Десет нови летови треба да ги поврзат македонските патници со Европа и со Азија, најавува ТАВ Македонија. Од крајот на октомври, започнува зимскиот распоред на летови 2025/26 со кој аеродромите во Скопје и Охрид добиваат нови дестинации и обновени линии.

Генералниот директор на ТАВ Македонија, Неџат Курт, најави директни линии со Данска, Финска и со Блискиот Исток. Паралелно, се подготвува засилена поврзаност со Шпанија и со Обединетото Кралство.

Меѓу најочекуваните летови се новите линии до Бари, Стокхолм и Базел, кои стартуваат на 27 октомври. Ден потоа, на 28 октомври, Скопје првпат ќе се поврзе со Мадрид, а повторно ќе се воспостави и летот до Ларнака. Како што е најавено, на 15 декември треба да почнат летовите за Прага и за Келн.

Проширување следува и кон крајот на март 2026 година. Според најавеното, Виз Ер ќе ја врати линијата Скопје–Будимпешта и ќе воведе нова кон Неапол, додека Охрид ќе добие врска со Милано. Десеттата нова рута е Женева, која ИзиЏет ја обновува на 3 ноември.

ТАВ Македонија и државните институции ќе ги претстават овие новини на туристички настани во Копенхаген, Стокхолм, Тајпеј, Сеул и Токио. Настаните се организирани во соработката со Националното здружение за дојдовен туризам во Македонија (НАИТМ).

The post 10 НОВИ АВИОДЕСТИНАЦИИ ЗА ЗИМАТА Летови до Прага, Мадрид, Келн, Базел, Стокхолм, Ларнака… appeared first on plusinfo.mk.

Маж се здобил со тешки изгореници од силен струен удар откако се качил на запрен воз на Централната станица во Келн за да направи селфи, соопшти германската полиција, цитирана од ДПА.

Мажот се приближил премногу блиску до далновод, се вели во соопштението.

„Дури и без директен контакт, сепак се формирал електричен лак со струја што била приближно 65 пати посилна од онаа на обичен електричен штекер“, соопшти полицијата.

Мажот паднал од возот и бил однесен во болница со тешки изгореници. Додека бил свесен, рекол дека сакал да направи селфи, се вели во соопштението.

Инцидентот предизвикал значителни прекини во железничкиот сообраќај, нарушувајќи го возниот ред на 24 возови, изјави портпаролката. Полицијата бара сведоци на инцидентот.

The post ГО УДРИЛА СТРУЈА ДОДЕКА ПРАВЕЛ СЕЛФИ КАЧЕН НА ВОЗ Маж во Германија завршил во болница со тешки изгореници appeared first on plusinfo.mk.

Предупредување за оние што имаат страв од пајаци: царинските власти објавија фотографии од заплена на околу 1.500 млади тарантули пронајдени во пластични садови, скриени во кутии од чоколадни бисквити, испратени на аеродром во западна Германија, објави Гардијан.

Цариниците изјавија дека пратката била откриена на аеродромот Келн-Бон, во пакет што пристигнал од Виетнам. Портпаролот на царинската служба во Келн, Јенс Ахланд, изјави дека цариниците биле предупредени од „карактеристичен мирис“ кој не наликувал на очекуваниот мирис од 7 килограми чоколадни слатки.

„Моите колеги на аеродромот редовно се изненадени од содржината на забранети пратки од целиот свет, но фактот што најдоа околу 1.500 мали пластични садови со млади тарантули ги остави без збор дури и најискусните меѓу нив“, рече Ахланд во соопштение.

Тој ја нарече заплената „вонредна“, но изрази и тага што „некои луѓе се подготвени да им го прават ова на животните само поради профит“.

Голем дел од суштествата не преживеале при транспортот, што е сомнително кршење на германските прописи за заштита на животните. Преживеаните биле предадени на грижа кај специјализиран чувар, се наведува во соопштението.

