– Дваесет и пет години граѓаните во Штип бараа да се отвори киносала, затоа заедно со Киноверзум направивме соработка, го отстапивме просторот на мултимедијалниот центар Киро Глигоров за да се проектираат најновите филмови. Се надевам и очекувам штипјани да ја посетат ова киносала која е една од најсовремените со најсовремена проекција на филмови – вели Јорданов.

Михаела Ѓорчева, основач на Киноверзум, посочи дека ова е прв ласерски проектор со којшто очекуваат врвен квалитет на слика.

– Нормално ги носиме најдобрите и најновите филмови во Киноверзум во Штип. Штипјани може да очекуваат секој четврток нови проекции. Наскоро доаѓаат Копенхамер, доаѓа Барби, така што се надеваме дека 2023 година ќе биде година на добри филмови. Цената на влезниците е 200 денари, а имаме попусти за нашите клуб членови. Инвестицијата досега надминува 100 илјади евра за салата во Штип – вели Ѓорчева.

Во Штип денеска беше поставен и камен темелник на новата катна гаража која ќе биде лоцирана позади Центарот за култура „Ацо Шопов“. Градоначалникот на Штип, Јорданов посочи дека Општина Штип парите на граѓаните одлучи да ги инвестира и во катна гаража на две нивоа.

– Вкупната инвестиција е 11 милиони денари, рокот на изведба е 60 дена. Очекувам во овој временски рок да се заврши, 56 паркинг позиции се предвидени на самата гаража. Ова не е крајна цел затоа што ќе продолжиме во наредните месеци и со дополнителни две катни гаражи во централното подрачје втората катна гаража која ќе почне практично да се гради е помеѓу стоковната куќа „Нама“ и првата станбена зграда веднаш до неа, а третата катна гаража е веднаш кај зградата „Промаја“ која што е едно тесно грло во градот, има потреба од повеќе паркинг позиции – рече Јорданов.

Тој додаде дека се работи на проширување на главните сообраќајници и „Васил Главинов“ и „Маршал Тито“, на нов мост на река Отиња.

– Кога ќе се заврши ова како целина до крајот на годината верувам дека значително ќе се подобри состојбата со сообраќајниот мтеж во централното градско подрачје – вели Јорданов.

The post ШТИП ДОБИ КИНО ПОСЛЕ 25 ГОДИНИ Штипјани ќе може да ги следат најновите филмови во една од најсовремените киносали appeared first on plusinfo.mk.

Од Кинотеката информираат дека задолжително e носењето лична заштитна опрема (маска) за сите посетители на киното, маската е задолжителна за цело времетраење на посетата на киното, во сите простории: хол, тоалет, кино сала за цело времетраење на проекцијата, задолжително е одржување физичка дистанца од 1,5 до два метри меѓу посетителите пред билетарницата, пред влезот во холот, пред влезот во кино салата и евентуално купување на шанкот, не е дозволено стоење и групирање на посетителите од публиката во холот или кино салата, задолжителна е дезинфекција на рацете за сите посетители при влез во киното, задолжително ќе биде мерење на телесната температура на сите посетители при влез во киното.

Билетот, како што се посочува, се купува на билетарница и задолжително е одржување дистанца од 1,5 до два метри, задолжително е седење само на местото за седење обележано на билетот, а користењето на тоалетите е ограничено на максимум двајца посетители во исто време.

Во рамки на програмата на Кинотеката вечер во 19 часот ќе биде прикажан полско-британско-францускиот филм „Студена војна“ во режија на Павел Павликовски. На 9 октомври ќе биде прикажан јужнокорејскиот филм „Паразит“ во режија на Бонг Џун Хо, а на 10 октомври француско-италијанскиот филм „Офицер и шпион“ во режија на Роман Полански.

Од 13 до 15 октомври во Кинотеката ќе се одржи Интернационалниот фестивал на дебитантски филмот „Киненова“, а на 17 октомври ќе бидат прикажани филмовите „Мартин Идн“ во режија на Пјетро Марсело и „Вистината“ во режија на Хироказу Корееда.

The post Филмовите на Кинотеката од денеска во киносала appeared first on plusinfo.mk.