Изградбата на автопатот Прилеп-Битола се одвива со одлична динамика, а првите километри од новата автопатска делница се очекува да бидат готови веќе следната пролет. Ова денеска го истакна заменик-претседателот на Владата и министер за транспорт, Александар Николоски, при посетата на Општина Могила, оценувајќи изградбата на автопатот ќе има големо значење за развојот на целиот Пелагониски регион.

– Динамиката на изградбата на автопатот Прилеп-Битола е одлична, работиме со одлично темпо, роковите ќе бидат запазени. Очекувам веќе следната пролет да ги имаме првите километри автопат на овој потег, што многу ќе значи за движењето, за економијата и за поврзувањето не само на Прилеп и Битола, туку и на општините Могила и Новаци, како и на Ресен и Демир Хисар – изјави Николоски.

Тој нагласи дека новата автопатска делница ќе придонесе за подобра сообраќајна поврзаност, побрз транспорт и нови можности за економски развој на регионот.

– Тоа многу ќе значи за заживувањето на целиот овој регион и за поттикот на економијата, имајќи предвид дека значаен дел од економијата е токму во Пелагонискиот регион – додаде Николоски.

The post ПРВИТЕ КИЛОМЕТРИ ОД АВТОПАТОТ ПРИЛЕП-БИТОЛА ЌЕ ГИ ИМАМЕ СЛЕДНАТА ПРОЛЕТ Изградбата се одвива со одлично темпо appeared first on plusinfo.mk.

Во четвртото тримесечје од 2025 година вкупниот број на превезени патници во патничкиот патен превоз изнесува 10.055.000 и е намален за 8,5 проценти во однос на четвртото тримесечје од 2024 година, објави денеска Државниот завод за статистика.

Во меѓународниот превоз бројот на превезени патници е намален за 53,3 проценти, во градскиот за 10,4 проценти, во меѓуградскиот за 6,7 проценти, а во приградскиот за 3,6 проценти.

Вкупниот број на патничките километри во последниот квартал од минатата година е 242.740.000 и е намален за 21,7 проценти во однос на истиот период од претходната година. Притоа во градскиот превоз патничките километри се зголемени за 26,4 проценти, а намалени се во меѓународниот за 35,5 проценти, во приградскиот за 3 проценти, а во меѓуградскиот за 1,7 отсто.

Во 2025 година превезени се вкупно 38.739.000 патници со автобус, од кои во градскиот 19.848.000, во приградскиот 15.071.000, во меѓуградскиот 3.303.000, а во меѓународниот 516.000 патници.

The post БРОЈОТ НА ПРЕВЕЗЕНИ ПАТНИЦИ СО АВТОБУС НАМАЛЕН ЗА 8,5% Во меѓународниот превоз за 53,3%, во градскиот за 10,4% appeared first on plusinfo.mk.

„Денеска пуштаме во употреба нова делница од автопатот Кичево-Охрид. Ова не е само уште еден пат, ова е силен доказ дека Македонија се движи напред, дека се гради и дека се надминуваат долгите години на застој“.

Вака изјави премиерот Христијан Мицкоски во врска со пуштањето на делцниата од Климешанти до Охрид во распон од 17 километри, како дел од автоптат Кичево-Охрид, за кој рече дека само пред една деценија бил симбол на недоврешени работи.

Премиерот ги наброја и другите патишта кои досега се изградени во мандатот на владата кој влегува во 15 месец, велејќи дека се работи за вкупно 70 километри нови патишта, односно дека со  новата делница бројката ќе достигне 87,5 километри.

– За само година и половина ги ставивме во употреба: делницата Градско-Фариш од 25,7 километри, делницата Страцин-Крива Паланка од 25,5 километри, делницата Врбјани-Ботун од околу 20 километри.

Зборувајќи се економијата, Мицкоски истакна дека бруто домашниот производ забележал раст од 3,4% во вториот квартал оваа година, што ја сврствува Македонија во петте земји во  Еверопа со најголема ставка на реален раст на БДП.

