Двајца млади луѓе од Тетово останале без пари откако поверувале во оглас за изнајмување стан на социјалните мрежи, но наместо клучеви, останале со празни раце.

Од полицијата информираат дека против 24-годишна скопјанка е поднесена кривична пријава, откако со лажни огласи на Фејсбук успеала да измами повеќе лица.

Според информациите, таа преку профил на социјалната мрежа се претставувала дека нуди станови под кирија. За да „резервираат“ стан, од заинтересираните барала капар.

Четири лица од Тетово ѝ поверувале и ѝ дале пари, но по уплатата, становите никогаш не ги добиле.

На овој начин, осомничената се стекнала со противправна корист од вкупно 45.900 денари.

Случајот се случувал во текот на 2025 и 2026 година, а по пријавите од оштетените, полицијата ја документирала измамата и поднела кривична пријава.

The post ДАВАЛЕ КАПАР, ОСТАНАЛЕ БЕЗ СТАН Скопјанка „лапнала“ пари преку Фејсбук appeared first on plusinfo.mk.

Холивудскиот актер Мики Рурк (73) се соочува со една од најкомплицираните фази од својот финансиски и професионален живот, но изненадувачки, тој одлучил да одбие разни понуди за работа кои, според неговиот тим, би можеле да му помогнат да излезе од финансиската криза во која се наоѓа.

Рурк се најде во центарот на вниманието кога кампањата за собирање средства стана вирална за да му се помогне на актерот да го отплати својот долг за кирија од речиси 60.000 долари. Доколку не го реши проблемот со својот станодавец, ќе мора да се исели од својот дом.

Во разговор за TMZ, менаџерката Кимберли Хајнс изјавила дека актерот добил неколку понуди за работа во различни формати во текот на изминатата недела, од улоги во независни филмови до фотосесии, јавни настапи и потпишување автограми. Всушност, во последните два дена, неговиот тим проценил најмалку шест предлози за актерот.

Но, и покрај очигледните финансиски проблеми што итно треба да ги реши, Рурк не е заинтересиран да ги прифати овие понуди под услови што смета дека се „под неговиот статус“.

Неговата менаџерка вели дека актерот би разгледал само работни места што му плаќаат „како ѕвезда од А-листата“, или околу 200.000 долари дневно, и што вклучуваат работа со „врвни“ актери и режисери, како оние што ги имал во текот на целата своја кариера.

Неговата одлука е зачудувачка за некој што рекол дека „живее од ден за ден“, меѓутоа, неговата менаџерка го поддржала ставот на Рурк. Хајнс вели дека ако актерот му дал предност на квалитетот пред квантитетот, „парите на крајот ќе дојдат“.

Мики Рурк се појави како ѕвезда во подем кон крајот на 1980-тите и почетокот на 1990-тите во филмови како „9 1/2 недели“ (1986), „Ангелско срце“ (1987) и „Барфлај“ (1987), при што последниот беше алтер его на поетот Чарлс Буковски.
По долга пауза од Холивуд во 1990-тите за да се занимава со професионален бокс – одлука што го чинеше сериозни повреди, повеќекратни реконструктивни операции и години далеку од големиот екран – неговата кариера се чинеше дека е во застој.

Спасот дојде во 2008 година, кога глумеше во филмот „The Wrestler“ („Борачот“), во режија на Дарен Аронофски. Таму, тој го играше Ренди „The Ram“ Робинсон, ветеран борач кој ги живее своите последни денови. Улогата му донесе номинација за Оскар за најдобар глумец, како и Златен глобус и БАФТА.

Мики Рурк продолжи да глуми во други блокбастери, вклучувајќи ги „Iron Man 2“ (2010.) и „The Expendables“ (2010). Меѓутоа, со текот на годините, неговата професионална кариера повторно забави.

Кон крајот на декември, актерот доби известување за иселување со кое му се наредува да плати 59.100 долари за заостаната кирија или ќе се соочи со губење на својот дом во рок од неколку дена.

Како одговор, тимот на актерот постави GoFundMe со цел да собере 100.000 долари за да му помогне да ги покрие непосредните трошоци и да избегне иселување.

