Култното кино „Милениум“ ќе се реконструира, ќе се обнови библиотеката „Браќа Миладиновци“, како и Планетариумот во МКЦ, како дел од подготовките во пресрет на 2028 година кога Скопје ќе ја носи титулата „Европска престолнина на културата“, а финансирањето на овие проекти од особено значење за градот ќе биде обезбедено со денешниот ребаланс на буџетот на Град Скопје.

Со Предлог-изменувањето и дополнувањето на Буџетот на Град Скопје за 2026 година, поднесен од градоначалникот Орце Ѓорѓиевски, за кој Советот на Градот ќе расправа на денешната 14 седница, се предвидуваат финансиски средства за реализација на многубројни проекти од областа на урбаното планирање, локалниот економски развој, комуналните работи, спортот, образованието и заштитата на животната средина. Посебен акцент се става на реализацијата на проектите од областа на културата.

Пред советниците, меѓу другото, денеска ќе се најде и Предлог-планот за изменување и дополнување на планот на програмите за развој за периодот 2026-2028 година, според кој се одобруваат средства за изградба на нова противпожарна станица за Бригадата за противпожарна заштита на Град Скопје. Со изградбата на новиот објект се очекува зголемување на брзината на реакција на пожарникарите за технички интервенции, спасување човечки животи и ефикасна заштита од пожари во урбана средина и на отворен простор.

The post ЌЕ БЛЕСНАТ КИНО „МИЛЕНИУМ“, БИБЛИОТЕКАТА „БРАЌА МИЛАДИНОВЦИ“ И ПЛАНЕТАРИУМОТ ВО МКЦ Скопје се подготвува за 2028 година appeared first on plusinfo.mk.

Во Битола официјално започна реконструкцијата на киното „Партизан“, еден од симболите на градот. Реконструкцијата е дел од поширок инвестициски циклус вреден над 100 милиони евра, најави премиерот Христијан Мицкоски за време на денешната работна посета на градот.

Премиерот заедно со министерот за транспорт и врски и градоначалникот на Битола изврши увид во неколку инфраструктурни проекти, при што истакна дека се работи за капитални инвестиции што директно го подобруваат квалитетот на животот на граѓаните.

– Убеден сум дека сето ова значи и ќе значи додадена вредност во квалитетот на живот на битолчани – изјави Мицкоски, додавајќи дека со досегашната посветена работа, градоначалникот заслужува силна поддршка на следните локални избори.

Тој посочи дека поради опструкции во Советот на општината, не се реализирале некои планирани проекти, како изградбата на спортската сала. Сепак, како што рече, очекува дека во следниот мандат и тој проект ќе почне.

Според Мицкоски, Битола е приоритетна точка за Владата.

– Битола е во рамките на нашиот периметар на најголем фокус, така било и така и ќе остане – порача тој.

Во следниот период, покрај реконструкцијата на киното „Партизан“, во градот ќе се работи и на топлификацијата, изградбата на пречистителна станица, уредување улици, булевари, паркови, како и обнова на училишта и градинки. Вкупната вредност на инвестициите надминува 100 милиони евра.

The post ЌЕ СЕ РЕКОНСТРУИРА КИНОТО „ПАРТИЗАН“ ВО БИТОЛА Мицкоски најавува инвестиции од над 100 милиони евра appeared first on plusinfo.mk.

Инспекцијата од Дирекцијата за заштита и спасување ги затвори големата сала во Центарот за култура „Марко Цепенков“ и киното „Мис Стон“ кое е во состав на објектот. Салата и киното се затворени за секаков вид манифестации и приредби сѐ додека не се отстранат сите недостатоци од заштитата.

Центарот го доби решението во текот на вчерашниот ден.

– Го добивме решението во кое, меѓу другото, се вели дека нема хидрант, односно тој никогаш комплетно не бил доопремен, нема громобран, не е функционален алармниот систем за пожари, резервниот извор – агрегатот за напојување со струја не е во функција, како и електромоторот за подигнување и за спуштање на завесата на сцената во големата сала од „Марко Цепенков“. Освен тоа, инспекторатот констатирал дека некои од излезите од сцената за евакуација се отвораат обратно – изјави директорката на Центарот за култура „Марко Цепенков“, Марија Попова Јованоска.

