починатиот и посака побрзо закрепнување на повредените.

– Во врска со трагичниот настан што се случи на територија на Општина Кисела Вода, изразуваме длабоко жалење за загубата на човечки живот и сочувство до семејството на починатиот. Безбедноста на граѓаните и работниците е апсолутен приоритет и не смее да биде предмет на политички поени.

Во овој момент, надлежните институции постапуваат и се во тек проверки за утврдување на сите околности поврзани со настанот. Општината целосно соработува со институциите и ќе постапи согласно сите наоди и препораки.

Ја разбираме загриженоста на јавноста, но апелираме на одговорност и воздржаност од изнесување непроверени информации и политизација на случајот. Ваквите ситуации бараат сериозен и институционален пристап, а не дневнополитички реакции. Општината е отворена за дискусија во рамки на институциите, но одлуките мора да се темелат на факти и стручни анализи, а не на претпоставки – истакна градоначалничката Бети Стаменкоска Трајкоска.

The post ДА НЕ СЕ ПОЛИТИЗИРА ТРАГЕДИЈАТА ВО КИСЕЛА ВОДА Апел од градоначалничката Стаменковска-Трајковска appeared first on plusinfo.mk.

Дежурен јавен обвинител од Основното јавно обвинителство Скопје изврши увид на лице место на локација во Кисела Вода, каде при одрон на градилиште еден работник го загуби животот, а тројца беа повредени.

Јавниот обвинител издал наредба за обдукција на починатиот.

– Во насока на испитување на причините за несреќата и почитувањето на прописите за заштита при работа постапуваат и Државниот инспекторат за труд и општински градежен инспектор – информираат од Обвинителство.

Претходно, доктор Драган Панов, шеф на смена во Итна медицинска помош – Скопје, за МИА информираше дека според првичните информации, настраданите најверојатно се на возраст од 35 до 45 години, но, увидот ќе покаже за што точно станува збор и под какви околности се случила несреќата.

Жртвата, според првичните информации, е на 34-годишна возраст.

The post ДАЛИ СЕ ПОЧИТУВАЛЕ ПРОПИСИТЕ ЗА ЗАШТИТА ПРИ РАБОТА? Се испитуваат причините за трагедијата на градилиште во Кисела Вода appeared first on plusinfo.mk.

68-годишен жител на Скопје е отстранет од семејниот дом на 30 дена откако, според полицијата, со остар предмет му се заканувал на својот 35-годишен син.

Според информациите, полициски службеници од СВР Скопје го привеле Љ.Б. на 9 март околу 22:30 часот по пријава за семејно насилство во дом на подрачјето на Кисела Вода.

Полицијата постапила по пријава дека 68-годишникот упатувал закани со остар предмет кон својот син.

По преземените мерки, случајот бил процесиран од Единицата за насилен криминал при СВР Скопје, која на 10 март поднела барање до Основен граѓански суд Скопје за изрекување итна мерка за заштита од семејно насилство.

Судот донел решение со кое на осомничениот му е изречена итна мерка за отстранување од домот во траење од 30 дена.

Од полицијата информираат дека мерката е донесена со цел да се спречи понатамошно насилство и да се обезбеди заштита на жртвата.

The post СЕ ЗАКАНУВАЛ СО НОЖ НА СОПСТВЕНИОТ СИН Судот итно исели 68-годишник од домот во Скопје appeared first on plusinfo.mk.

Градоначалничката на Општина Кисела Вода, Бети Стаменкоска Трајкоска, информира дека е донесена одлука за итно затворање на еден патен правец по извршен повторен увид на терен и стручни анализи.

Таа на Фејсбук соопшти дека одлуката била донесена по заедничката проверка со градоначалникот на Општина Сопиште, Јане Мицевски, и во координација со надлежните институции.

– По денешниот повторен увид на терен со градоначалникот на Општина Сопиште, Јане Мицевски, и извршените стручни анализи, во координација со сите релевантни институции, донесена е одлука за итно затворање на овој патен правец – вели градоначалничката.

Од општината уверуваат дека веќе се работи на трајно решение.

– Интензивно се работи на изнаоѓање на најбрзото и најбезбедното техничко решение за трајна санација на оштетувањето – наведува Стаменкоска Трајкоска.

Воедно, таа упати апел до граѓаните да ја почитуваат поставената сигнализација.

– Апелираме до сите граѓани доследно да ја почитуваат поставената сигнализација и да ги користат алтернативните патни правци сè до целосно отстранување на дефектот. Посветени сме на изнаоѓање на најбрзо и сигурно решение за враќање на патот во нормална функција – порача Стаменкоска Трајкоска.

The post ИТНО ЗАТВОРЕН ПАТОТ КОН ТЕФЕРИЧ Властите бараат најбрза и трајна санација appeared first on plusinfo.mk.

Шеесет и едногодишен скопјанец заврши во полициска станица откако агресивно се однесувал во спортска обложувалница во Кисела Вода и им се спротивставувал на полицајците.

Инцидентот се случил на 18 февруари околу 15:50 часот, кога полициски службеници го привеле С.П. (61) од Скопје. Според информациите од полицијата, тој прво бил агресивен кон вработените во обложувалницата, а потоа и кон полицајците кои постапувале на терен.

При преземањето на мерките било утврдено дека мажот бил под силно дејство на алкохол, измерени му биле дури 2,90 промили во крвта.

По целосно расчистување и документирање на случајот, против него ќе биде поднесена соодветна пријава.

The post ПИЈАН ПРАВЕЛ ХАОС ВО ОБЛОЖУВАЛНИЦА ВО КИСЕЛА ВОДА Приведен 61-годишен скопјанец со 2,90 промили алкохол appeared first on plusinfo.mk.