Севернокорејскиот лидер Ким Јонг Ун повика на дополнително зајакнување на нуклеарниот арсенал на земјата, вклучително и на, како што навел, „експоненцијално“ зголемување на производството на нуклеарен материјал за оружје, објавија државните медиуми во Пјонгјанг.

Според државната новинска агенција КЦНА, Ким за време на посетата на нов производствен капацитет изјавил дека во последните пет години капацитетот на земјата за производство на нуклеарен материјал за воени цели е повеќе од двојно зголемен и дека тој тренд треба дополнително да се забрза.

Информациите засега не се потврдени од независни извори.

Северна Кореја веќе две децении се соочува со санкции од Обединети нации поради својата нуклеарна програма. Властите во Пјонгјанг тврдат дека нуклеарното оружје е неопходно за заштита од надворешни закани.

Од друга страна, САД, Јужна Кореја и Јапонија оценуваат дека нуклеарната програма на Северна Кореја претставува сериозна закана за регионалната и глобалната безбедност.

The post СЕВЕРНА КОРЕЈА ГО ЗАБРЗУВА НУКЛЕАРНОТО ПРОИЗВОДСТВО Ким најави ново јакнење на арсеналот appeared first on plusinfo.mk.

Страшни детали од нов извештај откриваат брутални казни што се спроведуваат во Северна Кореја, вклучувајќи затвореници претепани до смрт со чекани, егзекуции на бремени жени и ликвидации поради навредување на лидерот Ким Џонг Ун.

Во некои од најшокантните случаи, затвореници биле убиени во тајни „внатрешни егзекуции“ со употреба на тапи предмети, додека сведоци тврдат дека биле извршувани и стрелања на малолетници и покрај официјалните тврдења дека вакви казни се забранети.

Вознемирувачките наоди се дел од извештај на Работната група за транзициска правда (TJWG), кој ги мапира егзекуциите низ затворената држава и укажува на нивно зголемување за време на пандемијата на ковид-19.

Методите на егзекуција варираат во зависност од локацијата. Во населени места, каде што истрелите би привлекле внимание, почесто се користеле тапи предмети како метални шипки и чекани.

144 егзекуции за 13 години

Според извештајот, во периодот од 2011 до 2024 година, односно за време на владеењето на Ким Џонг Ун, се потврдени 144 егзекуции. Од нив, дури 65 се случиле по воведувањето на рестриктивните мерки за време на пандемијата.

Податоците, пренесени и од Јонхап, покажуваат дека егзекуциите се намалиле во периодот од 2015 до 2019 година, но нагло пораснале по затворањето на границите во 2020 година.

Во следните пет години, бројот на смртни казни се зголемил за повеќе од 100 проценти, додека бројот на засегнати лица пораснал за речиси 250 проценти.

Казни за филмови, музика и религија

Посебно зголемување е забележано кај случаи поврзани со гледање јужнокорејски серии, филмови и K-pop музика, како и религиозни активности.

Според извештајот, властите донеле нови закони во текот на пандемијата, со кои овие дејствија се казнуваат многу построго, а низ земјата се идентификувани повеќе локации за егзекуции.

Брутални случаи што ја шокираа јавноста

Извештајот документира и ретки, но особено сурови убиства, меѓу кои и егзекуции со чекани и метални боздогани во тајни, нејавни казнувања.

Дезертери сведочат и за егзекуции на бремени жени и малолетници, што директно ги демантира официјалните позиции на Пјонгјанг.

Еден од најшокантните случаи е ликвидацијата на менаџер на државна фарма за желки, кој ја изгубил наклонетоста на Ким Џонг Ун. Според извештаите, тој бил погубен откако сите млади желки на фармата угинале поради недостиг на храна и електрична енергија.

Државната новинска агенција претходно објави дека лидерот остро ги критикувал одговорните, а подоцна се појавиле информации дека менаџерот бил егзекутиран за да се „постави пример“.

Авторите на извештајот предупредуваат дека, со зајакнувањето на политичката контрола, постои ризик репресијата дополнително да се интензивира.

The post БРЕМЕНИ ЖЕНИ И ДЕЦА ЛИКВИДИРАНИ СО ЧЕКАНИ Сведоци откриваат како режимот на Ким казнува без милост appeared first on plusinfo.mk.

Севернокорејскиот лидер Ким Џонг Ун во писмо со благодарност до својот руски колега Владимир Путин изјави дека неговата земја секогаш ќе ја поддржува Русија, објавија денеска севернокорејските медиуми.

