Велислава Петрова – Чамова, новата министерка за надворешни работи на Бугарија. За нега малку се знае освен дека е креаторкаа на содржината на францускиот предлог од 2022 година. Како заменик-министерка во владата на Кирил Петков, таа беше директно вклучена  во изработката на овој документ со кој се блокираа евроинтеграциите на Македонија.

Преговарачката рамка беше усвоена во јуни 2022 година  и предвидуваше внесување на Бугарите во преамбулата на Уставот.

The post МИНИСТЕРКАТА НА РАДЕВ ГО КРОЕЛА ФРАНЦУСКИОТ ПРЕДЛОГ Чамова ќе ја води бугарската дипломатија appeared first on plusinfo.mk.

Во центарот на Софија синоќа дојде до жестоки судири меѓу дел од демонстрантите и полицијата, откако групи маскирани лица ги нападнаа канцеларии на партиите „ДПС – Ново начало“ и ГЕРБ, превртуваа и палеа метални контејнери, и фрлаа шишиња и пиротехника кон полицискиот кордон. Протестите, на кои се проценува дека учествувале околу 50.000 граѓани, започнаа како масовен собир против нацрт-буџетот за 2026 година, но брзо ескалираа во насилство.

Освен во Софија, дополнителни над 30.000 демонстранти излегоа на улица и во повеќе од 10 големи градови низ Бугарија. Според информации од терен, причина за проширување на протестното движење е и како што велат граѓаните арогантниот и непочитувачки однос на владата кон граѓаните и приватниот сектор во текот на буџетските преговори.

Според локалните медиуми, поголемиот дел од демонстрантите кои претходно се собраа околу парламентот и владините институции протестираа мирно, но од толпата се издвоија групи млади мажи во црни облеки и качулки кои направија хаос околу партиските централи. Полицијата користеше спреј солзавец за да ги оддалечи, но сведоци тврдат дека реакцијата била задоцнета и дека дел од вандализмот можел да се спречи ако полицијата реагирала навереме.

Лидерот на опозициската коалиција „Продолжуваме со промената“ Кирил Петков побара протестите да останат мирни и да не се дозволат провокации.

– Не се подлегнувајте на насилство. Покажавме дека гласот ни се слуша, но рушење и фрлање петарди не помагаат никому – напиша Петков во својата објава.

Претседателот Румен Радев оцени дека дел од инцидентите се намерно предизвикани.

– Ова не е судир меѓу народ и полиција, туку провокација со цел да се дискредитира граѓанскиот отпор. Насилството мора да запре. Народот јасно кажа НЕ на оваа власт – порача Радев.

Инцидентите продолжија и пред канцеларијата на ГЕРБ на булевар „Дондуков“, каде беше предизвикан пожар, а беше оштетено и полициско и противпожарно возило. Освен материјалната штета, медиумите не известуваат за потешко повредени, но биле задржани повеќе лица.

Протестите се одржуваат поради незадоволството од предложениот државен буџет за 2026 година, кој предвидува зголемување на социјалните придонеси и повисоко оданочување на дивидендите. Според критичарите, овие мерки би ги погодиле и работниците и бизнис-секторот и би ја намалиле довербата во економијата.

EPA/BORISLAV TROSHEV

Фото: Принтскрин

Владата, под силен притисок од улицата, најави дека нацрт-буџетот ќе биде повлечен и преработен, со дополнителни консултации со синдикати и работодавци. Опозицијата смета дека ова е доказ дека протестите даваат резултат, додека дел од власта укажува на ризикот од насилни сценарија.

Бугарија веќе подолго време се соочува со политичка нестабилност, чести избори и ниска доверба во институциите. Предложените даночни промени само го засилија незадоволството, а синоќешните судири покажаа дека и релативно мирните протести може брзо да прераснат во хаос доколку се вклучат организирани групи или провокатори. Протестите најавуваат турбулентен период за бугарската влада, која мора да најде компромис што ќе го намали притисокот на улица и ќе обезбеди стабилност во државата.

The post 🎥 📷 НЕВИДЕН ХАОС ВО ЦЕНТАРОТ НА СОФИЈА, МАСКИРАНИ ДЕМОНСТРАНТИ ГИ ДЕМОЛИРААТ И ПАЛАТ ПАРТИСКИТЕ СЕДИШТА! Протестите против нацрт-буџетот почнаа мирно, но потоа излегоа од контрола appeared first on plusinfo.mk.

