Италијанскиот тениски ас Јаник Синер го врати Умберто Ферара како свој кондиционен тренер, скоро една година откако го отпушти токму поради инцидентот со допингот кој му донесе суспензија, пишува Газета. Некои медиуми го оценија ова како контроверзен чекор.

По два позитивни теста за клотебол во март 2024 година, кои беа прогласени за случајно контаминирање преку кремата Трофодермин која ја набави Ферара, Синер ја загуби довербата и го отпушти.

„Умберто имаше важна улога во развојот на Синер и неговото враќање ја покажува нашата фокусираност на континуитет и врвна изведба“, порача тимот на Синер, појаснувајќи дека одлуката е со цел да се обезбеди подготовка за предизвикот во Синсинати и УС Опен.

Sinner richiama Umberto Ferrara come preparatore atletico

Il numero 1 al mondo ha richiamato nello staff al posto di Marco Panichi #Tennis #Sinner pic.twitter.com/zr9L93aGyv

— Eurosport IT (@Eurosport_IT) July 23, 2025

Ваквиот потег ја разбуди тениската јавност. Австралијанецот Ник Кирјос жестоко реагираше на социјалните мрежи, велејќи дека „сите сме биле измамени“, а поранешниот светски шампион во двојки Пол Мекнами оцени дека тоа е „една од најшокантните ПР-потези во историјата на тенисот“.

– Не можам да верувам дека ова е реално. Сме биле измамени – изјави Кирјос, што само ја зацврсти дебатата околу кредибилитетот и транспарентноста во спортот.

Од друга страна, дел од фановите и форумите на Реддит го оправдуваат враќањето со аргумент дека ако довербата е потполна и инцидентот беше случаен, тогаш враќањето е логично.

The post 📷 СИНЕР ГО ВРАЌА ТРЕНЕРОТ КОЈ ГО ОТПУШТИ ПОРАДИ ДОПИНГ СКАНДАЛОТ Ферара е клучен за перформансот на Италијанецот? appeared first on plusinfo.mk.

Британските медиуми обвинуваат дека светскиот рекет број 1 Јаник Синер освоил титула на Вимблдон додека бил допингуван, наведувајќи дека покрај неговото име стои „ѕвездичка“ заради скоро тримесечната суспензија за допинг и обвинува дека „интегритетот на тенисот е во прашање“.

Браун, кој е спортски уредник на „Телеграф“, во колумна ја критикува легитимноста на титулата:

– Синер е компромитиран шампион, но не можете да му ја одземете менталната сила. Интегритетот на тенисот е во прашање – нагласува Браун.

Ник Кирјос, австралиски тенисер и критичар на Синер, по финалето на Вимблдон објави само една ѕвездичка (*) на социјалните мрежи, јасна алузија на сомнеж за „помирена“ допинг казна, пишува „Нујорк Пост“.

И Сајмон Џордан од talkSPORT не го тргнува вниманието од одговорноста од Синер. Џордан е уверен дека Синер е виновен  за допинг и го споредува со боксерот Канело Алварез, кој исто така бил суспендиран за допинг.

Овие фигури и медиуми не ја доведуваат во прашање тениската моќ на Синер, но инсистираат дека краткиот период на суспензија и повикот поради нечиста ознака остава „ѕвездички“ кои ја кршат довербата во спортот.

Браун во својата колумна не ја поштеди ниту Ига Швјонтек, женската победничка на Вимблдон, забележувајќи:

„Слично е и со Ига, која беше казнета само еден месец за триметазидин, и со тоа се доведува во прашање регуларноста на нејзината титула“.

The post „ДОПИНГУВАНИОТ ШАМПИОН СИНЕР СО ЅВЕЗДИЧКА“ Британските медиуми не му ја признаваат титулата на Италијанецот appeared first on plusinfo.mk.

Појавувањето на војвотката е важен дел од церемонијата на Вимблдон. Во 2013 година, тоа како да не беше така.

– Бев бремена и не можев да дојдам… Дали е тоа добра причина? Да, тоа е, но сепак ми е жал. Им реков на лекарите дека сепак можам да одам, што тие рекоа, не е случајно – изјави таа во документарниот филм „Нашиот Вимблдон“.

Во тоа финале во 2013 година, Мареј го освои својот прв Вимблдон победувајќи го Новак Ѓоковиќ во три сета (6:4, 7:5, 6:4), а Кејт пропушти да види во живо како еден од нејзините спортски херои го подигна пехарот. Цели 77 години Британец го немаше подигнато пехарот, а Мареј ја разби оваа клетва.

– Му пишав (на Мареј) по финалето да му се извинам што не дојде и му честитав – рече Кејт Мидлтон, која присуствуваше на вториот шампионат на Мареј на Вимблдон во 2016 година.

