Во Грција е потврден првиот случај на подваријантата на oмикрон ΒΑ.2.75.2, позната како кентаур, јави дописничката на МИА од Атина.

Според Националната организација за јавно здравје на Грција од анализирани 664 примероци по случаен избор од периодот од 22 јули до 4 септември, кај сите била потврдена варијантата омикрон (B.1.1.529), а кај еден примерок била идентификувана подваријантата BA.2 (BA.2.75.2).

Во однос на ситуацијата со пандемијата во Грција, во периодот од 5 до 11 септември биле потврдени 33.590 случаи на ковид-19, од кои 22 проценти се реинфекции, а починале 129 лица.

Бројот на смртните случаи е за 30 проценти помал во споредба со една седмица претходно, а кај заразените има намалување за 17 отсто.

Во конкретниот период биле направени 580.195 тестови, со стапка на позитивност 5,79 отсто.

Од почетокот на пандемијата во Грција се потврдени 4.838.811 случаи на ковид-19, а починале 32.894 лица.

Паралелно, од денеска во земјата започна имунизацијата со ажурираните вакцини против ковид-19 кои заштитуваат од варијантата омикрон, а вакцините ќе се користат само како прва или втора бустер доза, односно само за оние кои се веќе вакцинирани со две или три дози.

Приоритет имаат граѓаните над 60-годишна возраст и лицата со здравствени проблеми, а ажурираните вакцини се мРНА вакцини на Фајзер и на Модерна.

The post ВО ГРЦИЈА ПРВ СЛУЧАЈ НА КЕНТАУР Почна имунизација со обновени вакцини кои штитат од омикрон appeared first on plusinfo.mk.

Објектот, кој бил забележан со телескоп на Хаваите, потврдил дека станува збор за ракета, објави лабораторијата на НАСА од Пасадена во Калифорнија.

Кога беше откриен во септември, се веруваше дека објектот е астероид, меѓутоа, еден од главните експерти на НАСА, Пол Чодас, брзо се посомнева дека станува збор за ракета Кентаур од мисијата Сарвејор 2 (Surveyor 2), која беше прогласена за неуспешна во 1966 година, откако не успеа да слета на Месечината.

Кентаурот е долг десет метри и со пречник од три метри.

Тврдењето на Чодас се покажа како точно кога тим од Универзитетот во Аризона, предводен од Вишну Реди, користеше инфрацрвен телескоп од Хаваи за да го разгледа мистериозниот предмет и да види дека станува збор за Кентаур од мисијата во 1971 година.

Кентаурот орбитира околу 50.000 километри од земјата, ќе ја напушти орбитата во март и ќе се врати да кружи околу Сонцето, а неговото следно враќање се предвидува во 2036 година.

The post НАСА: Мистериозниот објект што кружи околу Земјата не е астероид, туку ракета appeared first on plusinfo.mk.