Четириесет и едногодишниот португалски фудбалер Кристијано Роналдо е најплатениот играч кој ќе настапи на Светското првенство 2026, објави „Форбс“.

Според податоците, годишниот приход на напаѓачот на португалската репрезентација во периодот јуни 2025 – јуни 2026 изнесува 300 милиони долари. Од нив, 235 милиони долари се од плата и бонуси на теренот, додека 65 милиони долари доаѓаат од приходи надвор од фудбалските терени.

На второто место се наоѓа 38-годишниот Аргентинец Лионел Меси со вкупни 140 милиони долари (70 милиони на теренот и 70 милиони надвор од него).

Трет е 27-годишниот Французин Килијан Мбапе со 95 милиони долари (70 милиони на теренот и 25 милиони надвор од теренот).

Четвртото место го зазема Норвежанецот Ерлинг Халанд со 80 милиони долари, додека петти е Бразилецот Винисиус Жуниор со 60 милиони долари.

The post СО 300 МИЛИОНИ ДОЛАРИ Е НАЈПЛАТЕН НА МУНДИЈАЛОТ Роналдо е финансиски крал на фудбалот appeared first on plusinfo.mk.

Килијан Мбапе повторно е главна тема во фудбалскиот свет, но овојпат причината не е гол или трофеј, туку човекот што стои зад неговата кариера – неговата мајка.

Реал Мадрид со децении е симбол за ѕвезди, моќ и огромни финансиски зделки, но информацијата што деновиве кружи низ фудбалските кругови предизвика вистинска бура. Станува збор за Фајза Ламари, мајката и агентка на Мбапе, која според достапните податоци заработува околу 4,5 милиони евра нето годишно, директно поврзани со договорот на нејзиниот син со „кралевите“.

Овој аранжман јасно покажува колку сериозно Реал Мадрид го гледа Мбапе како проект, но и колку силна била преговарачката позиција на неговото семејство. Не станува збор само за плата на фудбалер, туку за цел систем што доаѓа заедно со него.

Она што дополнително ја прави приказната впечатлива е споредбата со актуелниот ростер на Реал. Финансиски гледано, Фајза Ламари стои над неколку фудбалери кои секојдневно го носат белиот дрес и настапуваат на „Сантијаго Бернабеу“.

Според информациите, таа има поголем годишен приход од Лунин, Франко Мастантуоно, Раул Асенсио, Фран Гарсија, Гонзало, Брахим Дијаз и од Арда Гулер, вкупно седум професионалци од еден од најголемите клубови во светот.

Секако, контекстот е клучен. Фајза Ламари не е само мајка на фудбалска ѕвезда, туку долгогодишен стратег и главен преговарач во кариерата на Мбапе. Таа ги води договорите, ги штити интересите на својот син и внимателно ги планира неговите чекори на и надвор од теренот.

Реал Мадрид го прифатил овој модел како дел од пакетот. Кога ангажирате фудбалер од ваков калибар, не потпишувате само играч, туку и цела структура околу него.

Во Мадрид ова не го гледаат како трошок, туку како инвестиција. Мбапе е спортски, маркетиншки и глобален бренд кој носи огромни приходи и влијание.

Сепак, за навивачите и за неутралните набљудувачи, ваквите бројки секогаш звучат речиси нереално. Особено кога се знае дека дел од фудбалерите што заработуваат помалку од неговата мајка важат за иднината на клубот.

The post МАЈКАТА НА МБАПЕ ПОМОЌНА ОД ПОЛА ТИМ Годишно заработува повеќе од седум играчи на „кралевите“ appeared first on plusinfo.mk.

Тектонска промена во Реал Мадрид. Помалку од едно деноноќие по триумфот на Барселона во Џеда, Флорентино Перез ја пресече ерата на Чаби Алонсо. Она што требаше да стане династија, се распадна за само шест месеци. Формално – спогодбен раскин. Неофицијално – класична победа на „ѕвездите“ над стратегот.

Инцидентот што го запечати крајот

Наводно, по поразот во финалето, Алонсо побарал неговите играчи да направат шпалир за Барселона. Но Килијан Мбапе, прв пат видливо револтиран, одбил – и целата екипа го послушала него, не тренерот.

На видеото од доделувањето на медалите, Алонсо стои сам додека играчите минуваат крај него без поздрав. Симболична сцена на крајот на авторитетот.

XABI ALONSO le pidió a los futbolistas que se queden durante la premiación del #Barcelona pero Kylian MBAPPÉ ordenó que NO.

Los jugadores se FUERON al VESTUARIO.pic.twitter.com/p8yEW0b4nD

— Deportes Al Taco (@DeportesAlTacok) January 12, 2026

Мбапе и Винисиус, двојниот фронт против тренерот

„Атлетик“ објави дека Винисиус веќе му порачал на клубот дека нема да потпише нов договор додека Алонсо седи на клупата. Неговиот тврд стил и дисциплински казни не им одговарале на ѕвездите навикнати на попустливост.

