Заложничката драма во супермаркет во Берлин влезе во 11-ти час, а германската полиција и натаму со максимална претпазливост се обидува да ја разреши кризата без жртви.

Според најновите информации што ги соопштија германските власти и полицискиот портпарол Штефан Петерсен-Шуман, специјално обучени полициски преговарачи успеале да воспостават директен контакт со киднаперот, а разговорите се во тек.

Од полицијата, од тактички причини, не откриваат детали за преговорите, ниту за евентуалните барања на напаѓачот.

Во моментов нема официјална потврда дали жената која се наоѓа во заложништво или самиот напаѓач се повредени, ниту дали тие претходно се познавале.

Мотивот за заложничката драма сè уште останува непознат, а германската полиција соопшти дека засега нема информации што би укажале на причините за нападот.

Во меѓувреме, германскиот весник Билд објави дека менаџерот на супермаркетот пријавил оти видел огнено оружје кај напаѓачот. Сепак, полицијата не ги потврдува овие информации и ги оценува како непроверени шпекулации.

Околу супермаркетот е воспоставен широк безбедносен периметар, а специјалните полициски единици (SEK) целосно ја контролираат областа. Во текот на утринските часови припадници на специјалните сили користеле скали за да добијат подобар увид во внатрешноста на објектот преку прозорците.

Пред полицискиот кордон и натаму чекаат дел од вработените кои успеале навреме да го напуштат супермаркетот, додека ја следат разврската на драмата.

Како што пренесува германската новинска агенција ДПА, операцијата нема однапред утврден рок, а полицијата ќе продолжи да постапува внимателно, со цел безбедно ослободување на заложничката и завршување на кризата без дополнителни последици.

The post 📽️ ЗАЛОЖНИЧКАТА ДРАМА ВО БЕРЛИН НЕ ЗАВРШУВА Полицијата повеќе од 10 часа преговара со киднаперот appeared first on plusinfo.mk.

Киднаперот се самоубил, а неговиот заложник е неповреден, соопшти полицијата.

Како што пренесува ДПА, заложникот кој со часови бил држен во заробеништво бил однесен во Брза помош.

Претходно една жена беше спасена „од опасната зона“, соопшти полицијата. Таа била полесно повредена.

-Можам да потврдам дека операцијата е завршена – изјави портпаролот на полицијата за ДПА рано утринава.

Специјалните сили рацијата во продавницата ја почнаа во 2.30 часот утринава.

Повикот за грабеж во продавница првично стигна вчера околу 17.30 часот и веднаш предизвикаа голема операција на полицијата недалеку од Витенбергплац, плоштад во луксузниот кварт, западно од центарот на градот, каде што се наоѓаат големи трговски дуќани.

Овој фреквентен дел од градот со часови потоа беше ограден и непристапен.

The post ТРГНА ДА ОГРАБИ ПРОДАВНИЦА ВО БЕРЛИН, ПА КИДНАПИРА ЧОВЕК Полицијата го спаси заложникот, а тој се самоуби appeared first on plusinfo.mk.