Претседателот Мицкоски продолжи и додаде:

– Втората грешка е што човекот кој се колне во условно кажано европските вредности покажува на отворена сцена едно недолично, некултурно однесување, навредува и мислам дека на сите им е јасно за каква личност во суштина станува збор. Жалам што на крајот од својата политичка кариера наместо идеолог тој го покажува сиот свој примитизам во полн ек, но тоа е претпоставувам негова одлука и одлука на тие што го советуваат. Трето, жалам што исто така криминалот кој го објавуваме на јавноста, а кој е поврзан со ДУИ или семејството Ахмети тој го претставува како одбрана на албанските национални интереси и пропушта шанса да ако се претставува како човек кој бара право да важи, да има правдина во Македонија тогаш треба ова се да го осуди, но за жал тој не само што не осудува туку тој се претставува како голем заштитник на сето ова, криминалот на семејството Ахмети и на првенците на ДУИ дури и најголемиот дел од Албанците во Македонија со презир го отфрлаат и го одбиваат да го прифатат – вели Мицкоски.

Мицкоски продолжи и додаде дека сето ова кога се става на едно создава страв и паника кај Ахмети од резултатот и поразот кој следи.

– Сето ова кога ќе се стави на едно тогаш се создава кај него страв и паника од резултатот и поразот кој следи на следните избори. Чувството дека после 20 и кусур години ќе биде во опозиција, но и стравот дека кога ќе е во опозиција ќе не може да ги користи методите кои ги користеше досега ДУИ предводена од него и стравот дека наместо како идеолог како што пледира да се претстави забарикадиран во тврдина со камен ќе биде еден обичен ситен криминалец и така ќе заврши својата политичка кариера. Мислам дека млекото и кексите ќе му преседнат многу скоро – дециден е Мицкоски.

Лидерот на ВМРО-ДПМНЕ вели дека бугарски диктат не може да прифатат.

– Од друга страна ги гледаме дел од претставниците на меѓународната заедница кои велат ние сме гаранција дека ова ќе се спроведе, а ние велиме во ред од вас сме слушнале многу гаранции. Но, ајде да земеме да работиме и да бидеме конструктивни, уверете ги вие Бугарите дека тоа што е одлука на европска институција треба да се почитува – рече претседателот на ВМРО-ДПМНЕ, Христијан Мицкоски.

Мицкоски укажа дека внес на Бугарите во Уставот е диктат прифатен од оваа Влада укажувајќи како да се верува дека ова ќе е последно барање на патот на Mакедонија кон Европската унија.

– Ако вие не можете да ја убедите Бугарија да почитува одлуки на европски институции, а Бугарија е потписник на Конвенцијата за човекови права како да веруваме. И ако вие не сте во можност да ја убедите Бугарија како да веруваме дека ова е последно барање и дека нема да има други барања. Ние бараме еден вид гаранција дека нема да има други барања и други понижувања – кажа Мицкоски.

Според Мицкоски главно е што според Уставот права уживаат сите етнички заедници подеднакво.

– И доаѓаме до главното нашиот Устав е таков да правата на секој граѓанин без разлика на етничка припадност е загарантирана. Нашиот Устав не завршува со тоа што се почитуваат правата на наведените туку на сите. Ние многу проголтавме изминатите години – изјави Мицкоски.

Мицкоски заклучи дека внесот на Бугарите во Уставот е диктат кој го прифати оваа Влада и оти не ја гледа потребата за внесување на Бугарите во Уставот, бидејќи како што рече според Уставот сите припадници на заедници ги уживаат сите права.

– Мислам дека СДС од поодамна го има изгубено кредибилитетот да зборува за обединување околу евроинтеграциите. Имаа тие можност ако сакаа да се обединат веднаш после локалните избори пред да го прифатат бугарскиот диктат и да капитулираат во името на Македонија за да останат уште 2 години да ја ограбуваат Македонија. Имаа можност, бидејќи ние се понудивме и тогаш, слично како и сега. Јас имав прес конференција неколку месеци пред да се прифати бугарскиот диктат и повикав и тогаш на политички консензус околу важните прашања посебно како што е прашањето со европската интеграција, тие таа шанса ја пропуштија и сега овде е само изговор затоа што е вознемирен нивниот коалиционен партнер или надреден, а тоа е ДУИ – истакна Мицкоски.

