Додека Украина се подготвува за тешка зима, се појавува закана што многумина ја сметаат за уште поопасна: американскиот претседател – во голема брзина – ѝ постави рок на Украина да постигне договор со Русија до крајот на годината.

Европските лидери започнаа итна дипломатска контраофанзива за да го спречат Доналд Трамп да ѝ наметне на Украина, како што стравуваат, исхитрен мировен договор што му оди во прилог на Кремљ. Главните европски престолнини, од Берлин до Париз, гледаат на тој рок што Трамп сам си го поставил како директна предност за Москва, пишува „Киев Пост“.

Грижата што се шири во Берлин, Париз и другите европски центри на моќ се сведува на едноставна логика: премногу брзината, во овој случај, може да значи капитулација.

„Ова не е дипломатија со рок – ова е подарок за Кремљ“, изјавил за „Киев Пост“ еден западен функционер запознаен со европската позиција, додавајќи: „Русите го разбираат политичкиот часовник на американскиот претседател подобро од кој било друг.“

Друг западен дипломат, кој сакал да остане анонимен, бил уште поостар: „Москва ја гледа шансата. Трамп гледа победа за себе. Европа е заглавена по средината.“

Три извори запознаени со ситуацијата велат дека европските влади и неколку високи американски конгресмени очајнички се обидуваат да ја убедат Белата куќа да забави. Сè повеќе се зацврстува уверувањето дека Русија вешто ја користи искрената желба на Трамп за брзо решение на конфликтот.

Се стравува дека Кремљ го користи притисокот на Трамп за брза надворешнополитичка победа пред влегувањето во втората година од неговиот мандат, а претседателот, наводно, приватно сигнализирал дека сака ова да се затвори до Нова година.

Дополнителна неизвесност внесува и тоа што соработниците во Белата куќа веруваат дека специјалниот пратеник на Трамп, Стив Виткоф, ќе си замине на почетокот од следната година, а самата функција на специјален пратеник би можела да исчезне до јануари.

„Сите знаат дека Трамп сака ова да биде завршено до Нова година“, рекол еден западен функционер. „Тоа само по себе му дава предност на Путин – предност што не смееме да ја дозволиме.“

Најновиот потег на администрацијата – да му даде на Киев само неколку дена да одговори на американскиот предлог-рамка од 20 точки, со рок до Божиќ – предизвика остра реакција на Капитол Хил. Конгресмени јавно изразуваат страв дека Вашингтон ја притиска Украина да прифати отстапки што Русија ги бара уште од почетокот на инвазијата.

Сенаторот Крис Ван Холен ги осуди кратките рокови како „погрешни и контрапродуктивни“, истакнувајќи дека „луѓето не треба да се ставаат под временски притисок кога ја бранат својата слобода и суверенитет“. Неговиот колега Крис Кунс смета дека временските рамки „не помагаат во постигнување решение“.

Републиканците, пак, се поделени. Конгресменот Брајан Фицпатрик ја бранеше итноста, велејќи дека роковите „ги тераат луѓето да седнат на маса“. Дон Бејкон, пак, беше многу поотворен, предупредувајќи дека Трампова брзање носи ризик од „наградa за агресорот“.

„Притисокот врз Украина да се откаже од уште територии е погрешен и само го наградува оној што напаѓа. Дури и да ѝ се даде повеќе земја, ништо нема да го спречи Путин да го повтори истото“, напиша Бејкон на социјалните мрежи.

The post ТРАМП Ѝ ПОСТАВИ РОК НА УКРАИНА ДА ГО ПРИФАТИ МИРОВНИОТ ПЛАН Европските лидери ги фати паника, велат – тоа е подарок за Путин appeared first on plusinfo.mk.

Силна светлина го осветли небото над руските градови Саратов и Енгелс рано изутрина на 11 ноември, кога низа експлозии ги потресоа регионите долж реката Волга. На видеоснимките објавени на социјалните мрежи се гледа огромен оган кој избувнал во нафтената рафинерија во Саратов, една од најголемите во земјата.

Според руските телеграм-канали, противвоздушната одбрана во двата града била во состојба на висока готовност поради нападот со дронови. Жителите сведочат дека по еден час по полноќ слушнале меѓу 5 и 7 силни детонации и дека се виделе блесоци на југозападниот дел на Саратов.

Ukrainian attack drones just successfully struck Russia’s Saratov oil refinery, setting the facility ablaze.

The refinery, owned and operated by Russia’s Rosneft, processes about 7 million tons of crude oil per year. pic.twitter.com/9S9Qn45YfF

— OSINTtechnical (@Osinttechnical) November 10, 2025

Гувернерот на Саратовската област Роман Бусаргин потврди дека нападите биле извршени со беспилотни летала.

– Нападот со дрон разби прозорци на неколку куќи во округот Заводски. Едно лице е полесно повредено и не му е потребна болничка помош – изјави Бусаргин.

Тој додаде дека експертски екипи го проверуваат теренот и дека жителите ќе можат да се вратат во домовите кога ќе бидат завршени сите безбедносни мерки.

– Ако биде потребно, ќе обезбедиме бесплатно сместување во хотел за погодените граѓани – нагласи гувернерот.

The post НОЌ НА ЕКСПЛОЗИИ НА НЕБОТО НАД ВОЛГА Украинците погодија рафинерија на „Роснефт“ appeared first on plusinfo.mk.