„Изразувам искрена благодарност за вашите топли и срдечни честитки за моето повторно преземање на тешките одговорности на шеф на државата“, напиша Ким.

Законодавното тело на Северна Кореја го реизбра Ким Џонг Ун за претседател во неделата.

„Денес, Демократската Народна Република Кореја (ДНРК) и Русија тесно соработуваат за да го одбранат својот суверенитет“, напиша Ким во писмото.

Ким нагласи дека Пјонгјанг секогаш ќе стои зад Москва затоа што „тоа е наш избор и наша непоколеблива волја“.

Врските меѓу двете земји се зајакнаа од почетокот на руската инвазија на Украина во 2022 година, кога Пјонгјанг испрати војници и системи за оружје за поддршка на војната на Русија, а во 2024 година потпишаа договор за меѓусебна одбрана.

Северна Кореја, која е изолирана земја, добива финансиска помош, храна и енергија за возврат, покрај воена технологија.

Друг руски сојузник, белорускиот претседател Александар Лукашенко, денеска пристигна во дводневна посета на Северна Кореја.

The post СЕВЕРНА КОРЕЈА СЕКОГАШ ЌЕ ЈА ПОДДРЖУВА РУСИЈА Ким Џонг Ун му благодари на Путин за честитките за реизборот appeared first on plusinfo.mk.

На вчерашната седница на Врховното народно собрание на Северна Кореја, Ким Џонг-ун повторно беше именуван за претседател на Комисијата за државни работи, објави денеска државната новинска агенција КЦНА.

Седницата, која е прва по деветтиот партиски конгрес на Работничката партија во февруари, се фокусираше на дебати за измени и дополнувања на Уставот, како и на петгодишниот економски план на земјата. Парламентот, кој ја одобрува државната политика, редовно ги формализира партиските одлуки во законски решенија.

Сепак, сè уште е неизвесно дали Пјонгјанг ќе го ревидира Уставот за да ја формализира политиката на „две непријателски држави“, што го редефинира односот со Јужна Кореја.

Одлуката дојде по извесно повлекување на Ким Јо-џонг од Комисијата за државни работи. Сестрата на Ким беше член на Комисијата од 2021 година, но оваа година не се најде на списокот на највисокото раководно тело.

– Повторното именување на Ким Џонг-ун ја потврдува континуираната стабилност во врвното раководство, но прашањата за економијата и меѓународните односи остануваат критични за следниот период – велат аналитичари за политиката на Северна Кореја.

The post СЕВЕРНА КОРЕЈА ГО ПОТВРДИ ЛИДЕРОТ Ким Џонг-ун останува на чело на државата appeared first on plusinfo.mk.

Северна Кореја ќе го зајакне пријателството и врските со Кина, се вели во телеграмата испратена од лидерот на земјата Ким Џонг-ун до кинескиот претседател Си Џинпинг.

Ким Џонг-ун му се заблагодари на својот кинески колега за честитките за неговиот повторен избор за генерален секретар на Работничката партија на Кореја на 9-тиот Конгрес на партијата.

„Да се ​​продолжи со зајакнување и со развивање на традиционалното корејско-кинеско пријателство во согласност со барањата на новата ера и аспирациите на народите на двете земји – ова е непоколебливата позиција на нашата Партија и владата на републиката. Се надевам дека на патот на унапредување на заедничката социјалистичка кауза, интеракцијата меѓу двете партии, двете земји – ќе биде поблиска“, се вели во телеграмата.

Деветтиот Конгрес на партијата се одржа во Пјонгјанг од 19 до 25 февруари. Учествуваа 5.000 делегати и 2.000 набљудувачи.

The post СЕВЕРНА КОРЕЈА ЌЕ ГИ ЗАЈАКНЕ ВРСКИТЕ СО КИНА Ким Џонг-ун посакува пријателство во согласност со новата ера appeared first on plusinfo.mk.

Нови станбени блокови никнаа во Пјонгјанг. Клучевите ги добиваат семејствата на војниците загинати во прекуокеански операции. Севернокорејскиот лидер Ким Јонг Ун лично ја отвори населбата, придружуван од својата ќерка Ким Џу Ае, за која се вели дека наскоро и официјално ќе стане негова наследничка.

Точниот број на севернокорејски војници убиеи во Русија не е познат, бидејќи Пјонгајанг не објавува бројки. Според западни извори и службите на Јужна Кореја, се работи за 6.000 севернокорејски загинати војници, од вкупно испратени 14.000 на фронтот на западот на Русија.