Поранешниот бугарски премиер и пратеник од Продолжуваме со промената, Кирил Петков денеска поднесе оставка.

Претходно Петков на Фејсбук објави дека мирно поднесува оставка и оти нема да се кандидира за нови лидерски позиции во септември, кога партијата Продолжуваме со промената ќе избере ново раководство на Генералното собрание.

Тој додаде дека ќе остане член на партијата и ќе има средби со граѓаните „не како нивен лидер туку како еден од нив“.

Петков минатата недела најави повлекување од функцијата копретседател на Народна партија и оти ќе поднесе оставка како пратеник, преземајќи одговорност за партиските кадри чии имиња беа вмешани во корупциски скандал.

The post ПОЗНАТ БУГАРСКИ ПОЛИТИЧАР СИ ЗАМИНУВА ОД СЦЕНАТА Нема амбиции да биде лидер appeared first on plusinfo.mk.

Поранешниот бугарски премиер, Кирил Петков, го честита денешниот државен празник во Бугарија „24 мај – Ден на светите браќа Кирил и Методиј, на бугарската азбука, просвета и култура и на словенската книжевност“.

„Бугарија е ослободител од незнаењето на словенските народи. Кирилицата е азбука која ја претвора Бугарија во основоположник, а бугарскиот јазик во основа на сите словенски јазици. Кога другите земји, вклучително и Русија, немаат јасни историски податоци за сопствената писменост пред глаголицата и кирилицата, ние им дадовме писменост како основа на нивната култура! Ова е повод за вистинска гордост за секој Бугарин“, посочи експремиерот во својата честитка.

Денес 300 милиони луѓе ширум светот користат кирилица, додаде тој.

„Освен во Бугарија, азбуката е официјална во Белорусија, Босна и Херцеговина, Киргистан, Северна Македонија, Монголија, Црна Гора, Украина, Србија, Таџикистан и Русија. Писменоста и културата го сочувале бугарскиот идентитет низ вековите на туѓо владеење. Ако и во иднина се залагаме за Бугарија како нација на знаењето, културата и на науката, можеме да изградиме просперитетна земја која ќе си ја одреди сопствената иднина. Ова е патот кој денешниот ден ни го покажува“, порача на Фејсбук лидерот на партијата Продолжуваме со промената за празникот, што до пред 5 години во Бугарија се славеше како „24 мај – Ден на бугарската просвета и култура и на словенската писменост“.

The post ДА НЕ БИЛЕ БУГАРИТЕ ЌЕ СИ ОСТАНЕВМЕ НЕПИСМЕНИ Петков халуцинира дека Кирил и Методиј биле Бугари appeared first on plusinfo.mk.

Поранешниот бугарски премиер Кирил Петков денеска е повикан на распит во Обвинителството во Софија, а се очекува да биде обвинет и за пречекорување на должноста додека ја извршувал функцијата премиер.

Според бугарските медиуми, се очекува Петков да биде обвинет бидејќи, наводно, како премиер, незаконски наредил притвор на лидерот на ГЕРБ Бојко Борисов, партиската ПР Севделина Арнаудова и поранешниот министер за финансии Владислав Горанов во 2022 година. Државното обвинителство соопшти дека апсењето на тие функционери им го нарушил угледот и имало штетни последици за државата.

Веднаш по апсењето на тројцата функционери во март 2022 година, судот ги отфрли мерките притвор поради немање поддршка од Обвинителството, а Петков лани доброволно се откажа од пратеничкиот имунитет на барање на в.д. Јавниот обвинител Борислав Сарафов.

Гласачите на Петков организираа протест пред зградата на Специјалниот суд во Софија за да изразат солидарност со поранешниот премиер.

Асен Василев, копретседател на партијата Продолжуваме со промените на Петков, објави дека ниту тој, ниту поранешниот министер за внатрешни работи Бојко Рашков не биле повикани на распит и покрај тоа што присуствувале на седницата на Владата во моментот кога биле донесени одлуките за апсење на тројцата функционери.

The post ПРИТВОРОТ ЗА БОРИСОВ ЌЕ МУ СЕ УДРИ ОД ГЛАВА Петков се соочува со обвинение – ја пречекорил должноста додека бил премиер на Бугарија appeared first on plusinfo.mk.