Во меѓувреме се роди принцот Џорџ кој ја „спречи“ Кејт да ја прекине традицијата за гледање на финалето на Вимблдон, па заедно со принцот Вилијам присуствуваа на „крунисувањето“ на Ѓоковиќ. Српскиот тенисер четврти пат по ред славеше на овој турнир, а Џорџ , претпоставуваме, навиваше со остатокот од семејството.

The post КЕЈТ НЕ СМЕЕЛА ДА ГО ГЛЕДА ЃОКОВИЌ Таков бил Протоколот во 2013 година appeared first on plusinfo.mk.

Ѓоковиќ не само што не доби бод за годинешниот триумф, туку му беа одземени 2.000 бода за ланската победа.

Српскиот тенисер ова го знаеше и пред да дојде на Вимблдон, беше против тоа, но на крајот рече дека сака да учествува бидејќи сака да игра на Вимблдон. И додека се чини дека намерата на Вимблдон е да им направи проблем на Русите, Данил Медведев загуби само 180 поени, а Новак Ѓоковиќ речиси десет пати повеќе.

Медведев со 7.775 бодови и натаму го држи првото место и има огромна предност пред Ѓоковиќ (4.770), кој е во опасност да загуби 1.200 бода од Ју Ес Опен, доколку во меѓувреме не му дозволат да игра во САД.

Второто место на АТП ранг-листата го држи Александар Зверев (6.850), додека Надал и покрај тоа што се повлече од турнирот во полуфиналето напредуваше за една позиција и сега е трет со 6.165 бодови. Помеѓу него и Ѓоковиќ сѐ уште се Циципас (5.150), Каспер Руд (5.050) и Карлос Алкараз (4.845).

Ѓоковиќ беше на првото место 370 недели.

The post ЃОКОВИЌ „КАЗНЕТ“ Го освои Вимблдон, а падна за четири места на АТП ранг-листата appeared first on plusinfo.mk.

Полуфиналето траеше два часа и 34 минути, а Ѓоковиќ ја искористи првата меч топка.

Со триумфот над домашниот тенисер, Ѓоковиќ постави рекорд и го обезбеди своето 32 грен – слем финале во кариерата, едно повеќе од Роџер Федерер, а три повеќе од Рафаел Надал.

В недела Ѓоковиќ ќе се обиде да дојде до својата 21 грен – слем титула, седма во Вимблдон, на кој нема загубено натпревар од четвртфиналето во 2017 година.

Против себе ќе го има 27-годишниот Кирјос, кој прв пат во кариерата мина четвртфинале на грен – слем турнирите и во досегашните два меѓусебни дуели беше подобар од Ѓоковиќ.

The post ЃОКОВИЌ ГО ДОБИ ПРОТИВНИКОТ Против Кирјос во машкото финале на Вимблдон appeared first on plusinfo.mk.

Шпанскиот тенисер Рафаел Надал одлучи да се повлече од Вимблдон поради повреда.

Во текот на денешниот ден Шпанецот имаше лесен тренинг од 45 минути, по што одлучи дека нема да може да учествува во полуфиналето на турнирот.

Претходно беше објавено дека 36-годишниот Шпанец го одиграл четвртфиналниот натпревар против Американецот Тејлор Фриц со повреда на стомачниот мускул.

Така, Австралиецот Ник Кирјос, кој требаше да игра со Надал во полуфиналето, автоматски се пласира во финалето, во кое ќе се сретне со победникот од мечот Новак Ѓоковиќ – Камерон Нори.

The post НАДАЛ СЕ ПОВЛЕЧЕ ОД ВИМБЛДОН Кирјос автоматски се пласира во финалето appeared first on plusinfo.mk.

– Навистина се надевам дека ќе создадеме почиста верзија на нашиот спорт, каде ваквото однесување е недозволиво. Треба да се преземе нешто околу ова. Не е во ред. Некој треба да разговара со него. Не можам да седам како робот и да не реагирам на никаков начин. Се уморуваш од ова. Се чувствував како да сме во циркус. Постојано нешто кажуваше, постојано се жалеше за нешто. Иако дојдовме да играме тенис, а не да водиме дијалози. Се обидов да не се провоцирам од тоа, бидејќи можеби е намерно. Тоа е негов начин да манипулира со противникот, да го собори – изјави Циципас.

Тој, исто така, кажа дека Кирјос извикувал „добар удар“ по неговите грешки.

– Ова е постојано малтретирање. Постојано ги малтретира противниците. Веројатно, на училиште бил еден од оние на кои му се потсмеваат. Не сакам такви луѓе кои ги понижуваат другите. Има добри карактеристики, но има и нешто многу зло. Нешто што може да ги повреди луѓето – додаде грчкиот тенисер.

Во осминафинаето на Грен слемот во Лондон, Кирјос ќе се соочи со Брендон Накашима од САД.

The post ПО ПОРАЗОТ, ЦИЦИПАС СЕ ПОЖАЛИ ОД КИРЈОС Го малтретира и го понижува противникот appeared first on plusinfo.mk.