Кампањата наречена „Поддржете го Мики за да спречите иселување“ брзо собра околу 96.000 долари, иако подоцна беше ставена на чекање.

Рурк реагираше со изненадување и иритација кога дозна за иницијативата. Набрзо објави видео на Инстаграм во кое ја опиша кампањата како „понижувачка“. Исто така, изјави дека не го одобрил собирањето средства, ниту пак имал намера да прифаќа „милостина“ од странци.

 

View this post on Instagram

 

A post shared by MICKEY ROURKE (@mickey_rourke_)

– Ако ми требаа пари, немаше никого да молам, ниту обожаватели, ниту странци… Тоа не е мој стил – изјави тој, видливо фрустриран, и ги замоли оние што донираа да побараат враќање на парите. Неговата менаџерка го припиша недоразбирањето на тоа што Рурк не знае како функционира платформата, а тимот го увери дека средствата ќе бидат вратени ако не сака да ги прима.

Додека неговата правна ситуација во врска со иселувањето сè уште се разјаснува, Рурк се пресели во хотел во Западен Холивуд, а трошоците ги покриваат неговиот тим и пријател продуцент.

The post 🎥 ЕДНАШ ЅВЕЗДА, СЕКОГАШ ЅВЕЗДА Мики Рурк одбива понуди за работа и покрај неговата економска криза appeared first on plusinfo.mk.

Пазарот на недвижности во Европската Унија забележа значителен раст во третиот квартал од 2025 година, при што цените на становите пораснаа за 5,5 отсто, а станарините за 3,1 отсто во споредба со истиот период лани.

Според денеска објавените податоци на Евростат, трендот на поскапување продолжува и на квартално ниво. Во однос на вториот квартал од 2025 година, цените на недвижностите се зголемени за 1,6 отсто, додека станарините пораснале за 0,9 отсто.

Во периодот од 2015 до крајот на 2025 година, цените на становите во Европската Унија во просек пораснале за дури 63,6 отсто, додека закупнините се зголемиле за 21,1 отсто. Додека кириите во изминатата деценија бележат стабилен и континуиран раст, кај цените на становите се евидентирани периоди на стагнација, проследени со фази на исклучително брз раст.

Најголем рекордер по поскапување е Унгарија, каде цените на становите од 2015 година наваму пораснале за неверојатни 275 отсто. Покрај Унгарија, цените на недвижностите се зголемиле двојно во уште 11 земји-членки, при што на врвот на листата се Португалија, Литванија и Бугарија, со раст од над 150 отсто.

Единствен исклучок од овој тренд е Финска, каде цените на недвижностите денес се за два отсто пониски во споредба со нивото од пред една деценија. Кога станува збор за станарините, најголем раст повторно е забележан во Унгарија, со зголемување од 107 отсто, а значително поскапување има и во Литванија, Словенија, Полска и Ирска.

The post НЕДВИЖНОСТИТЕ ВО ЕУ ВОН КОНТРОЛА Една земја ги урна сите рекорди, купувањето стан стана луксуз appeared first on plusinfo.mk.

Седумдесетитригодишниот актер Мики Рурк должи 59.100 долари за кирија и му се заканува опасност да биде иселен од својот дом во Лос Анџелес, пишува Холивуд Репортер.

Мики, кој очигледно не заработил доволно за да купи куќа, сега живее во изнајмена куќа, додека неговиот пријател и агент собира средства за да се плати заостанатата кирија за актерот.

– Целта е да му се даде на Мики стабилност и мир во стресен период, за да може да остане во својот дом и да има простор повторно да застане на нозе – објаснува иницијаторот на кампањата, Лија-Џоел Џонс, пријателка и членка на менаџерскиот тим на Рурк.

– Мики минува низ многу тежок период во моментов и е неверојатно трогателно да се види колку многу луѓе се грижат за него и сакаат да помогнат – вели Џонс за The Hollywood Reporter.

Рурк го добил тридневното известување за иселување на 18 декември, објави Los Angeles Times. Тој го потпишал договорот за закуп во март 2025 година за 5.200 долари месечно. Подоцна цената била зголемена на 7.000 долари месечно.

