Радио Слободна Азија (РФА) известува дека Севернокорејците мора да се воздржуваат од пиење алкохол, пазарење, па дури и смеење во тој период.

Ким Јонг-ил беше врховен лидер на Северна Кореја од 1994 до 2011 година, кога почина на 70-годишна возраст, а го наследи неговиот најмлад син Ким Јонг-ун.

Иако севернокорејската влада вообичаено одржува десетдневна жалост, оваа година тој период е продолжен на уште 24 часа по повод десетгодишнината од смртта на поранешниот лидер, пренесува Хина.

Во интервју за РФА, Кореец од градот Синуи на североисточната граница изјави дека „за време на периодот на жалост не им е дозволено да пијат алкохол, да се смеат или да се занимаваат со слободни активности“. Појасни дека многу активности се забранети, особено на самиот ден на годишнината, кога е забрането дури и купување намирници.

– Во минатото, многу луѓе кои беа фатени пијани за време на периодот на жалост беа апсени и третирани како идеолошки криминалци. Тие беа однесени и никогаш повеќе не се видени. Дури и ако член на вашето семејство умре во периодот на жалост, не смеете да плачете. Луѓето не можат ни да ги прослават своите родендени за времето на жалост – рекол тој.

Друг извор, жител на западната провинција Јужен Хвангхае, откри дека полицијата била однапред предупредена да внимава на луѓето кои се чини дека не тагуваат.

– Тие ќе имаат посебна должност да се справат со оние кои го нарушуваат расположението на колективната тага. Тоа е посебна должност на полицијата која трае еден месец. Слушнав дека службениците на редот воопшто не можат да спијат – изјавил изворот.

The post НЕМА СМЕЕЊЕ, НЕМА ПИЕЊЕ, НЕМА ПАЗАРЕЊЕ! Северна Кореја на (не)обичен начин ќе одбележи 10-годишнина од смртта на Ким Јонг-ил appeared first on plusinfo.mk.

Како што пренесоа повеќе медиуми, државната власт издала наредба со која се забранува јавно искажување на среќа, додека трае периодот на чевствувањето на поранешниот лидер.

„Во текот на периодот на жалење, не смееме да консумираме алкохол, да се смееме и лежено да се однесуваме – вели еден жител на Синиџу, град во Северна Кореја, јавува Радио слободна Азија.

Истиот извор наведува дека на 17 декември, на денот кога пред 10 години почина Џонг-ил, нема да работат ни продавниците за храна.

Ким Џонг-ил владееше со Северна Кореја во периодот од 1994 до 2011 година, а на функцијата го наследи Ким Џонг-ун.

The post ЗАБРАНА ЗА СМЕЕЊЕ, АЛКОХОЛ И ЗА ЛЕЖЕРНИ АКТИВНОСТИ Строги правила во Северна Кореја appeared first on plusinfo.mk.