Лидерот на ВМРО-ДПМНЕ истакна дека ДУИ се активираа против повикот за обединување.

– Ако имаме таков тип на консензуски обединувања тогаш ДУИ ќе биде тотално делегитиминирана и дефакториризрана од македонската политичка сцена и за да не влегува ДУИ во директна конфротанција со ВМРО-ДПМНЕ бидејќи не беше повикана тогаш тие го притиснаа копчето и ја извадија на чистина СДСМ и уште еден во опозицијата кој пише статуси, кој повторно ја пропушти шансата за формирање на ваков тип на обединување – вели Мицкоски.

Претседателот Мицкоски продолжи и истакна дека е потребно граѓанско, политичко и општествено обединување околу ВМРО-ДПМНЕ

– Нас ни треба граѓанско, политичко, општествено обединување околу ВМРО-ДПМНЕ за да ставиме крај на поразите кои се резултат на политиките на неколкумина во раководството на ДУИ и неколкумина нивни измеќари во раководството на СДС кој за да печалат на грбот на граѓаните ја доведоа Македонија во оваа состојба во оваа која е и во политичко мочуруште во кое сме сите благодарение на нив – дециден е Мицкоски.

The post ЌЕ МУ ПРЕСЕДНАТ И МЛЕКОТО И КЕКСИТО Мицкоски му порача на Ахмети дека од политиката ќе си замине како ситен криминалец appeared first on plusinfo.mk.

Веројатно се прашувате зошто толку долго траеше процесот на наплата на нивните покупки во преполната количка, од оние големите. Количката беше полна со – кекси (бисквити) од брендот „Плазма“, производ на А.Д. „Бамби“ од Пожаревац, Србија.

До некаде запознат со регионалните случувања во моментот, веднаш сфатив во што е работата. Косово беше вовело времена забрана за увоз на производи од Србија, а брачниот пар со преполната количка со „Плазма“ веројатно имале мало детенце што го раснеле со тој вид бисквити, а одвреме-навреме и со по некоја гурабија.

Можеби имале и нарачки од роднини и пријатели чиишто дечиња раснеле со српските „кекси“. Претпоставувам дека уште многу косовски дечиња раснеле со овие српски бисквити. Квалитетот не познава граници и национална омраза, особено не кога немате избор.

И јас понекогаш користам „Плазма“, за со кафе. Не сум раснел во луксуз, за родителите да можат да купат таков деликатес. Ионака кога фабриката „Бамби“ почна да ги произведува нашироко во регионот познатите бисквити во 1967 година, како бејби-бумер, роден пред граничната за оваа генерација 1964 година, веќе бев на возраст кога ми паѓаат, а не ми растат млечните заби.

Ако е за утеха, не сум бил единствен. Деновиве слушам дека и некои мои врсници од Кичевската околија, исто така, раснеле без кекси. Но, ете, и ние сме пораснале. Сме ги напуштиле родните огништа по образование, егзистенција и идеали. Кој за што!

Затоа, не треба да ги обвинуваме помладите генерации кои раснеле со кекси (бисквити). Тоа не ги прави ниту послаби, ниту посилни од нас. Родителите давале сѐ од себе да ни овозможат што подобри услови за живот, во согласност со времето и сопствените можности.

Некои оделе на печалба, за да може семејството да обезбеди леб и по некоја бисквита за децата, а некои преминуваат граници за да купат бисквити за своите деца, чија продажба локалните власти ја имале забрането на сопствената територија.

Тоа дали сме раснеле или не со бисквити и гурабии не го детерминира нашиот став и лојалност кон сопствената држава. Не влијае на тоа дали, не дај Боже, некогаш ќе посегнеме по животите на нашите сограѓани, правдајќи го тоа со борба за човекови права. Затоа што сме раснеле во кули од камен, или како во мојот случај, во недовршени дивоградби.

Нема оправдување кога, понесени од толпата во една априлска вечер, ќе упатиме закани и ќе повикаме сеништа од минатото кои потсетуваат на терор, удар врз државата, разурнати домови и загуба на човечки животи.