Рурк стана суперѕвезда во 1980-тите како еден од најпривлечните млади филмски актери во Холивуд, глумејќи во низа значајни филмови како Diner, The Pope of Greenwich Village, 9 1/2 Weeks и Angel Heart.

Разочаран од студиското снимање филмови, Рурк се откажа од проекти и јавно ја критикуваше индустријата. До почетокот на 1990-тите, тој речиси целосно ја напушти глумата за да се занимава со професионален бокс, одлука што го остави со сериозни повреди на лицето кои подоцна бараа обемна реконструктивна хирургија.

Неговата филмска кариера се претвори во нискобуџетна, но, Рурк никогаш целосно не исчезна. Режисерите, вклучувајќи ги Роберт Родригез („Град на гревот“ од 2005 година) и Тони Скот („Домино“ од 2005 година), му понудија сочни споредни улоги, повторно претставувајќи го на пошироката публика.

Неговиот камбек кулминираше во 2008 година со филмот „Борачот“ на Дарен Аронофски, во кој Рурк играше пропаднат професионален борач кој се држи до достоинството. Изведбата му донесе Златен глобус и номинација за Оскар.

Оттогаш, Рурк постојано работи, често во жанровски филмови.

Тој неодамна беше исфрлен од реалното шоу „Големиот брат“ откако даде сексуални коментари за еден натпреварувач. Неговиот агент рече дека Големиот брат знае кој е Мики Рурк и дека тие знаат дека дефинитивно ќе предизвика скандал – „тоа е во неговиот опис на личноста“.

Сепак, креаторите на реалното шоу немаа слух и Мики беше исфрлен од шоуто, без пари.

Поранешното најубаво лице во Холивуд се претвори во чудак преку ноќ кога наиде на исклучително лош пластичен хирург кој му го промени личниот опис. Во последните години, Мики носи перика и шапка, а неговиот начин на облекување е повеќе од шокантен.

Покрај лошиот изглед, Мики има и темперамент, поради кој стекна лоша репутација во Холивуд.

The post ПОЧНА КАМПАЊА ЗА СОБИРАЊЕ ПАРИ ЗА МИКИ РУРК Актерот должи 60.000 долари за кирија appeared first on plusinfo.mk.

Таткото Мајкл Маден предизвика многу реакции на социјалните мрежи откако објави дека на својата 6-годишна ќерка Роуз ѝ наплаќа кирија и комуналии. Тој го сподели овој необичен метод на родителство на Тик-Ток, тврдејќи дека на овој начин детето учи основни финансиски вештини, пишува TODAY.com.

Како изгледа „киријата“ за дете?

Во видеото кое брзо стана вирално, Маден чука на вратата од собата на неговата ќерка и вели: „Еј, душо, тука сум да ја соберам киријата“. Потоа бара 3 долари за кирија и 1 долар за комуналии. Роуз му ги дава парите од нејзината касичка, а тој ѝ се заблагодарува и вели: „Се гледаме следниот месец“.

Повеќе за ова, како и видеото, побарајте ги на порталот „Мајка и дете“.

The post ТАТКО Ѝ НАПЛАЌА КИРИЈА НА ШЕСТГОДИШНАТА ЌЕРКА Лекција по финансии или лишување од детството? appeared first on plusinfo.mk.

Владејачката ВМРО-ДПМНЕ трет ден пршува, а опозициската СДСМ и судијката Даниела Алексовска Стојановска од Кривичниот суд Скопје не одговараат, кој кого финансирал со партискиот штаб во семејната куќа на судијката во Ранковце.

СДСМ го партизираше правосудниот систем во Македонија, повтори денеска ВМРО-ДПМНЕ.