Наместо тим, Реал станал збир на индивидуалци со различни интереси – и слаба хиерархија.

Арбелоа, човекот за ред, не за револуција

Новиот тренер е Алваро Арбелоа, досегашен стратег на Кастиља. Блискоста со Флорентино Перез и неговата репутација на „војник на клубот“ му ја отворија вратата.

– Ќе воведе ред и дисциплина – велат изворите блиски до управата.

The post ГАЛАКТИКОСИТЕ ЈА ПРОГОЛТАА СВОЈАТА ИДЕОЛОГИЈА Алонсо падна под тежината на егото во Реал Мадрид appeared first on plusinfo.mk.

Напаѓачот на Реал Мадрид, Килијан Мбапе, е вклучен во случај во кој полицајци добиле големи суми пари додека ја обезбедувале француската репрезентација.

Според „RMC Sport“, во 2023 година, вкупно 180.300 евра биле префрлени од сметката на фудбалерот на пет полицајци. Четири вработени добиле по 30.000 евра, а нивниот претпоставен добил 60.300 евра.

Според Мбапе, тој едноставно сакал да ги награди луѓето кои се грижеле за безбедноста на фудбалерите.

Мбапе е подготвен да соработува со органите за спроведување на законот.

Истрагата се однесува за случајот од пред две години кога Мбапе за време на приватни патувања во Франција и во Африка бил обезбедуван од полицајците кои биле финансиски наградени.

The post НОВИ ГЛАВОБОЛКИ ЗА МБАПЕ Осомничен е дека поткупувал полицајци appeared first on plusinfo.mk.

Килијан Мбапе веќе не е само на суд со својот поранешен клуб ПСЖ – сега има јавен спор и со познатиот француски рапер „Буба“, кој се огласи на платформата „X“ со сериозна лична закана. Сè започна кога Мбапе поднесе тужба против ПСЖ, барајќи морална компензација од неверојатни 55 милиони евра, тврдејќи дека бил изложен на „морално вознемирување“.

Во својата објава раперот „Буба“ не штедеше зборови:

„Ако не го оставиш Ал‑Келаифи на мир, ќе кажам јавно што се правиш на Палм Бич, со кого си и зошто те боли стомакот“.

Раперот ја дополнува заканата со јасен предлог:

„Играј фудбал, постигнувај голови и продавај дресови. Нема да нè вознемируваш уште многу, Кики. Извади го паричникот!“.

.@KMbappe Si tu laisses pas Nasser tranquille je vais lui dire ce que tu fais à Palm Beach et avec qui et pourquoi tu as chopé une “gastro”. Joue au foot marque des buts et vends des maillots. Tu vas pas nous péter les couilles longtemps Kyky. Et passe ton permis! pic.twitter.com/WUt6q6t1YC

— Booba (@booba) June 26, 2025

Килијан Мбапе играше седум сезони за ПСЖ, од 2017 до 2024 година. Тој даде вкупно 256 гола на 308 натпревари и со тоа стана најдобар стрелец во историјата на парискиот гигант. Освои шест титули, четири француски купа, два Лига купа и три француски Суперкупа. Играше и во финалето на Лигата на шампионите во 2020 година, во кое ПСЖ загуби од Баерн. Откако тој замина од клубот, ПСЖ сезонава ја освои Лигата на шампионите.

The post „ЌЕ КАЖАМ КАДЕ СИ, СО КОГО СИ И ЗОШТО ТЕ БОЛИ СТОМАК“ Француски рапер му се закани на Мбапе и му порача да го остави ПСЖ appeared first on plusinfo.mk.

Настанот се случи по натпреварот помеѓу Реал Мадрид и Лас Палмас, кој заврши со убедлива победа на „кралскиот клуб“ од 4-1. Мбапе беше прогласен за играч на натпреварот, благодарение на своите два гола и блескава игра на позицијата напаѓач по левата страна, која ја зазеде поради неиграњето на казнетиот Винициус Жуниор.

Младиот навивач, во момент на силна еуфорија, ја прескокна заштитната ограда и им побегна на редарите, упатувајќи се директно кон својот идол. Со солзи во очите и силна емоција, Реис стигна до Мбапе, кој со големо разбирање и емпатија го прегрна и му го подари својот дрес.

 

View this post on Instagram

 

A post shared by Hakimi & Mbappé Fan Page (@hakimiandmbappe_1)

Потегот на францускиот ас ги освои срцата на сите присутни, покажувајќи дека фудбалот е повеќе од игра – тоа е емоција што ги поврзува луѓето низ целиот свет.

