Лидерот на најголемата опозициска партија во Турција ја обвини Москва за ширење заговори и ја предупреди да не се меша во внатрешните работите на Турција, пренесува РТ.

Во Турција в недела, 14 мај, ќе се одржат и претседателски и парламентарни избори.

Третиот претседателски кандидат, Мухарем Инџе, се повлече од трката во четвртокот, велејќи дека бил цел на клеветничка кампања, вклучувајќи лажни видеа и документи кои кружеле на социјалните мрежи.

Според турските медиуми, Инџе ја објавил својата одлука откога на интернет се појави видео на кое наводно се гледа дека тој има вонбрачна врска и се вози во скапи автомобили.

„Ова е дело на ѓуленистичката терористичка група“, рече Инџе алудирајќи на поддржувачите на прогонетиот Фетула Ѓулен, кој живее во САД.

Во објава на турски и руски јазик на „Твитер“ во четвртокот, Киличдароглу, лидер на Републиканската народна партија (ЦХП), напиша:

„Почитувани руски пријатели. Вие стоите зад монтажите, заговорите, дип-фејковите и снимките што беа откриени вчера. Ако го сакате нашето пријателство по 15 мај, тргнете ги рацете од турската држава“.

Не давајќи повеќе детали за обвинувањата, тој додаде дека сè уште се залага за соработка и пријателство со Русија.

Сега во трката за претседателската функција останаа Ердоган, Киличдароглу и Синан Оган. Анкетите на јавното мислење покажуваат дека актуелниот турски претседател е зад Киличдароглу за пет процентни поени.

Засега нема коментар од руските власти во врска со ова. Москва и Анкара имаат блиски врски и Русија е најголемиот снабдувач со енергија на Турција. Претседателот Владимир Путин и Ердоган често разговараат за различни прашања, од енергија до војните во Украина и Сирија.

Коментирајќи ги претстојните избори во Турција, рускиот министер за надворешни работи, Сергеј Лавров, минатиот месец истакна дека Москва никогаш не се меша во внатрешните работи на други земји.

The post МОСКВА ДА ГИ ТРГНЕ РАЦЕТЕ ОД ТУРСКИТЕ ИЗБОРИ! Противниците обвинуваат дека Русија води валкана пропаганда во корист на Ердоган appeared first on plusinfo.mk.

Опозициската предизборна коалиција ја вклучува главната опозициска партија на Кемал Киличдароглу, потоа исламистичката партија на славата, Демократската партија, како и две партии основани од поранешните сојузници на Ердоган – Дева и Иднина.

Во големото финале Ердоган ја покажува силата со мега-изборни митинзи. Огромна маса луѓе, рамо до рамо го преплави плоштадот во Истанбул, навивајќи за Ердоган и неговата партија.

Владетелот на Турција, веќе две децении е пречекуван на митинзите како ѕвезда. Во својот настап тој се пофали со силата и поддршката, упатувајќи напади и навреди кон опозицијата.

– Дали главната опозициска Републиканска народна партија не е про-ЛГБТ? Партијата на правдата и развојот никогаш не била про-ЛГБТ и никогаш нема да биде – рече тој.

Ердоган вели дека на митингот имало повеќе од еден милион и седумстотини илјади луѓе.

Ова според Ердоган, е одлична можност да се соочи со главниот предизвикувач во претседателската трка.

– Господине Кемал, пијте колку сакате. Можете да пиете полно буре пиво, но и тоа нема да ви биде подобро. Мојата нација нема да даде збор на алкохоличар, пијаница – рече Ердоган.

Киличдароглу е кандидат на шест опозициски партии и анкетите му даваат благо водство и предвидуваат можна победа во вториот круг.

– Нема да ја оставиме судбината на Турската Република во рацете на една личност и никој нема да ги прифати зборовите на само една личност – порача Киличдароглу.

Изборната тензија веќе зоврива. Околу 100 луѓе го нападнаа со камења возилото на градоначалникот на Истанбул за време на митинг на опозицијата. Инцидентот се случил во градот Ерзурум, познат како упориште на владејачката исламско-конзервативна Партија на правдата и развојот.

Третата по големина партија во парламентот, прокурдската Демократска партија на народите (ХДП), ја формираше Алијансата за труд и слобода со неколку други левичарски партии.

Политичките опции, кои излегуваат на гласање, можат да влезат во парламентот доколку го поминат прагот од седум отсто од вкупниот број гласови.

Où sont les journalistes européens qui espéraient la fin d’Erdogan ?

Un meeting du Président turc Erdogan rassemblant plus de 1 million 700 000 personnes à Istanbul.

La victoire le 14 mai. pic.twitter.com/RnwgKYWacq

— 𐱅𐰇𐰼𐰚 (@Gadash78) May 7, 2023

The post (ВИДЕО + ФОТО) ДАЛИ ИМПРЕСИВНИТЕ МИТИНЗИ ЌЕ ГО СПАСАТ ОД ПОРАЗ? Ердоган пред најголем тест досега appeared first on plusinfo.mk.

Новите предизборни анкети во Турција покажуваат дека кандидатот за претседател од опозицијата Кемал Киличдароглу води со 10 процентни поени пред претседателот Реџеп Таип Ердоган во пресрет на изборите закажани за 14 мај.

Анкетите, исто така, покажуваат дека опозицискиот блок, познат како Национална алијанса, води и во трката за Парламент со најмалку шест процентни поени пред Партијата на правдата и развојот (АКП) на Ердоган и сојузниците.

Прокурдската Народна демократска партија (ХДП), според сегашната ситуација, има сигурно над 10 проценти.

Анкетата објавена од „Аксој рисрч“ покажа дека Киличдароглу е пред Ердоган со 55,6 отсто од гласовите, наспроти актуелниот претседател кој има 44,4 отсто..

Ердоган се соочува со најтешкиот предизвик досега во неговото 20-годишно владеење, бидејќи неговата популарност паѓа поради зголемените трошоци за живот.

Се поставува и прашањето како ќе гласаат преживеаните од земјотресите што ги погодија провинциите лојални на Ердоган.

Изборите не само што ќе одлучат кој ќе ја води Турција, туку и како ќе ја води, каде ќе се насочи економијата и каква улога ќе продолжи да има Анкара во војната во Украина.

Киличдароглу за кандидат го избра опозицискиот сојуз од шест партии. Тој е претседател на Републиканската народна партија (ЦХП) од 2010 година.

The post ДА НЕ СТЕ МУ ВО КОЖАТА НА ЕРДОГАН Опозиционерот Киличдароглу води со 10 процентни поени appeared first on plusinfo.mk.