Салите ќе останат затворени додека не се отстранат недостатоците. Инаку Центарот за култура непречено може да одржува изложби, концерти и настапи во ликовната галерија и во фоајето.

Неодамна, по инспекциската контрола вон употреба е ставена зградата на Народниот театар „Војдан Чернодрински“, каде се најдени 15 безбедносни недоследности и пропусти. Со години Ансамблот и градот бараат да се изгради нов театар.

Центарот за култура „Марко Цепенков“ е ставен во употреба во 1979 година.

The post ПОД КЛУЧ СЕ ГОЛЕМАТА САЛА ВО ЦЕНТАРОТ ЗА КУЛТУРА И КИНОТО „МИС СТОУН“ Нема хидрант, ни громобран, а агрегатот не е во функција appeared first on plusinfo.mk.

Главните актери во преставата, Ненад Митевски, Бојан Кирковски и Наташа Петровиќ, помладата публика добро ги познава од своите омилени претстави во нивниот матичен „Театар за деца и младинци“. Тие ќе се обидат на комичен, едукативен и крајно забавен начин да ѝ пренесат новогодишна магија на најмладата публика.

Преставата говори за магичен свет во кој постојат дури двајца „Дедомразовци“. Преку ликовите, најмладите ќе се запознаат подобро со проблемите со кои се соочуваат двајцата помошници на Дедо Мраз, Тони и Ѕвони, како и со незгодите и збрките кои ќе ги предизвикаат Црни и Токсик, помошници на братот на Дедо Мраз, чија намера ќе биде да ја уништат Новата година.

Билети за преставата може да се најдат на онлајн линкот за продажба www.bileti.mkc.mk или на билетарницата на киното Милениум.

The post ПРИКАЗНА ЗА ФАМИЛИЈАТА МРАЗ Детска новогодишна претстава во кино Милениум appeared first on plusinfo.mk.

– Дваесет и пет години граѓаните во Штип бараа да се отвори киносала, затоа заедно со Киноверзум направивме соработка, го отстапивме просторот на мултимедијалниот центар Киро Глигоров за да се проектираат најновите филмови. Се надевам и очекувам штипјани да ја посетат ова киносала која е една од најсовремените со најсовремена проекција на филмови – вели Јорданов.

Михаела Ѓорчева, основач на Киноверзум, посочи дека ова е прв ласерски проектор со којшто очекуваат врвен квалитет на слика.

– Нормално ги носиме најдобрите и најновите филмови во Киноверзум во Штип. Штипјани може да очекуваат секој четврток нови проекции. Наскоро доаѓаат Копенхамер, доаѓа Барби, така што се надеваме дека 2023 година ќе биде година на добри филмови. Цената на влезниците е 200 денари, а имаме попусти за нашите клуб членови. Инвестицијата досега надминува 100 илјади евра за салата во Штип – вели Ѓорчева.

Во Штип денеска беше поставен и камен темелник на новата катна гаража која ќе биде лоцирана позади Центарот за култура „Ацо Шопов“. Градоначалникот на Штип, Јорданов посочи дека Општина Штип парите на граѓаните одлучи да ги инвестира и во катна гаража на две нивоа.

– Вкупната инвестиција е 11 милиони денари, рокот на изведба е 60 дена. Очекувам во овој временски рок да се заврши, 56 паркинг позиции се предвидени на самата гаража. Ова не е крајна цел затоа што ќе продолжиме во наредните месеци и со дополнителни две катни гаражи во централното подрачје втората катна гаража која ќе почне практично да се гради е помеѓу стоковната куќа „Нама“ и првата станбена зграда веднаш до неа, а третата катна гаража е веднаш кај зградата „Промаја“ која што е едно тесно грло во градот, има потреба од повеќе паркинг позиции – рече Јорданов.

Тој додаде дека се работи на проширување на главните сообраќајници и „Васил Главинов“ и „Маршал Тито“, на нов мост на река Отиња.

– Кога ќе се заврши ова како целина до крајот на годината верувам дека значително ќе се подобри состојбата со сообраќајниот мтеж во централното градско подрачје – вели Јорданов.

The post ШТИП ДОБИ КИНО ПОСЛЕ 25 ГОДИНИ Штипјани ќе може да ги следат најновите филмови во една од најсовремените киносали appeared first on plusinfo.mk.