„СДСМ во Струмица ги бираше судиите кои после изборот, наместо по закон, судеа по партиска директива и тоа секој ден, сè повеќе излегува на површина. Блискоста на СДСМ со судиите се гледа и во примерот со судијката Даниела Алексовска Стојановска, која им отстапила дел од својот дом за партиски општински штаб. Се поставува прашањето дали со ваквиот гест, судијката Даниела Алексовска ја финансирала СДСМ, или пак, додека СДСМ бил на власт ја поткупувал, односно ја подмитувал неа со кирија? За ова одговори треба да дадат судијката Даниела Алексовска Стојановска, како и претседателот на СДСМ, Венко Филипче кои треба да кажат како е уреден односот за користење на просторот од страна на СДСМ во куќата на судијката во Ранковце“, соопшти ВМРО-ДПМНЕ.

Партијата упати неколку прашања.

„Треба да се даде одговор дали СДСМ плаќал кирија за закуп на дел од семејната куќа на судијката и ако плаќал, колку таа изнесувала? Исто така, треба да се одговори дали СДСМ киријата ја плаќал на сметка или на рака, во готово? Или пак, доколку СДСМ не плаќал кирија за изнајмување на просторот, да одговори дали пријавиле донација од страна на судијката, во форма на отстапување на користење на деловен простор без паричен надоместок?“, праша ВМРО-ДПМНЕ.

Ова е сериозно прашање, се додава во соопштението, кое ја поткопува независноста на судството и ја покажува страната на тесната испреплетеност на судиите со политиката и за тоа што поскоро треба да се изјаснат и да дадат одговори СДСМ и судијката Алексовска Стојановска.

„Од друга страна пак, Судскиот совет веќе треба да почне да работи и да донесе одлука со која ќе ја разреши истоимената судијка, која полнолетен нарко дилер испратила во поправен дом, наместо да го испрати директно во затвор. Аргументите се многубројни и на очиглед на целата македонска јавност и Судскиот совет веќе не може да се прави дека не ги гледа. Која и да било ситуација да е точна од овие поставени дилеми, сериозно ја поткопува работата и независноста и само поради тоа Даниела Алексовска Стојановска повеќе не смее да биде судијка. Народот очекува и веќе одговорност во Македонија мора да има“, бара ВМРО-ДПМНЕ.

The post ВМРО-ДПМНЕ ПРАШУВА, СДСМ НЕ КАЖУВА Дали судијката Алексовска Стојановска ја финансирала партијата или обратно? appeared first on plusinfo.mk.

Дали судијката Даниела Алексовска Стојановска ја финансирала партијата СДСМ или партијата ја поткупувала неа со кирија додека беше на власт, праша денеска пратеникот и член на ИК на ВМРО-ДПМНЕ, Миле Лефков.

– И Венко Филипче како претседател на СДСМ и Даниела Алексовска Стојановска треба да кажат како е уреден односот за користење на деловен простор во нејзината семејна куќа во Ранковце од страна на СДСМ? Дали СДСМ плаќал на судијката кирија за закуп и колку? Дали киријата ја плаќале на сметка или во готовина? Доколку СДСМ не плаќал за изнајмување на простор, дали пријавил донација од страна на судијката во форма на отстапување на деловен простор без надоместок? – праша Лефков.

Додека СДСМ и Даниела Алексовска Стојановска смислуваат одговор, додаде тој, Судскиот совет да донесе одлука за разрешување на судијката која наркодилер наместо во затвор, го испрати во поправен дом.

– Судскиот совет не може да се прави дека не ги гледа аргументите. Која и ситуација од погоре поставените да е вистина, Даниела Алексовска Стојановска само поради тоа не смее да биде повеќе судијка. Одговорност мора да има – вели Лефков.

The post ФИЛИПЧЕ ДА КАЖЕ ДАЛИ СДСМ Ѝ ПЛАЌАЛ КИРИЈА НА СУДИЈКАТА АЛЕКСОВСКА СТОЈАНОВСКА Лефков прашува кој кому бил финансиер? appeared first on plusinfo.mk.

Изнајмувањето живеалиште во Лос Анџелес во моментов достигнува и до 40.000 долари месечно откако започнаа пожарите, објави Економикс тајмс.

Лос Анџелес веќе имаше криза со достапност на станови пред разорните шумски пожари да изгорат цели населби до темел, но катастрофата која веќе десетина дена му се случува на градот, сериозно ја влоши.