– Ако во минатиот, првиот квартал бевме на четвртото место, сега го делиме третото место со Хрватска. Пред нас се Ирска и Кипар со 3,6%. Исто така дозволете ми да ве информирам дека мерките на владата и активната работа којашто ја правиме изминатиот период генерираа нови 10.000 работни места, односно ако се спореди бројот на вработени во вториот квартал 2024 година со нешто повеќе од 691 илјада со бројот на вработени во вториот квартал на 2025 година нешто повеќе од 701 илјада, тоа значи дека имаме креирано за една година 10 илјади нови работни места, имаме намалено нешто повеќе од 7 илјади невработени кога ќе се споредат овие два квартали. Можеби тие бројки се само бројки на хартија, но тие бројки се дел од реалниот живот, тоа се семејства, тоа се луѓе, тоа се вистини – рече Мицкоски додавајќи дека извозот од јануари до јули ова година порасна побрзо отколку увозот.

Вицепрмиерирот Александар Николоски кој исто така се обрати на пуштање на делницата Климештани-Охрид изјави дека за неполни 2 месеца се пуштени 34 километри од автопатот Кичево-Охрид и дека владата планира целиот автопат да биде завршен до крајот на следната година. Тој вели дека разликата е јасна со времето на претходната влада кога, како што вели, 7 години ништо не се работело.

– Пред нас следуваат нови предизвици, очекувам за месец и половина да се заврши и клучката кај Требениште и да биде ставена во функција. Исто така ги воведуваме и изведувачите за стабилизација на косините најголемиот проблем на овој автопат и заеднички да завршиме и да го сработиме. Овој автопат треба да се надоврзе на автопатот кој ќе оди од Букојчани до Кичево за што има активна постапка за избор на изведувач и од Букојчани до Гостивар активно се работи и очекувам крајот на 2028, почеток на 2029 година да имаме целокупно автопатско решение кои ќе оди од Скопје-Тетово-Гостивар-Кичево-Стуга и Охрид.

The post 📽️ ПУШТЕНА ДЕЛНИЦАТА КЛИМЕШТАНИ-ОХРИД, ДОКАЗ ДЕКА СЕ ГРАДИ За 15 месеци владин мандат изградени се над 80 километри патишта appeared first on plusinfo.mk.

Снимката од експлозијата која кружи на социјалните мрежи сугерира на сериозен напад. Мета на беспилотните летала била воздухопловна база каде имало стратешки бомбардери и авиони за полнење гориво.

– Силите за противвоздушна одбрана на Министерството за одбрана соборија три беспилотни летала над регионот Рјазан – изјави Павел Малков гувернерот на регионот Рјазан.

Украинците пробале да го погодат и пристаништето Новоросијск, каде се стационирани ракетни носачи.

Украинската војска се борi да ги задржат териториите заземени во офанзивата во Курск, а истовремено Русите напредуваат во Источна Украина.

Drone attack was reported across Russia on social media.

Explosions were heard around the Dyagilevo Airbase, close to Ryazan.

Drones and explosions are also reported in Novorossiysk, Taganrog, and Bryansk. pic.twitter.com/4XrU61Osf4

— Anton Gerashchenko (@Gerashchenko_en) December 4, 2024

Overnight #Ukraine looks to have again targeted the Diagilevo air base outside city of Ryazan – which stations long-range bombers used to attack #Ukraine. Locals report multiple explosions in the area & Russia said it shot down drones in the region. https://t.co/0dZbHEtgQ2 pic.twitter.com/aSQUsgfUSE

— Glasnost Gone (@GlasnostGone) December 4, 2024

The post 📽 УКРАИНЦИТЕ ГАЃАА БАЗА НА 200 КИЛОМЕТРИ ОД МОСКВА Цел им биле стратешките авиони бомбардери appeared first on plusinfo.mk.

Овој резултат на 30-годишната Кенијка е за речиси две минути подобар од претходниот рекорд што го постави Етиопјанката Тигст Асефа (2:11:53) на минатогодишното издание на Берлинскиот маратон.

Чепнгетич уште на самиот старт наметна силен ритам, а на половина од трката се оддели од конкурентките и дојде до својата трета титула на маратонот во Чикаго.

Ова е четврти пат во историјата да биде подобрен светскиот рекорд на маратонската трка во Чикаго.

Во 2001 година, Кенијката Кетрин Недереба стана првата маратонка која истрча 42 километри и 195 метри за помалку од два часа и 19 минути (2:18:47).