Според пријавеното во Министерството за внатрешни работи (МВР), како причина се наведува тоа што девојчето кое седело зад мажот удирало со нозете по неговото седиште.

Од полицијата велат дека се работи на расчистување на случајот.

The post ТЕПАЧКА ВО КИНО ВО КАРПОШ Скопјанец истепал малолетничка, со нозете удирала по неговото седиште appeared first on plusinfo.mk.

3Д киноверзум Велес” го најави репертоарот за следните седум дена. Утре, петок од 17 часот е детскиот филм „Неверојатниот Морис” од 19 часот е  „Меган”. Утревечер во 21 часот е повторно „Аватар-патот на водата”, кој  ќе биде прикажан и во сабота и недела од 18 часот и во вторник од 21 часот.

Новото Градско Кино во Велес со најсовремена дигитална опрема, според највисоки светски стандарди со инвестиција на Општина Велес од 76.430 евра, сместено во салата „Бели Мугри” на локалната библиотека беше отворено на 11 октомври 2020 година. Тогаш, истата вечер, премиерно беше прикажан домашниот филм „Стела” со две проекции, по што киното стои затворено две години и три месеци.

По бројните барања и реакции на велешките љубители на киното, истото да биде ставено во функција, локалната власт одлучи киното да го издаде на управување преку јавен повик. На три години користење салата „Бели Мугри” сместена во Локалната библиотека каде е новото кино, ја доби Киниверзум 3Д од Свети Николе. 

The post ЗАПОЧНА СО РАБОТА 3Д КИНОВЕРЗУМ ВО ВЕЛЕС По 17 ипол години ќе се прикажуваат филмови во „11 Октомври“ appeared first on plusinfo.mk.

Од 21 часот, “Исцелител”, на режисерот Ѓорче Ставрески ќе се емитува на “Кино на отворено“, пред Домот на Култура “Билјана Беличанец”. Како и за сите досегашни проекции, влезот е бесплатен, а половина час порано, за најмладите се прикажуваат анимирани филмови од архивата на Македокс.

Летниот филмски фестивал на отворено во организација на Општина Кисела Вода, кој со поддршка од МакеДокс се одржува од вторникот, завршува утре.

The post „ИСЦЕЛИТЕЛ“ НА ОТВОРЕНО Летно кино во Кисела Вода appeared first on plusinfo.mk.

Филмот „Мими“ на Даријан Пејовски својата светска премиера ќе ја има вечерва на отворање на фестивалот.

Настанот ќе се одржува на повеќе локации во градот – на покривот на ГТЦ,  на покривот на Дом на градежници, Музеј на современа уметност, Авто киното на Водно, во МКЦ парк, во кино Милениум и Кинотека.

Фестивалот ќе заврши со „Нема да си сама“ на Горан Столевски.

Отворањето и затворањето на 21. CINEDAYS, се во знак на македонските режисерски имиња, информираат организаторите.

The post CINEDAYS ПОЧНУВА ДЕНЕСКА Ќе го отвори филмот „Мими“ на Даријан Пејовски appeared first on plusinfo.mk.

Продукцијата на оваа особено мрачна верзија на филмовите за Бетмен во која глуми англискиот актер Роберт Патинсон чинеше околу 200 милиони долари.

„Spider-Man: No Way Home“ на „Sony“ е вториот филм од периодот на пандемијата кој ја премина границата од 100 милиони долари во првиот викенд од киносалите. По неговата премиера во декември, забележа огромна продажба на билети од 260 милиони долари.

Авантуристичкиот филм на „Sony“ – „Uncharted“, во кој Том Холанд го глуми ловецот на богатство, падна на скалата заработувајќи досега вкупно 11 милиони долари.

Комедијата „Куче“ на „Метро Голдвин Мајер“ со Ченинг Тејтум во главната улога го зазеде третото место со 6 милиони долари.

„Спајдермен“ е на четвртото место со 4,4 милиони долари заработени од домашна продажба на билети по 12 недели прикажување во киносалите. На меѓународниот пазар досега има заработено околу милијарда долари.

Петтото место, еден пониско во однос на минатата недела, го зазеде „Смрт на Нил“ на Кенет Брана со 2,7 милиони долари.

The post ЗА САМО ЕДЕН ВИКЕНД „Бетмен“ заработи 128,5 милиони долари (ВИДЕО) appeared first on plusinfo.mk.