„Духот и жртвата“ како темел на новата населба

Во говорот при отворањето на населбата Ким изјавил дека новата населба ги симболизира „духот и жртвата“ на паднатите војници.

Јонг Ун додал дека домовите ќе им помогнат на ожалостените семејства „да бидат горди на своите синови и сопрузи и да живеат среќно“.

Severokorejský šogůn Kim Čong-un otevřel v Pchjongjangu novou rezidenční čtvrť pro rodiny vojáků, kteří bojovali/jí v Rusku, zejména v Kurské oblasti. pic.twitter.com/0f43c1SM9h

— Strategické Myšlení (@StrategickeM) February 16, 2026

Фотографиите објавени од државната телевизија на Северна Кореја го прикажуваат лидерот како ги теши семејствата. Ги посетува нивните новоизградени станови.

Ќерката во прв план, наследничка во сенка?

Покрај Ким стоела неговата ќерка Џу Ае. Таа во последните 3 години сè почесто се појавува на државни настани.

Била присутна на ракетни тестови. На воени годишнини. На големи национални прослави.

Агенцијата Ројтерс оценува дека расте шпекулацијата дали тинејџерката се подготвува за можно наследување.

Северна Кореја и Русија потпишаа договор за меѓусебна одрбана во 2024 година. Западните медиуми шпекулираат дека за возврат на Пјонгјан му е ветена воена технологија од Москва.

The post 📷 КИМ ЈОНГ УН ИМ ПОДИГНА НАСЕЛБА НА ЗАГИНАТИТЕ ВОЈНИЦИ Неговата ќерка беше ѕвезда на отворањето appeared first on plusinfo.mk.

Севернокорејскиот лидер Ким Џонг Ун ја избрал својата ќерка како можен наследник, соопшти јужнокорејската разузнавачка служба пред пратениците во Сеул.

Според проценките на Националната разузнавачка служба (НИС) на Јужна Кореја, 13-годишната Ким Џу Ае сè појасно се позиционира како идна наследничка на власта во Северна Кореја.

Во последните две години таа редовно се појавува покрај својот татко на државни церемонии, воени паради и клучни настани, меѓу кои и одбележувањето на годишнината на Корејската народна армија, како и посетата на мавзолејот Кумсусан Палата на Сонцето – симболично место каде се положени телата на поранешните лидери.

Јужнокорејските разузнавачи велат дека при проценката земале предвид „низа околности“, особено нејзиното зголемено и внимателно режирано јавно присуство. Според пратеникот Ли Сеонг-квон, таа веќе е во фаза на „назначување за наследничка“.

Иако севернокорејските државни медиуми никогаш официјално не го објавиле нејзиното име, туку ја нарекуваат „почитувано“ или „најсакано дете“, се верува дека станува збор за Ким Џу Ае – информација што првпат во јавноста ја спомена поранешната НБА ѕвезда Денис Родман по неговата посета на Пјонгјанг во 2013 година.

Од основањето на државата во 1948 година, Северна Кореја е управувана исклучиво од машки членови на семејството Ким – од основачот Ким Ил Сунг, преку неговиот син Ким Џонг Ил, до сегашниот лидер Ким Џонг Ун. Доколку Џу Ае навистина биде формално потврдена како наследничка, тоа би претставувало историски пресврт во системот на наследување.

Дали конгресот ќе донесе официјална одлука?

Очите сега се вперени во претстојниот конгрес на владејачката Работничка партија, најголемиот политички настан во земјата што се одржува на секои пет години. Аналитичарите сметаат дека токму таму би можеле да се испратат посилни сигнали за идниот план за наследување.

Некои експерти веруваат дека Ким Џонг Ун постепено ја гради сликата за својата ќерка како природен продолжувач на династијата, додека други предупредуваат дека нејзината возраст – како и строгите партиски правила – засега не дозволуваат формално назначување на висока функција.

Сепак, честите јавни настапи и симболичните гестови сугерираат дека во Пјонгјанг се подготвува долгорочен план за транзиција на власта.

The post 📽️ ПРВПАТ ЖЕНА НА ЧЕЛО НА СЕВЕРНА КОРЕЈА Ким Џонг Ун постепено ја претставува наследничката appeared first on plusinfo.mk.

Лидерот на Северна Кореја Ким Јонг Ун се појави на отворање на 5 хотели со својата ќерка Џу Ае, што тамошните државни медиуми го претставија како симбол на „просперитет и континуитет“.

Северна Кореја ги отвора хотелите во планинската зона Самџијон, во близина на границата со Кина.