Лидерот на ГЕРБ Борисов, кој е и претседател на Комисијата за надворешна политика во бугарскиот Парламент, истакна дека Бугарија и Македонија потпишаа Договор за добрососедство, кој е вклучен во планот за проширување, и никој не може да отстапи од него.

Борисов смета дека Софија треба да остане и мирна и трпелива, да не изгледа агресивна бидејќи како што наведе „вината е кај колегите во Скопје“.

Тој посочи дека „секој што ќе го прекрши добриот тон, а Бугарија тоа не го направи, ќе ги трпи последиците“.

– Сè што направивме во Европската народна партија, во Европскиот совет, во Европската комисија, беше многу добро слушнато. Така функционираат европските институции. Не се закануваат, не навредуваат, а резултатот е Албанија оди напред. Таа го прифати бугарското малцинство, а нашите колеги од Северна Македонија треба да ги понесат последиците од нивното досегашно однесување – рече Борисов во пресрет на разгледувањето на декларацијата за Македонија поднесена од крајнодесничарската партија Преродба.

Борисов вели дека ќе се обиде да ги убеди колегите во Комисијата за надворешна политика да не се однесуваат емотивно, туку да прагматично и разумно.

И лидерот на ПП-ДБ Кирил Петков вели дека Скопје треба да одлучи дали сака да ги прифати Бугарите во својот Устав или да го запре патот кон ЕУ.

– Времето покажа дека договорот што го направивме во времето на нашата влада – францускиот предлог – се покажа многу добар за Бугарија. Реално, целата Европска Унија застана на страната на Бугарија. Република Северна Македонија мора да одлучи дали сака да ги прифати Бугарите во нејзиниот Устав или нејзиниот пат кон Европа е затворен. Многу се надевам дека ќе се преиспитаат, бидејќи она што се случи во моментов е дека Албанија се одделува од нив и побрзо ќе го продолжи патот кон ЕУ – изјави Петков.

Одвојувањето на Албанија и Макеоднија на патотот кон ЕУ, го поздрави првиот човек на Преродб, Костадин Костадинов.

Тоа според него се случи откако „Тирана го признала бугарското малцинство и му ги гарантирала сите уставни права“.

– Отсега, Република Северна Македонија има два пата – или ќе го признае присуството на Бугарите како државотворен елемент на својата земја и ќе ги вклучи во Уставот или ќе остане надвор од преговарачкиот процес – рече Костадинов.

Во врска со Договорот за добрососедство, Костадинов смета дека откако Скопје одби да го почитува, и Софија веќе не треба да се држи до обврските што прозилегуваат од него.

The post ИЛИ БУГАРИТЕ ВО УСТАВОТ ИЛИ ЗАТВОРАЊЕ НА ЕВРОПСКИОТ ПАТ Скопје треба да донесе конечна одлука, порачаа Борисов и Петков appeared first on plusinfo.mk.

Во бугарскиот Парламент на 20 јули беше поднесена декларација која треба да потврди дека Илинденското, односно Илинденско-преображенско востание е бугарско.

Се очекува оваа декларација да биде усвоена во следните денови во пресрет на 120 години од Илинденското востание.

Декларацијата ја поднесе партијата „Продолжуваме со промените“ (ПП) на поранешниот премиер Кирил Петков.

Во образложението стои дека „Илинденско-преображенско востание е венецот на бугарското национално ослободително движење“.

Пратеникот на ПП-ДБ Христо Даскалов потсети на историските настани и изјави:

– Сеќавањето на подвигот е живо и мора да се сеќаваме на нивната жртва и да ја заштитиме Бугарија како што заповедаа хероите од Илинден, Преображение и Крстовден 1903 година – порача Даскалов.

Тома Биков од ГЕРБ-СДС истакна дека годишнината стана поле за дискусија и сега треба да донесеме заклучок како да се надмине траумата од неуспехот на бугарската идеја.

Споменатиот екс-премиер Кирил Петков на првата средба во Скопје со Ковачевски рече дека историјата ќе ја остават на страна и оти ќе се посветат на економијата.

The post „ИЛИНДЕНСКОТО ВОСТАНИЕ Е БУГАРСКО“ Партијата на Кирил Петков поднесе декларација во бугарскиот Парламент appeared first on plusinfo.mk.

– Нашите избирачи јасно ставија до знаење дека имаме мандат да постапуваме по политиките што ги ветивме. Никогаш не сме ветиле дека ќе има коалициска влада и нема шанси да отстапиме од овие ветувања – додаде Петков.