Реис Фејзи си замина од „Сантијаго Бернабеу“ со спомен кој ќе го носи со себе цел живот, а оваа приказна стана доказ за тоа како соништата може да се остварат, особено кога зад нив стои голема страст и љубов кон фудбалот.

 

View this post on Instagram

 

A post shared by 433 North Macedonia (@433.nmk)

The post 📽️ 📷 МЛАДО МОМЧЕ ОД ГОСТИВАР ВО ПРЕГРАТКИТЕ НА МБАПЕ Реис Фејзи им побегна на редарите и доби подарок што ќе го памети засекогаш appeared first on plusinfo.mk.

Фудбалерот на Реал Мадрид, Килијан Мбапе се осврна на победата над Севиља (4:2) во 18. коло од Ла Лига. Французинот постигна гол и асистенција.

– Реал играше многу добро, многу се подобривме во последните неколку месеци. Чувствувам дека навивачите беа воодушевени по натпреварот, како и ние. Многу работи се променија во тимот од моето доаѓање. Но, како што рече тренерот, адаптацијата е завршена. Се чувствувам одлично, почнав подобро да ги разбирам другите – изјави Французинот за „As“.

Реал Мадрид има 40 бодови и се наоѓа на второто место на табелата во Ла Лига.

The post ПОЧНУВА ДА СЕ БУДИ ЅВЕРОТ ВО МБАПЕ? Французинот се враќа во форма appeared first on plusinfo.mk.

Шведското обвинителство ја прекина истрагата за силување на напаѓачот на Реал Мадрид, Килијан Мбапе.

Случајот е затворен поради недостиг на докази.

На 14 октомври, шведската полиција започна истрага за жалба за силување што наводно се случило во хотел во Стокхолм каде што 25-годишниот фудбалер во тој момент летувал. Повредената жена го обвини Мбапе за инцидентот.

По обвинувањата за силување кон Мбапе, адвокатите на фудбалерот најавија тужба за клевета кон девојката се смета за жртва.

The post МБАПЕ КУРТУЛИ Шведското обвинителство го затвори случајот за наводното силување appeared first on plusinfo.mk.

Поради повреда, Килијан Мбапе не играше за француската репрезентација во октомврискиот прозорец на Лигата на нации, но тоа време го мина одморајќи во Шведска. Но, на тој одмор тој беше обвинет за обид за силување, а по шпекулациите во шведските медиуми се огласи и францускиот напаѓач.

Мбапе мина две ноќи во Стокхолм, каде се одмора со пријателите и се подготвуваше за продолжението на сезоната во Реал Мадрид. За време на тој одмор, шведските медиуми дошле до информации за обидот на Мбапе и неговите пријатели, меѓу кои бил и Норди Мукиеле, позајмен играч од ПСЖ во Леверкузен, да силуваат млада девојка.

Сè се случило во текот на претходната недела, а полицијата, според шведските медиуми, покренала истрага за да утврди дали имало обид за силување.

По серијата написи во шведските и европските медиуми, Килијан Мбапе се огласи преку социјалната мрежа „Х“ и порача: „Лажни вести! Ова станува толку предвидливо, само за да следи публиката“, напиша кратко напаѓачот на Реал Мадрид.

Мбапе заработи повреда на потколеницата на натпреварот од седмото коло на Ла Лига против Алавес. Одигра нешто повеќе од половина час од мечот со Лил, потоа поголемиот дел од натпреварот во дуелот со Виљареал, но сепак реши да ја санира повредата до крајот и да не игра за Франција во овој прозорец.

The post МБАПЕ ГИ НЕГИРА ОБИНУВАЊАТА ЗА СИЛУВАЊЕ Француската ѕвезда ги нарече лажни вестите кои пристигнуваат од Шведска appeared first on plusinfo.mk.

Според „Ле Монд“, фудбалерот поднел жалба до Француската професионална фудбалска лига (LFP) и Европската фудбалска асоцијација (УЕФА) поради неисплата на долг кон него 55 милиони евра.

Доколку клубот биде прогласен за виновен, LFP би можел да наметне забрана за трансфери на клубот и да му ја одземе лиценцата на УЕФА, што ќе доведе до исклучување од Лигата на шампионите.

Мбапе играше за ПСЖ од 2017 година. Заедно со клубот шестпати стана шампион на Франција, четирипати го освои Националниот куп, трипати Суперкупот и двапати го освои францускиот Лига куп. Летово се пресели во Реал Мадрид.

The post МБАПЕ БАРА 55 МИЛИОНИ ЕВРА ЗА ЗАОСТАНАТИ ПЛАТИ И БОНУСИ Замина во Реал, ама го тужи ПСЖ appeared first on plusinfo.mk.