Нервозата може да се смири со чаша топло млеко и бисквити, макар биле и српски. Можат да ги конзумираат и возрасните. Смиреноста и мудроста во овие моменти се неопходни, за да можат нашите дечиња, меѓу другито, да раснат и со бисквити, во топли и безбедни домови.

А за возрасните, побелени бејби-бумери, е најдобро да престанат да јадат гурабии.

The post Кекси, кули од камен и јадење гурабии appeared first on plusinfo.mk.

„Вчера во Аеродром и Гази Баба ја повикав албанската опозиција на обединување против оваа власт и изразив јавна намера дека веднаш по изборите, уште првиот ден ќе остварам контакт со нив за заедничка соработка која ќе се темели на принципи околу кои ќе се обединиме.

Уште истиот ден се јави Али Ахмети, нервозно одговарајќи, прозивајќи ме со навреди и доза на закани, но треба да знае дека неговите закани не само што не ме заплашуваат, туку и добро ме засмејуваат.

Заканите доаѓаат од човек пред политичка пензија, помалку и заборавен, но сепак со добро грло, кое го вежба пеејќи по државни институции и партиски прослави.

„Важен му бил на Али мојот оброк од детството, хммм…чудно… па се обидува заканите преку вицови да ги испрати. Ќе му одговорам! Мојот оброк Али во детството го печалеа моите родители со многу љубов и жртва да ме израснат и воспитаат во личност која ќе почитува и ќе се бори за својата Македонија. Но што е важно? Важно е Али да дадеш одговор со што ги хранеше твоите, па денес голобради момчиња печалат милиони, ја купуваат Соравија, или пак како го спечали тој дворец во Зајас кој е како на некој блискоисточен шеик, а не политичар од сиромашната Македонија.

Ја разбирам нервозата и паниката бидејќи за прв пат сте прочитани и пред пораз. Доаѓа времето за одговори на многу прашања. Ова не е 2001-ва, туку 2024-та, 23 години потоа, а ДУИ го претвори во криминална организација од која страдаат и Албанците и Македонците. Многу брзо од денес и кексито и млекото ќе ти преседнат…“, му порача Мицкоски на Ахмети во својата објава.

„РАСТЕН СИ СО ГУРАБИИ И СО КЕКСИ, МЕРИ ГИ ЗБОРОВИТЕ“ Ахмети му порача на Мицкоски „да не предизвикува проблеми“

The post МНОГУ БРЗО ЌЕ ТИ ПРЕСЕДНАТ И МЛЕКОТО И КЕКСИТЕ Мицкоски му одговори на Ахмети за гурабиите appeared first on plusinfo.mk.

Германската калуѓерка Света Хилдегард од Бинген (1098-1179) не била само калуѓерка и игуменија на еден манастир, туку и исцелителка. Ја нарекуваат и чудо на 12.век, и тоа не само поради нејзината светост, туку и поради знаењето.

Била жена со генијална надареност, пишувала мистични и филозофски книги, поезија, но и книги кои се однесуваат на прашања поврзани со менталното и физичкото здравје, како и рецепти за лекување на истите.

Рецептите за кекси за концентрација, против депресија, мрзоволие и за чистење на крвта и за виното за болно срце побарајте ги на порталот „Арт кујна“.

The post КЕКСИ ЗА ДЕПРЕСИЈА И ЗА ЧИСТЕЊЕ НА КРВТА, ВИНО ЗА БОЛНО СРЦЕ Лековити рецепти на Света Хилдегард appeared first on plusinfo.mk.

На пример, кај нас дома тие беа речиси задолжително присутни секогаш како резервна варијанта, ако немаме ништо домашно или ако дојдат ненајавени гости. До ден денес овие кекси ги спојувам според формата, квадратче со квадратче, „срце со срце“, долгнавесто со долгнавесто и ги јадам како сендвичи.

Можеби и вие имате некој специфичен начин на кој ги јадете, но ако сте од генерациите кои пораснаа во поранешната држава, сигурно ви се многу добро познати. Дали некогаш сте се запрашале кој беше нивниот творец?

Повеќе за ова на порталот „Арт кујна“

The post ПОЧИНА ТВОРЕЦОТ НА НАЈПОЗНАТИТЕ ЈУГОСЛОВЕНСКИ КЕКСИ Кој беше првиот образован кексар во СФРЈ? appeared first on plusinfo.mk.