Една година подоцна, Британката Пола Редклиф го постави првото „најдобро време во историјата“ (2:17:18) официјално признаено од Меѓународната атлетска федерација, додека Кенијката Бригид Косгеи ја спушти границата на рекордот под два часа и 15 минути во 2019 година (2:14:04).

The post КЕНИЈКА ГО ПРОБИ СВЕТСКИОТ РЕКОРД ВО ЖЕНСКИ МАРАТОН Истрча 42 километри за 2 часа и 10 минути appeared first on plusinfo.mk.

За 17% е намален вкупниот број на превезени патници во првото тримесечје од 2024 година во однос на истиот период лани, покажуваат податоците на Државниот завод за статистика.

Во бројки ова тримесечје се превезени 10.766.000 луѓе.

Според видот на превозот, бројот на превезените патници во градскиот превоз е намален за 22,2 %, во приградскиот превоз е намален за 13,1 %, во меѓуградскиот превоз е зголемен за 6,6 %, а во меѓународниот превоз е намален за 32,6 %.

Во првото тримесечје од 2024 година, во однос на истиот период од 2023, вкупниот број патнички километри во патниот патнички превоз е намален за 12 %.

Според видот на превозот, бројот на патничките километри во градскиот превоз е намален за 1,6 %, во приградскиот превоз е намален за 8,6 %, во меѓуградскиот превоз е зголемен за 14,2 %, а во меѓународниот превоз намалувањето изнесува 27,7 %.

The post АГОНИЈАТА НА АВТОБУСКИОТ ПРЕВОЗ ПРОДОЛЖУВА Најкритично е во меѓународниот превоз кој бележи пад од 32,6% на превезени патници appeared first on plusinfo.mk.

Минатата година со 1.556 такси возила се превезени 14.341.000 патници, од кои 12.749.000 во градскиот превоз, а во меѓуградскиот 1.592.000 патници, објави денеска Државниот завод за статистика (ДЗС).

Таксистите извозиле вкупно 55.793.000 километри, од кои 47.487.000 низ градските улици, додека во превозот меѓу градовите се остварени 8.306.000 километри.

Податоците за такси-превозот се добиени од 227 извештајни единици.

Во периодот за кој е водена статистиката таксистите потрошиле 184 тони бензин,  2.752 тони дизел и  2. 239 тони автогас.

The post ТАКСИСТИТЕ ЛАНИ ПРЕВЕЗЛЕ ПОВЕЌЕ ОД 14 МИЛИОНИ ПАТНИЦИ За да стигнат на бараните адреси извозиле близу 56 милиони километри appeared first on plusinfo.mk.

Земјотресот бил на длабочина од пет километри.

Епицентарот на земјотресот бил на 19 километри западно од Крф, а засега нема информации за евентуална материјална штета.

The post ЗЕМЈОТРЕС КАЈ КРФ Бил на длабочина од 5 километри appeared first on plusinfo.mk.

– На седницата на Советот на Град Скопје Данела Арсовска од говорницата рече дека приватните превозници имаат 70 автобусите коишто ги одржуваат, а на прес-конференција рече дека „Слобода превоз“ има 50. Приложувам документ со нејзин потпис, кој го има и во секторот за сообраќај, со кој се потврдува дека „Слобода превоз“ има 131, а во „Макекспрес“ има 77 автобуси или вкупно 208 во сопственост на правни лица со лиценца и извод од лиценца за секој автобус со кој се врши превоз на патници – рече Јовановски на денешната прес-конференција.

Во Огласот кој го објавила Арсовска се барало поседување определен број возила и вработени возачи. Доколку не ги исполнат тие услови, превозниците не можат законски да ги одржуваат линиите кои се доделуваат. Бројот за двата пакета линии изнесува 115 автобуси и 244 возачи.

– Директорот на ЈСП на седницата кажа дека тие немаат долг кон приватните превозници. Тој повеќе пати кажува дека долг не постои и дека ако постои треба да се тужи. Постои порамнување во врска со долгот, т.н. аналитичка картичка од сметководството на ЈСП и она на „Слобода превоз“ заклучно со 30.11.2020 година во 10.53:57 секунди која изнесува 61.812.593 денари. Овој долг се однесува на дел за август, цел септември и цел октомври. Долгот со доаѓањето на Арсовска за градоначалник изнесуваше 19.811.516 денари, а сега е зголемен повеќе од 3 пати, односно 300 проценти, а долгот кон „Макекспрес“, според нив, изнесува 29.949.867 денари – рече директорот на „Слобода превоз“.

