Според весниците, досието на швајцарската федерална полиција за актуелниот духовен лидер  на Руската православна црква (РПЦ) потврдува дека „монсињор Кирил“, како што е именуван во документот, „припаѓа на КГБ“, главната разузнавачка служба на СССР. Двата медиуми имале увид во досието во швајцарската федерална архива.

Во раните 70-ти патријархот Кирил, кој жестоко ја поддржува руската инвазија на Украина, живеел во Женева, каде што официјално ја претставувал Московската патријаршија пред Светскиот (екуменски) собор на црквите.

Кирил тогаш под оперативниот псевдоним Михаилов исто така имал задача да влијае на овој совет, во кој КГБ поставиле агенти во 70-тите и 80-тите години на 20 век.

Советскиот Сојуз си постави за цел да ја убеди институцијата во Женева да ги осуди САД и нивните сојузници и поумерено да го критикува недостатокот на верска слобода во СССР, наведуваат весниците и истакнуваат дека Руската православна црква „одбива каков било коментар за шпионски активности на Кирил во Женева“.

Светскиот совет на црквите изјави дека „нема информации“ на таа тема.

„Матен Диманш“ го барал внукот на патријархот Михаил Гундјаев, кој го заменил како претставник на Московската патријаршија во Женева. Гундјаев тврди дека Кирил „не бил агент“, иако бил „строго контролиран“ од КГБ.

The post РУСКИОТ ПАТРИЈАРХ БИЛ ШПИОН НА КГБ Швајцарските весници тврдат дека „монсињор Кирил“ имал задача во Женева appeared first on plusinfo.mk.

Во објавата на веб страницата на Александриската патријаршија се наведува дека Светиот синод на заседанието одржано во соборниот храм на светиот патријаршиски манастир на свети Георгиј во Старо Каиро, подробно се занимавал со прашањето на, како што се вели, противканонскиот упад на Црквата на Русија во границите на духовната и пастирска јурисдикција на Александриската патријаршија на африканскиот континент, во координација на т.н. „Патријаршиски егзарх на Африка” од Московската патријаршија, Митрополитот Клински Леонид Горбачев”.

„По исцрпна дебата и разговор, Светиот синод реши да го расчини од високата служба на архиереството бившиот Митрополит Клински Леонид, поради низа канонски престапи (упад во јурисдикцијата на древна Црква, осветување на антиминси, разделување на свето Миро, купување со пари на домородни клирици – дури и расчинети, заговор, етнофилетизам и др.) и ги осуди новопојавените еклисиолошко-политички „теории” за пастирствување на рускиот свет насекаде под сонцето, врз основа на националната припадност. На крај, после многумесечното игнорирање и молк од страна на Московскиот патријарх г. Кирил кон писмените протести на Блаженејшиот Папа и Патријарх Александриски испратени до него, да си ги повика назад испратените од Север во Африка „егзархиски органи”, Претстојателот на Александриската Црква времено го прекинува спомнувањето на името на Московскиот Патријарх“, се вели во објавата.

Според најавите, утре продолжуваат заседанијата на Светиот синод на Александриската патријаршија.

The post НОВ РАСКОЛ Е НА ПОВИДОК? Александриската патријаршија нема да го спомнува рускиот патријарх Кирил appeared first on plusinfo.mk.

– Нека биде Господ милостив кон сиот наш народ, да ги прекине меѓусебните препукувања… Господ да го просветли секој што е вклучен во овие непријателства, и секој да сфати дека пука во својот брат. И затоа, крајот на војната, воспоставувањето на мирот и духовното единство на целиот наш народ е наша молитва денес и треба да биде предмет на нашите заеднички напори – рече патријархот.

Во исто време, тој истакна дека во овој случај „ние сме многу далеку од она што на западниот јазик се нарекува пацифизам“.

Според патријархот Кирил, денес многу сили работат на тоа да докажат дека одвојувањето на рускиот народ е благослов. Зборувајќи за тоа, тој го наведе својот разговор со политичар кој прашал зошто црквата се залага за зачувување на единствениот руски простор.

Во одговорот, патријархот рекол дека се работи за народ кој „сака да живее во голема куќа“.

– Тогаш го прашав тој господин: дали повеќе сакаш да живееш во мал стан, да ја браниш својата слобода и независност од другите или во голем стан, во голема куќа? Овде претпочитаме да живееме во голема куќа, но да не биде тесна, да не се претвори животот во она што понекогаш се случува во заеднички двор, кога луѓето стануваат непријатели – рече патријархот Кирил.

The post РУСИЈА САКА ДА ЖИВЕЕ ВО ГОЛЕМА КУЌА Вака ја објасни патријархот Кирил инвазијата кон Украина и порача таа да прекине appeared first on plusinfo.mk.