Ким изјавил дека хотелите се „јасен доказ за растечкиот статус на народот и потенцијалот за развој на земјата“. Настанот доаѓа непосредно пред првиот партиски конгрес по 5 години, закажан на почетокот на 2026 година, каде што ќе се усвои нов петгодишен план за економски развој.

Corea del Norte consolida la ciudad de Samjiyon con la construcción de cinco nuevos hoteles.

Un proyecto que combina urbanismo planificado, arquitectura integrada y servicios turísticos modernos. pic.twitter.com/NAgtwF5Vh1

— Feker (@Fekerfanta) December 22, 2025

Во последните месеци Ким присуствуваше на неколку отворања на фабрики, нагласувајќи ја самодоволноста на економијата. Според државната агенција КЦНА, отворањето на туристичките капацитети треба да го зголеми приходот од внатрешен туризам и да ги демонстрира технолошките капацитети на зАналитичарите во Сеул и во Токио сметаат дека повторената појава на Џу Ае, сè почесто позиционирана покрај татко ѝ, е индикатор дека режимот постепено ја подготвува за наследничка на династијата Ким.емјата.

Јонг Ун ја носеше својата ќерка и при свеченото пуштање во употреба на воени бродови, а таа беше со него и на прославата во Кина на 75-годишнината од воспоставувањето на дипломатските односи меѓу Пјонгјанг и Пекинг, каде што заедно присуствуваа на културната свеченост и парадата во чест на сојузот меѓу двете земји.

The post КИМ JОНГ УН ГО ПОДГОТВУВА ТРОНОТ ЗА ЏУ АЕ Пет хотели, еден симбол и нова политичка порака appeared first on plusinfo.mk.

Севернокорејскиот лидер Ким Џонг Ун јавно ги пофали офицерите и војниците од инженерската единица на армијата кои се вратија од мисија во Русија, оценувајќи го нивното учество како „херојско однесување“ и „масовен хероизам“.

На свечена церемонија во Пјонгјанг, Ким ги поздрави припадниците на 528-от инженерски полк на Корејската народна армија, кои поминаа 120 дена во странство, извршувајќи борбени и инженерски задачи. Тој истакна дека единицата покажала „апсолутна лојалност“ кон владејачката Работничка партија на Кореја и кон државата, додавајќи дека дисциплината, политичката индоктринација и единството меѓу војниците треба да послужат како пример за целите вооружени сили.

Според севернокорејските медиуми, полкот бил испратен на почетокот на август во рускиот регион Курск, каде учествувал во воените активности на Москва во конфликтот со Украина. Руското Министерство за одбрана минатиот месец потврди дека севернокорејските војници одиграле значајна улога во одбивањето на украинскиот упад во регионот, а подоцна и во расчистувањето на теренот од мини.

Иако официјалниот Пјонгјанг соопшти дека девет војници загинале за време на мисијата, јужнокорејски, украински и западни извори тврдат дека Северна Кореја испратила околу 14.000 војници во Курск минатата година, од кои повеќе од 6.000 наводно биле убиени. Овие бројки не се потврдени од севернокорејските власти.

Ким Џонг Ун најави дека 528-от инженерски полк ќе биде одликуван со Орден за слобода и независност, додека на деветтемина загинати војници им беше постхумно доделена титулата Херој на Демократската Народна Република Кореја, заедно со други државни признанија.

Церемонијата се одржа вчера во главниот град Пјонгјанг, во присуство на високи воени функционери, партиски лидери, членови на семејствата на војниците и бројна публика.

The post ОРДЕНИ И ПОФАЛБИ ЗА ХЕРОИТЕ ОД КУРСК Ким Џонг Ун одликува полк по учеството во војната на Русија appeared first on plusinfo.mk.

Ќе има ли смртна казна за бродарот кој не сакајќи го насука во едно дрво чамецот во кој се возеше севернокорејскиот пријател?, гласат потсмешливите коментари за видео од јули 2024 кое стана вирално.

Јонг Ун бил на увид на поплавите во Синуиџу.

Kim Jong-un crashed into a tree

The boatman accidentally steered the boat right into a tree branch and messed up the leader’s hair.

The boatman and the tree were then shot? pic.twitter.com/Ts0LO8Sizo

— NEXTA (@nexta_tv) August 2, 2024

The post 📽️ КАЈЧЕТО НА КИМ ЈОНГ УН ВЕСЛА БЕЗ ПЛАТНО Тешко на бродарот кој го насука во дрво appeared first on plusinfo.mk.