Јовановски посочи дека долгот се докажува со доставување фактури од „Слобода превоз“ и од „Макекспрес“, што е регулирано во договорот со ЈСП и Град Скопје. Според тој договор, најпрво се изготвува месечен извештај-табела од ЈСП, т.е. ОКЦ – контролниот центар, потоа тој извештај оди во Град Скопје во секторот за сообраќај, одделението за мониторинг и контрола каде се проверува и коригира точноста на податоците и после таа верификација се враќа во ЈСП. Таквиот верифициран извештај се потврдува со допис од верификаторот и потоа се доставува од „Слобода превоз“ и од „Макекспрес“. Врз основа на тие податоци може да се состават фактури и никако поинаку.

– Во тековниот месец пред да се изработи конечната фактура ЈСП согласно член 4 точка 3 од Договорот е должен кон „Слобода превоз“ и кон „Макекспрес“ да врши неделни аконтативни (авансни уплати) кои се за 30 проценти намалени од вкупниот број реализации на возниот ред (извозени километри) од средствата добиени од возни документи (билети, превоз на ученици и друго). Од јануари оваа година па до денес оваа пракса престанува во целост и делумно е испочитувана само во јули и во август после мое инсистирање. А повторно престана од септември до денес – додава Јовановски.

Кога станува збор за обвинувањата со билетите, тој тврди дека во периодот посочен од градоначалничката ниту задолжувале карти, ниту приватните превозници во своите автобуси продавале. Целиот процес изработка, цена, набавка, дистрибуцијата и приход по секој основ од превоз на патници завршува или треба да завршува на сметката на ЈСП. Причината за непродавање билети во нивните автобуси е што фискалните апарати ниту во автобусите „Слобода превоз“, ниту во „Макекспрес“, а ниту во ЈСП не се во функција. Тие не се исправни, а според договорот тоа е обврска на ЈСП, бидејќи тие се дел од опрема која е на ЈСП и која ЈСП има обврска да ја одржува и сервисира.

– Нивните постојани барања да продолжиме да продаваме карти, но без да издаваме фискална сметка беа одбивани сѐ додека тие не ги поправат фискалните принтери што е нивна обврска. Превозниците постојано ги носеа во гаражите на ЈСП, но или не можеа да се поправат или како наводно поправени и понатаму не беа во функција. Со оглед дека тоа стана масовна појава и почна да им пречи на 06.12.2018 година преку е-маил од ЈСП Хелп деск нѐ информираа дека фискалните принтери треба да се пријават како такви и да се носат во ЈСП сѐ додека не направат договор со овластениот сервисер. До денес е така, а тоа го потврдува податокот од системот на ЈСП кој електронски ја евидентира ваквата состојба – рече Јовановски.

Тој додаде дека и понатаму се прави обид да бидат натерани да продаваат билети во автобусите и тоа со писмено барање на ЈСП од 13.05.2020 година доставено до „Слобода превоз“ со кое се бара да се задолжи со билети и да ги продава во автобусите. Од „Слобода превоз“ одговориле дека не се во состојба тоа да го прават поради тоа што фискалните апарати подолго време не се во функција и дека покрај тоа што барале, ЈСП не ја исполнило договорната обврска да ги поправи или замени фискалните апарати во автобусите. Тој додава дека не смееле да си дозволат да ги принудуваат приватните превозници да продаваат билети без да издадат фискална сметка.

– Видовме и знаеме, а веројатно и вие сте информирани дека возачите на ЈСП продаваат билети во автобусите за кои на патникот не му издаваат фискална сметка, што е спротивно од член 4 став 2 од Законот за регистрирање на готовински плаќања, каде јасно се кажува дека фискална сметка се издава на местото каде се зема готовината и никако поинаку. Токму поради таа законска обврска и не сакајќи да се прекрши законот ние одбиваме да продаваме билети во автобусите до денес, а патниците во приватните автобуси се возат со купен билет од ЈСП кој го валидираат при влез во автобус со што тоа е единствениот начин за да можат да се возат. Контролата за тоа дали некој патник ја платил услугата со тоа што се валидирал ја проверуваат исклучиво контролори на ЈСП. Исто така, во целиот систем на превоз, наплата и валидирање има електронски записи во ЈСП и секаква злоупотреба може лесно да се открие. Според договорите и овластувањата целиот процес е под надзор на ЈСП и на Град Скопје. И конечно и во договорот со ЈСП во член 5 став 4 јасно пишува дека за непочитувањето на готовински плаќања и Законот за додадена вредност сноси членот на групата кој е сопственик на возилото – објасни Јовановски на денешната прес-конференција.