– Црквата признава дека ако некој, поттикнат од чувство на должност и од потребата да ја исполни својата заклетва и да остане верен на неговиот повик, умре во исполнување на својата должност, тоа несомнено ќе биде чин на жртва. Оваа жртва ги измива сите направени гревови – рече тој.

Последниве денови рускиот поглавар неколку пати ги повика верниците да се пријават во војна.

– Одете храбро да ја извршите својата воена должност. И запомнете дека ако умрете за својата земја, ќе бидете со Бога во неговото царство – им вели Кирил на верниците.

Patriarch Kirill urged not to be afraid of death amid mobilization

“Go bravely to fulfill your military duty.And remember that if you die for your country, you will be with God in his kingdom, glory and eternal life”

Maybe Kirill will refuse an armored Mercedes and security? pic.twitter.com/Bo6WaYcUKp

— NEXTA (@nexta_tv) September 22, 2022

The post И ДА ПОГИНЕШ КОЛКО МОЖЕШ ЌЕ СЕ СПАСИШ Рускиот поглавар им ветува царство небесно на мобилизираните (ВИДЕО) appeared first on plusinfo.mk.

На вториот ден од престојот во Казахстан, папата Франциск се обрати на Седмиот конгрес на лидерите на светските и традиционалните религии, собир каде присуствуваат христијани, Евреи, муслимани, будисти, хиндуси и лица од други вери.

Требаше да присуствува и патријархот Кирил, но, тој ги откажа учеството, а Руската православна црква, сепак, испрати своја делегација.

Кирил со ентузијазам ја поддржа руската инвазија на Украина, што ја гледа како бедем против декадентниот Запад. Неговиот став предизвика раздор со Ватикан и почна внатрешна побуна што доведе до прекин на врските на дел локални православни цркви со Руската православна црква, потсетуваат медиуми.

– Бог е мир. Тој секогаш нè води по пат кон мирот, никогаш по патот на војната – истакна папата.

Во време „обележано со неволјите на војната“, „неопходен е чекор напред“ што „мора да дојде од нас“, повика папата, не спомнувајќи ја директно ситуацијата во Украина.

– Самата осуда на екстремизмот не е доволна… Сè додека се шират нееднаквоста и неправдата, нема да има крај на вирусите дури и полоши од ковид-19, вирусите на омразата, насилството и на тероризмот – подвлече папата, меѓу другото.

The post БОГ НЀ ВОДИ ПО ПАТОТ НА МИРОТ, А НЕ НА ВОЈНАТА Папата Франциск му одржа лекција на рускиот патријарх Кирил appeared first on plusinfo.mk.

Писмото ви го пренесуваме во целост, преведено на македонски јазик:

До Неговото Блаженство, Блаженејшиот Стефан, Архиепископ Охридски и Македонски и Митрополит Скопски

Ваше Блаженство, возљубен собрате и сослужителе пред Божјиот престол!

Срдечно Ве поздравувам и Ви благодарам за писмото од 13 јули оваа година, во кое соопштувате за признавањето на автокефалноста на Македонската Православна Црква – Охридска Архиепископија и за врачувањето на Томосот за автокефалија, од Светејшиот Патријарх Српски Порфириј на Вашето Блаженство. Да Му благодариме на Бога за Неговиот неискажлив дар! (2 Кор 9, 15)

Нашата Црква секогаш се стремеше да го поддржува македонското православие, во текот на многу години на сите можни начини, помагајќи го дијалогот помеѓу српските и македонските браќа по вера. Радосно е што сега тие усилби се овенчаа со обновување на општењето меѓу двете Цркви.

Светиот Патријарх Српски Порфириј се обрати до мене со официјално известување за давањето на автокефалност на Македонската Православна Црква – Охридска Архиепископија и со молба да ја признам таа автокефалност, давајќи им пример и на останатите помесни православни Цркви.

На 25 август оваа година, Светиот синод на Руската Православна Црква, го разгледа посланието на Неговата Светост. Заблагодарувајќи Му на Господа за разрешувањето на статусот на Православната Црква во Северна Македонија на канонска основа, Светиот синод реши да ја признае Македонската Православна Црква – Охридска Архиепископија за сестринска автокефална Црква, и во свештениот Диптих, како Поглавар, да го впише името на Вашето Блаженство.

Соопштувајќи Ви братски за тоа решение, од лицето на Светиот синод и од сета полнота на Руската Православна Црква, се надевам дека Македонската Православна Црква ‒ Охридска Архиепископија, цврсто ќе ја чува чистотата и непорочноста на светата православна вера и ќе ја запазува верноста на православното канонско предание.