Тој коментира дека „клучот“ е ПП-ДБ да предложи малцинска влада, а заедно со ГЕРБ-СДС да разговараат за политиките.

– Според мене, многу е разумно, ако сакаат да видат каква влада ќе предложиме, да не поканат на состанок, на кој ќе одиме – рече Петков.

Тој објасни дека на таа средба ќе бидат претставени политиките и периодот во кој може да функционира евентуалната малцинска влада

The post САКА ВЛАДА, АМА НЕ СО МИНИСТРИ ОД ГЕРБ-СДС Петков вели дека не ветил учество во коалициска влада appeared first on plusinfo.mk.

– Нашата одлука да не ја поддржиме ГЕРБ во првиот мандат се заснова на вредности. Тоа што го видовме во минатиот парламент и на овие избори се заснова на овие вредносни разлики. Ќе разговараме со сите партии, бидејќи на бугарските граѓани им ветивме јасни политики за справување со актуелните проблеми. Почнувајќи од буџетот, кој не може да биде заложник на разговорите меѓу политичките партии – рече Петков.

Според него, доколку ГЕРБ не успее да формира влада со првиот мандат, ПП-ДБ ќе предложи кабинет со вториот мандат.

Лидерот на ГЕРБ Бојко Борисов пред два дена соопшти дека единствената задача пред новото Народно собрание е формирање редовна влада. Тој рече ќе биде пратеник во 49. Народно собрание и лично ќе ги води преговорите со другите партии и нагласи дека нови избори значат ризик за парламентарната демократија.

Бугарски аналитичари изразуваат загриженост дека Бугарија ќе продолжи со генерирање кризи.

– Бидејќи ниту ГЕРБ, ниту ПП-ДБ не можеа да соберат критична маса гласови за да ѝ се стави крај на политичката криза, Бугарија тргна во насока на претседателско владеење. Претседателот Румен Радев практично ја користи извршната власт преку привремените кабинети што ги назначува од мај 2021 година. Реизбран за втор мандат во 2022 година, Радев е во силна политичка позиција. Без редовна влада на власт, тој го има последниот збор преку привремениот кабинет за критичните одлуки – дали Бугарија ќе испраќа оружје во Украина или како да го приспособи енергетскиот сектор на земјата на регионалниот и глобалниот пазар што брзо се менува. Работите да бидат уште полоши, шефот на државата не одговара пред законодавниот дом, кој мора да се самораспушти секогаш кога нема да гласа за новата влада – изјави политичкиот аналитичар и универзитетски професор Димитар Бечев.

The post БОРИСОВ ДОБИ „КОРПА“ ОД КОАЛИЦИЈАТА НА ПЕТКОВ Засега нема поддршка за влада со ГЕРБ appeared first on plusinfo.mk.

Во новиот состав на бугарскиот Парламент би влегле пет партии. „Бугарскиот подем“ на Стефан Јанев останува околу влезниот праг со 3,8%. Партијата на Слави Трифонов „Има таков народ“ има поддршка од 3,2% од анкетирани, а за Левица!, партијата што ги обединува противниците на лидерката на БСП, Корнелија Нинова, кои бараат нејзина оставка, би гласале 3,6%. На политичката сцена се враќа партијата на поранешниот премиер Симеон Саксобурготски – НДСВ која би добила 1,4%.

Според истражувањето, коалицијата ПП-ДБ е прва со 26,4 отсто, а потоа ГЕРБ-СДС со 25,2 отсто. Трето е Движењето за права и слободи со 13,2 отсто, а четврта националистичката партија Преродба на Костадин Костадинов со 11,3%. БСП на Корнелија Нинова е на петтото место со 7,4%, и бележи сериозен пад на поддршката.

Социологот од агенцијата „Алфа Рисрч“ Павел Валчев во утринскиот блок на БНТ „Денот почнува“, оцени дека желбата за избори кај бугарските граѓани во моментов е минимална. Само најжестоките партиски поддржувачи категорично се изјасниле дека ќе излезат да гласаат на 2 април.

За предвремените парламентарни избори во Бугарија пријавени се 16 партии и седум коалиции.

The post КОАЛИЦИЈАТА НА КИРИЛ ПЕТКОВ ВО ВОДСТВО НА АНКЕТИТЕ Се очекува минимална излезност на изборите appeared first on plusinfo.mk.