Ахланд изјави преку телефон дека моментално се прави проценка на вредноста на пратката.

Против примачот на пратката, кој се наоѓа во регионот Зауерланд, источно од аеродромот, се води кривична постапка – меѓу другото и за неплаќање соодветни увозни давачки и непријавување на стоката кај царината, соопштија властите.

Тарантулите биле откриени пред околу 3 недели, но царината објави фотографии од случајот дури во понеделникот.

Сликите од тарантулите можете да ги погледнете ТУКА ако имате силен желудник и немате страв од пајаци.

The post 📷 1.500 ТАРАНТУЛИ СКРИЕНИ ВО КУТИИ ЗА БИСКВИТИ ВО ГЕРМАНИЈА Наместо арома на слатки, цариниците почувствувале чуден мирис appeared first on plusinfo.mk.

Авиокомпанијата соопшти дека летот до Келн се укинува поради високите давачки за услуги од страна на германските власти. Меѓутоа авиокомпанијата ќе ги зголеми летовите од и до Дортмунд. Така во ноември и декември ќе лета 6 пати неделно, а околу Нова година ќе  лета секој ден до оваа дестинација.

За Шведска авиокомпанијата ќе ги реализира летовите до аеродромот во Малме.

The post НЕМА ВЕЌЕ ЛЕТОВИ НА „ВИЗЕР“ ЗА КЕЛН, КОПЕНХАГЕН И ЗА СТОКХОЛМ Повеќе летови за Дортмунд appeared first on plusinfo.mk.

Откриена е при градежните работи на новиот болнички кампус. Нејзината детонација е закажана за петок. Евакуацијата е планирана од почетокот на ископувањата пред шест месеци, поради стравувањата дека во областа може да се најдат неексплодирани убојни средства.

+++ Update 1: Blindgänger in Merheim +++

Die Evakuierung der rund 6.400 Menschen innerhalb des Evakuierungsradius hat begonnen und der erste Klingelrundgang läuft. Zudem wird die LVR-Klinik in Merheim (285 Patient*innen) evakuiert. https://t.co/DK6HYsmxOL

— Stadt Köln (@Koeln) October 11, 2024

Во радиус од 500 метри од локацијата на бомбата е воспоставена зона за евакуација.

Експертите проценуваат дека може да се пронајдат уште 8 бомби, но тоа можат да го знаат само по дополнителни ископувања.

Во евакуацијата учествуваа околу 1.300 болничари, полицајци, пожарникари и 800 доброволци. Тие тропаа на вратите на жителите за да ги известат дека мора да ги напуштат домовите.

Градските власти ја опишаа евакуацијата како најголема и најобемна од 1945 година. Евакуирани се три болници и вкупно 10.000 жители. Им беше понудено сместување во затворени училишта или привремено изградени засолништа.

The post ПАНИКА ВО КЕЛН Пронајдена е бомба тешка еден тон, евакуирани се 3 болници и 10.000 луѓе appeared first on plusinfo.mk.

Според информациите што ги објавија медиумите, добиени од локалните жители, првин се слушнала експлозија, а потоа зградата каде што било кафулето претрпела големи оштетувања поради пожарот кој избувнал во објектот.

Започната е истрага за инцидентот и се бара едно лице кое претходно, според снимките од камерите во зградата, оставило торба и кутија на влезот од објектот. Фотографии од осомничениот се објавени јавно и полицијта побарала помош од граѓаните.

Во слична експлозија што се случи во Келн на 16 септември, беше повредена чистачка.

The post ОСТАВИЛ ТОРБА И КУТИЈА НА ВЛЕЗОТ Експлозија во кафуле во Келн, има повредени appeared first on plusinfo.mk.

Летот LS3214 полетал од Бургас, Бугарија, за Ливерпул во понеделникот околу 13 часот по локално време пред екипажот да прогласи вонредна состојба 2 часа подоцна.