Уверувајќи го Вашето Блаженство во подготвеноста за развивање на сестрана соработка помеѓу нашите Цркви, молитвено Ви посакуваме телесни и духовни сили и изобилни милости од Господа и многу години поглаварско служење, а на Вашата богољубива паства ‒ мир и благоденствие.

The post ВАЖНО ПИСМО ОД МОСКВА ПРИСТИГНА ВО СКОПЈЕ Рускиот патријарх Кирил му пиша на архиепископот Стефан appeared first on plusinfo.mk.

– Обидите да се заплаши патријархот на Руската црква или да се принуди да се откаже од своите ставови се апсурдни, бесмислени и бесцелни, изјави портпаролот на РПЦ, Владимир Легоида.

Тој додаде дека особено сега црквата е последниот мост, средство за комуникација, што се обидуваат да го уништат и ги осуди „политичките сили чија основна цел е ескалација на конфликтот и оддалечување од мирот“.

Според него, целта на санкциите е „да се запре и онака сериозно оштетената комуникација меѓу европската заедница и Русија“.

Патријархот Кирил, според официјален Лондон, е санкциониран поради неговата поддршка и одобрувањето на војната во Украина.

Велика Британија денеска воведе нови санкции кон Русија, а покрај патријархот Кирил, санкции се воведени и за руската комесарка за правата на децата, Марија Лвова-Белова, поради „присилно префрлање и посвојување на украинските деца“.

Европска комисија претходно предложи санкции за патријархот Кирил, но Европска Унија се откажа од тоа по спротивставувањето на Унгарија.

The post „АПСУРДНИ“ И „БЕСМИСЛЕНИ“ Вака Руската црква ги оцени санкциите за патријархот Кирил appeared first on plusinfo.mk.

На инсистирање на Унгарија, поглаварот на Руската православна црква, патријархот Кирил, е отстранет од списокот на последниот пакет санкции на ЕУ кон Москва, изјавија за Асошиејтед прес дипломати од ЕУ. Прашањето за Кирил беше отворено во месец мај, но тогаш јавно не се гласаше за предлогот, иако Унгарија се противеше. Според аналитичарите, Орбан добил јасна порака од Москва да лобира за патријархот.

Шестиот пакет санкции на ЕУ вклучува, меѓу другото, ембарго на најголемиот дел од увозот на руска нафта во ЕУ до крајот на годината. Се смета дека ембаргото ќе функционира бидејќи Русија прави три пати повеќе пари од извозот на нафта, отколку од гасот.

Унгарија заедно со Чешка и Словачка се противеа на ембаргото и по месец дена преговори конечно ЕУ прифати тие да бидат исклучени од мерките.

The post ОРБАН УСПЕА Европа ќе го изземе патријархот Кирил од санкциите appeared first on plusinfo.mk.

– Мораме да сфатиме дека секој ден од нашиот живот, без разлика каде сме во Украина, скапо нѐ чини. Нашите бранители сега се борат за тоа на фронтот и сите сме должни да се бориме за слобода, за вистина – секој на своето место, каде што сме. Еден од главните насоки на оваа борба е спротивставувањето на идеологијата на „рускиот свет“, оваа фашистичка, убиствена доктрина, обвиткана во светлечко платно од проповеди на Кирил Гундјаев и неговите сојузници. Не е тајна дека патријархот Кирил е еден од креаторите на идеологијата на „рускиот свет“, негов пропагандист и промотор. Самата идеологија, според мене, потпаѓа под осуда на етнофилетизмот како ерес од страна на Константинополскиот собор во 1872 година. Затоа, Кирил Гунџаев, како сотворец и пропагандист на „рускиот свет“, треба да биде осуден доколку не се откаже од оваа ерес и не ги покаже плодовите на покајанието – рече Епифаниј.

The post ОСУДИ ГО И РАСЧИНИ ГО! Украинската православна црква бара од Вартоломеј да воведе санкции против рускиот патријарх Кирил appeared first on plusinfo.mk.

– Господ нека го помири нашиот народ во Украина, во Донбас, каде што сѐ уште се пролева крв – рече тој на богослужбата на отворено во Москва.

Со изјавата всушност го повтори тврдењето на претседателот Владимир Путин дека Русите и Украинците се во суштина иста нација, наведува Би-Би-Си.

– Господе, дај го овој велигденски подарок, да им помогне на оние кои се вклучени во овој тежок конфликт, да ги смират своите срца, умови, души, за што побрзо да завршат меѓусебните судири и да завладее долгоочекуваниот мир – рече патријархот.

Како близок сојузник на Путин, тој претходно даде изјави за поддршка на офанзивата на Москва во Украина и налути некои во Руската православна црква дома и во странство.

The post ГОСПОД НЕКА ГО ПОМИРИ НАШИОТ НАРОД ВО УКРАИНА Рускиот патријарх се надева на мир appeared first on plusinfo.mk.