Пример за тоа е компанијата „ЛА Естејт ренталс“ (LA Estate Rentals), која управува и издава куќи во некои од најскапите населби во областа, каде што барањата за изнајмување живеалишта во моментов скокнале на 500 дневно, што е повеќе од 10 пати повеќе од бројот пред пожарите, според сопственикот Патрик Мајкл.

Кој останал без дом бара живеалиште во близина

Агенцијата неодамна договорила закупец да плаќа 35.000 долари месечно за место во Беверли Хилс со 12-месечен закуп. Откако почнале пожарите, но пред и официјално да се заклучи зделката, сопственикот ја зголемил киријата на 40.000 долари.

– Она што се случува на пазарот на недвижности е одвратно. Луѓето само ги зголемуваат цените. Ситуацијата наликува на Ибеј на домови, односно на војна со наддавања – вели сопственикот Мајкл.

Реонот на Лос Анџелес долго време пред пожарите важеше за еден од најмалку достапните американски пазари за купување или за изнајмување. Сега притисокот се засилува бидејќи пожарите, во кои загинаа најмалку 25 лица, уништија и повеќе од 12.000 објекти, од кои многу беа домови. Тоа создава голема нова група луѓе кои одеднаш немаат каде да живеат.

– Секој што го користи овој очај на жртвите е за осуда – изјави во вторникот градоначалничката на Лос Анџелес, Карен Бас.

Бидејќи евакуираните лица природно бараат резиденции блиску до нивните опожарени имоти, конкуренцијата е најжестока во областите кои веќе и претходно биле проблематични за наоѓање стан под наем. Побарувачката за опремени имоти, кои чинат повеќе, се зголеми затоа што многу потенцијални станари ги загубија сите свои работи во пожарите.

Кој стигне ја користи несреќата на луѓето за да заработи на нечесен начин

– „Зилоу груп“ повлече стотици огласи, кои се чини дека ги прекршуваат правилата за зголемување на цените од почетокот на пожарите – рече претставникот на компанијата, Алекс Лактер.

„Зилоу груп“ истражува нови процеси за да го идентификува пробивањето, но засега назначува работници да ги истражат списоците што биле означени од корисниците.

– На интернет се појавуваат огласи за изнајмување куќи, објавени како мамка од луѓе кои тврдат дека претставуваат имоти – објаснува Мајкл.

На повикувачите честопати им се кажува дека имотите се веќе земени. Потоа им се нуди сосема поинаква куќа по поостра цена.

Во својата фирма, Мајкл имал 200 огласи пред пожарите. Сега му снемувало инвентар.

– Нема ништо квалитетно во опсегот од 10.000 до 20.000 долари во Санта Моника или во Брентвуд – рече тој.

Цените обично се зголемуваат по природни катастрофи, барем накратко, објаснува националниот директор за аналитика на повеќе семејства на CoStar, Џеј Либик.

Истакнат пример за тоа, вели тој, се ураганот Катрина во Њу Орлеанс во 2005 година.

– Меѓутоа, една голема разлика сега е тоа што поплавените куќи во областите на Заливскиот брег би можеле полесно да се обноват одошто домовите во Лос Анџелес кои изгореа до темел и имаат потреба од целосна обнова – објаснува Либик.

Во Њу Орлеанс, голем дел од населението никогаш не се вратило по Катрина. Во Хјустон, новата градба чини помалку и се соочува со помалку регулаторни пречки одошто во Јужна Калифорнија.

– Пазарот е веќе многу тесен во Лос Анџелес. Апсорпцијата на раселените домаќинства ќе има поголемо влијание врз севкупниот пазар – објаснува Либик.

Тоа влијание ќе се прошири низ градот кој веќе става големи финансиски стресови врз купувачите и врз изнајмувачите. Во третиот квартал, само 15% од домаќинствата можеле да си дозволат стан со средна цена од 827.000 американски долари, според Калифорниското здружение на трговци. За купување куќа по таа цена би бил потребен минимален годишен приход од 207.600 долари, што е речиси двојно повеќе од американскиот просек.