Авионот бил пренасочен кон Келн, а по слетувањето на оддалечената писта на аеродромот, околу 15.32 часот, кон авионот веднаш се упатила брзата помош.

Мажот наводно добил срцев удар и бил прогласен за мртов и покрај огромните напори на патниците и на екипажот да го реанимираат, пишува порталот Мирор.

По неколку часа поминати на аеродромот, авионот конечно повторно полетал за Ливерпул во 21.17 часот и слетал во Велика Британија во 22.27 часот.

The post ДОБИЛ СРЦЕВ УДАР Патник ненадејно почина на лет од Бугарија appeared first on plusinfo.mk.

Портпаролката на полицијата рече дека широката област на Хоенцолернринг, населба полна со кафулиња, барови и ресторани, е опколена и дека голем број полицајци се на терен.

Таа првично не даде никакви информации за евентуални повреди или причина за експлозијата.

Радио Келн рано утринава јави дека едно лице е полесно повредено.

Полицијата побара од јавноста да ја избегнува областа околу местото на експлозијата.

The post ВРИЕ ОД ПОЛИЦИЈА ПРЕД КАФУЛИЊАТА И ПРЕД РЕСТОРАНИТЕ Експлозија во центарот на Келн appeared first on plusinfo.mk.

Се претпоставува дека некој провалил во касарната и ја контаминирал водата. На војниците и на цивилите во касарната забрането им е да пијат вода. Во воениот објект никој не може ниту да влезе ниту да излезе.

Во касарната во Келн сместени се неколку командни тела, како и воени и цивилни оддели на Бундесверот. Воздухопловните сили на Сојузното Министерство за одбрана исто така се во касарната, која е во непосредна близина на аеродромот во Келн.

Во касарната, која има сопствен водовод, има околу 4300 војници и 1200 вработени цивили.

The post НЕКОЈ Ѝ ЈА ЗАТРУ ВОДАТА НА ГЕРМАНСКАТА ВОЈСКА Касарната во Келн под блокада appeared first on plusinfo.mk.

Еден од најголемите германски аеродроми ги стопираше сите летови откако климатските активисти се залепија за пистата.

Аеродромот Келн-Бон соопшти дека утринава пристап до аеродромот добиле „неовластени лица“. Најмалку четири дојдовни летови се пренасочени кон блиските аеродроми во Дизелдорф и Хановер, јавува „Би-Би-Си”.

Десетици летови кои заминуваа од аеродромот во Келн беа одложени или откажани. Групата „Last Generation” соопшти дека пет луѓе останале залепени на пистата.

Групата додала дека „слични мирни, граѓански протести на аеродромите“ се планирани низ Европа и Северна Америка.

Инаку, Келн-Бон е шестиот најфреквентен аеродром во Германија – по Хамбург, Дизелдорф, Берлин Бранденбург, Минхен и Франкфурт. Во мај, аеродромот во Минхен беше принуден да затвори два часа откако шест демонстранти за климатските промени се залепија на пистата.

Осум лица беа уапсени, но прекинот доведе до пренасочување на 11 летови и околу 60 откажани, изјави портпаролот на аеродромот. Потоа, германската министерка за внатрешни работи Ненси Фезер рече дека безбедносните мерки на аеродромот во Минхен „ќе бидат преиспитани“.

Oil Kills! Internationale Protestkampagne gestartet!

Aktuell befinden sich Unterstützer*innen der Letzten Generation auf dem Rollfeld des Flughafens Köln/Bonn und beeinträchtigen so den Flugverkehr. Gleichzeitig wird weltweit in über 10 Ländern an Flughäfen protestiert!… pic.twitter.com/RLSsVSwMfS

— Letzte Generation (@AufstandLastGen) July 24, 2024

The post 🎥 СО СУПЕР-ЛЕПАК СЕ ЗАЛЕПИЈА ЗА ПИСТАТА НА АЕРОДРОМОТ ВО КЕЛН Откажани се над 60 летови appeared first on plusinfo.mk.