The post ОДБИВАВМЕ ДА ПРОДАВАМЕ БИЛЕТИ БЕЗ ФИСКАЛНИ Ленин со документи ги негираше обвинувањата на Арсовска appeared first on plusinfo.mk.

Жителите на градовите главно одат до најблиските излетнички места, планини, реки или езера да подишат чист воздух и да се релаксираат во убавините. Но има и такви, без разлика дали станува збор за превоз со автомобил, автобус, воз, мотор или со велосипед, кои се одлучуваат да ја истражат Македонија.

Екипа на Плусинфо заедно со членовите на здружението Маседониан бајк рајдерс тргна со велосипед од Скопје, а крајната дестинација беше езерото Глажња кое се наоѓа на околу 45 километри од главниот град и на 17 километри од Куманово и е во близина на селото Липково.

До овој преубав крај се стасува по стариот пат за Куманово кој води преку селото Арачиново, потоа кај Никушак се врти лево каде што патот се двои кон Куманово, а следното село е Виштица. Оттаму преку локалниот пат се стасува до Матејче, па потоа следи Отља и селото Липково. Жителите на овие села нѐ отпоздравуваа и нѐ бодреа во подвигот.

Од Виштица продолживме по патот кој води до браната во Липково, кој за жал, како што можевме да забележиме, на повеќе места е затрупан со шут, што претставува голем проблем ако оваа област сака да стане туристичко место и да ги искористи убавините привлекувајќи туристи од целата земја, но и пошироко.

Во едно интервју градоначалникот на Општина Липково, Еркан Арифи, изјави дека имаат подготвено урбанистички план за развој на туризмот кај езерото Глажња и Липковското езеро, дека се подготвени документите, но дека имало неколку пречки од управата на Македонски шуми. Урбанистичкиот план за браната Глажња предвидува на околу 15 хектари изградба на хотели, мотели, ресторани, викендички, отворени и затворени базени со единствена цел да се активира туризмот во општина Липково.

Липковското езеро е значајна хидроакумулација во Кумановско. Браната на ова езеро е оддалечена 2 км од селото Липково и 12 км од Куманово. Изградено е во 1958 година за водоснабдување, наводнување и производство на струја. Акумулацијата се наоѓа на надморска височина од 478 метри, во долината на Липковска Река, десна притока на реката Пчиња. Должината на акумулацијата изнесува 1.480 метри, а ширината 120 метри. Има зафатнина од 2,25 милиони метри кубни.

Акумулацијата Глажња се наоѓа на 5 км возводно од браната Липково. Овие две акумулации претставуваат систем кој овозможува рекреативни содржани со капење, сончање и риболов. Липковското е помало додека Глажња или уште познато како „Горно Езеро“ е многу поголемо. Покрај самата Липковска Река, настанало со преградување на реките Думановка и Гошинка. Составено е од два крака познати како Думановски и Гошински крак. На 350 метри низводно по езерото може да се забележи мал остров до кој кога езерото е полно може да се дојде само со чамец а летно време кога е празно може по копнен пат. Карактеристично за Думановскиот крак е што има потопено многу куќи, и една црква која сè уште може да се види кога водостојот опаѓа. Исто така, езерото Глажња во март минатата година, заедно со Ликовското езеро беше порибено со 350 килограми крап, па така тука исто така може да уживаат и риболовците.

И покрај проблемите со сметот пред браната Липково, како и тесниот пат, кој треба на повеќе места да се санира или евентуално да се постави нов асфалт со пешачки патеки, местото е прекрасно за прошетка во природните убавини околу вештачките езера, за пикник со семејството и со пријателите.

The post УБАВИНИТЕ НА МАКЕДОНИЈА ЗА КОИ МАЛКУМИНА ЗНААТ Недопрената природа околу езерата Липково и Глажња (ГАЛЕРИЈА) appeared first on plusinfo.mk.