Слична е приказната за домаќинствата изнајмувачи во Лос Анџелес. Околу 56% од нив се сметаат за оптоварени со кирија, што значи дека трошат повеќе од 30% од својот приход на засолниште, според некои анализи. Изнајмувачите, раселени поради природни катастрофи, честопати се соочуваат со повеќе предизвици при преселувањето бидејќи можеби немаат осигурување.

Во Калифорнија е забрането со закон качувањето на кириите за повеќе од 10%, во вонредна состојба

Законот во Калифорнија забранува покачување на цената на стоките за широка потрошувачка, вклучително и на домувањето, за повеќе од 10% по вонредна состојба, која што гувернерот Гевин Њусом ја прогласи минатата недела за областа Лос Анџелес. Прекршителите на законите може да се соочат со затворска казна до една година и со парични казни од 10.000 долари плус граѓански казни.

– Одделот за правда на Калифорнија сериозно ги зема предвид сите извештаи за зголемување на цените и работи со нашите партнери за спроведување на законот за да ги истражат сите траги кои произлегуваат од пожарот во Јужна Калифорнија – изјави портпаролот на државниот јавен обвинител.

Меѓутоа, законот на хартија нема гаранција за спроведување. Лос Анџелес донесе уредба во 2019 година за ограничување на краткорочните изнајмувања, како што е „Ер-БНБ“, но таа честопати се игнорираше.

Сопствениците на станови со хипотека се обврзани да имаат осигурување, иако нивните полиси можеби не ги покриваат сите трошоци за обнова и за замена на имотот бидејќи цените по катастрофата се зголемуваат нагоре.

Планот „ФЕР“, поддржан од државата, нуди осигурување за сопствениците на куќи во зони со висок ризик од пожар, како последна опција, но го ограничува покривањето на 3 милиони долари по живеалиште.

–  Во услови на жестока конкуренција, многу сопственици на домови, изгорени во пожарот во Палисадес, плаќаат од џеб за да обезбедат домување наместо да чекаат исплати за осигурување. Кој плаќа најмногу и има најчист договор, тој го добива домот – објаснува Мајкл.

The post ЛАПАЈ ИМ ПАРИ КОГА НЕМААТ КАДЕ ДА ЖИВЕАТ Драстично пораснаа кириите во Лос Анџелес appeared first on plusinfo.mk.

Според пресметките на Сојузот на синдикати на Македонија (ССМ), во јуни едно четиричлено семејство за храна и пијалаци треба да одвои 21.952 денари или 36,4 отсто од вкупниот износ на минималната кошничка. За облека и обувки 4.962 денари, за станарина, вода, електрична енергија, и греење 6.014 денари, за лична хигиена и одржување на хигиена во домот 1.827 денари, за здравје 1.069 денари и за транспорт 4.871 денар.

За комуникација на едно четиричлено семејство во јуни годинава му биле неопходни 3.240 денари од вкупниот износ на минималната кошничка, за рекреација и култура 4.378 денари, за образование 7.022 денари, за ресторани и хотели 3.890 денари, а за останати стоки и услуги 1.100 денари.

Според пресметките на ССМ, за оние семејства што живеат во стан под кирија потребни им се дополнителни 15.375 денари.

Во однос на јануари годинава, кога минималната синдикална кошница изнесуваше 57.163 денари, овој месец таа е зголемена за 3.162 денари или за 5,5 отсто.

The post ОД КАДЕ 1.000 ЕВРА ЗА ДА ПРЕЖИВЕЕ ЧЕТИРИЧЛЕНО СЕМЕЈСТВО? Синдикалната кошничка порасна, оние кои живеат под кирија им требаат плус 250 евра appeared first on plusinfo.mk.

Неофицијално, девојката била почината веќе неколку дена, а според првичните информации, таа во куќата живеела под кирија.

Возила на полицијата и на Итната медицинска помош биле пред куќата, а насобраните луѓе се прашувале што се случило.

Од СВР Штип повеќе информации најавија за утре, а увидна екипа е на местото каде што е пронајдена починатата девојка.

The post ПРОНАЈДЕНА Е МРТВА ДЕВОЈКА ВО КУЌА ВО ШТИП Живеела под кирија, а починала пред неколку дена appeared first on plusinfo.mk.