Иран побара нова средба лице в лице со американската влада, изјави денеска портпаролката на Белата куќа Керолин Ливит, додавајќи дека специјалните пратеници на американскиот претседател Доналд Трамп, Џаред Кушнер и Стив Виткоф, утре ќе отпатуваат во Пакистан.

– Иранците му се обратија на претседателот Трамп и побараа разговор во живо. Затоа претседателот ги испраќа Стив Виткоф и Џаред Кушнер да слушнат што имаат да кажат – изјави Ливит за Фокс њус.

Таа додаде дека потпретседателот на САД, Џеј Ди Венс, е подготвен да отпатува во Пакистан доколку Вашингтон оцени дека тоа е „неопходно користење на неговото време“.

– Во последните неколку дена видовме одреден напредок од иранска страна, што го наведе претседателот Трамп да донесе одлука да испрати пратеници да ги сослушаат Иранците. Ќе видиме што имаат да кажат – рече Ливит.

Таа нагласи дека Вашингтон се надева на продуктивни разговори кои би можеле да придонесат кон постигнување договор, додавајќи дека Трамп секогаш сака да ѝ даде шанса на дипломатијата и дека тоа е негова прва опција.

Иранските државни медиуми објавија дека министерот за надворешни работи на Иран, Абас Арагчи отпатува во Пакистан.

Ирански претставници соопштија дека Арагчи ќе ги посети и Оман и Русија.

The post ИРАН ПОБАРАЛ ДИРЕКТНИ РАЗГОВОРИ СО САД Трамп ги испраќа Кушнер и Виткоф во Пакистан appeared first on plusinfo.mk.

Портпаролката на Белата куќа, Каролин Ливит, негираше дека разговорите со Иран дошле до мртва точка, откако иранските државни медиуми јавија дека Техеран го одбил предлогот на Вашингтон од 15 точки за ставање крај на војната.

– Разговорите продолжуваат. Тие се продуктивни и продолжуваат – изјави Ливит денеска на прес-конференција.

Во врска со медиумските извештаи кои тврдат дека го откриваат американскиот предлог од 15 точки таа рече дека „има елементи на вистина во тоа, но некои од приказните не се сосема точни “.

Ливит рече дека Соединетите Американски Држави се блиску до постигнување на клучните цели на воената операција „Епски бес“.

– Ние сме многу блиску до постигнување на главните цели на операцијата, а воената мисија продолжува без прекин. Претседателот Доналд Трамп и Министерството за војна од самиот почеток проценија дека мисијата ќе трае 4 до 6 недели, а американската војска, 25 дена по почетокот на операцијата, е пред распоредот. Најмоќната војска во светот постигнува извонредни резултати секој ден, иранскиот режим е сериозно ослабен, а неговата способност да ги загрози Соединетите Американски Држави и нивните сојузници е значително намалена – рече таа.

Додаде дека амбициите на Иран да развие нуклеарно оружје се дополнително ослабени, дури и повеќе отколку за време на операцијата „Полноќен чекан“ во јуни 2025 година.

Според неа, американската војска продолжува да ги „уништува“ офанзивните и одбранбените капацитети на Иран.

– Досега се погодени повеќе од 9.000 непријателски цели, а иранските напади со балистички ракети и беспилотни летала се намалени за околу 90 проценти. САД  систематски ја расклопуваат одбранбената индустриска база на Иран, вклучително и со напади врз подземни складишта за ракети и оружје, каде што беа користени бомби со висок капацитет во текот на викендот. Уништени се повеќе од 140 ирански бродови, вклучувајќи речиси 50 бродови за поставување мини, што е најголемото уништување на морнарица во толку краток временски период од Втората светска војна – рече таа.

Таа изнесе податок и дека неколку бомби од по 2.200 килограми биле фрлени за време на викендот врз ирански подземни постројки каде се складираат ракети и оружје.

Зборувајќи за можноста за завршување на војната, Ливит нагласи дека претседателот Доналд Трамп сака мир, но исто така предупреди за можна понатамошна ескалација.

– Доколку Иран не го прифати поразот, претседателот ќе се погрижи да биде погоден посилно од кога било досега – рече таа.

Додаде дека Трамп „не е блефер“ и е „подготвен да ги отвори портите на пеколот за Иран“.

– Иран не би требало повторно да згреши Нивната последна погрешна пресметка ги чинеше нивното врховно раководство, нивната морнарица, нивните воздухопловни сили и нивниот систем за противвоздушна одбрана. Секое понатамошно насилство ќе биде последица на одбивањето на иранскиот режим да го разбере ова – рече Ливит.

На прашањето дали САД би можеле да испратат копнени трупи доколку преговорите пропаднат и за да го принудат Иран целосно да го отвори стратешки важниот Ормуски Теснец, таа одговори дека тоа е „хипотетичко прашање“ и е одлука на врховниот командант.

– Нема да ги прејудицирам неговите постапки – рече портпаролката на Белата куќа во Вашингтон.

НА ИРАН ЌЕ МУ СЕ УКИНАТ СИТЕ САНКЦИИ АКО СЕ ОТКАЖЕ ОД НУКЛЕАРНИТЕ КАПАЦИТЕТИ Еве кои се 15-те точки од планот на САД за крај на војната

The post ТРАМП ЌЕ ГИ ОТВОРИ ПОРТИТЕ НА ПЕКОЛОТ ЗА ИРАН, НЕ БЛЕФИРА Белата куќа негира дека преговорите за мир со Техеран се во ќор-сокак appeared first on plusinfo.mk.

Портпаролката на Белата куќа, Каролин Ливит, изјави дека САД не можат да продолжат со снабдување оружје за Украина на „неодредено време“.

Во интервју за Фокс њуз (Fox News), Ливит рече дека американскиот претседател Доналд Трамп инвестирал „обемно количество време и енергија“ во потрага по начини за решавање на конфликтот и „заслужува благодарност“ за тоа. Таа рече дека примарната цел на Трамп е да го запре убивањето и да ѝ стави дефинитивен крај на војната.

Ливит додаде дека фрустрацијата на претседателот го отсликува расположението на американската јавност, која, според неа, е сè повеќе уморна од војната што трае.

И покрај одлуката на Трамп „да го прекине финансирањето на оваа војна“, Ливит рече дека САД продолжуваат да испраќаат или продаваат значителни количини оружје на Украина преку механизмите на НАТО.

Забелешките доаѓаат во момент кога украински, американски и европски претставници ги завршија интензивните разговори во Женева, каде што Киев и Вашингтон рекоа дека изработиле „поконцизна мировна рамка“ и постигнале напредок кон потенцијален договор.

Украински претставници најавија дека претседателот Володимир Зеленски наскоро, најверојатно до крајот на ноември, ќе го посети Вашингтон, со цел, заедно со Трамп да го усогласат последниот предлог, кој треба да им биде доставен на Русите.

The post САД НЕ МОЖАТ ДА ЈА ФИНАНСИРААТ УКРАИНА ВО НЕДОГЛЕД Сигнали од Белата куќа до Зеленски и до ЕУ appeared first on plusinfo.mk.